.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1026)

Topic: Tuhada Apna
Sort
First < 3 4 5 6 7 > Last
Facebookdel.icio.usStumbleUponDiggGoogle+TwitterLinkedIn
Gravatar
Gursharn Singh Dhillon (Ajax, Canada)
ਇੰਜ ਦਰਸਨ ਸਿੰਘ ਖਾਲਸਾ ਜੀ, ਸਤਿ ਸ੍ਰੀ ਅਕਾਲ।
ਵੀਰ ਜੀ, ਇਸ ਪੋਸਟ ਤੋਂ ਪਹਿਲਾਂ ਆਪ ਪਾਸੋਂ ਜਿਹੜੀ ਜਾਣਕਾਰੀ ਮੰਗੀ ਸੀ, ਉਸ ਵਿੱਚ ਗੁਰਬਾਣੀ ਦੀਆਂ ਪੰਗਤੀਆਂ ਵੱਧ ਕਾਪੀ ਪੇਸਟ ਹੋ ਗਈਆਂ ਸਨ । ਸੋ, ਇਹ ਦੁਬਾਰਾ ਭੇਜ ਰਿਹਾ ਹਾਂ ।
ਸੋ, ਕੀ ਆਪ ਦਾ ਮੰਨਣਾ ਹੈ ਕਿ ਇਹ ਪੰਗਤੀਆਂ, "ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ" ॥ ਅਤੇ "ਸਹਸ ਅਠਾਰਹ ਕਹਨਿ ਕਤੇਬਾ ਅਸੁਲੂ ਇਕੁ ਧਾਤੁ” ॥ ਹਿੰਦੂ ਅਤੇ ਮੁਸਲਮਾਨ ਧਰਮ ਗ੍ਰੰਥਾਂ ਵਿੱਚ ਨਹੀਂ ਹਨ ? ਇਹ ਦੱਸਣ ਦੀ ਖੇਚਲ ਕਰਨੀ ।
ਸਤਿਕਾਰ ਸਹਿਤ,
ਗੁਰਸ਼ਰਨ ਸਿੰਘ ਕਸੇਲ
21st July 2018 2:19pm
Gravatar
Gursharn Singh Dhillon (Ajax, Canada)
ਇੰਜ ਦਰਸਨ ਸਿੰਘ ਖਾਲਸਾ ਜੀ, ਸਤਿ ਸ੍ਰੀ ਅਕਾਲ।
ਵੀਰ ਜੀ, ਕੀ ਆਪ ਦਾ ਮੰਨਣਾ ਹੈ ਕਿ ਇਹ ਪੰਗਤੀਆਂ, "ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥ ਓੜਕ ਓੜਕ ਭਾਲਿ ਥਕੇ ਵੇਦ ਕਹਨਿ ਇਕ ਵਾਤ ॥ ਸਹਸ ਅਠਾਰਹ ਕਹਨਿ ਕਤੇਬਾ ਅਸੁਲੂ ਇਕੁ ਧਾਤੁ" ॥ ਕੀ ਇਹ ਪੰਗਤੀਆਂ ਪਹਿਲਾਂ ਹਿੰਦੂ ਅਤੇ ਮੁਸਲਮਾਨ ਧਰਮ ਗ੍ਰੰਥਾਂ ਵਿੱਚ ਨਹੀਂ ਹਨ ? ਇਹ ਦੱਸਣ ਦੀ ਖੇਚਲ ਕਰਨੀ ।
ਸਤਿਕਾਰ ਸਹਿਤ, ਗੁਰਸ਼ਰਨ ਸਿੰਘ ਕਸੇਲ
21st July 2018 5:50am
Gravatar
Eng Darshan Singh Khalsa (Sydney, Australia)
ਗੁਰੂੁ ਪਿਆਰਿਉ ! ਜਪੁਜੀ ਸਾਹਿਬ ਦੀ 22 ਪਉੜੀ ਵਿਚ ਪਹਿਲੀ ਪੰਕਤੀ “ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ” ਵਿਚ ਲਫ਼ਜ ‘ਲਖ’ ਦਾ ਇਸ਼ਾਰਾ ‘ਜਾਨਣ, ਲਖਣਾ’ ਵੱਲ ਹੈ ,

ਜਾਂ ‘ਲੱਖ’ ਨੰਬਰ ਵੱਲ ਹੈ।

ਬ੍ਰਹਿਮੰਡ ਵਿਚ ਤਾਂ ਇਸ ਗਿਣਤੀ ਦੇ ਨੰਬਰ ‘ਲਖ’ ਦੀ ਕੋਈ ਬੁੱਕਤ ਹੀ ਨਹੀਂ।

ਕਿਉਂਕਿ ਬ੍ਰਹਿਮੰਡ ਇਹ ਪਤਾਲਾਂ-ਆਗਾਸਾਂ ਦੀ ਇਹ ਗਿਣਤੀ ਤਾਂ ਅਰਬਾਂ-ਖਰਬਾਂ ਤੋਂ ਵੀ ਅੱਗੇ ਦੀ ਹੋਵੇਗੀ।

ਆਮ ਅਰਥ ਤਾਂ ‘ਲੱਖ’ ਨੰਬਰ ਹੀ ਕੀਤੇ ਜਾਂਦੇ ਹਨ। ਜੋ ਹਜ਼ਮ ਨਹੀਂ ਹੋ ਰਹੇ।

ਪਉੜੀ ਵਿਚ ਗੱਲ ਤਾਂ ਵਿਸ਼ਾਲਤਾ ਦੀ ਹੋ ਰਹੀ ਹੈ। ਕਿ ਵੇਦ ਅਤੇ ਕਤੇਬ ਵੀ ਉਸਦੀ ਵਿਸ਼ਾਲਤਾ/ਅਨੰਤਤਾ ਦਾ ਅੰਤ ਨਹੀਂ ਪਾ ਸਕਦੇ।

ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥ ਓੜਕ ਓੜਕ ਭਾਲਿ ਥਕੇ ਵੇਦ ਕਹਨਿ ਇਕ ਵਾਤ ॥ ਸਹਸ ਅਠਾਰਹ ਕਹਨਿ ਕਤੇਬਾ ਅਸੁਲੂ ਇਕੁ ਧਾਤੁ ॥ ਲੇਖਾ ਹੋਇ ਤ ਲਿਖੀਐ ਲੇਖੈ ਹੋਇ ਵਿਣਾਸੁ ॥ ਨਾਨਕ ਵਡਾ ਆਖੀਐ ਆਪੇ ਜਾਣੈ ਆਪੁ ॥ ੨੨॥

ਸਾਰੇ ਵੀਰ ਭੈਣ ਆਪਣੇ-ਆਪਣੇ ਵਿਚਾਰ ਜਰੂਰ ਸਾਂਝੇ ਕਰਨ ਜੀ।

ਧੰਨਵਾਧ।
ਇੰਜ ਦਰਸਨ ਸਿੰਘ ਖਾਲਸਾ
ਅਸਟਰੇਲੀਆ
18th July 2018 12:28am
Gravatar
Baldev singh toronto (brampton ont, Canada)
ਵੀਰ ਦਰਸਨ ਸਿੰਘ ਖਾਲਸਾ ਜੀ
ਇਥੇ ਇਕ ਲੱਖ ਦੀ ਗੱਲ ਨਹੀ ਲਖ ਤੋਂ ਭਾਵ ਲੱਖਾਂ ਹੀ ਭਾਵ ਗਿਣਤੀ ਰਹਿਤ ਹੈ।
ਬਲਦੇਵ ਸਿੰਘ ਟੌਰਾਂਟੋ
20th July 2018 8:31am
Gravatar
Taranjit Parmar (Nanaimo, Canada)
ਸ:ਬਲਦੇਵ ਸਿੰਘ ਜੀ,ਬਿਲਕੁਲ ਸਹੀ,ੲਿਥੇ ਗਲ ਲਖਾਂ(ਅਨੰਤ)ਦੀ ਹੋ ਰਹੀ ਹੈ!
20th July 2018 9:47pm
Gravatar
Gursharn Singh Dhillon (Ajax, Canada)
ਇੰਜ ਦਰਸਨ ਸਿੰਘ ਖਾਲਸਾ ਜੀ, ਸਤਿ ਸ੍ਰੀ ਅਕਾਲ ।
ਬੇਨਤੀ ਹੈ ਕਿ ਪਹਿਲਾਂ ਇਹ ਵਿਚਾਰਨ ਵਾਲੀ ਗੱਲ ਹੈ ਕਿ ਕੀ "ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ" ਇਹ ਵਿਚਾਰ ਗੁਰੂ ਨਾਨਕ ਪਾਤਸ਼ਾਹ ਦੇ ਹਨ ਜਾਂ ਹਿੰਦੂ ਧਰਮ ਦੇ ਗ੍ਰੰਥਾਂ ਵਿੱਚ ਹਨ ਅਤੇ ਗੁਰੂ ਜੀ ਉਹ ਦੱਸ ਰਹੇ ਹਨ ? ਲੱਖਾਂ ਜਾਂ ਬੇਅੰਤ ਵਾਲੀ ਗੱਲ ਤਾਂ ਬਾਅਦ ਦੀ ਹੈ ।
ਸਤਿਕਾਰ ਸਹਿਤ,
ਗੁਰਸ਼ਰਨ ਸਿੰਘ ਕਸੇਲ
20th July 2018 1:06pm
Gravatar
Eng Darshan Singh Khalsa (Sydney, Australia)
** ਵੀਰ, ਬਲਦੇਵ ਸਿੰਘ ਟਰਾਂਟੋ ਜੀਉ ਅਤੇ ਵੀਰ ਗੁਰਸਰਨ ਸਿੰਘ ਜੀਉ, ਸਤਿ ਸ੍ਰੀ ਅਕਾਲ ਪ੍ਰਵਾਨ ਕਰਨਾ ਜੀ।
.. ਵੀਰ ਗੁਰਸਰਨ ਸਿੰਘ ਜੀ, ਬਿਨਾਂ ਸ਼ੱਕ, ਗੁਰਬਾਣੀ ਵਿਚ ਬਹੁਤਾਤ ਵਰਤਾਂਤ, ਵੇਰਵੇ, ਹਵਾਲੇ ਪੁਰਾਣੇ ਸਮੇਂ ਤੋਂ ਪ੍ਰਚੱਲਤ ਕਥਾ-ਕਹਾਣੀਆਂ ਦੇ ਹੀ ਹਨ।
.. ‘ਗੁਰਮੱਤ ਸਿਧਾਂਤ’, ਇਹਨਾਂ ਵੇਰਵਿਆਂ, ਹਵਾਲਿਆਂ ਦਾ ਜ਼ਿਕਰ ਕਰਕੇ ਆਖਿਰ ਵਿਚ ਆਪਣਾ ‘ਗੁਰਮੱਤ’ ਪੱਖ ਰੱਖਦਾ ਹੈ।
.. ਗੁਰੁੂ ਸਾਹਿਬ ਜੀ ਇਹੀ ਦੱਸਣਾ ਕਰ ਰਹੇ ਹਨ ਕਿ ਜਿੰਨੀਆਂ ਮਰਜ਼ੀ ਪਾਤਾਲਾਂ ਦੀਆਂ ਪਾਤਾਲਾਂ, ਆਗਾਸਾਂ ਦੇ ਆਗਾਸਾਂ ਨੂੰ ਜਾਨਣਾ ਕਰ ਲਉ, ਬੁੱਝਣਾ ਕਰ ਲਉ, ਖੋਜਣਾ ਕਰ ਲਉ, ਮਨੁੱਖ ਉਸ ਵੱਡੇ ਦਾ ਅੰਤ ਨਹੀਂ ਪਾ ਸਕਦੇ।
.. ਵੇਦਾਂ ਅਤੇ ਕਤੇਬਾਂ ਦਾ ਜ਼ਿਕਰ ਵੀ ਇਸੇ ਭਾਲ ਦਾ. ਖੋਜ਼ ਦਾ, ਬੁੱਝਣ ਦਾ, ਲੱਭਣ ਦਾ ਹਿੱਸਾ ਹੈ। ਜੋ ਅੰਤ ਵਿਚ ਥੱਕ ਗਏ, ਹਾਰ ਗਏ। ਵੱਡੇ ਅਕਾਲ-ਪੁਰਖ ਦਾ ਕੋਈ ਲੇਖਾ, ਕੋਈ ਸਿਰਾ ਨਹੀਂ ਪਾ ਸਕੇ, ਤਾਂ ਕੀ ਲੇਖਾ ਲਿਖਣਾ ਕਰਨਗੇ?
.. ਪਉੜੀ ਦੇ ਆਖਿਰ ਵਿਚ “ਨਾਨਕ ਵਡਾ ਆਖੀਐ ਆਪੇ ਜਾਣੈ ਆਪੁ” ਲਿਖ ਕੇ ਆਪਣਾ ਫੈਸਲਾ ਦੇ ਦਿੱਤਾ।

**** ਮੇਰੀ ਜਗਿਆਸਾ ਤਾਂ ਵੀਰ ਜੀ ਇਹ ਜਾਨਣਾ ਹੈ ਇਹ ‘ਲਖ’ ਦਾ ਇਸ਼ਾਰਾ ਜਾਨਣਾ ਹੈ, ਬੁੱਝਣਾ ਹੈ, ਲੱਭਣਾ ਹੈ, ਲੱਖਣਾ ਹੈ ਜਾਂ ਕਿ ਨੰਬਰ ਹੈ(ਇੱਕ ਵਚਨ ਜਾਂ ਬਹੁ ਵਚਨ)

.. 16 ਪਉੜੀ ਵਿਚ ਗੁਰੁ ਸਾਹਿਬ ਜੀ ਨੇ ਬ੍ਰਾਹਮਣ/ਪਾਂਡੇ ਦੇ ਖਿਆਲ ਦਾ ਜਵਾਬ ਦਿੰਦੇ ਕਹਿਆ ਹੈ;
“ਧਵਲੈ ਉਪਰਿ ਕੇਤਾ ਭਾਰੁ॥ ਧਰਤੀ ਹੋਰੁ ਪਰੈ ਹੋਰੁ ਹੋਰੁ॥ ਤਿਸ ਤੇ ਭਾਰੁ ਤਲੈ ਕਵਣੁ ਜੋਰੁ॥ 16॥
.. ਇਥੇ ਗੁਰੂੁ ਸਾਹਿਬ ਜੀ ਨੇ ਕੋਈ ਨੰਬਰ ਨਹੀਂ ਦਿੱਤਾ। ਬਲਕਿ ‘ਹੋਰੁ ਪਰੈ ਹੋੁਰ ਹੋਰੁ’ ਲਿਖ ਕੇ ਅਨੇਕਾਂ ਧਰਤੀਆਂ ਹੋਣ ਦਾ ਅਤੇ ਅਕਾਲ ਪੁਰਖ ਦੀ ਬੇਅੰਤਤਾ ਦਾ ਜ਼ਿਕਰ ਕਰਨਾ ਕੀਤਾ।
.. ਨਾਲ ਹੀ ਬ੍ਰਾਹਮਣ/ਪਾਂਡੇ ਨੂੰ ਸੁਆਲ ਕਰਨਾ ਕੀਤਾ ਕਿ ਉਹਨਾਂ ਹੋਰ ਧਰਤੀਆਂ ਨੂੰ ਕਿਸ ‘ਧਵਲੇ’ ਨੇ ਚੁੱਕਿਆ ਹੋਇਆ ਹੈ ??

** ‘ਗੁਰਬਾਣੀ’ ਕੇਵਲ ਬ੍ਰਾਹਮਣ/ਬਿਪਰ/ਪਾਂਡੇ/ਪੂਜਾਰੀ ਨੂੰ ਸੰਬੋਧਤ ਨਹੀਂ, ਬਲਕਿ ਸਾਡੇ ਅੱਜ ਵਾਸਤੇ ਵੀ ਹੈ, ਸਾਡੇ ਅੱਜ ਦੇ ਪੂਜਾਰੀ ਵਰਗ ਨੂੰ ਵੀ ਉਹਨਾਂ ਹੀ ਸੰਬੋਧਤ ਹੋ ਰਹੀ ਹੈ।
.. ** ਸੋ, ਮੇਰੀ ਸਮਝ ਦੇ ਅਨੁਸਾਰ ਇਸ ‘ਲਖ’ ਦਾ ਮਤਲਭ ਲੱਖਣਾ, ਬੁੱਝਣਾ, ਜਾਨਣਾ ਜਿਆਦਾ ਢੁੱਕਵਾਂ ਲੱਗਦਾ ਹੈ।
20th July 2018 8:56pm
Gravatar
Iqbal Singh Dhillon (Chandigarh, India)
ਸਤਿਕਾਰਯੋਗ ਸ. ਗੁਰਸ਼ਰਨ ਸਿੰਘ ਜੀ,

ਮੈਨੂੰ ਅਫਸੋਸ ਹੈ ਕਿ ਮੈਂ ਆਪ ਜੀ ਦੇ ਏਸੇ ਕਾਲਮ ਵਿਚ ਪਾਏ ਗਏ ਪੱਤਰ ਦਾ ਜਲਦੀ ਨਾਲ ਉੱਤਰ ਨਹੀਂ ਦੇ ਸਕਿਆ।

ਬੇਨਤੀ ਹੈ ਕਿ ‘ਜਪੁ ਬਾਣੀ’ ਦੀ 22ਵੀਂ ਪਉੜੀ ਵਿਚ ਗੁਰੂ ਨਾਨਕ ਜੀ ਨੇ ਵਿਗਿਆਨਕ ਨਜ਼ਰੀਏ ਤੋਂ ਵਿਚਾਰ ਦਿੱਤਾ ਹੈ ਅਤੇ ਕਿਸੇ ‘ਧਾਰਮਿਕ’ ਸਰੋਤ ਨੂੰ ਮਹੱਤਵ ਨਹੀਂ ਦਿੱਤਾ। ਏਥੇ ‘ਵੇਦ’ ਦਾ ਅਰਥ ਉਹਨਾਂ ਤਰਕ-ਅਧਾਰਿਤ ਗਿਆਨ ਵਾਲੇ ਗ੍ਰੰਥਾਂ ਤੋਂ ਹੈ ਜਿਹਨਾਂ ਵਿਚ ਇਹ ਦੱਸਿਆ ਗਿਆ ਹੈ ਕਿ ਬ੍ਰਹਮੰਡ ਵਿਚਲੇ ਸੂਰਜਾਂ, ਗ੍ਰਹਾਂ, ਅਕਾਸ਼ਾਂ, ਧਰਤੀਆਂ ਆਦਿਕ ਦੀ ਭਾਲ ਮਨੁੱਖ ਜਾਤੀ ਦੇ ਵੱਸ ਤੋਂ ਬਾਹਰ ਦੀ ਗੱਲ ਹੈ (ਹਿੰਦੂ ਮੱਤ ਦੇ ਵੇਦਾਂ ਵਿਚ ਤਾਂ ਦੇਵੀ-ਦੇਵਤਿਆਂ ਦੀ ਪੂਜਾ ਅਤੇ ਕਰਮ-ਕਾਂਡਾਂ ਸਬੰਧੀ ਜਾਣਕਾਰੀ ਸ਼ਾਮਲ ਹੈ, ਤਰਕ-ਅਧਾਰਿਤ ਗਿਆਨ ਸਬੰਧੀ ਨਹੀਂ)। ਗੁਰੂ ਨਾਨਕ ਜੀ ਨੇ ‘ਕਤੇਬਾਂ’ ਵਿਚ ਸ਼ਾਮਲ ਗਿਣਤੀ-ਮਿਣਤੀ ਦੀ ਗੱਲ ਦਾ ਹਵਾਲਾ ਬ੍ਰਹਮੰਡ ਸਬੰਧੀ ਲਾਏ ਜਾਂਦੇ ਕਿਆਫਿਆਂ ਨੂੰ ਨਿਰਾਧਾਰ ਸਾਬਤ ਕਰਨ ਲਈ ਕੇਵਲ ਉਦਾਹਰਨ ਵਜੋਂ ਦਿੱਤਾ ਹੈ (ਏਥੇ ‘ਕਤੇਬਾਂ’ ਨੂੰ ਧਾਰਮਿਕ ਗ੍ਰੰਥਾਂ ਦੇ ਤੌਰ ਤੇ ਨਹੀਂ ਸਗੋਂ ਅਟਕਲ-ਪੱਚੂ ਪੇਸ਼ ਕਰਨ ਵਾਲੇ ਗ੍ਰੰਥਾਂ ਦੇ ਤੌਰ ਤੇ ਲਿਆ ਗਿਆ ਹੈ)।

ਇਕਬਾਲ ਸਿੰਘ ਢਿੱਲੋਂ
ਚੰਡੀਗੜ੍ਹ
15th July 2018 4:26am
Gravatar
Gursharn Singh Dhillon (Ajax, Canada)
ਡਾ. ਇਕਬਾਲ ਸਿੰਘ ਢਿੱਲੋਂ ਜੀ, ਸਤਿ ਸ੍ਰੀ ਅਕਾਲ ।
ਆਪ ਜੀ ਦਾ ਬਹੁਤ-ਬਹੁਤ ਧੰਨਵਾਦ, ਜੋ ਤੁਸੀਂ ਜਪੁ ਜੀ ਸਾਹਿਬ ਵਿੱਚ ਆਈਆਂ “ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥ ਓੜਕ ਓੜਕ ਭਾਲਿ ਥਕੇ ਵੇਦ ਕਹਨਿ ਇਕ ਵਾਤ” ॥ ਬਾਰੇ ਆਪਣੇ ਕੀਮਤੀ ਵਿਚਾਰ ਦਿਤੇ ਹਨ ।
ਇਥੇ ‘ਸਿੱਖ ਮਾਰਗ’ ਤੇ ਹੀ ਕੁਝ ਸਾਲ ਪਹਿਲਾਂ ਇਹਨਾ ਪੰਗਤੀਆਂ ਦੀ ਗੱਲ ਵੀਰ ਸ੍ਰ ਬਲਦੇਵ ਸਿੰਘ ਟੋਰਾਂਟੋ ਹੁਰਾਂ ਨਾਲ ਹੋਈ ਸੀ । ਇਸ ਕਰਕੇ ਮੈਂ ਇੱਕ ਹਿੰਦੂ ਵਿਦਵਾਨ ਜਿਹੜਾ ਮੰਦਰ ਵਿੱਚ ਵਿਆਹ ਵੀ ਕਰਵਾਉਂਦਾ ਹੈ ਉਸ ਨਾਲ ਗੱਲ ਕੀਤੀ ਸੀ । ਉਸਨੇ ਦੱਸਿਆ ਸੀ ਕਿ “ਹਾਂ ਸਾਡੇ ਵੇਦਾ ਵਿੱਚ ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥ ਲਿਖਿਆ ਹੈ; ਪਰ ਹੁਣ ਮੈਂਨੂੰ ਇਹ ਯਾਦ ਨਹੀਂ ਹੈ ਕਿ ਕਿਸ ਵੇਦ ਵਿਚ ਹੈ” ।
ਸੋ, ਤੁਸੀਂ ਵਿਦਵਾਨ ਹੋ ਅਤੇ ਤੁਹਾਡੇ ਹਿੰਦੂ ਧਰਮ ਵਾਲੇ ਵਿਦਵਾਨ ਵੀ ਕਈ ਵਾਕਫ਼ ਹੋਣਗੇ, ਜੇਕਰ ਤੁਸੀਂ ਠੀਕ ਸਮਝੋ ਤਾਂ ਆਪ ਜਾਣਨ ਦੀ ਖੇਚਲ ਕਰਨੀ ਕਿ ਅਸਲ ਵਿੱਚ ਕੀ ਠੀਕ ਹੈ ।
ਆਪਣੀਆਂ ਨਵੀਆਂ ਕਿਤਾਬਾਂ ਬਾਰੇ ਵੀ ਜਾਣਕਾਰੀ ਦੇਣੀ ਕਿ ਕਿਥੋਂ ਮਿਲ ਸਕਦੀਆਂ ਹਨ ।
ਸਤਿਕਾਰ ਸਹਿਤ,
ਗੁਰਸ਼ਰਨ ਸਿੰਘ ਢਿੱਲੋਂ
15th July 2018 11:30am
Gravatar
Iqbal Singh Dhillon (Chandigarh, India)
S Gursharan Singh Dhillon ji,

You may please send your demand at my e-mail ID drisdhillon@yahoo.com and I will send the reply.

Iqbal Singh Dhillon
Chandigarh
21st July 2018 5:09am
Gravatar
Dr Dalvinder Singh Grewal (Ludhiana, India)
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਨੇਰੇ ਦੇ ਵਿਚ ਮਾਰੇਂ ਟਕਰਾਂ ਰਾਹ ਨਾ ਮਿਲਣਾ ਕੋਈ।
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
ਉਸ ਦੇ ਚਾਨਣ, ਉਸ ਦੇ ਨੇਰੇ, ਉਸ ਦੇ ਖੇਡ ਨਿਰਾਲੇ,
ਉਸ ਦੀਆਂ ਉਹ ਹੀ ਜਾਣੇ ਉਸਨੂੰ ਵਿਰਲੇ ਜਾਨਣ ਵਾਲੇ,
ਜਿਸਨੇ ਉਸ ਨੂੰ ਸਮਝਿਆ ਉਸਨੂੰ ਮਿਲ ਜਾਂਦੀ ਏ ਢੋਈ।
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
ਇਹ ਨੇਰੇ ਅਗਿਆਨ ਦੇ ਨੇਰੇ ਇਹ ਨੇਰੇ ਨਾ ਸਮਝਾਂ
ਜਾਨਣ ਵਾਲੇ ਦੇ ਲੜ ਲਗ ਜਾ, ਉਹ ਦਸੂਗਾ ਰਮਜ਼ਾਂ
ਗੁਰ, ਸਤਿਸੰਗਤ ਦੋਨੋਂ ਦਸਣ, ਇਕ ਰੂਹ ਤੋਂ ਅਰਜ਼ੋਈ
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
ਨਾਂ ਉਹ ਦਿਸਦਾ, ਨਾ ਉਹ ਮਿਲਦਾ, ਰਹਿੰਦਾ ਹੈ ਪਰ ਹੈ ਥਾਂ,
ਹਰ ਰੁਖ, ਪੌਦਾ ਜੀਵ-ਜੰਤ ਸਭ, ਤਾਪ ਠੰਢ ਸਭ ਧੁਪ ਛਾਂ ।
ਰਚਦਾ, ਆਪੇ, ਮੇਟੇ ਆਪੇ, ਖੇਡ ਰਚੀ ਸਭ ਹੋਈ।
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
ਬਾਹਰ ਭਾਲੇਂ, ਬੈਠਾ ਅੰਦਰ, ਸਮਝ ਨਾ ਏਨੀ ਆਈ,
ਜੇ ਤਕਣੈ, ਹਰ ਜੀ ਵਿਚ ਤਕ ਲੈ, ਕਿਉਂ ਐਂ ਭਟਕਣ ਲਾਈ।
ਉਸ ਦਾ ਅਨੁਭਵ ਉਸਨੂੰ ਹੋਵੇ, ਜੋ ਜਿੰਦ ਪਿਆਰ ਸਮੋਈ।
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
ਇਹ ਤਾਂ ਨੇ ਅਨੁਭਵ ਦੀਆਂ ਗਲਾਂ, ਇਹ ਨਾ ਤਨ ਦੇ ਸੌਦੇ,
ਦੁਖ ਸੁਖ ਆਨੰਦ ਚਿੰਤਾ ਗਮ ਤਾਂ ਮਨ ਤੋਂ ਜਨਮੇ ਪੌਦੇ।
ਚਾਰਾ ਇਕੋ ਰੂਹ ਅਪਣੀ ਨੂੰ ਉਸ ਵਿਚ ਰਖ ਪਰੋਈ।
ਉਸ ਦਾ ਨਾਮ ਜਪੀ ਜਾ ਆਪੇ ਰਾਹ ਦਸੂਗਾ ਸੋਈ।
14th July 2018 2:19pm
Gravatar
Makhan Singh Purewal (Quesnel, Canada)
ਸ: ਮਨੋਹਰ ਸਿੰਘ ਪੁਰੇਵਾਲ ਜੀ,
ਤੁਸੀਂ ਇਹ ਨਵੀਂ ਜਾਣਕਾਰੀ ਦਿੱਤੀ ਹੈ ਕਿ ਤੁਸੀਂ ਸਿਮਰਨਜੀਤ ਸਿੰਘ ਮਾਨ ਨਾਲ ਵੀ ਕੰਮ ਕੀਤਾ ਹੈ। ਮਾਨ ਤੇ ਕਈ ਝੂਠੇ ਪੁਲੀਸ ਮੁਕਾਬਲਿਆਂ ਦੇ ਦੋਸ਼ ਵੀ ਲਗਦੇ ਹਨ ਕਿ ਜਦੋਂ ਉਹ ਫਰੀਦਕੋਟ ਵਿੱਚ ਐੱਸ. ਐੱਸ. ਪੀ. ਸੀ ਤਾਂ ਉਸ ਨੇ ਇੱਕ ਗੁਰਦੁਆਰੇ ਵਿੱਚ ਚਾਰ ਬੰਦੇ ਗੋਲੀ ਚਲਾ ਕੇ ਮਾਰ ਦਿੱਤੇ ਸਨ। ਇਸ ਦੀ ਅਸਲੀਅਤ ਬਾਰੇ ਜੇ ਕਰ ਤੁਹਾਨੂੰ ਕੋਈ ਜਾਣਕਾਰੀ ਹੋਵੇ ਤਾਂ ਜਰੂਰ ਸਾਂਝੀ ਕਰਨੀ। ਮਾਨ ਜਦੋਂ ਪਹਿਲੀ ਵਾਰੀ ਸ਼ਾਇਦ 1989 ਦੀ ਗੱਲ ਹੈ ਕਿ ਇਹ ਸਭ ਤੋਂ ਵੱਧ ਵੋਟਾਂ ਲੈ ਕੇ ਐਮ. ਪੀ. ਬਣਿਆ ਸੀ। ਉਸ ਵੇਲੇ ਬਹੁਤ ਸਾਰੇ ਲੋਕ ਇਹ ਸਮਝਦੇ ਸਨ ਕਿ ਜੇ ਕੋਈ ਇਮਾਨਦਾਰ ਲੀਡਰ ਸਿੱਖਾਂ ਨੂੰ ਕੁੱਝ ਲੈ ਕੇ ਦੇ ਸਕਦਾ ਹੈ ਤਾਂ ਇਹ ਮਾਨ ਹੀ ਹੈ। ਬਹੁਤ ਸਾਰੇ ਅਕਾਲੀ ਇਸ ਦੇ ਮਗਰ ਲੱਗ ਕੇ ਚੱਲਣ ਲਈ ਤਿਆਰ ਸਨ। ਉਸ ਵੇਲੇ ਪਤਾ ਇਹ ਕੀ ਬਿਆਨ ਦਿੰਦਾ ਹੁੰਦਾ ਸੀ? ਇਹ ਕਹਿੰਦਾ ਸੀ ਕਿ ਜਿਸ ਕਿਸੇ ਨੇ ਵੀ ਮੇਰੇ ਨਾਲ ਏਕਤਾ ਕਰਨੀ ਹੈ ਉਸ ਨੂੰ ਧਾਰਮਿਕ ਸੇਧ ਬਾਬਾ ਠਾਕਰ ਸਿੰਘ ਤੋਂ ਲੈਣੀ ਪਵੇਗੀ। ਭਾਵ ਕਿ ਧਰਮ ਦੇ ਨਾਮ ਤੇ ਆਪਣਾ ਦਿਮਾਗ ਬੰਦ ਕਰਕੇ ਕਰਮਕਾਂਡ ਅਤੇ ਪਖੰਡ ਰੱਜ ਕੇ ਕਰਕੇ ਪੈਣਗੇ। ਮੈਂ ਉਸੇ ਵੇਲੇ ਸਮਝ ਗਿਆ ਸੀ ਕਿ ਇਹ ਬੰਦਾ ਜਾਂ ਤਾਂ ਮਾਨਸਿਕ ਰੋਗੀ ਹੈ ਅਤੇ ਜਾਂ ਫਿਰ ਹੋਰ ਕੋਈ ਕਾਰਨ ਹੈ। ਜਿਸ ਇਨਸਾਨੀਅਤ ਤੋਂ ਗਿਰੇ ਹੋਏ ਸਾਧ ਨੇ ਗੁਰਦੁਆਰੇ ਵਿੱਚ ਲੁਕ ਕੇ ਹਿੰਸਾਤਮਕ ਕਾਰਵਾਈਆਂ ਕੀਤੀਆਂ ਅਤੇ ਗੁਰਦੁਆਰੇ ਢੁਆਉਣ ਦਾ ਕਾਰਨ ਬਣਿਆ ਉਸ ਨੂੰ ਇਹ ਰਾਖਾ ਦੱਸ ਕੇ ਉਸ ਦਾ ਜਨਮ ਦਿਨ ਮਨਾ ਰਹੇ ਹਨ। ਇਸ ਦੇ ਬਹੁਤ ਸਾਰੇ ਬਿਆਨ ਆਪਾ-ਵਿਰੋਧੀ ਹੁੰਦੇ ਹਨ। ਮਾਨ ਅਤੇ ਇਸ ਦੇ ਸਾਥੀ, ਦਸਮ ਗ੍ਰੰਥ ਦੇ ਕੂੜ ਅਤੇ ਪਖੰਡੀ ਸਾਧਾਂ ਦੇ ਹਮਾਇਤੀ ਅਤੇ ਰਾਖੇ ਹਨ। ਇਸੇ ਤਰ੍ਹਾਂ ਦਾ ਹੀ ਇਹ ਕੂੜ ਅਤੇ ਪਖੰਡਸਥਾਨ ਮੰਗਦੇ ਹਨ ਜਿਸ ਨੂੰ ਇਹ ਖਾਲਿਸਥਾਨ ਕਹਿੰਦੇ ਹਨ।
14th July 2018 5:21am
Gravatar
Manohar Singh Purewal (Wolverhampton, UK)
ਮੱਖਣ ਸਿੰਘ ਜੀ ਮੈਂ ਮਾਨ ਦੇ ਨਾਲ ਜਦੋਂ ਕੰਮ ਕੀਤਾ ਸੀ ਉਸ ਵੇਲੇ ਉਹ ਵਿਜੀਲੈਂਸ ਵਿੱਚ ਡੀ ਆਈ ਜੀ ਸੀ ਅਤੇ ਮੈਂ ਆਬਕਾਰੀ ਅਤੇ ਕਰ ਮਾਮਲਿਆਂ ਦੇ ਮਾਹਰ ਅਫ਼ਸਰ ਦੇ ਤੌਰ ਤੇ ਵਿਜੀਲੈਂਸ ਵਿੱਚ ਸਾਂ। ਮੈਂ ਕੁੱਝ ਹਫਤਿਆਂ ਬਾਅਦ ਹੀ ਉਸ ਮਹਿਕਮੇ ਵਿੱਚੋਂ ਬਦਲੀ ਕਰਵਾ ਕੇ ਆਪਣੇ ਮਹਿਕਮੇ ਵਿੱਚ ਆ ਗਿਆ ਸੀ।ਇਸ ਕਰਕੇ ਮੈਂਨੂੰ ਉਸ ਦੇ ਪੁਲੀਸ ਅਫਸਰ ਹੁੰਦੇ ਦੇ ਮੰਦੇ ਚੰਗੇ ਕੰਮਾਂ ਵਾਰੇ ਗਿਆਨ ਨਹੀਂ ਹੈ।੧੯੭੯ ਸਾਲ ਅਪਰੈਲ ਦੇ ਮਹੀਨੇ ਮੈਂ ਵਾਪਸ ਇੰਗਲੈਂਡ ਆ ਗਿਆ ਸੀ ਇਸ ਕਰਕੇ ਭਾਰਤ ਵਿੱਚ ਕੀ ਹੋਇਆ ਉਸ ਵਾਰੇ ਕੋਈ ਅੱਖੀਂ ਦੇਖਿਆ ਗਿਆਨ ਨਹੀਂ ਹੈ।
15th July 2018 9:56pm
Gravatar
Makhan Singh Purewal (Quesnel, Canada)
ਸ: ਮਨੋਹਰ ਸਿੰਘ ਪੁਰੇਵਾਲ ਜੀ,
ਆਪ ਨੇ ਜੋ ਵੀ ਜਾਣਕਾਰੀ ਦਿੱਤੀ ਹੈ ਉਸ ਅਨੁਸਾਰ ਤੁਹਾਨੂੰ ਅਸਲੀਅਤ ਬਾਰੇ ਜਾਣਕਾਰੀ ਨਹੀਂ ਹੋ ਸਕਦੀ ਕਿਉਂਕਿ ਤੁਸੀਂ ਮਾਨ ਨਾਲ ਥੋੜਾ ਚਿਰ ਹੀ ਕੰਮ ਕੀਤਾ ਸੀ। ਮਾਨ ਨੇ ਗੁਰਦੁਆਰੇ ਵਿੱਚ ਜਿਹੜੇ ਚਾਰ ਬੰਦੇ ਮਾਰੇ ਸੀ ਉਸ ਬਾਰੇ ਕੋਈ ਕਹਿੰਦਾ ਹੈ ਕਿ ਨਿਹੰਗ ਸਿੰਘ ਸਨ ਅਤੇ ਕੋਈ ਕਹਿੰਦਾ ਹੈ ਕਿ ਉਹ ਨੈਕਸਲਾਈਟ ਸਨ। ਜੋ ਵੀ ਹੋਣਗੇ ਇਨਸਾਨ ਹੀ ਹੋਣਗੇ। ਕਈ ਤਾਂ ਇਹ ਵੀ ਕਹਿੰਦੇ ਹਨ ਕਿ ਝੂਠੇ ਪੁਲੀਸ ਮੁਕਾਬਲਿਆਂ ਦੀ ਸ਼ੁਰੂਆਤ ਇਸ ਮਾਨ ਨੇ ਹੀ ਕੀਤੀ ਸੀ। ਇਸ ਬਾਰੇ ਅਸਲੀਅਤ ਕੀ ਹੈ ਸ਼ਾਇਦ ਕਦੀ ਨਾ ਕਦੀ ਅਸਲੀਅਤ ਸਾਹਮਣੇ ਆ ਹੀ ਜਾਵੇ। ਜਿਹੜੇ ਪੁਲੀਸ ਅਫਸਰ/ਸਿਪਾਹੀ ਉਸ ਵੇਲੇ ਮਾਨ ਦੇ ਨਾਲ ਸਨ ਸ਼ਾਇਦ ਉਹਨਾ ਵਿਚੋਂ ਜੇ ਕਰ ਕੋਈ ਜਿਉਂਦਾ ਹੋਵੇ ਤਾਂ ਅਸਲੀਅਤ ਦੱਸ ਸਕਦਾ ਹੈ। ਜਵਾਬ ਦੇਣ ਲਈ ਧੰਨਵਾਦ।
17th July 2018 3:59pm
Gravatar
Sarbjit Singh (sacramrnto, US)
ਡਾ ਹਰਜਿੰਦਰ ਸਿੰਘ ਦਿਲਗੀਰ ਜੀ,
ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਿਹ।
ਵਿਸ਼ਾ:- ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ ਦੀ ਤਾਰੀਖ

ਡਾ ਹਰਜਿੰਦਰ ਸਿੰਘ ਦਿਲਗੀਰ ਜੀ, ਭਾਵੇ ਤੁਸੀਂ ਵੀ ਅਨੁਰਾਗ ਸਿੰਘ ਵਾਂਗੂ ਮੇਰੇ ਤੇ ਪਾਬੰਦੀ ਲਾਈ ਹੈ ਪਰ ਫੇਰ ਵੀ ਤੁਹਾਡੀ 10 ਜੁਲਾਈ 2018, ਦਿਨ ਮੰਗਲਵਾਰ ਵਾਲੀ ਪੋਸਟ, ਜੋ ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ ਦੀ ਤਾਰੀਖ ਸਬੰਧੀ ਹੈ, ਆਪਣੇ ਸਾਂਝੇ ਸੱਜਣਾ ਰਾਹੀ (ਦੋ ਸੱਜਣਾ ਵੱਲੋਂ) ਲੱਗ ਭੱਗ ਚਾਰ ਘੰਟਿਆਂ ਪਿਛੋਂ ਹੀ ਤੁਹਾਡੀ ਪੋਸਟ ਅਤੇ ਕੈਲੰਡਰ ਮੇਰੇ ਪਾਸ ਪੁੱਜ ਗਏ ਸਨ। ਦੱਸੋ ਤੁਹਾਨੂੰ ਮੇਰੇ ਤੇ ਪਾਬੰਦੀ ਲਾਉਣ ਦਾ ਕੀ ਲਾਭ ਹੋਇਆ?

ਤੁਹਾਡੇ ਵੱਲੋਂ ਉਠਾਏ ਗਏ 6 ਨੁਕਤਿਆਂ ਸਬੰਧੀ ਮੇਰੇ ਵਿਚਾਰ ਹੇਠ ਲਿਖੇ ਅਨੁਸਾਰ ਹਨ;

(1) ਪਾਲ ਸਿੰਘ ਪੁਰੇਵਾਲ ਨੇ ਪਹਿਲਾਂ ਤਾਂ ਭਾਰਤ ਸਰਕਾਰ ਦੇ ਸ਼ਾਕਾ ਸੰਮਤ ਵਿਚ ਸੰਗਰਾਂਦਾਂ ਵਿਚ 7-8 ਦਿਨ ਦਾ ਫ਼ਰਕ ਪਾ ਲੇ ਉਸ ਨੂੰ ਸ਼ਖੌਤੀ 'ਨਾਨਕਸ਼ਾਹੀ ਕੈਲੰਡਰ' ਬਣਾ ਕੇ ਗੁਰੂ ਨਾਨਕ ਸਾਹਿਬ ਦੀ ਬੇਇਜ਼ਤੀ ਵੀ ਕੀਤੀ, ਸਿੱਖਾਂ ਨਾਲ ਧੋਖਾ ਵੀ ਕੀਤਾ ਅਤੇ ਪੰਥ ਵਿਚ ਫੁੱਟ ਵੀ ਪਾਈ।
ਵਿਚਾਰ:- ਸਾਕਾ ਕੈਲੰਡਰ ਬਾਰੇ ਮੈਂ ਇਸੇ ਸਾਲ, 29 ਮਾਰਚ 2018 ਈ: ਦਿਨ ਵੀਰਵਾਰ ਨੂੰ ਤੁਹਾਡੀ ਪੋਸਟ ਦੇ ਜਵਾਬ ਵਿਚ ਬਹੁਤ ਵਿਸਥਾਰ ਨਾਲ ਲਿਖਿਆ ਸੀ। ਕੀ ਉਸ ਨਾਲ ਤੁਹਾਡੀ ਤਸੱਲੀ ਨਹੀਂ ਸੀ ਹੋਈ? ਜੇ ਤਸੱਲੀ ਨਹੀਂ ਸੀ ਹੋਈ ਤਾਂ ਤੁਸੀਂ ਮੁੜ ਸਵਾਲ ਕਿਉਂ ਨਹੀਂ ਕੀਤਾ? ਜਦੋਂ ਕਿ ਮੈਂ ਬੜੇ ਸਪੱਸ਼ਟ ਸ਼ਬਦਾਂ ਵਿੱਚ ਲਿਖਿਆ ਸੀ ਕਿ, “ਜੇ ਤੁਹਾਡਾ ਸਵਾਲ ਜਾਂ ਸ਼ੰਕਾ ਹੋਇਆ ਤਾਂ ਮੁੜਦੀ ਡਾਕੇ ਹੀ ਲਿਖ ਭੇਜਣ ਦੀ ਖੇਚਲ ਕਰਨੀ ਜੀ”। ਮੇਰਾ ਉਹ ਪੱਤਰ (29 ਮਾਰਚ 2018) ਨੂੰ ਧਿਆਨ ਨਾਲ ਪੜ੍ਹੋ ਜੇ ਕੋਈ ਗੱਲ ਸਮਝ ਨਾ ਆਵੇ ਤਾਂ ਲਿਖ ਭੇਜਣਾ। ਰਹੀ ਗੱਲ ਨਾਨਕ ਸਾਹਿਬ ਦੀ ਬੇਇਜ਼ਤੀ ਅਤੇ ਸਿੱਖਾਂ ਨਾਲ ਧੋਖੇ ਦੀ। ਇਹ ਨਾਨਕਸ਼ਾਹੀ ਕੈਲੰਡਰ ਨੇ ਨਹੀ ਸਗੋਂ ਖ਼ੁਦ ਦਿਲਗੀਰ ਨੇ ਕੀਤਾ ਸੀ ਜਦੋਂ ਉਸ ਨੇ ਜਨਵਰੀ ਨੂੰ ਕੱਟ ਕੇ “ਨਾਨਕ ਮਾਹ” ਲਿਖਿਆ ਸੀ।

(2) ਭੇਡਾਂ ਕਿਸਮ ਦੇ ਲੋਕ ਉਸ ਦੇ ਪਿੱਛੇ ਲਗ ਪਏ ਅਤੇ ਸਿੱਖਾਂ ਦਾ 90% ਸਾਮਾਂ ਤੇ ਤਾਕਤ ਇਸ ਜੂਠੇ ਕੈਲੰਡਰ ਪਿੱਛੇ ਲਾ ਕੇ ਕੋਮ ਦਾ ਬਹੁਤ ਨੁਕਸਾਨ ਕੀਤਾ ਤੇ ਅਜੇ ਵੀ ਕਰ ਰਹੇ ਹਨ।
ਵਿਚਾਰ:- ਦਿਲਗੀਰ ਜੀ, ਤੁਸੀਂ ਪਿਛਲੇ ਦੋ ਦਹਾਕਿਆਂ ਤੋਂ ਪਾਲ ਸਿੰਘ ਪੁਰੇਵਾਲ ਵੱਲੋਂ ਖਿੱਚੀ ਗਈ ਲਕੀਰ ਨੂੰ ਮਿਟਾਉਣ ਦਾ ਅਸਫਲ ਯਤਨ ਕਰਕੇ ਕੌਮ ਦੀ ਕੀ ਸੇਵਾ ਕਰ ਰਹੇ ਹੋ? ਜਾਣਕਾਰੀ ਦੇਣ ਦੀ ਖੇਚਲ ਕਰਨੀ ਜੀ।
(3) ਪਰ ਹੁਣ ਇਕ ਨਵੀਂ ਸਾਜ਼ਿਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ (ਇਹ ਡੱਬੀ ਵੇਖੋ)। ਇਸ ਰਾਹੀਂ ਇਕ ਨਵਾਂ ਪਰਚਾਰ ਸ਼ੁਰੂ ਕੀਤਾ ਜਾ ਰਿਹਾ ਹੈ ਕਿ ਭਾਈ ਮਨੀ ਸਿੰਘ ਦੀ ਸ਼ਹੀਦੀ 25 ਹਾੜ 1734 ਦੇ ਦਿਨ ਹੋਈ ਸੀ ਤੇ ਉਸ ਦਿਨ 9 ਜੁਲਾਈ ਸੀ। ਪਹਿਲੀ ਗੱਲ ਤਾਂ ਇਹ ਪਰਚਾਰ ਕਰਨ ਵਾਲੇ ਨੂੰ ਇਹ ਵੀ ਨਹੀਂ ਪਤਾ ਕਿ 25 ਹਾੜ 1734 ਨਹੀਂ ਬਲਕਿ ਬਿਕਰਮੀ ਸੰਮਤ 1791 ਸੀ। ਦੂਜਾ ਪੁਰੇਵਾਲ ਦੀ ਆਪਣੀ ਜੰਤਰੀ ਵਿਚ ਸਫ਼ਾ 266 'ਤੇ 25 ਹਾੜ 1791 ਦੀ ਤਾਰੀਖ਼ 24 ਜੂਨ 1734 ਕੱਢੀ ਹੋਈ ਹੈ।
ਵਿਚਾਰ:- ਚਲੋ ਜੇ ਕਿਸੇ ਅਣਜਾਣ ਵਿਅਕਤੀ ਨੇ , ਜਿਸ ਦਾ ਤੁਸੀਂ ਕੋਈ ਹਵਾਲਾ ਨਹੀ ਦਿੱਤਾ (ਹੋ ਸਕਦਾ ਹੈ ਤੁਸੀਂ ਆਪ ਹੀ ਇਹ ਗੱਲ ਬਣਾਈ ਹੋਵੇ) 25 ਹਾੜ 1791 ਨੂੰ 25 ਹਾੜ 1734 ਕਹਿ ਦਿੱਤਾ ਤਾਂ ਕੀ ਲੋੜ੍ਹਾ ਆ ਗਿਆ? ਇਥੇ ਤਾਂ ਤੁਹਾਡੇ ਵਰਗੇ ਦੁਨਿਆਵੀ ਡਿਗਰੀਆਂ ਨਾਲ ਸ਼ਿੰਗਾਰੇ ਹੋਈ ਇਤਿਹਾਸਕਾਰ ਵੀ ਜੂਲੀਅਨ ਅਤੇ ਗਰੈਗੋਰੀਅਨ ਕੈਲੰਡਰ ਦੇ ਫਰਕ ਨੂੰ ਸਮਝੇ ਬਗੈਰ ਹੀ ਹਨੇਰਾ ਢੋਈ ਜਾ ਰਹੇ ਹਨ। ਤੁਹਾਡੇ ਸ਼ਬਦ, “ਦੂਜਾ ਪੁਰੇਵਾਲ ਦੀ ਆਪਣੀ ਜੰਤਰੀ ਵਿਚ ਸਫ਼ਾ 266 'ਤੇ 25 ਹਾੜ 1791 ਦੀ ਤਾਰੀਖ਼ 24 ਜੂਨ 1734 ਕੱਢੀ ਹੋਈ ਹੈ”। ਦਿਲਗੀਰ ਜੀ ਤੂਹਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ 2 ਸਤੰਬਰ 1752 ਈ: ਤੋਂ ਪਹਿਲੀਆਂ ਤਾਰੀਖ਼ਾਂ ਜੂਲੀਅਨ ਕੈਲੰਡਰ ਦੀਆਂ ਹਨ। ਅੱਜ ਗਰੈਗੋਰੀਅਨ ਕੈਲੰਡਰ ਲਾਗੂ ਹੈ।
(4) ਇਤਿਹਾਸ ਦੀਆਂ ਹਜ਼ਾਰਾਂ ਕਿਤਾਬਾਂ ਵਿਚੋਂ ਕਿਸੇ ਵੀ ਕਿਤਾਬ ਵਿਚ 9 ਜੁਲਾਈ ਨਹੀਂ ਬਲਕਿ 24 ਜੂਨ 1734 ਮਿਲੇਗੀ ਤੇ ਜਿਹੜਾ ਇਨ੍ਹਾਂ ਪੁਰੇਵਾਲ ਦੀਆਂ ਭੇਡਾਂ ਦੀਆਂ ਤਾਰੀਖ਼ਾਂ ਪੜ੍ਹੇਗਾ ਉਹ ਉਲਝਣ ਵਿਚ ਪਏਗਾ। ਇਹ ਸਾਜ਼ਿਸ਼ ਬਹੁਤ ਖ਼ਤਰਨਾਕ ਹੈ। ਇਸ ਨਾਲ ਹਿਸਟਰੀ ਦੀਆਂ ਕਿਤਾਬਾਂ ਵਾਸਤੇ ਜ਼ਬਰਦਸਤ ਭੁਲੇਖੇ ਪੈਣਗੇ ਅਤੇ ਲੋਕ ਸਿੱਖ ਹਿਸਟਰੀ ਨੂੰ ਮਜ਼ਾਕ ਕਰਿਆ ਕਰਨਗੇ।
ਵਿਚਾਰ:- ਦਿਲਗੀਰ ਜੀ, 24 ਜੂਨ 1734 ਕਿਹੜੇ ਕੈਲੰਡਰ ਦੀ ਤਾਰੀਖ ਹੈ? ਇਹ ਕੈਲੰਡਰ ਆਪਣੇ ਖ਼ਿੱਤੇ ਵਿੱਚ ਕਦੋਂ ਤੋਂ ਲਾਗੂ ਹੈ?
(5) ਹਿਸਟਰੀ ਵਿਗੜਨ ਦੀ ਇਸ ਨਵੀਂ ਸਾਜ਼ਿਸ਼ ਕਾਰਨ ਪੁਰੇਵਾਲ ਦਾ ਨਾਂ ਸਿੱਖ ਇਤਿਹਾਸ ਵਿਚ ਕਾਲੇ ਅੱਖਰਾਂ ਨਾਲ ਲਿਖਿਆ ਜਾਏਗਾ।
ਵਿਚਾਰ:- ਹਿਸਰਟੀ ਕੈਲੰਡਰ ਬਣਾਉਣ ਵਾਲੇ ਨੇ ਨਹੀਂ, ਤੁਹਾਡੇ ਵਰਗੇ ਹਿਸਰਟੀ ਲਿਖਣ ਵਾਲੇ ਵਿਗਾੜ ਰਹੇ ਹਨ। ਜਿਹੜੇ ਆਪਣੇ ਇਤਿਹਾਸ ਦੀਆਂ ਤਾਰੀਖ਼ਾਂ ਉਸ ਕੈਲੰਡਰ ਵਿਚ ਲਿਖ ਰਹੇ ਹਨ ਜੋ ਕਦੇ ਆਪਣੇ ਖਿਤੇ ਵਿਚ ਲਾਗੂ ਹੀ ਨਹੀ ਹੋਇਆ। ਕੀ ਇਹ ਸੱਚ ਨਹੀ ਹੈ ਕਿ ਜਦੋਂ ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ ਹੋਈ ਸੀ ਉਸ ਦਿਨ 25 ਹਾੜ ਸੀ?
ਹਾੜ ਸੁਦੀ ਪੰਚਮ ਤਿੱਥ ਆਹੀ ਸਤ੍ਰਰ ਸੈ ਇਕਾਨਵੇਂ ਮਾਹੀ।
ਕੈਲੰਡਰ ਕਮੇਟੀ ਵੱਲੋਂ ਕੀਤੇ ਗਏ ਫੈਸਲੇ, “ਤਿੱਥਾਂ ਨੂੰ ਨਾਨਕਸ਼ਾਹੀ ਕੈਲੰਡਰ ਵਿੱਚ ਬਦਲ ਲਈ ਅੰਗਰੇਜੀ ਤਾਰੀਖ਼ਾਂ ਨੂੰ ਨਹੀ ਪ੍ਰਵਿਸ਼ਟਿਆਂ ਨੂੰ ਮੁੱਖ ਰੱਖਿਆ ਜਾਵੇਗਾ” ਮੁਤਾਬਕ 25 ਹਾੜ ਨੂੰ ਮੁੱਖ ਰੱਖਿਆ ਗਿਆ ਹੈ। ਦੱਸੋ ਇਤਹਾਸ ਕਿਵੇਂ ਵਿਗੜ ਗਿਆ ?
(6) ਫ਼ੇਸਬੁਕ 'ਤੇ ਮੇਰੇ 'ਫ਼ਰੈਂਡਾਂ' ਵਿਚੋਂ ਜੋ ਤਵਾਰੀਖ਼ ਦਾ ਰੇਪ ਕਰੇਗਾ ਮੈਂ ਉਸ ਨੂੰ ਦੋਸਤਾਂ ਦੀ ਸੂਚੀ ਵਿਚੋਂ ਬਲਾੱਕ ਕਰ ਦੇਵਾਂਗਾ।
ਵਿਚਾਰ:- ਦਿਲਗੀਰ ਜੀ, ਤਵਾਰੀਖ਼ ਨਾਲ ਰੇਪ ਤਾਂ ਤੁਸੀਂ ਖ਼ੁਦ ਕੀਤਾ ਹੈ। ਤੁਹਾਨੂੰ ਇਥੇ ਇਹ ਲਿਖਣਾ ਚਾਹੀਦਾ ਸੀ ਕਿ “ਜਿਹੜਾ ਮੇਰੇ ਵੱਲੋਂ ਤਵਾਰੀਖ਼ ਨਾਲ ਕੀਤੇ ਗਏ ਰੇਪ ਬਾਰੇ ਸ਼ੰਕਾ ਕਰੇਗਾ, ਮੈਂ ਉਸ ਨੂੰ ਬਲਾਕ ਕਰ ਦੇਵਾਂਗਾ”।
ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ, ਉਸ ਵੇਲੇ ਦੇ ਆਪਣੇ ਖਿੱਤੇ ਵਿਚ ਪ੍ਰਚੱਲਤ ਕੈਲੰਡਰ ਮੁਤਾਬਕ 25 ਹਾੜ (ਹਾੜ ਸੁਦੀ 5) ਸੰਮਤ 1791 ਬਿਕ੍ਰਮੀ ਦਿਨ ਸੋਮਵਾਰ ਨੂੰ ਹੋਈ ਸੀ। ਅੰਗਰੇਜਾਂ ਦੇ ਆਉਣ ਤੋਂ ਪਿਛੋਂ, ਜਦੋਂ ਉਨ੍ਹਾਂ ਨੇ ਸਿੱਖ ਇਤਿਹਾਸ ਨੂੰ ਪੜ੍ਹਨ/ਸਮਝਣ ਲਈ ਲਿਖਿਆ ਜਾਂ ਲਿਖਵਾਇਆ ਤਾਂ 2 ਸਤੰਬਰ 1752 ਈ: ਅਤੇ ਇਸ ਤੋਂ ਪਹਿਲੀਆਂ ਤਾਰੀਖ਼ਾਂ ਨੂੰ ਜੂਲੀਅਨ ਕੈਲੰਡਰ ਵਿੱਚ ਅਤੇ 3 ਸਤੰਬਰ 1752 ਈ: ਅਤੇ ਇਸ ਤੋਂ ਪਿਛੋਂ ਦੀਆਂ ਤਾਰੀਖ਼ਾਂ ਨੂੰ ਗਰੈਗੋਰੀਅਨ ਕੈਲੰਡਰ ਵਿੱਚ ਲਿਖਿਆ ਗਿਆ। ਇਸ ਮੁਤਾਬਕ ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ ਦੀ ਤਾਰੀਖ 24 ਜੂਨ 1734 ਈ: (ਜੂਲੀਅਨ) ਲਿਖੀ ਗਈ। ਇਸ ਤੋਂ ਪਿਛੋਂ ਅੰਗਰੇਜ ਭਗਤ ਲਿਖਾਰੀਆਂ ਨੇ ਵੀ ਅਸਲ ਤਾਰੀਖ਼ਾਂ ਛੱਡ, ਅੰਗਰੇਜੀ ਤਾਰੀਖ਼ਾਂ ਹੀ ਲਿਖਣੀਆਂ ਆਰੰਭ ਕਰ ਦਿੱਤੀਆਂ। ਅਸਲ ਸਮੱਸਿਆ ਇਹ ਹੈ ਕਿ ਤੁਸੀਂ ਬਿਨਾ ਸੋਚੇ ਸਮਝੇ ਆਪਣੀਆਂ ਕਿਤਾਬਾਂ ਵਿਚ ਜੂਲੀਅਨ ਕੈਲੰਡਰ ਦੀਆਂ ਤਾਰੀਖ਼ਾਂ ਲਿਖ ਚੁਕੇ ਹੋ, ਹੁਣ ਆਪਣੀ ਗਲਤੀ ਮੰਨਣ ਦੀ ਬਜਾਏ, ਗਲਤ ਤਾਰੀਖ਼ਾਂ ਨੂੰ ਮਨਵਾਉਣ ਦੀ ਜਿਦ ਕਰ ਰਹੇ ਹੋ। ਜਦੋਂ ਕਿ ਇਹ ਮੁੱਢੋਂ-ਸੁੱਢੋਂ ਹੀ ਗਲਤ ਹਨ। ਸਵਾਲ ਪੈਦਾ ਹੁੰਦਾ ਹੈ ਕਿ ਜਿਹੜਾ ਕੈਲੰਡਰ (ਜੂਲੀਅਨ ਕੈਲੰਡਰ) ਕਦੇ ਆਪਣੇ ਖ਼ਿੱਤੇ ਵਿਚ ਲਾਗੂ ਹੀ ਨਹੀਂ ਹੋਇਆ, ਉਸ ਵਿਚ ਸਿੱਖ ਇਤਿਹਾਸ ਦੀਆਂ ਤਾਰੀਖ਼ਾਂ ਕਿਵੇਂ ਲਿਖੀਆਂ ਜਾ ਸਕਦੀਆਂ ਸਨ? (ਬਾਕੀ ਅਗਲੇ ਪੰਨੇ ਤੇ ਵੇਖੋ)
11th July 2018 5:11pm
Gravatar
Sarbjit Singh (sacramrnto, US)
ਦਿਲਗੀਰ ਜੀ, ਹੁਣ ਜੇ ਤੁਹਾਡੇ ਵੱਲੋਂ ਲਿਖੀ ਗਈ ਤਾਰੀਖ 24 ਜੂਨ ਜੂਲੀਅਨ ਮੁਤਾਬਕ, ਸ਼ਹੀਦੀ ਦਿਹਾੜਾ 24 ਜੂਨ ਗਰੈਗੋਰੀਅਨ ਨੂੰ ਮਨਾਇਆ ਜਾਵੇ ਤਾਂ ਇਹ ਤਾਂ ਇਹ 10 ਹਾੜ ਬਣਦੀ ਹੈ ਜੋ ਕੇ ਗਲਤ ਤਾਰੀਖ ਹੈ। ਜੇ ਅਸੀਂ 25 ਹਾੜ ਜੋ ਕਿ ਸਹੀ ਤਾਰੀਖ ਹੈ, ਮੁਤਾਬਕ ਸ਼ਹੀਦੀ ਦਿਹਾੜਾ ਮਨਾਉਂਦੇ ਹਾਂ ਤਾਂ ਇਹ 9 ਜੁਲਾਈ ਬਣਦੀ ਹੈ। ਨਾਨਕਸ਼ਾਹੀ ਕੈਲੰਡਰ ਵਿੱਚ ਵੀ ਅਸਲ ਤਾਰੀਖ 25 ਹਾੜ ਨੂੰ ਹੀ ਮੁੱਖ ਰੱਖਿਆ ਗਿਆ ਹੈ ਜੋ ਹਰ ਸਾਲ 9 ਜੁਲਾਈ ਨੂੰ ਹੀ ਆਵੇਗੀ। ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਨੇ 2010 ਈ: ਵਿੱਚ ਨਾਨਕਸ਼ਾਹੀ ਕੈਲੰਡਰ ਨੂੰ ਤਿਆਗ ਕੇ ਮੁੜ ਬਿਕ੍ਰਮੀ ਕੈਲੰਡਰ ਅਪਣਾ ਲਿਆ ਸੀ, ਨੇ ਵੀ ਭਾਈ ਮਨੀ ਸਿੰਘ ਜੀ ਦੀ ਸ਼ਹੀਦੀ ਦੀ ਅਸਲ ਤਾਰੀਖ 25 ਹਾੜ ਨੂੰ ਹੀ ਮੁੱਖ ਰੱਖਿਆ ਹੈ ਜੋ ਇਸ ਸਾਲ ਦੇ ਕੈਲੰਡਰ ਵਿਚ ਵੀ 9 ਜੁਲਾਈ ਹੀ ਦਰਜ ਹੈ। ਕੀ ਕਾਰਨ ਹੈ ਕਿ ਤੁਸੀਂ ਉਸ ਤੇ ਕਦੇ ਇਤਰਾਜ਼ ਨਹੀ ਕੀਤਾ?
ਡਾ ਦਿਲਗੀਰ ਜੀ, ਸਿੱਖ ਤਵਾਰੀਖ਼ ਭਾਗ ਦੂਜਾ ਵਿਚ ਤੁਸੀਂ ਲਿਖਿਆ ਹੈ, “ਇਸ ਦਾ ਨਤੀਜਾ ਇਹ ਹੋਇਆ ਕਿ ਮਿਥੇ ਸਮੇਂ `ਤੇ ਬਹੁਤ ਥੋੜ੍ਹੇ ਸਿੱਖ ਦਰਬਾਰ ਸਾਹਿਬ ਪੁੱਜੇ ਅਤੇ ਚੜ੍ਹਾਵਾ ਬਹੁਤ ਹੀ ਘੱਟ ਹੋਇਆ। ਇਸ ਕਰ ਕੇ ਭਾਈ ਮਨੀ ਸਿੰਘ ਤਾਵਾਨ ਨਾ ਦੇ ਸਕੇ। ਜਦੋਂ ਮੁਗਲ ਅਹਿਲਕਾਰਾਂ ਨੇ ਉਨ੍ਹਾਂ ਤੋਂ ਰਕਮ ਮੰਗੀ ਤਾਂ ਉਨ੍ਹਾਂ ਨੇ ਚੜ੍ਹਾਵੇ ਦੇ ਘੱਟ ਹੋਣ ਦੀ ਬਿਨਾਅ `ਤੇ ਵਿਸਾਖੀ 1734 ਤਕ ਦੀ ਮੁਹਲਤ ਲੈ ਲਈ। ਮਾਰਚ 1734 ਦੇ ਆਖ਼ਰੀ ਹਫ਼ਤੇ ਵਿਸਾਖੀ ਦੇ ਮੌਕੇ `ਤੇ ਮੁਗਲਾਂ ਨੇ ਉਹੀ ਪਲਾਨ ਬਣਾਇਆ”। (ਪੰਨਾ 481)
ਡਾ ਦਿਲਗੀਰ ਜੀ, ਵਿਸਾਖੀ ਤਾਂ ਬਿਕ੍ਰਮੀ ਕੈਲੰਡਰ ਦੀ 1 ਵੈਸਾਖ ਨੂੰ ਹੁੰਦੀ ਜੋ ਸੰਮਤ 1791 ਬਿਕ੍ਰਮੀ ਹੈ। ਪਰ ਤੁਸੀਂ ਇਥੇ 1734 ਲਿਖਿਆ ਹੈ ਜੋ ਈ: ਸੰਨ ਹੈ , ਕੀ ਤੁਹਾਨੂੰ 1734 ਅਤੇ 1791 ਦੇ ਫਰਕ ਦਾ ਪਤਾ ਹੈ? ਤੁਹਾਡੇ ਸ਼ਬਦ, “ਪਹਿਲੀ ਗੱਲ ਤਾਂ ਇਹ ਪਰਚਾਰ ਕਰਨ ਵਾਲੇ ਨੂੰ ਇਹ ਵੀ ਨਹੀਂ ਪਤਾ ਕਿ 25 ਹਾੜ 1734 ਨਹੀਂ ਬਲਕਿ ਬਿਕਰਮੀ ਸੰਮਤ 1791 ਸੀ”।
ਉਸ ਸਾਲ ਵਿਸਾਖੀ ਭਾਵ 1 ਵੈਸਾਖ 29 ਮਾਰਚ ਨੂੰ ਸੀ। 2018 ਈ: ਵਿੱਚ 1 ਵੈਸਾਖ ਭਾਵ ਵੈਸਾਖੀ, 14 ਅਪ੍ਰੈਲ ਨੂੰ ਸੀ। ਕੀ ਇਹ ਸਹੀ ਹੈ? ਜੇ 1 ਵੈਸਾਖ 29 ਮਾਰਚ ਤੋਂ 14 ਅਪ੍ਰੈਲ ਹੋਣ ਤੇ ਤੁਹਾਨੂੰ ਕੋਈ ਇਤਰਾਜ਼ ਨਹੀ ਤਾਂ 25 ਹਾੜ, 24 ਜੂਨ ਤੋਂ 9 ਜੁਲਾਈ ਹੋਣ ਤੇ ਇਤਰਾਜ਼ ਕਿਉਂ? ਸਪੱਸ਼ਟ ਕਰਨ ਦੀ ਖੇਚਲ ਕਰਨੀ ਜੀ।
ਡਾ ਦਿਲਗੀਰ ਜੀ, ਤੁਸੀਂ ਪਹਿਲਾ ਦੀ ਤਰ੍ਹਾਂ ਇਸ ਵਾਰ ਵੀ ਸਾਡੇ ਵਾਸਤੇ “ਭੇਡਾਂ” ਸ਼ਬਦ ਵਰਤਿਆ ਹੈ। ਕੀ 50 ਕਿਤਾਬਾਂ (?) ਦੇ ਲੇਖਕ ਨੂੰ ਅਜੇਹੇ ਸ਼ਬਦ ਲਿਖਣੇ ਸੋਭਾਂ ਦਿੰਦੇ ਹਨ? ਪਿਛਲੇ 8-9 ਸਾਲਾਂ ਵਿੱਚ ਤੁਸੀਂ ਸਾਡੇ ਵਾਸਤੇ ਅਜੇਹੇ ਅਨੇਕਾਂ ਸ਼ਬਦ ਵਰਤੇ ਹਨ। ਪਰ ਮੈਂ ਹਰ ਵਾਰ ਆਪ ਜੀ ਨੂੰ ਸਤਿਕਾਰ ਨਾਲ ਸੰਬੋਧਨ ਕਰਕੇ, ਦਲੀਲ ਨਾਲ ਵਿਚਾਰ ਕਰਨ ਦਾ ਸੱਦਾ ਦਿੱਤਾ ਹੈ। ਕੀ ਕਾਰਨ ਹੈ ਕਿ ਦੂਜਿਆਂ ਨੂੰ ਭੇਡਾਂ ਲਿਖਣ ਵਾਲਾ, “ਆਪੂ ਬਣਿਆ ਸ਼ੇਰ” ਕਦੇ ਵੀ ਦਲੀਲ ਨਾਲ ਵਿਚਾਰ ਕਰਨ ਦਾ ਸੱਦਾ ਪ੍ਰਵਾਨ ਨਹੀਂ ਕਰਦਾ?


ਡਾ ਦਿਲਗੀਰ ਜੀ, ਜੇ ਪਿਛਲੇ ਸਾਲਾਂ ਦੇ ਪੱਤਰਾਂ ਨੂੰ ਛੱਡ ਵੀ ਦੇਈਏ ਤਾਂ ਵੀ ਇਸ ਸਾਲ ਦਾ ਇਹ ਤੀਜਾ ਪੱਤਰ ਹੈ। ਤੁਹਾਨੂੰ ਯਾਦ ਹੋਵੇਗਾ, ਸਾਲ 2018 ਵਿੱਚ 6 ਜਨਵਰੀ ਨੂੰ ਤੁਹਾਡੇ ਸਵਾਲਾਂ ਦੇ ਜਵਾਬ ਦੇ ਕੇ ਕੁਝ ਸਵਾਲ ਪਾਏ ਸਨ, ਜਿਨ੍ਹਾਂ ਦਾ ਤੁਸੀਂ ਕੋਈ ਜਵਾਬ ਨਹੀ ਦਿੱਤਾ। ਫੇਰ 29 ਮਾਰਚ ਨੂੰ ਤੁਹਾਡੇ ਸਵਾਲਾਂ ਦੇ ਜਵਾਬ ਦਿੱਤੇ ਸਨ ਅਤੇ ਸਵਾਲ ਕੀਤੇ ਸਨ ਤੁਸੀਂ ਫੇਰ ਵੀ ਚੁੱਪ ਰਹੇ। ਇਹ ਤੀਜਾ ਪੱਤਰ ਹੈ ਮੈਨੂੰ ਪੂਰੀ ਉਮੀਦ ਹੈ ਆਪ ਜੀ ਇਸ ਵਾਰ ਨਿਰਾਸ਼ ਨਹੀ ਕਰੋਗੇ।
ਡਾ ਦਿਲਗੀਰ ਜੀ, ਅੱਜ ਫੇਰ ਮੈਂ ਆਪ ਜੀ ਨੂੰ ਨਿਮਰਤਾ ਸਹਿਤ, ਦਲੀਲ ਨਾਲ ਵਿਚਾਰ ਕਰਨ ਦਾ ਸੱਦਾ ਦਿੰਦਾ ਹੈ। ਜਾਂ ਤਾਂ ਮੈਨੂੰ ਆਪਣੀ ਬੂਥਾ ਪੋਥੀ ਤੇ ਲਿਖਣ ਦੀ ਇਜਾਜ਼ਤ ਦਿਓ, ਨਹੀਂ ਤਾਂ ਮੇਰੇ ਪੇਜ਼ ਤੇ ਆ ਕੇ ਵਿਚਾਰ ਕਰਨ ਦਾ ਸੱਦਾ ਪ੍ਰਵਾਨ ਕਰੋ।
ਉਸਾਰੂ ਹੁੰਗਾਰੇ ਦੀ ਉਡੀਕ ਵਿੱਚ
ਸਰਵਜੀਤ ਸਿੰਘ ਸੈਕਰਾਮੈਂਟੋ
11 ਜੂਨ 2018

(ਇਹ ਪੱਤਰ ਡਾ ਹਰਜਿੰਦਰ ਸਿੰਘ ਦਿਲਗੀਰ ਨੂੰ ਈ ਮੇਲ hsdilgeer@yahoo.com ਰਾਹੀ ਭੇਜਿਆ ਗਿਆ ਹੈ)
11th July 2018 5:08pm
Gravatar
Gursharn Singh Dhillon (Ajax, Canada)
ਡਾ. ਇਕਬਾਲ ਸਿੰਘ ਢਿੱਲੋਂ ਜੀ, ਸਤਿ ਸ੍ਰੀ ਅਕਾਲ ।
ਆਪ ਜੀ ਦੀ ਲਿਖਤ ਕਾਫੀ ਚਿਰ ਬਆਦ ਪੜ੍ਹਨ ਨੂੰ ਮਿਲੀ । ਆਪ ਜੀ ਦੀ ਲਿਖਤ ਵਿੱਚੋਂ ਹਮੇਸ਼ਾਂ ਹੀ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ ।
ਆਪ ਜੀ ਦਾ ਇਹ ਲੇਖ “ਗੁਰੂ ਨਾਨਕ ਦਾ ਬ੍ਰਹਮੰਡ ਸਬੰਧੀ ਵਿਚਾਰ” ਪੜ੍ਹਿਆ ਚੰਗਾ ਲੱਗਾ । ਇਸ ਲੇਖ ਵਿੱਚ ਜੋ ਆਪ ਨੇ ਇਹ ਲਿਖਿਆ ਹੈ “ਜਦੋਂ ਕਿ ਅਜੋਕੇ ਵਿਗਿਆਨੀਆਂ ਨੂੰ ਸਾਡੇ ਸੂਰਜ-ਮੰਡਲ ਦੀ ਗੈਲੈਕਸੀ ਅਤੇ ਇਸ ਤੋਂ ਅਗਲੀਆਂ ਗੈਲੈਕਸੀਆਂ ਬਾਰੇ ਸੋਝੀ ਵੀਹਵੀਂ ਸਦੀ ਈਸਵੀ ਵਿਚ ਪਰਾਪਤ ਹੋਈ ਹੈ, ਗੁਰੂ ਨਾਨਕ ਉਸ ਤੋਂ ਚਾਰ ਕੁ ਸਦੀਆ ਪਹਿਲਾਂ ਕਹਿ ਗਏ ਸਨ:
ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ॥
(ਗੁਰਬਾਣੀ-ਗ੍ਰੰਥ ਪੰਨਾਂ 5)”
ਕੀ ਜਪੁ ਜੀ ਸਾਹਿਬ ਦੀ ਇਸ ਪਾਉੜੀ ਵਿੱਚ ਗੁਰੂ ਨਾਨਕ ਸਾਹਿਬ ਪਹਿਲਾਂ ਬ੍ਰਹਮੰਡ ਬਾਰੇ ਜੋ ਉਸ ਸਮੇਂ ਦੇ ਪ੍ਰਚਲਤ ਧਰਮਾ ਦੇ ਵਿਚਾਰ ਸਨ, ਉਹ ਨਹੀਂ ਦੱਸਦੇ ਹਨ ਅਤੇ ਅਖੀਰਲੀ ਪੰਗਤੀ ਵਿੱਚ ਆਪਣੇ ਵਿਚਾਰ ? ਜਾਂ ਪਹਿਲੀ ਪੰਗਤੀ ਵਿੱਚ ਹੀ ?
ਜਿਵੇਂ ਪ੍ਰੋ. ਸਾਹਿਬ ਸਿੰਘ ਜੀ ਨੇ ਵੀ ਸਾਰੀ ਪਾਉੜੀ ਦੀ ਇਹ ਵਿਆਖਿਆ ਕੀਤੀ ਹੈ:
ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥ ਓੜਕ ਓੜਕ ਭਾਲਿ ਥਕੇ ਵੇਦ ਕਹਨਿ ਇਕ ਵਾਤ ॥
ਪਦ ਅਰਥ: ਪਾਤਾਲਾ ਪਾਤਾਲ = ਪਾਤਾਲਾਂ ਦੇ ਹੇਠ ਹੋਰ ਪਾਤਾਲ ਹਨ। ਆਗਾਸਾ ਆਗਾਸ = ਆਕਾਸ਼ਾਂ ਦੇ ਉੱਤੇ ਹੋਰ ਆਕਾਸ਼ ਹਨ। ਓੜਕ = ਅਖ਼ੀਰ, ਅੰਤ, ਅਖ਼ੀਰਲੇ ਬੰਨੇ। ਭਾਲਿ ਥਕੇ = ਭਾਲ ਭਾਲ ਕੇ ਥੱਕ ਗਏ ਹਨ। ਕਹਨਿ = ਆਖਦੇ ਹਨ। ਇਕ ਵਾਤ = ਇਕ ਗੱਲ, ਇਕ-ਜ਼ਬਾਨ ਹੋ ਕੇ।
ਅਰਥ: (ਸਾਰੇ) ਵੇਦ ਇੱਕ = ਜ਼ਬਾਨ ਹੋ ਕੇ ਆਖਦੇ ਹਨ, "ਪਾਤਾਲਾਂ ਦੇ ਹੇਠ ਹੋਰ ਲੱਖਾਂ ਪਾਤਾਲ ਹਨ ਅਤੇ ਆਕਾਸ਼ਾਂ ਦੇ ਉੱਤੇ ਹੋਰ ਲੱਖਾਂ ਆਕਾਸ਼ ਹਨ, (ਬੇਅੰਤ ਰਿਸ਼ੀ ਮੁਨੀ ਇਹਨਾਂ ਦੇ) ਅਖ਼ੀਰਲੇ ਬੰਨਿਆਂ ਦੀ ਭਾਲ ਕਰਕੇ ਥੱਕ ਗਏ ਹਨ, (ਪਰ ਲੱਭ ਨਹੀਂ ਸਕੇ) "।
ਸਹਸ ਅਠਾਰਹ ਕਹਨਿ ਕਤੇਬਾ ਅਸੁਲੂ ਇਕੁ ਧਾਤੁ ॥ ਲੇਖਾ ਹੋਇ ਤ ਲਿਖੀਐ ਲੇਖੈ ਹੋਇ ਵਿਣਾਸੁ ॥
ਪਦ ਅਰਥ: ਸਹਸ ਅਠਾਰਹ = ਅਠਾਰਾਂ ਹਜ਼ਾਰ (ਆਲਮ) । ਕਹਨਿ ਕਤੇਬਾ = ਕਤੇਬਾਂ ਆਖਦੀਆਂ ਹਨ। ਕਤੇਬਾ = ਈਸਾਈ ਮਤ ਤੇ ਇਸਲਾਮ ਆਦਿਕ ਦੀਆਂ ਚਾਰ ਕਿਤਾਬਾਂ: ਕੁਰਾਨ, ਅੰਜੀਲ, ਤੌਰੇਤ ਤੇ ਜ਼ੰਬੂਰ। ਅਸੁਲੂ = ਮੁੱਢ। ਨੋਟ: ਇਹ ਅਰਬੀ ਬੋਲੀ ਦਾ ਲਫ਼ਜ਼ ਹੈ। ਅੱਖਰ 'ਸ' ਦਾ ਹੇਠਲਾ (ੁ) ਅਰਬੀ ਦਾ ਅੱਖ਼ਰ 'ਸੁਆਦ' ਦੱਸਣ ਵਾਸਤੇ ਹੈ। ਇਕ ਧਾਤੁ = ਇੱਕ ਅਕਾਲ ਪੁਰਖ, ਇਕ ਪੈਦਾ ਕਰਨ ਵਾਲਾ। ਲੇਖਾ ਹੋਇ = ਜੇ ਲੇਖਾ ਹੋ ਸਕੇ। ਲਿਖੀਐ = ਲਿਖ ਸਕੀਦਾ ਹੈ। ਲੇਖੈ ਵਿਣਾਸੁ = ਲੇਖੇ ਦਾ ਖ਼ਾਤਮਾ, ਲੇਖੇ ਦਾ ਅੰਤ।
ਅਰਥ: (ਮੁਸਲਮਾਨ ਤੇ ਈਸਾਈ ਆਦਿਕ ਦੀਆਂ ਚਾਰੇ) ਕਤੇਬਾਂ ਆਖਦੀਆਂ ਹਨ, "ਕੁੱਲ ਅਠਾਰਹ ਹਜ਼ਾਰ ਆਲਮ ਹਨ, ਜਿਨ੍ਹਾਂ ਦਾ ਮੁੱਢ ਇਕ ਅਕਾਲ ਪੁਰਖ ਹੈ"। (ਪਰ ਸੱਚੀ ਗੱਲ ਤਾਂ ਇਹ ਹੈ ਕਿ ਸ਼ਬਦ) 'ਹਜ਼ਾਰਾਂ' ਤੇ 'ਲੱਖਾਂ' ਭੀ ਕੁਦਰਤ ਦੀ ਗਿਣਤੀ ਵਿਚ ਵਰਤੇ ਨਹੀਂ ਜਾ ਸਕਦੇ, ਅਕਾਲ ਪੁਰਖ ਦੀ ਕੁਦਰਤ ਦਾ) ਲੇਖਾ ਤਦੋਂ ਹੀ ਲਿੱਖ ਸਕੀਦਾ ਹੈ, ਜੇ ਲੇਖਾ ਹੋ ਹੀ ਸਕੇ, (ਇਹ ਲੇਖਾ ਤਾਂ ਹੋ ਹੀ ਨਹੀਂ ਸਕਦਾ, ਲੇਖਾ ਕਰਦਿਆਂ ਕਰਦਿਆਂ) ਲੇਖੇ ਦਾ ਹੀ ਖ਼ਾਤਮਾ ਹੋ ਜਾਂਦਾ ਹੈ (ਗਿਣਤੀ ਦੇ ਹਿੰਦਸੇ ਹੀ ਮੁੱਕ ਜਾਂਦੇ ਹਨ) ।
ਨਾਨਕ ਵਡਾ ਆਖੀਐ ਆਪੇ ਜਾਣੈ ਆਪੁ ॥੨੨॥
ਪਦ ਅਰਥ: ਆਖੀਐ = ਆਖੀਦਾ ਹੈ (ਜਿਸ ਅਕਾਲ ਪੁਰਖ ਨੂੰ) । ਆਪੇ = ਉਹ ਅਕਾਲ ਪੁਰਖ ਆਪ ਹੀ। ਜਾਣੈ = ਜਾਣਦਾ ਹੈ। ਆਪੁ = ਆਪਣੇ ਆਪ ਨੂੰ।
ਅਰਥ: ਹੇ ਨਾਨਕ! ਜਿਸ ਅਕਾਲ ਪੁਰਖ ਨੂੰ (ਸਾਰੇ ਜਗਤ ਵਿਚ) ਵੱਡਾ ਆਖਿਆ ਜਾ ਰਿਹਾ ਹੈ, ਉਹ ਆਪ ਹੀ ਆਪਣੇ ਆਪ ਨੂੰ ਜਾਣਦਾ ਹੈ (ਉਹ ਆਪਣੀ ਵਡਿਆਈ ਆਪ ਹੀ ਜਾਣਦਾ ਹੈ।
ਭਾਵ: ਪ੍ਰਭੂ ਦੀ ਕੁਦਰਤ ਦਾ ਬਿਆਨ ਕਰਨ ਲਗਿਆਂ 'ਹਜ਼ਾਰਾਂ' ਜਾਂ 'ਲੱਖਾਂ' ਦੇ ਹਿੰਦਸੇ ਵੀ ਵਰਤੇ ਨਹੀਂ ਜਾ ਸਕਦੇ। ਇਤਨੀ ਬੇਅੰਤ ਕੁਦਰਤ ਹੈ ਕਿ ਇਸ ਦਾ ਲੇਖਾ ਕਰਨ ਲਗਿਆਂ ਗਿਣਤੀ ਦੇ ਹਿੰਦਸੇ ਹੀ ਮੁੱਕ ਜਾਂਦੇ ਹਨ।
ਆਪ ਇਸ ਸਮੇਂ ਦੇ ਇਕ ਬਹੁਤ ਚੰਗੇ ਵਿਦਵਾਨ ਹੋ, ਇਸ ਲਈ ਆਪ ਜੀ ਦੇ ਇਸ ਬਾਰੇ ਕੀ ਵਿਚਾਰ ਹਨ ਹੋ ਸਕੇ ਤਾਂ ਜਾਣਕਾਰੀ ਦੇਣ ਦੀ ਖੇਚਲ ਕਰਨੀ; ਧੰਨਵਾਦੀ ਹੋਵਾਂਗਾ ।
ਸਤਿਕਾਰ ਸਹਿਤ,
9th July 2018 8:26am
Gravatar
Iqbal Singh Dhillon (Chandigarh, India)
ਵੈਬਸਾਈਟ ‘ਸਿਖ ਮਾਰਗ’ ਦੇ ਪਾਠਕਾਂ ਨੂੰ ਇਹ ਜਾਣ ਕੇ ਖੁਸ਼ੀ ਹੋਵੇਗੀ ਕਿ ਮੇਰੀ ਨਵੀਂ ਪੁਸਤਕ ‘ਗੁਰੂ ਨਾਨਕ ਦਾ ਮਾਨਵਵਾਦ’ ਹੁਣੇ-ਹੁਣੇ ਪ੍ਰਕਾਸ਼ਿਤ ਹੋਈ ਹੈ। ਦੂਸਰੇ ਪਾਸੇ ਮੇਰੇ ਵੱਲੋਂ ਅੰਗਰੇਜ਼ੀ ਵਿਚ ਤਿਆਰ ਕੀਤੀ ਪੁਸਤਕ ‘Nanak and Humanism’ਛਪਾਈ ਅਧੀਨ ਹੈ ਅਤੇ ਜਲਦੀ ਹੀ ਪ੍ਰਕਾਸ਼ਿਤ ਹੋ ਜਾਵੇਗੀ।
ਇਹਨਾਂ ਦੋਵ੍ਹਾਂ ਪੁਸਤਕਾਂ ਨੂੰ ਪਰਾਪਤ ਕਰਨ ਵਾਸਤੇ ਲੇਖਕ ਨਾਲ ਈ-ਮੇਲ ਐਡਰੈਸ drisdhillon@yahoo.comਉੱਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਇਕਬਾਲ ਸਿੰਘ ਢਿੱਲੋਂ
ਚੰਡੀਗੜ੍ਹ।
8th July 2018 11:48pm
Gravatar
Taranjit Parmar (Nanaimo, Canada)
ਸਿਮਰਨਜੀਤ ਸਿੰਘ ਮਾਨ ਨੇ ਸਿਖਾਂ ਨੂੰ ਮਜਾਕ ਦਾ ਪਾਤਰ ਬਣਾਂਤਾ, ਇਹ ਬੰਦਾਂ ਮਾਨਸਿਕ ਰੋਗੀ ਹੈ!
8th July 2018 8:31pm
Gravatar
Makhan Singh Purewal (Quesnel, Canada)

ਸਿਮਰਨਜੀਤ ਸਿੰਘ ਮਾਨ ਦੀਆਂ ਯਬਲੀਆਂ ਵੀ ਸੁਣ ਲਓ ਜੀ!
‘ਸਿੱਖ ਮਾਰਗ’ ਦੇ ਪਾਠਕਾਂ ਦੀ ਜਾਣਕਾਰੀ ਲਈ ਇੱਕ ਵੀਡੀਓ ਲਿੰਕ ਪਾ ਰਿਹਾ ਹਾਂ। ਕਿਰਪਾ ਕਰਕੇ ਸਮਾ ਮਿਲਣ ਤੇ ਇਸ ਨੂੰ ਸੁਣਨ ਦੀ ਖੇਚਲ ਕਰਨੀ। ਕਈ ਤਾਂ ਇਸ ਨੂੰ ਖੋਤਾ/ਗਧਾ ਵੀ ਕਹਿੰਦੇ ਹਨ। ਅੱਜ ਤੋਂ 25-30 ਸਾਲ ਪਹਿਲਾਂ ਜਦੋਂ ਇਸ ਮਾਨ ਦੀਆਂ ਬੇ-ਥਵੀਆਂ ਪੜ੍ਹਨ ਸੁਣਨ ਨੂੰ ਮਿਲੀਆਂ ਤਾਂ ਮੈਂ ਉਸੇ ਵੇਲੇ ਸਮਝ ਗਿਆ ਸੀ ਕਿ ਇਹ ਬੰਦਾ ਜਾਂ ਤਾਂ ਮਿੰਟਲ ਹੈ ਜਾਂ ਫਿਰ ਹੋਰ ਕੋਈ ਗੱਲ ਹੈ। ਉਸ ਵੇਲੇ ਕਈ ਪੜ੍ਹੇ ਲਿਖੇ ਵਿਦਵਾਨ ਵੀ ਇਸ ਨੂੰ ਇਕੋ-ਇਕ ਖਾਸ ਲੀਡਰ ਸਮਝਦੇ ਸਨ। ਪਰ ਹੁਣ ਹੌਲੀ-ਹੌਲੀ ਬਹੁਤਿਆਂ ਨੂੰ ਸਮਝ ਆ ਰਹੀ ਹੈ। ਇਸ ਵੀਡੀਓ ਨੂੰ ਅਗਾਂਹ ਕਰਕੇ 30 ਕੁ ਮਿੰਟ ਤੋਂ ਸੁਣਨ ਦੀ ਖੇਚਲ ਕਰਨੀ। ਇਹ ਵੀਡੀਓ ਸਿਮਰਨਜੀਤ ਸਿੰਘ ਮਾਨ ਦੇ ਉਸ ਬਿਆਨ ਬਾਰੇ ਹੈ ਜਿਹੜਾ ਉਸ ਨੇ ਕੁੱਝ ਦਿਨ ਪਹਿਲਾਂ ਅਫਗਾਨ ਵਿੱਚ ਮਾਰੇ ਗਏ ਕੁੱਝ ਸਿੱਖਾਂ ਦੇ ਸੰਬੰਧ ਵਿੱਚ ਦਿੱਤਾ ਸੀ।

7th July 2018 8:22am
First < 3 4 5 6 7 > Last
Page 5 of 52

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
Which is darker: black or white?
 
Enter answer:
 
Remember my form inputs on this computer.
 
 
Powered by Commentics

.