.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1122)

Topic: Tuhada Apna
Sort
First < 3 4 5 6 7 > Last
Facebookdel.icio.usStumbleUponDiggGoogle+TwitterLinkedIn
Gravatar
Gursharn Singh Dhillon (Ajax, Canada)
ਸ: ਅਮਰੀਕ ਸਿੰਘ ਰਾਜਪੁਰਾ ਜੀ, ਸਤਿ ਸ੍ਰੀ ਅਕਾਲ ।
ਆਪ ਜੀ ਨੇ ਜੋ “ਜਿਨ ਹਰਿ ਹਿਰਦੈ ਨਾਮ ਨਾ ਬਸਿਓ ਤਿਂਨ ਮਾਤ ਕੀਜੈ ਹਰਿ ਬਾਂਝਾ “।। ਵਾਲੀ ਪੰਗਤੀ ਵਿਚ ਆਏ “ਮਾਤ” ਨੂੰ ਮੱਤ ਕਿਹਾ ਹੈ ਜਾਂ ਮਾਂ । ਇਸ ਬਾਰੇ ਤਾਂ ਪਹਿਲਾਂ ਹੀ ਸ: ਮੱਖਣ ਸਿੰਘ ਜੀ ਨੇ ਜਿਹੜੀ ਦਲੀਲ ਦਿਤੀ ਹੈ ਉਸ ਦੇ ਬਾਅਦ ਤਾਂ ਸਮਝਣ ਸਮਝਾਉਣ ਦੀ ਹੋਰ ਗੁੰਜਾਇਸ਼ ਨਹੀਂ ਰਹਿ ਜਾਂਦੀ ।
ਦੂਜੀ ਗੱਲ ਸਮਝਣ ਵਾਲੀ ਇਹ ਵੀ ਹੈ ਕਿ ਸਿੱਖ ਧਰਮ ਮਨੁੱਖ ਦੀ ਸੋਚ ਨੂੰ ਸੁਧਾਰਨ ਦਾ ਕੀ ਸਰੋਤ ਮੰਨਦਾ ਹੈ । ਕੀ ਕਿਸੇ ਉਮਰ ਦੀ ਹੱਦ ਨੂੰ ਜਾਂ ਸਿਰਫ ਮਾਂ ਬਾਪ ਦੀ ਸਿਖਿਆ ਨੂੰ । ਕੋਈ ਆਪਣੇ ਜੀਵਨ ਵਿੱਚ ਕਦੀ ਵੀ ਚੰਗਾ ਕੰਮ ਕਰ ਸਕਦਾ ਹੈ । ਜਿਵੇਂ ਸ਼ਬਦ ਹੈ: ਗੁਰਮੁਖਿ ਬੁਢੇ ਕਦੇ ਨਾਹੀ ਜਿਨ੍ਹ੍ਹਾ ਅੰਤਰਿ ਸੁਰਤਿ ਗਿਆਨੁ ॥ ਸਦਾ ਸਦਾ ਹਰਿ ਗੁਣ ਰਵਹਿ ਅੰਤਰਿ ਸਹਜ ਧਿਆਨੁ ॥ ਓਇ ਸਦਾ ਅਨੰਦਿ ਬਿਬੇਕ ਰਹਹਿ ਦੁਖਿ ਸੁਖਿ ਏਕ ਸਮਾਨਿ ॥ ਤਿਨਾ ਨਦਰੀ ਇਕੋ ਆਇਆ ਸਭੁ ਆਤਮ ਰਾਮੁ ਪਛਾਨੁ ॥(ਮ:3 ਪੰਨਾ 1418)
ਗੁਰਬਾਣੀ ਵਿੱਚ ਮਤ ਨੂੰ ‘ਮਾਤਾ’ ਅਤੇ ਪਿਤਾ ਨੂੰ ‘ਸੰਤੋਖ’ ਵੀ ਆਖਿਅ ਗਿਆ ਹੈ । ਕਈ ਥਾਂਈ ਅਕਾਲ ਪੁਰਖ ਨੂੰ ਵੀ ਮਾਤ ਪਿਤਾ ਆਖਿਆ ਹੈ । ਗਉੜੀ ਮਹਲਾ ੧ ॥ ਮਾਤਾ ਮਤਿ ਪਿਤਾ ਸੰਤੋਖੁ ॥ ਸਤੁ ਭਾਈ ਕਰਿ ਏਹੁ ਵਿਸੇਖੁ ॥੧॥ ਕਹਣਾ ਹੈ ਕਿਛੁ ਕਹਣੁ ਨ ਜਾਇ ॥ ਤਉ ਕੁਦਰਤਿ ਕੀਮਤਿ ਨਹੀ ਪਾਇ ॥੧॥ ਰਹਾਉ ॥ ਸਰਮ ਸੁਰਤਿ ਦੁਇ ਸਸੁਰ ਭਏ ॥ ਕਰਣੀ ਕਾਮਣਿ ਕਰਿ ਮਨ ਲਏ ॥੨॥ ਸਾਹਾ ਸੰਜੋਗੁ ਵੀਆਹੁ ਵਿਜੋਗੁ ॥ ਸਚੁ ਸੰਤਤਿ ਕਹੁ ਨਾਨਕ ਜੋਗੁ ॥੩॥੩॥ {ਪੰਨਾ 151-152}
ਇਥੇ ਵੀ ਮੇਰੀ ਤੁੱਛ ਬੁੱਧੀ ਅਨੁਸਾਰ ਤਾਂ ਇਹ ਹੀ ਠੀਕ ਲੱਗਦਾ ਹੈ ਕਿ ਮਤ ਨੂੰ ਹੀ ਮਾਤ ਕਿਹਾ ਹੈ । ਇਥੇ ਵੀ ਪੰਨਾ 696 ਤੋਂ ਜਦੋਂ ਇਹ ਸਰਲੇਖ ਮਹਲਾ 4 ਦੇ ਸ਼ਬਦ ਸ਼ੁਰੂ ਹੋਏ ਹਨ ਉਹ ਗੁਰੂ ਅਤੇ ਗਿਆਨ ਵਾਲੇ ਹੀ ਹਨ ।
ਬਾਕੀ ਜੋ ਕਿਸੇ ਨੂੰ ਚੰਗਾ ਲੱਗਦਾ ਹੈ ਠੀਕ ਹੈ ।
25th December 2018 11:24am
Gravatar
Narendra Pal Singh saluja (Raipur, India)
ਜਿਨ ਹਰਿ ਹਿਰਦੈ ਨਾਮ ਨਾ ਬਸਿਓ ਤਿਂਨ ਮਾਤ ਕੀਜੈ ਹਰਿ ਬਾਂਝਾ।। ਪੰਕਤੀ ਸਹੀ ਨਹੀਂ ਲਿਖੀ ਹੈ ਸਹੀ ਪੰਕਤੀ ਹੈ-------ਪੰਨਾ 697, ਸਤਰ 15
ਜਿਨ ਹਰਿ ਹਿਰਦੈ ਨਾਮੁ ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥------ਨਾਮ ਨਹੀਂ ਨਾਮੁ ਹੈ ਤਿਂਨ ਨਹੀਂ ਤਿਨ ਹੈ
26th December 2018 8:59am
Gravatar
Gursharn Singh Dhillon (Ajax, Canada)
Narendra Pal Singh saluja( Raipur, India,)
ਸਤਿ ਸ੍ਰੀ ਅਕਾਲ ।
ਜਿਵੇਂ ਤੁਸੀਂ ਵੀ ਪਹਿਲਾਂ ਤਾਂ ‘ਨਾਮੁ’ ਦੀ ਔਂਕੜ ਅਤੇ ‘ਤਿੰਨ’ ਉਤੇ ਟਿਪੀ ਵੱਲ ਖਿਆਲ ਨਹੀਂ ਕੀਤਾ, ਇੰਝ ਹੀ ਮੇਰੇ ਵੱਲੋਂ ਸ: ਰਾਜਪੁਰਾ ਹੁਰਾਂ ਦੀ ਲਿਖਤ ਤੋਂ ਗੁਰਬਾਣੀ ਦੀ ਕਾਪੀ ਪੇਸਟ ਕਰਦਿਆਂ ਖਿਆਲ ਨਹੀਂ ਗਿਆ । ਇਹਨਾਂ ਵੱਲ ਧਿਆਨ ਦਿਵਾਉਣ ਲਈ ਧੰਨਵਾਦ ।
27th December 2018 7:44am
Gravatar
Narendra Pal Singh saluja (Raipur, India)
ਪੰਨਾ 47, ਸਤਰ 10
ਮਾਤ ਪਿਤਾ ਸੁਤ ਬੰਧਪਾ ਕੂੜੇ ਸਭੇ ਸਾਕ ॥
ਪੰਨਾ 49, ਸਤਰ 7
ਮਾਤ ਪਿਤਾ ਸਾਕ ਅਗਲੇ ਤਿਸੁ ਬਿਨੁ ਅਵਰੁ ਨ ਕੋਇ ॥
ਪੰਨਾ 70, ਸਤਰ 19
ਮਾਤ ਪਿਤਾ ਸੁਤ ਭਾਈਆ ਸਾਜਨ ਸੰਗਿ ਪਰੀਤਿ ॥
ਪੰਨਾ 132, ਸਤਰ 2
ਮਾਤ ਗਰਭ ਮਹਿ ਤੁਮ ਹੀ ਪਾਲਾ ॥
ਪੰਨਾ 246, ਸਤਰ 1
ਮਾਤ ਪਿਤਾ ਸੁਤ ਭਾਈ ਖਰੇ ਪਿਆਰੇ ਜੀਉ ਡੂਬਿ ਮੁਏ ਬਿਨੁ ਪਾਣੀ ॥
ਪੰਨਾ 253, ਸਤਰ 6
ਕਾ ਕੋ ਮਾਤ ਪਿਤਾ ਸੁਤ ਧੀਆ ॥
ਪੰਨਾ 264, ਸਤਰ 1
ਜਹ ਮਾਤ ਪਿਤਾ ਸੁਤ ਮੀਤ ਨ ਭਾਈ ॥
ਪੰਨਾ 268, ਸਤਰ 2
ਤੁਮ ਮਾਤ ਪਿਤਾ ਹਮ ਬਾਰਿਕ ਤੇਰੇ ॥
478, ਸਤਰ 2
ਕਾ ਕੀ ਮਾਤ ਪਿਤਾ ਕਹੁ ਕਾ ਕੋ ਕਵਨ ਪੁਰਖ ਕੀ ਜੋਈ ॥
30th December 2018 9:17am
Gravatar
Narendra Pal Singh saluja (Raipur, India)
ਪੰਨਾ 759, ਸਤਰ 5
ਗੁਰ ਗਿਆਨੁ ਪਦਾਰਥੁ ਨਾਮੁ ਹੈ ਹਰਿ ਨਾਮੋ ਦੇਇ ਦ੍ਰਿੜਾਇ ॥
ਇਸ ਪੰਕਤੀ ਵਿਚ ਨਾਮੁ ਦਾ ਅਰਥ ਗੁਰ ਦਾ ਗਿਆਨੁ ਹੈ। -----ਜਿਨ ਹਰਿ ਹਿਰਦੈ ਨਾਮੁ (ਗੁਰ ਦਾ ਗਿਆਨੁ)ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥‌‌---------ਗੁਰ ਦੇ ਗਿਆਨ ਦੀ ਉਤਪਤੀ ਗੁਰ ਦੀ ਮਤ ਦੁਆਰਾ ਹੁੰਦੀ ਹੈ ਇਸ ਕਰਕੇ ਹੀ ਮਤ ਨੂੰ ਮਾਤਾ ਦਾ ਦਰਜਾ ਦਿਤਾ ਗਿਆ ਹੈ । ------ ਮਾਤਾ ਮਤਿ ਪਿਤਾ ਸੰਤੋਖੁ ॥ ------ਇਸ ਤਰਹ ਮਤ ਦਾ ਅਰਥ ਭੀ ਮਾਤਾ ਹੀ ਹੈ
3rd January 2019 9:10am
Gravatar
Narendra Pal Singh saluja (Raipur, India)
ਨਾਮੁ (ਗੁਰ ਕਾ ਗਿਆਨੁ) ਕੀ ਉਤਪਤੀ (ਜਨਮ) ਮਤਿ ਰੂਪੀ ਮਾਤਾ ਕੇ ਦੁਆਰਾ (ਗਰਭ ਸੇ)ਹੋਤੀ ਹੈ । ਮਤਿ ਕੋ ਮਾਤਾ ਜੈਸਾ ਕਹਾ ਜਾ ਸਕਤਾ ਹੈ।
4th January 2019 5:11pm
Gravatar
Makhan Singh Purewal (Quesnel, Canada)
ਸ: ਲਖਵਿੰਦਰ ਸਿੰਘ ਜੀ,
ਕਾਫੀ ਦੇਰ ਪਹਿਲਾਂ ਇਸ ਤਰ੍ਹਾਂ ਦਾ ਇੱਕ ਪੰਨਾ ਸ਼ੁਰੂ ਕੀਤਾ ਸੀ ਪਰ ਪਾਠਕਾਂ/ਲੇਖਕਾਂ ਵਲੋਂ ਕੋਈ ਖਾਸ ਹੁੰਘਾਰਾ ਨਹੀਂ ਮਿਲਿਆ ਸੀ ਅਤੇ ਫਿਰ ਬੰਦ ਕਰ ਦਿੱਤਾ ਸੀ। ਇਸ ਦੇ ਅਨੇਕਾਂ ਹੀ ਕਾਰਨ ਸਨ। ਸਭ ਤੋਂ ਵੱਡਾ ਕਾਰਨ ਇਹ ਸੀ ਕਿ ਅਸੀਂ ਪਹਿਲੇ ਦਿਨ ਤੋਂ ਹੀ ਬਿਨਾ ਕਿਸੇ ਖੌਫ ਦੇ ਸੱਚ ਦੱਸਣ ਦੀ ਕੋਸ਼ਿਸ਼ ਕਰਦੇ ਹਾਂ ਇਸ ਕਰਕੇ ਬਹੁਤੇ ਸ਼ਰਧਾਵਾਨ ਅਤੇ ਖਾਸ ਕਰਕੇ ਡੇਰਿਆਂ ਵਾਲੇ ਪਹਿਲਾਂ ਤੋਂ ਹੀ ‘ਸਿੱਖ ਮਾਰਗ’ ਦਾ ਵਿਰੋਧ ਕਰਦੇ ਆ ਰਹੇ ਹਨ। ਮਿਸਾਲ ਦੇ ਤੌਰ ਤੇ ਜਦੋਂ ਭਾਈ ਰਣਜੀਤ ਸਿੰਘ ਨੇ 1998 ਵਿੱਚ ਤੱਪੜਾਂ ਤੇ ਬੈਠ ਕੇ ਲੰਗਰ ਛਕਣ ਦਾ ਹੁਕਮਨਾਮਾ ਜ਼ਾਰੀ ਕੀਤਾ ਸੀ ਤਾਂ ਅਸੀਂ ਇਸ ਨੂੰ ਗਲਤ ਅਤੇ ਗੁਰਮਤਿ ਤੋਂ ਉਲਟ ਕਿਹਾ ਸੀ। ਉਸ ਵੇਲੇ ਬਹੁਤੇ ਸਿੱਖ ਇਸ ਮਸਲੇ ਨੂੰ ਲੈ ਕੇ ਮਰਨ-ਮਰਾਨ ਤੇ ਤੁਲੇ ਹੋਏ ਸਨ। ਉਸ ਤੋਂ ਬਾਅਦ ਕਾਲਾ ਅਫਗਾਨਾਂ ਦੀਆਂ ਕਿਤਾਬਾਂ ਦਾ ਮਸਲਾ ਅਤੇ ਉਸ ਨੂੰ ਕਥਿਤ ਤੌਰ ਤੇ ਛੇਕਣ ਦਾ ਗਿਆ। ਫਿਰ ਸਪੋਕਸਮੈਨ ਦੇ ਐਡੀਟਰ ਨੂੰ ਛੇਕਣ ਦਾ ਅਤੇ ਇਸ ਨੂੰ ਨਾ ਪੜ੍ਹਨ ਦਾ ਮਸਲਾ। ਦਸਮ ਗ੍ਰੰਥ ਅਤੇ ਰਾਗਮਾਲਾ ਦਾ ਮਸਲਾ। ਕਰਤਾਰ ਪੁਰੀ ਬੀੜ ਦਾ ਮਸਲਾ। ਇਸ ਤਰ੍ਹਾਂ ਦੇ ਹੋਰ ਵੀ ਕਈ ਮੁੱਦੇ ਸਨ ਜਿਨ੍ਹਾ ਬਾਰੇ ਸਿੱਖ ਮਾਰਗ ਦਾ ਸਟੈਂਡ ਸੱਚ ਦੇ ਅਧਾਰ ਤੇ ਬਾਕੀਆਂ ਨਾਲੋਂ ਵੱਖਰਾ ਸੀ। ਇਸ ਕਰਕੇ ਬਹੁਤੇ ਅੰਧਵਿਸ਼ਵਾਸ਼ੀ, ਕਰਮਕਾਂਡੀ ਅਤੇ ਡੇਰਿਆਂ ਨਾਲ ਸੰਬੰਧਿਤ ਸਿੱਖ ਸਾਡੇ ਵਿਰੋਧ ਵਿੱਚ ਹੀ ਖੜੇ ਰਹੇ ਹਨ।
ਸਮੇਂ ਅਨੁਸਾਰ ਸਮਾਜਿਕ ਰੀਤਾਂ ਰਸਮਾਂ ਬੜੀ ਤੇਜੀ ਨਾਲ ਬਦਲ ਰਹੀਆਂ ਹਨ। ਕਿਸੇ ਸਮੇ ਬਿਨਾ ਇੱਕ ਦੂਜੇ ਨੂੰ ਮਿਲੇ ਅਤੇ ਦੇਖੇ ਤੋਂ ਸਾਰਾ ਕੁੱਝ ਸਿਰਫ ਵਿਚੋਲਿਆਂ ਰਾਂਹੀ ਹੀ ਹੁੰਦਾ ਸੀ। ਫਿਰ ਮਿੱਤਰਾਂ, ਦੋਸਤਾਂ ਅਤੇ ਰਿਸ਼ਤੇਦਾਰੀਆਂ ਰਾਹੀਂ ਹੋਣ ਲੱਗ ਪਿਆ। ਪਰ ਹੁਣ ਦੇ ਜਮਾਨੇ ਵਿੱਚ ਬਹੁਤਾ ਕਰਕੇ ਬੱਚੇ ਬੱਚੀਆਂ ਆਪ ਹੀ ਆਪਣੇ ਜੀਵਨ ਸਾਥੀਆਂ ਦੀ ਚੋਣ ਕਰ ਰਹੇ ਹਨ। ਕੋਈ ਸ਼ੋਸ਼ਲ ਮੀਡੀਏ ਰਾਹੀਂ ਕਰ ਰਿਹਾ ਹੈ ਅਤੇ ਕੋਈ ਆਪਣੇ ਨਾਲ ਪੜ੍ਹਦੇ ਜਾਂ ਕੰਮ ਕਰਦੇ ਵਸੀਲਿਆਂ ਰਾਹੀਂ। ਕੋਈ ਸਮਾ ਐਸਾ ਸੀ ਕਿ ਪੰਜਾਬ ਦੇ ਲੋਕ ਆਪਣੀਆਂ ਲੜਕੀਆਂ ਨੂੰ ਆਪਣੇ ਪਿੰਡ ਦੇ ਸਕੂਲ ਤੱਕ ਹੀ ਪੜ੍ਹਾਉਂਦੇ ਸਨ। ਕੋਈ ਵਿਰਲਾ ਹੀ ਉਚ ਵਿਦਿਆ ਲਈ ਸ਼ਹਿਰ ਭੇਜਦਾ ਸੀ। ਪਰ ਹੁਣ ਤਾਂ ਸ਼ਹਿਰ ਛੱਡ ਕੇ ਵਿਦੇਸ਼ਾਂ ਵਿੱਚ ਵੀ ਹਜ਼ਾਂਰਾਂ ਦੀ ਗਿਣਤੀ ਵਿੱਚ ਲੜਕੀਆਂ ਪੜ੍ਹਨ ਜਾਂਦੀਆਂ ਹਨ ਅਤੇ ਹੋਰ ਵੀ ਬਹੁਤ ਕੁੱਝ ਹੁੰਦਾ ਹੈ। ਸਮਾਜਿਕ ਕਦਰਾਂ ਕੀਮਤਾਂ ਬੜੀ ਤੇਜੀ ਨਾਲ ਬਦਲ ਰਹੀਆਂ ਹਨ।
ਅਸੀਂ ਆਪਣੀ ਜਿੰਦਗੀ ਦਾ ਬਹੁਤ ਸਮਾ ਇੱਥੇ ਸਿੱਖ ਮਾਰਗ ਤੇ ਲਾਇਆ ਹੈ। ਹੁਣ ਇਸ ਸਮੇ ਨੂੰ ਹੋਰ ਵਧਾਉਣ ਦੀ ਬਿਜਾਏ ਕੁੱਝ ਘਟਾਉਣਾ ਚਾਹੁੰਦੇ ਹਾਂ। ਇਹ ਪੰਨਾ ਪਾਠਕਾਂ/ਲੇਖਕਾਂ ਲਈ 24 ਘੰਟੇ ਖੁੱਲਾ ਹੁੰਦਾ ਹੈ। ਇਸ ਲਈ ਤੁਸੀਂ ਆਪਣੇ ਬੱਚਿਆਂ ਦੀ ਵਿਦਿਆ ਬਾਰੇ, ਉਮਰ ਤੇ ਕੱਦ-ਕਾਠ ਬਾਰੇ ਜਾਣਕਾਰੀ ਜੇ ਕਰ ਚਾਹੋਂ ਤਾਂ ਇੱਥੇ ਹੀ ਸਾਂਝੀ ਕਰ ਸਕਦੇ ਹੋ। ਇੰਡੀਆ ਵਿੱਚ ਕਈ ਧਾਰਮਿਕ ਮੈਗਜ਼ੀਨ ਨਿਕਲਦੇ ਹਨ ਖਾਸ ਕਰਕੇ ਮਿਸ਼ਨਰੀ ਕਾਲਜ਼ਾਂ ਵਲੋਂ ਅਤੇ ਉਹਨਾ ਵਿੱਚ ਵੀ ਇਸ ਤਰ੍ਹਾਂ ਦੇ ਇਸ਼ਤਿਹਾਰ ਛਪਦੇ ਹਨ। ਤੁਸੀਂ ਉਥੇ ਵੀ ਛਪਵਾ ਸਕਦੇ ਹੋ। ਸਿੱਖ ਮਾਰਗ ਨੂੰ ਪੜ੍ਹਨ ਦਾ ਸ਼ੁਕਰੀਆ।
18th December 2018 3:10pm
Gravatar
Lakhvinder Singh (Raipur Chhattisgarh, India)
ਵਾਹ ਗੁਰੂ ਜੀ ਕਾ ਖ਼ਾਲਸਾ || ਵਾਹ ਗੁਰੂ ਜੀ ਕੀ ਫ਼ਤਹਿ ||
ਵੀਰ ਮੱਖਣ ਸਿੰਘ ਜੀ, ਸੁਝਾਅ ਦੇਣ ਲਈ ਬਹੁਤ-ਬਹੁਤ ਧੰਨਵਾਦ ਜੀ |

ਵੀਰ ਜੀ, ਵੈਸੇ ਤਾਂ ਆਲ ਓਵਰ ਇੰਡੀਆ ਵਿੱਚ ਮੇਰੇ 14 ਵਾਟਸੱਪ ਗਰੁੱਪ ਚੱਲਦੇ ਸਨ, ਜਿਸ ਵਿੱਚ ਇੰਡੀਆ ਤੋਂ 15 ਮੇਰੇ ਕੋ-ਐਡਮਿਨ ਸਨ/ਹਨ, ਇੱਕ ਐਨ. ਆਰ. ਆਈ. ਗਰੁੱਪ ਵੀ ਸੀ, ਪਰ ਮੈਂ ਵੀ ਬਹੁਤਾ ਸਮਾਂ ਦੇ ਸਕਣ ਤੋਂ ਅਸਮਰੱਥ ਸਾਂ, ਇਸ ਕਰਕੇ ਮੈਂ ਉਹਨਾਂ ਨੂੰ ਇੱਕ ਦੂਜੇ ਵਿੱਚ ਮਰਜ ਕਰਦਿਆਂ ਘਟਾ ਕੇ 8 ਗਰੁੱਪ ਕਰ ਦਿੱਤੇ ਹਨ | ਮੈਂ ਤਾਂ ਤੁਹਾਡੇ ਉਸ ਪੇਜ ਦੇ ਬਹਾਨੇ ਕਾਫ਼ੀ ਸੱਜਣਾਂ ਨੂੰ ਗੁਰਮਤਿ ਪ੍ਰਚਾਰ ਦੇ ਇਸ ਬਹੁਤ ਵੱਡੇ ਪਲੇਟਫ਼ਾਰਮ ਤੇ ਲਿਆਉਣਾ ਚਾਉਂਦਾ ਸਾਂ, ਪਰ ਵਿਆਹ ਸਬੰਧੀ ਉਹ ਪੇਜ ਕਿਉਂ ਕਾਮਯਾਬ ਨਹੀਂ ਹੋ ਸੱਕਿਆ, ਇਹ ਆਪ ਜੀ ਨੇ ਦੱਸ ਹੀ ਦਿੱਤਾ ਹੈ |

ਫ਼ਿਰ ਤੋਂ ਧੰਨਵਾਦ ਜੀ |
4th January 2019 10:19am
Gravatar
Lakhvinder Singh (Raipur, India)
ਵੀਰ ਮੱਖਣ ਸਿੰਘ ਜੀ, ਮੈਂ ਸਿੱਖ ਮਾਰਗ ਤੇ ਕਿਤੇ ਪੜ੍ਹਿਆ ਸੀ ਕਿ ਆਪ ਜੀ ਸਿੱਖ ਬੱਚੇ ਬੱਚੀਆਂ ਦੇ ਵਿਆਹ ਸ਼ਾਦੀ ਵਿੱਚ ਆ ਰਹੀ ਔਕੜਾਂ ਨੂੰ ਮੁੱਖ ਰੱਖਦੇ ਹੋਏ, ਇਸ ਸਬੰਧੀ ਇੱਕ ਨਵਾਂ ਪੇਜ ਆਰੰਭ ਕਰਨ ਜਾ ਰਹੇ ਹੋ| ਮੇਰਾ ਮਸਲਾ ਇਹ ਹੈ ਕਿ ਉਹ ਪੇਜ ਸ਼ੁਰੂ ਹੋਇਆ ਕਿ ਨਹੀਂ? ਜੇ ਹੋ ਗਿਆ ਹੈ ਤਾਂ ਉਸਦੀ ਕੋਈ ਸੂਚਨਾ ਉਸ ਪੇਜ ਤੇ ਉਪਲਬਧ ਨਹੀਂ ਹੈ| ਸੋ ਕਿਰਪਾ ਕਰ ਕੇ ਦਾਸ ਦਾ ਮਸਲਾ ਹੱਲ ਕਰੋ ਜੀ|
16th December 2018 8:37am
Gravatar
Lakhvinder Singh (Raipur, India)
ਵੀਰ ਮੱਖਣ ਸਿੰਘ ਜੀ, ਮੈਂ ਸਿੱਖ ਮਾਰਗ ਤੇ ਸਿੱਖ ਬੱਚੇ ਬੱਚੀਆਂ ਦੀ ਵਿਆਹ ਸੰਬੰਧੀ ਇੱਕ ਨਵਾਂ ਪੇਜ ਆਰੰਭ ਕਰਣ ਬਾਰੇ ਪੜ੍ਹਿਆ ਹੈ, ਪਰ ਵਿਆਹ ਸਬੰਧੀ ਸਮੱਗਰੀ ਕਿੱਥੇ ਸ਼ੇਅਰ ਕੀਤੀ ਜਾਵੇ, ਇਸ ਦਾ ਜ਼ਿਕਰ ਕਿਤੇ ਵੀ ਨਹੀਂ ਮਿਲਿਆ| ਸੋ ਆਪ ਜੀ ਨੂੰ ਨਿਮਰਤਾ ਸਹਿਤ ਬੇਨਤੀ ਹੈ ਕਿ ਦਾਸ ਦਾ ਮਸਲਾ ਹੱਲ ਕੀਤਾ ਜਾਵੇ| ਮੇਰੇ ਦੋ ਬੇਟੇ ਹਨ, ਦੋਨੋਂ ਹੀ ਪੰਜ ਕਕਾਰੀ ਤੇ ਗੁਰਮਤਿ ਵਿਚਾਰਧਾਰਾ ਨਾਲ ਜੁੜੇ ਹਨ| ਦਾਸ ਖ਼ੁਦ ਗੁਰਮਤਿ ਪ੍ਰਚਾਰਕ ਹੈ ਤੇ ਤੱਤ ਗੁਰਮਤਿ ਦੀ ਗੱਲ ਹਰ ਸਟੇਜ ਤੇ ਖੁੱਲ੍ਹ ਕੇ ਕਰਦਾ ਹੈ| ਮੈਂ ਸਿੱਖ ਮਾਰਗ ਨਾਲ ਤਕਰੀਬਨ 4 ਸਾਲਾਂ ਤੋਂ ਜੁੜਿਆ ਹੋਇਆ ਹਾਂ, ਤੇ ਇਸ ਸਾਈਟ ਤੋਂ ਮੈਨੂੰ ਬਹੁਤ ਕੁੱਝ ਹੋਰ ਸਿੱਖਣ ਨੂੰ ਮਿਲਿਆ ਹੈ, ਪਰ ਇਹ ਸ਼ਾਇਦ ਮੇਰੀ ਬਹੁਤ ਵੱਡੀ ਢਿੱਲ ਰਹੀ ਹੈ ਕਿ ਮੈਂ ਕਦੀ ਕੋਈ ਗੱਲ ਦੀ ਸਾਂਝ ਨਹੀਂ ਪਾ ਸੱਕਿਆ|
16th December 2018 8:32am
Gravatar
Dr Dalvinder Singh Grewal (Ludhiana, India)
ਜੋ ਕੰਮ ਤੈਨੂੰ ਭਾਉਂਦੇ ਰੱਬਾ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਜੋ ਕੰਮ ਤੈਨੂੰ ਭਾਉਂਦੇ ਰੱਬਾ।
ਉਹ ਹੀ ਰਹੀਂ ਕਰਾਉਂਦੇ ਰੱਬਾ।
ਕਾਰ ਕਰਦਿਆਂ, ਨਾਮ ਜਪਦਿਆਂ
ਰਹੀਏ ਵੰਡ ਛਕਾਉਂਦੇ ਰੱਬਾ।
ਅਸੀਂ ਹਾਂ ਤੇਰੇ ਹੁਕਮ ‘ਚ ਬਧੇ
ਦਿਤੀ ਕਾਰ ਕਮਾਉਂਦੇ ਰੱਬਾ।
ਤੇਰਾ ਹੁਕਮ ਸਦਾ ਸਿਰ ਮੱਥੇ,
ਡਟ ਕੇ ਹੁਕਮ ਪੁਗਾਉਂਦੇ ਰੱਬਾ।
ਦੇਖੀਂ ਕਿਧਰੇ ਰੁੱਸ ਨਾ ਜਾਵੀਂ,
ਮੁਕਣਾ ਪਊ ਮਨਾਉਂਦੇ ਰੱਬਾ।
ਹੋਰ ਸਹਾਰਾ ਕਿਥੋਂ ਮਿਲਣਾ,
ਤੇਰੀ ਓਟ ਗਵਾਉਂਦੇ ਰੱਬਾ।
ਆਪੇ ਕਰਤਾ, ਆਪੇ ਭੁਗਤਾ,
ਆਪੇ ਰਹੀਂ ਨਿਭਾਉਂਦੇ ਰੱਬਾ।
13th December 2018 5:43pm
Gravatar
Dr Dalvinder Singh Grewal (Ludhiana, India)
ਆ!ਜੇ ਤੂੰ ਰੱਬ ਨਾਲ ਲਾਉਣੀ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਲੱਭ ਗੁਰ ਪੂਰਨ, ਪੈ ਜਾ ਪੈਰੀਂ, ਸਿੱਖ ਲੈ ਸੇਵ ਕਮਾਉਣੀ।
ਸਮਝ ਲੈ ਆਪਾ, ਸਮਝ ਲੈ ਦੁਨੀਆਂ, ਸਮਝ ਲੈ ਰੱਬ ਦੀ ਭਾਉਣੀ।
ਤੂੰ ਤਾਂ ਕੁੱਝ ਨਾਂ, ਸਭ ਹੈ ਉਹ ਹੀ , ਸਮਝ ਜ਼ਰੂਰੀ ਆਉਣੀ॥
ਜੋ ਵੀ ਹੈ ਸੱਭ ਉਸ ਦਾ ਸਮਝੀਂ, ਜਾਣੀ ਜਿੰਦ ਪਰ੍ਹਾਉਣੀ।
ਸੱਭ ਨੂੰ ਉਸ ਦੇ ਜਾਣ, ਭਲਾ ਕਰ, ਦੂਈ ਦਵੈਤ ਭੁਲਾਉਣੀ।
ਕੂੜੇ ਜੱਗ ਦਾ ਨਿਹੁੰ ਛੱਡ ਦਿਲ ਵਿਚ ਸੱਚ ਦੀ ਪਾ ਲੈ ਛਾਉਣੀ।
ਉਹ ਸੱਚਾ ਸਾਰਾ ਜੱਗ ਝੂਠਾ, ਸਭ ਦੀ ਜਾਣੀ ਆਉਣੀ॥
ਹਰ ਸਾਹ ਨਾਮ ਉਸੇ ਦਾ ਜਪਣਾ, ਹਰ ਦਮ ਉਸਤਤ ਗਾਉਣੀ।
ਆਪ ਮਿਟੇਂ ਤਾਂ ਰੋਸ਼ਨ ਹੋ ਕੇ, ਰੂਹ ਉਸ ਜਿਹੀ ਬਣਾਉਣੀ।
ਨੂਰ ਨੂਰ ਹੋ ਨੂਰ ‘ਚ ਮਿਲਿਆਂ, ਮੰਜ਼ਿਲ ਅਪਣੀ ਪਾਉਣੀ।
ਬੰਦਿਆ!ਜੇ ਤੂੰ ਰੱਬ ਨਾਲ ਲਾਉਣੀ।
12th December 2018 3:53pm
Gravatar
Makhan Singh Purewal (Quesnel, Canada)
ਸਿੱਖ ਮਾਰਗ ਦੇ ਪਾਠਕਾਂ ਦੀ ਜਾਣਕਾਰੀ ਲਈ
ਅੱਜ 11 ਦਸੰਬਰ 2018 ਨੂੰ ਮੈਂ ਦਾਦੂਵਾਲ ਅਤੇ ਮੰਡ ਦੇ ਪੈਸਿਆਂ ਵਾਲੀ ਰਿਕਾਰਡਿੰਗ ਦੋ ਦਿਨ ਪਹਿਲਾਂ ਵਾਲੇ ਲੇਖ, “ਸੱਚ ਕੀ ਹੈ ਅਤੇ ਝੂਠ ਕੀ ਹੈ ਇਹ ਤੁਸੀਂ ਆਪੇ ਹੀ ਸੋਚ ਲਓ” ਵਿੱਚ ਪਾ ਦਿੱਤੀ ਹੈ। ਕਿਰਪਾ ਕਰਕੇ ਉਹ ਜਰੂਰ ਸੁਣੋਂ ਅਤੇ ਬਾਦਲ ਦਲੀਆਂ ਦੇ ਨਾਲ ਨਾਲ ਭਿੰਡਰਾਂਵਾਲੇ ਸਾਧ ਦੇ ਖਾਲਿਸਤਾਨੀ ਚੇਲਿਆਂ ਤੋਂ ਵੀ ਸਾਵਧਾਨ ਰਹੋ।
11th December 2018 4:44pm
Gravatar
Dr Dalvinder Singh Grewal (Ludhiana, India)
ਦੋ ਕਵਿਤਾਵਾਂ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
-1-
ਕਈ ਵਾਰ ਖੋਣ-ਲੱਭਣ ਦੀ
ਲੁਕਾ-ਛਿਪੀ ਤੋਂ ਬਾਦ
ਜਦ ਉਹ ਅਪਣੇ ਕਰਮਾਂ ਦੀਆਂ
ਲਕੀਰਾਂ ਤੇ ਝਾਤ ਮਾਰਦਾ ਹੈ
ਤਾਂ ਕਹਿ ਉੱਠਦਾ ਹੈ:
‘ਮੈਂ ਇਉਂ ਨਹੀਂ ਸੀ ਕਰਨਾ।‘
ਸੋਚੀ-ਸਮਝੀ ਸੇਧ ਬਿਨਾ,
ਜੀਵਨ ਦਾ ਇਹ ਸਫਰ।
ਆਪੇ ਦੀ ਪਛਾਣ ਬਿਨਾ,
ਨਿਸ਼ਾਨੇ ਮਿਥਣੇ,
ਹਨੇਰੇ ਦੀਆਂ ਟੱਕਰਾਂ।
ਸਫਰ ਦੀ ਸਹੀ ਸੇਧ ਹੋਵੇ
ਮੰਜ਼ਿਲਾਂ ਤਾਂ ਹੀ ਮਿਲਦੀਆਂ
ਇਹੋ ਸੋਚ ਸੋਚ
ਅਪਣੀ ਤੇ ਪਿੱਤਰਾਂ ਦੀ
ਭਟਕੀ ਗੁਆਚੀ ਜ਼ਿੰਦਗੀ ਦਾ
ਤੋਲ-ਮੋਲ ਕਰ ਕਹਿਨਾ
‘ਮੈਂ ਇਉਂ ਨਹੀਂ ਸੀ ਕਰਨਾ’
ਜੋ ਵੀ ਦੁਨੀਆਂ ਬਣ
ਅੰਤ ਨਿਸ਼ਚਿਤ ਲਿਖਾ ਆਈ,
ਹਰ ਜਨਮਦਾ ਜੀਵ,
ਮੌਤ ਵਲ ਦੌੜਦਾ ਹੈ।
ਰਾਹ ਵਿਚ ਕੁਝ ਕੱਖ ਫਰੋਲਦੇ,
ਅੱਗ ਲਾਉਂਦੇ ਅੱਗ ਸੇਕਦੇ
ਅੱਗ ਬੁਝੀ ਤੇ ਠੁਰ ਠੁਰ ਕਰਦੇ
ਅੱਗੇ ਹੀ ਅੱਗੇ ਵੱਧਦੇ
ਬੀਆਬਾਨ ਵਲ, ਸੁੰਨਸਾਨ ਵਲ
ਵਧਣਾ ਕਿਸਮਤ ਸਹਾਰੇ
ਸੂਝ ਸਹਾਰੇ
ਸਮਰਥਤਾ ਤੋਂ ਅਸਮਰਥਤਾ ਵਲ
ਕੀ ਇਹੋ ਹਿਸਾ ਇਸ ਤਾਸੀਰ ਦਾ।
-2-
ਝੁਠ ਕਿਉਂ ਮਾਰਾਂ?
ਜ਼ਿੰਦਗੀ ਵੀ ਤਾਂ ਬਹੁਤੀ ਨਹੀਂ ਰਹੀ
ਇਸ ਥੁੜ-ਚਿਰੀ ਜ਼ਿੰਦਗੀ ਵਿਚ
ਥੁੜ-ਚਿਰੇ ਝੂਠ ਦੀ ਥਾਂ
ਤੇ ਸਦੀਵੀ-ਸੱਚ ਬੋਲਾਂ ਤਾਂ
ਤਾਂ ਸੱਚ ਦੀ ਉਮਰ ਲੰਬੇਰੀ ਹੋਵੇਗੀ
ਇਹ ਸੱਚ ਹੈ ਕਿ ਪੰਜਾਬ
ਇਕ ਮੁਸ਼ਕਿਲ ਦੇ ਦੌਰ ਵਿਚ
ਇਹ ਵੀ ਸੱਚ ਹੈ ਕਿ
ਕਿਸਾਨ ਲਗਾਤਾਰ ਖੁਦਕਸ਼ੀਆਂ ਕਰਦੇ
ਕਾਰਖਾਨਿਆਂ ਦੇ ਮਾਲਿਕ
ਕਾਰਖਾਨੇ ਬੰਦ ਕਰ
ਛੋਟੇ ਮੋਟੇ ਕਿਤੇ ਕਰ
ਪੰਜਾਬੀਆਂ ਦੀ ਥਾਂ
ਸਸਤੇ ਭਈਆਂ ਤੋਂ ਕੰਮ ਲੈਂਦੇ
ਤੇ ਪੰਜਾਬੀ ਵਿਦੇਸ਼ੀਂ ਜਾਣ ਲਈ ਲਾਮ ਬੰਦ।
ਨਾ ਉਮੀਦੀ ਤੋਂ ਬਿਨਾ ਉਨ੍ਹਾ ਕੋਲ
ਨਾ ਕੁਝ ਦੇਸ ਵਿਚ ਨਾਂ ਪਰਦੇਸ ਵਿਚ।
ਏਜੰਟਾਂ ਦੇ ਧੱਕੇ ਚੜ੍ਹੇ
ਅਮਰੀਕਾ ਦੀ ਥਾਂ ਮਨੀਲਾ ਵਿਚ
ਗੋਲੀਆਂ ਖਾਂਦੇ, ਤਿਲ ਤਿਲ ਮਰਦੇ
ਕਨੇਡਾ ਦੀ ਥਾਂ ਅਰਬ ਵਿਚ
ਗੁਲਾਮੀ ਕਰਦੇ, ਭੁੱਖੇ ਮਰਦੇ।
ਘਰ ਦੀ ਜ਼ਮੀਨ ਵੇਚੀ,
ਮਾਂ-ਪਿਉ ਨੂੰ ਕਿਹੜੀ ਕਮਾਈ ਦੇਣ?
ਨਾ ਘਰ ਦੇ ਨਾ ਘਾਟ ਦੇ
ਜੋ ਸੁਪਨੇ ਸੀ ਲੈਂਦੇ ਲਾਟ ਦੇ।
ਆੜ੍ਹਤੀਆਂ ਤੇ ਬੈਕਾਂ ਦੇ ਸਤਾਏ
ਮਾਂ ਪਿਉ ਰੋਂਦੇ
ਅੱਖੀਆਂ ਦੀ ਲਾਟ ਗਵਾਉਂਦੇ
ਜਾਂ ਰੁਖਾਂ ਨਾਲ ਫਾਹਾ ਜਾ ਲੈਂਦੇ।
ਇਹ ਵੀ ਸੱਚ ਹੈ ਕਿ ਨਵੀਂ ਪੀੜ੍ਹੀ
ਨਾਉਮੀਦੀ ਦੇ ਹਨੇਰੇ ਚੋਂ ਡਰਦੀ
ਨਸ਼ਿਆਂ ਦੀ ਗੋਦੀ ਬੈਠਦੀ।
ਤਰਾਸਦੀ ਹੀ ਤਰਾਸਦੀ ਚੁਫੇਰ
ਸ਼ਾਂਤੀ ਕਿਥੇ, ਚੈਨ ਕਿਥੇ?
ਘੁੱਗ ਵਸਦਾ ਪੰਜਾਬ ਹੁਣ
ਬੁਸਕਣੀਏਂ ਰੋਂਦਾ, ਰਾਜਨੀਤੀ ਦੀ
ਚਰਖੜੀ ਵਿਚ ਫਸਿਆ ਪਿੰਜਦਾ
ਜਗੀਰਦਾਰੂ ਨਿਜ਼ਾਮ ਦੀ ਜਕੜ ਵਿਚ
ਹੋਰ ਜਕੜੀ ਜਾਂਦਾ, ਖਤਮ ਹੋਈ ਜਾਂਦਾ
ਧਰਮ ਦੇ ਨਾਂ ਤੇ ਜੋ ਰਹਿੰਦ ਖੂੰਹਦ
ਦੀ ਬਝੀ ਸੀ ਆਸ, ਉਹ ਵੀ
ਦੁਫਾੜੂਆਂ ਨੇ ਪਾ ਦਿਤੀ
ਬਲਦੀ ਭੱਠੀ ਵਿਚ ਤੇ ਬਚਦੀ
ਜਗੀਰਦਾਰਾਂ ਦੇ ਕਬਜ਼ੇ ਵਿਚ
ਸੱਚ ਬੋਲਣ ਨੂੰ ਬਹੁਤ ਕੁਝ ਹੈ
ਸੱਚ ਜੋ ਸੱਭ ਜਾਣਦੇ ਹਨ
ਪਰ ਫਿਰ ਵੀ ਜਗੀਰਦਾਰੂ ਸ਼ਾਸ਼ਕਾਂ ਦੇ
ਰੱਸੇ ਗਲ ਪਵਾਈ ਜਾਂਦੇ ਨੇ।
ਕਿਲ੍ਹੇ ਬੰਨਿਆਂ ਨੂੰ ਤਾਂ ਹੁਣ
ਪਾਣੀ ਪਿਲਾਉਣ ਵਾਲਾ ਵੀ ਕੋਈ ਨਾਂਹ।
ਕਿੱਲੇ ਤੋੜੋ, ਆਜ਼ਾਦ ਹੋਵੋ,
ਸੋਚੋ, ਕੀ ਤੁਸੀਂ ਏਵੇ ਮਰਨਾ ਹੈ
ਮਨੀਲਾ ਵਿਚ ਗੋਲੀਆਂ ਖਾ
ਅਰਬ ਵਿਚ ਗੁਲਾਮੀ ਤੇ ਭੁਖ ਨਾਲ
ਜਾਂ ਅਮਰੀਕਾ ਦੀਆਂ ਜੇਲ੍ਹਾ ਵਿਚ
ਜਾਂ ਰੁਖਾਂ ਨਾਲ ਫਾਹੇ ਲੈ ਕੇ।
ਜਾਂ ਫਿਰ ਅਪਣਾ ਹੱਕ ਲੈ ਕੇ
ਅਪਣੀ ਹਕੂਮਤ ਬਣਾ ਕੇ
ਫੈਸਲਾ ਤੁਹਾਡੇ ਹੱਥ ਹੈ।
10th December 2018 4:26pm
Gravatar
Dr Dalvinder Singh Grewal (Ludhiana, India)
ਨਾਮ ਤੇਰਾ ਪਰ ਬਣ ਪੁਲ ਜਾਂਦੈ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਅੱਜ ਕੱਲ੍ਹ ਮੈਨੂੰ ਸੱਭ ਭੁੱਲ ਜਾਂਦੈ।
ਨਾਮ ਤੇਰਾ ਪਰ ਬਣ ਪੁਲ ਜਾਂਦੈ।
ਸਾਂਭ ਨਾ ਹੁੰਦਾ ਮੈਥੋਂ ਆਪਾ।
ਘਰ ਵਿਚ ਰਹਿੰਦਾ ਪਿਆ ਸਿਆਪਾ।
ਪੀਲਾ ਮੇਰਾ ਰੰਗ ਹੋ ਗਿਆ।
ਢਿੱਲਾ ਹਰ ਇਕ ਅੰਗ ਹੋ ਗਿਆ।
ਬਟੂਆ ਕਪੜਿਆਂ ਵਿਚ ਰੁਲਿਆ,
ਸ਼ੀਸ਼ਾ ਐਨਕ ਦਾ ਨਾ ਮਿਲਿਆ।
ਜੋ ਫੜਦਾਂ, ਹੱਥੋਂ ਡੁੱਲ ਜਾਂਦੈ।
ਅੱਜ ਕੱਲ੍ਹ ਮੈਨੂੰ ਸੱਭ ਭੁੱਲ ਜਾਂਦੈ।
ਨਾਮ ਤੇਰਾ ਪਰ ਬਣ ਪੁਲ ਜਾਂਦੈ
ਵੱਸ ਰਿਹਾ ਨਾ ਕੁਝ ਵੀ ਮੇਰੇ।
ਦਿਨ ਵੀ ਬਣਦੇ ਜਾਣ ਹਨੇਰੇ।
ਅਪਣੇ ਵੀ ਨਾ ਨੇੜੇ ਲਗਦੇ,
ਜਿਨੂੰ ਬੁਲਾਵਾਂ ਰੁਝੇ ਲੱਗਦੇ।
ਸਭ ਨੂੰ ਪੈ ਗਈ ਆਪਾ ਧਾਪੀ,
ਦੁਨੀਆਂ ਮੈਨੂੰ ਖੋਈ ਜਾਪੀ
ਜਿਉਂ ਬੱਚਾ ਮੇਲੇ ਰੁਲ ਜਾਂਦੈ।
ਅੱਜ ਕੱਲ੍ਹ ਮੈਨੂੰ ਸੱਭ ਭੁੱਲ ਜਾਂਦੈ।
ਮੈਨੂੰ ਇਕੋ ਯਾਦ ਰਹਿ ਗਿਆ।।
ਦਿਲ ਵਿਚ ਤੇਰਾ ਨਾਮ ਬਹਿ ਗਿਆ।
ਸੁਬਹ-ਸ਼ਾਮ ਪੁਕਾਰਾਂ ਤੈਨੂੰ।
ਕਿਉਂ ਇਉਂ ਕੱਲਾ ਛੱਡਿਆ ਮੈਨੂੰ।
ਮੈਨੂੰ ਕੱਲੇ ਨੂੰ ਤੜਪਾਵੇਂ।
ਕਿਉਂ ਨਾ ਅਪਣੇ ਨਾਲ ਮਿਲਾਵੇਂ
ਤੈਥੋਂ ਬਿਨ ਹੁਣ ਜੀਣਾ ਮੁਸ਼ਕਿਲ।
ਤੈੋਂਥੋਂ ਹੋ ਵੱਖ ਰਹਿਣਾ ਮੁਸ਼ਕਿਲ।
ਲਵੀਂ ਕਲਾਵੇ ਦੇਰ ਨਾ ਕਰਨਾ।
ਬੇਮਤਲਬ ਹੁਣ ਜੀਣਾ ਮਰਨਾ।
ਇਕ ਰਾਹ ਬੰਦ ਦੂਜਾ ਖੁਲ੍ਹ ਜਾਂਦੈ।
ਅੱਜ ਕੱਲ੍ਹ ਮੈਂਨੂੰ ਸੱਭ ਭੁੱਲ ਜਾਂਦੈ।
ਨਾਮ ਤੇਰਾ ਪਰ ਬਣ ਪੁਲ ਜਾਂਦੈ।
10th December 2018 3:41pm
Gravatar
Dr Dalvinder Singh Grewal (Ludhiana, India)
ਲਵਿੰਦਰ ਸਿੰਘ ਗ੍ਰੇਵਾਲ
ਰੁਕ ਜਾਏ ਸੋਚ, ਰਹੇ ਨਾ ਲੋਚ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
ਵਕਤ ਬੇ-ਬੋਚ, ਲਵੇ ਗਮ ਨੋਚ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
ਬੋਲ ਵਾਹਿਗੁਰੂ, ਡਰ ਨਈਂ ਰਹਿੰਦਾ।
ਬੋਲ ਵਾਹਿਗੁਰੂ, ਫਿਕਰ ਨਈਂ ਰਹਿੰਦਾ।
ਬੋਲ ਵਾਹਿਗੁਰੂ, ਕਲਾ ਚੜ੍ਹਦੀਆਂ।
ਬੋਲ ਵਾਹਿਗੁਰੂ, ਸ਼ਫਾਂ ਮਿਲਦੀਆਂ।
ਬੋਲ ਵਾਹਿਗੁਰੂ, ਰਾਸ ਨੇ ਕਾਰਜ।
ਬੋਲ ਵਾਹਿਗੁਰੂ, ਸਿੱਧ ਨੇ ਮਾਰਗ।
ਬੋਲ ਵਾਹਿਗੁਰੂ, ਹਟੇ ਰੁਕਾਵਟ।
ਬੋਲ ਵਾਹਿਗੁਰੂ, ਦਿਸਦਾ ਸੱਚ ਸੱਚ।
ਸਮਝ ਨਾ ਹੋਰ, ਪਕੜ ਰੱਬ ਡੋਰ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
ਚੱਲੇ ਨਾ ਜ਼ੋਰ, ਝੂਠ ਦਾ ਸ਼ੋਰ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
ਬੋਲ ਵਾਹਿਗੁਰੂ, ਠੰਢਕ ਛਾਵੇ।
ਬੋਲ ਵਾਹਿਗੁਰੂ, ਆਨੰਦ ਆਵੇ।
ਬੋਲ ਵਾਹਿਗੁਰੂ, ਚਾਨਣ ਵਧਦਾ।
ਬੋਲ ਵਾਹਿਗੁਰੂ, ਨ੍ਹੇਰਾ ਮਿਟਦਾ।
ਬੋਲ ਵਾਹਿਗੁਰੂ, ਸਦਾ ਚੜ੍ਹਾਈ।
ਬੋਲ ਵਾਹਿਗੁਰੂ, ਸੋਚ ਖੁਦਾਈ।
ਬੋਲ ਵਾਹਿਗੁਰੂ, ਤੇ ਰੱਬ ਪਾ ਲੈ।
ਬੋਲ ਵਾਹਿਗੁਰੂ, ਸਫਰ ਮੁਕਾ ਲੈ।
ਜਾਂ ਸਭ ਆਵੇ ਰਾਸ, ਰਹੇ ਹੁਲਾਸ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
ਭਰਮ ਭਉ ਨਾਸ, ਹਟੇ ਜਮ ਫਾਸ, ਤਾਂ ਰੂਹ ਤੋਂ ਬੋਲ ਵਾਹਿਗੁਰੂ।
1st December 2018 5:30am
Gravatar
Makhan Singh Purewal (Quesnel, Canada)
ਪਾਠਕਾਂ/ਲੇਖਕਾਂ ਦੀ ਜਾਣਕਾਰੀ ਲਈ
ਇਸ ਹਫਤੇ ਬਹੁਤੇ ਲੇਖ ਛਪਣ ਲਈ ਨਹੀਂ ਆਏ ਇਸ ਲਈ ਹਫਤਾਵਾਰੀ ਲੇਖ ਅੱਪਡੇਟ ਨਹੀਂ ਕੀਤੇ ਗਏ। ਸਿਰਫ ਆਮ ਜਾਣਕਾਰੀ ਵਾਲਾ ਪੰਨਾ ਹੀ ਅੱਪਡੇਟ ਕੀਤਾ ਗਿਆ ਹੈ। ਸਪਤਾਹਿਕ ਲੇਖ ਹੁਣ ਅਗਲੇ ਹਫਤੇ ਦਸੰਬਰ 2 ਨੂੰ ਪਾਏ ਜਾਣਗੇ-ਸੰਪਾਦਕ।
25th November 2018 5:06pm
Gravatar
Gurpreet Singh (Washington State, US)
ਬੇਅਦਬੀ ਦਾ ਮਸਲਾ
-ਗੁਰਪ੍ਰੀਤ ਸਿੰਘ, ਵਾ਼ਸ਼ਿੰਗਟਨ ਸਟੇਟ

ਫੁੱਲ ਤੋੜਨ ਲਈ ਹੀ ਹੁੰਦੇ ਹਨ।
ਤਾਂ ਸੋਟਾ ਵੀ ਮਾਰਨ ਲਈ ਹੁੰਦਾ ਹੈ।
ਪਰ ਹੱਥਾਂ ਨੂੰ ਐਨਾ ਕਸ਼ਟ ਕਿਉਂ?

ਫੁੱਲ ਦੀ ਬੇਅਦਬੀ ਦੇ ਬਦਲੇ ਦਾ ਮਸਲਾ।
ਦਿਲ ਤੇ ਟੁੱਟਿਆ ਹੀ ਨਾ? ਹਾਂ, ਸ਼ਾਇਦ ਦੋ!
ਇੱਕ ਫੁੱਲ ਵਾਲਾ ਤੇ ਇੱਕ ਸੋਟੇ ਨਾਲ।

ਤਾਂ ਬਦਲੇ ਦੀ ਭਾਵਨਾ ਨੂੰ ਬਦਲ ਦੇ। ਕਿਵੇਂ ?
ਵਾੜ ਬਿਨਾ ਹੀ ਵਾੜੀ ਫੱਬਦੀ ਏ ਸੱਜਣਾ!
ਮਹਿਕ ਭਰਪੂਰ, ਇੱਕ ਹੋਰ ਫੁੱਲ ਉਗਾ ਕੇ।

ਤਾਂ ਕਿ ਫਿਰ ਤੋਂ ਕੁਕਰਮ ਕਰ ਸਕਣ ਆ ਕੇ?
ਨਹੀਂ, ਸਗੋਂ ਇੱਕ ਤੋਂ ਦੋ, ਦੋ ਤੋਂ ਤਿੰਨ,
ਤੇ ਹੋਰ ਅਗਾਂਹ ਹੋਰ ਵਧਾ, ਦਿਲ ਲਗਾ ਕੇ।

ਇੰਞ, ਮਾਲਾ ਦੀ ਤਰ੍ਹਾਂ ਪਰੋਏ ਬਗ਼ੀਚੇ ਨੂੰ,
ਭਰੂਹਣ ਦੀ ਗੱਲ ਤਾਂ ਦੂਰ, ਇਸਦੀ ਨੁਹਾਰ
ਤੱਕ ਕੇ ਉਹ, ਇਸਦਾ ਰੂਪ ਹੋਣਾ ਹੀ ਲੋਚੇਗਾ।

ਸੰਭਵ ਹੈ ਕਿ ਤੇਰੇ ਪਿਆਰੇ ਬਗ਼ੀਚੇ ਦੇ,
ਸੱਜਰੇ ਫੁੱਲਾਂ ਦੀ ਸੰਦਲੀ ਖੁਸ਼ਬੂ ਸਦਕਾ,
ਇਸਦਾ ਮਾਲੀ ਮਲੂਕ ਬਣਨ ਦਾ ਸੋਚੇਗਾ!

ਇੱਕ ਗੱਲ ਤੇਰੇ ਲਈ ਵੀ ਖਾਦਮ!
ਭੁੱਲ ਕੇ ਵੀ ਬਗ਼ੀਚੇ ਬਸੇਖ ਨੂੰ ਖਾਦ,
"ਮਿੱਸੇ ਚਾਨਣ" ਦੀ ਨਾ ਪਾਉਣਾ।

ਵਰਨਾ " ਪ੍ਰੀਤ" ਫੁੱਲਾਂ ਦੀ ਥਾਂ, ਸ਼ਾਇਦ!
ਉਹ ਹੱਥ ਫਿਰ ਪੈਦਾ ਹੋਣ, ਜਿਨ੍ਹਾਂ ਬਗ਼ੀਚੇ
ਅੰਦਰ ਹੀ ਅੰਤ! ਤੇਰੀ ਲੋਥ ਨੂੰ ਦਫ਼ਨਾਉਣਾ ।
15th November 2018 10:27pm
Gravatar
Dr Dalvinder Singh Grewal (Ludhiana, India)
ਰਾਤੀਂ ਨੀਂਦ ਉੱਡ ਜਾਂਦੀ
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ

ਯਾਦ ਤੇਰੀ ਆਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਰੂਹ ਏ ਕੁਰਲਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਲੱਭਦਾ ਈ ਰਹਿੰਦਾ, ਰਹਿੰਦਾ ਤੇਰੇ ‘ਚ ਖਿਆਲ।
ਆਪਾ ਭੁੱਲ ਗਿਆ, ਹੁਣ ਇਕੋ ਤੇਰੀ ਭਾਲ।
ਸ਼ੇਜ ਨਾ ਸੁਖਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਯਾਦ ਤੇਰੀ ਆਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਮਿਲਿਆ ਨਾ ਬਾਹਰੋਂ, ਭਾਲ ਅੰਦਰ ਹੀ ਕੀਤੀ,
ਲਾਇਆ ਹੈ ਧਿਆਨ, ਲੱਗੀ ਨਾਮ ਦੀ ਪ੍ਰੀਤੀ।
ਦੇਖਾਂ ਸੁਖੀਂ ਸਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਰੂਹ ਏ ਕੁਰਲਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਮਿਲਦਾ ਨਾ ਤੂੰ ਏਂ ਕਿਥੋਂ ਮਿਲਣਾ ਏਂ ਚੈਨ।
ਦਿਨ ਨੂੰ ਉਦਾਸੀ ਰਹਿੰਦੀਂ ਫਿਕਰਾਂ ‘ਚ ਰੈਣ।
ਸੋਚ ਵੱਢ ਖਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਰੂਹ ਏ ਕੁਰਲਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਹੋ ਜਾ ਸਾਹਵੇਂ ਸੱਜਣ ਜੀ, ਆ ਕੇ ਦੇਦੇ ਦੀਦ।
ਮੇਰੀ ਸਾਰੀ ਟਿਕੀ ਹੋਈ, ਤੇਰੇ ਤੇ ਉਮੀਦ।
ਹੋਸ਼ ਘਬਰਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।
ਰੂਹ ਏ ਕੁਰਲਾਂਦੀ, ਰਾਤੀਂ ਨੀਂਦ ਉੱਡ ਜਾਂਦੀ।

ਧਿਆਨ ਅੰਦਰ ਵਲ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਮਿਲਿਆ ਨਾ ਜਦ ਬਾਹਰ, ਧਿਆਨ ਅੰਦਰ ਵਲ ਲਾ ਲਿਆ ਹੈ।
ਥਾਂ ਥਾਂ ਭਟਕਣ ਨਾਲੋਂ ਅੰਦਰ, ਚਿੱਤ ਟਿਕਾ ਲਿਆ ਹੈ।
ਹਰ ਸਾਹ ਤੇਰੀ ਯਾਦ ਸਮਾਂ ਹੁਣ ਪਾਸੇ ਹੋ ਗਿਆ ਹੈ।
ਮੋੜ ਜੱਗ ਤੋਂ ਜੋੜ ਆਪ ਸੰਗ ਤੇਰੇ ਲਾ ਲਿਆ ਹੈ।
ਭੁੱਲਿਆ ਸੱਭ ਕੁਝ ਹੋਰ ਤੇਰਾ ਹੀ ਨਾਮ ਪਕਾ ਲਿਆ ਹੈ ।
ਮਿਲਿਆ ਨਾ ਜਦ ਬਾਹਰ, ਧਿਆਨ ਅੰਦਰ ਵਲ ਲਾ ਲਿਆ ਹੈ।
ਆਉਣਾ ਤੇਰੀ ਮਰਜ਼ੀ, ਗਲ ਜਦ ਚਾਹੇਂ ਲਾਏਂਗਾ।
ਤੇਰੀ ਨਜ਼ਰ ‘ਚ ਕੀ ਹਾਂ ਆਪੇ ਤੋਲ ਵਿਖਾਏਂਗਾ।
ਤੇਰੀ ਯਾਦ ਨੂੰ ਹਰ ਕੋਨੇ ਇਸ ਦਿਲ ਦੇ ਪਾ ਲਿਆ ਹੈ।
ਮਿਲਿਆ ਨਾ ਜਦ ਬਾਹਰ, ਧਿਆਨ ਅੰਦਰ ਵਲ ਲਾ ਲਿਆ ਹੈ।
ਦਿਸਦਾ ਤੂੰ ਹੀ ਤੂੰ ਹੁਣ ਸੱਜਣਾ ਜੱਗ ਦਾ ਕੁਝ ਵੀ ਨਈਂ।
ਰੋਸ਼ਨ ਅੰਦਰ ਹੋਇਆ ਬਾਹਰ ਲਗਦਾ ਕੁਝ ਵੀ ਨਈਂ।
ਹੁਣ ਤਾਂ ਬਾਹਰ ਅੰਦਰ ਦਾ ਵੀ ਫਰਕ ਮਿਟਾ ਲਿਆ ਹੈ।
ਮਿਲਿਆ ਨਾ ਜਦ ਬਾਹਰ, ਧਿਆਨ ਅੰਦਰ ਵਲ ਲਾ ਲਿਆ ਹੈ।
ਚੌਵੀ ਘੰਟੇ ਤੇਰੇ ਲਈ ਖੁਲ੍ਹੇ ਦਰਵਾਜ਼ੇ ਨੇ।
ਮੇਲ-ਮਿਟਾ ਆ ਸਜਣਾ ਰੂਹ ਦੇ ਇਹ ਆਵਾਜ਼ੇ ਨੇ।
ਕੀ ਕਰਨਾ ਉਸ ਹੋਂਦ ਦਾ ਜਿਸ ਨੇ ਵਿੱਥ ਬਣਾ ਲਿਆ ਹੈ।
ਮਿਲਿਆ ਨਾ ਜਦ ਬਾਹਰ, ਧਿਆਨ ਅੰਦਰ ਵਲ ਲਾ ਲਿਆ ਹੈ।
14th November 2018 12:39am
Gravatar
Dr Dalvinder Singh Grewal (Ludhiana, India)
ਜਲ ਦੇ ਬੁਲਬੁਲਿਆ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਕਿਸ ਗੱਲ ਦਾ ਏ ਮਾਣਾ, ਜਲ ਦੇ ਬੁਲਬੁਲਿਆ।
ਬਣ ਬਣ ਕੇ ਫੁੱਟ ਜਾਣਾ, ਜਲ ਦੇ ਬੁਲਬੁਲਿਆ।
ਨੌਂ ਮਾਹ ਪੁੱਠਾ ਰਿਹਾ ਲਟਕਦਾ, ਰੱਬ ਨੂੰ ਅਰਜ਼ਾਂ ਕਰਦਾ,
“ਅਜ ਬਖਸ਼ ਦੇ, ਫੇਰ ਕਦੇ ਨਾਂ, ਪਾਪਾਂ ਰਾਹ ਪਗ ਧਰਦਾ”।
ਭੁਲਿਆ ਵਚਨ ਪੁਗਾਣਾ, ਜਲ ਦੇ ਬੁਲਬੁਲਿਆ।
ਕਿਸ ਗੱਲ ਦਾ ਏ ਮਾਣਾ, ਜਲ ਦੇ ਬੁਲਬੁਲਿਆ।
ਜੱਗ ਤੇ ਆ ਕੇ ਭੁੱਲ ਗਿਆ ਪਿਛਲਾ, ਮੋਹ-ਮਾਇਆ ਵਿਚ ਖੋਇਆ।
ਹੋਰ ਤਾਂ ਸਭ ਕੁਝ ਕੀਤਾ ਪਰ ਨਾ ਨਾਮ ਕਦੇ ਜਪ ਹੋਇਆ।
ਮਾਇਆ ਕੀਤਾ ਕਾਣਾ, ਜਲ ਦੇ ਬੁਲਬੁਲਿਆ।
ਬਣ ਬਣ ਕੇ ਫੁੱਟ ਜਾਣਾ, ਜਲ ਦੇ ਬੁਲਬੁਲਿਆ।
ਕਾਮ, ਕ੍ਰੋਧ, ਮੋਹ, ਲੋਭ ‘ਚ ਫਸਕੇ, ਸਾਰੀ ਜਿੰਦ ਗਵਾਈ।
ਜੱਗ ਤੋਂ ਟੁੱਟਕੇ ਰੱਬ ਨਾਲ ਜੁੜਕੇ, ਨਾਂ ਤੂੰ ਪਿੰਡ ਛੁਡਾਈ।
ਮਹਿੰਗਾ ਪਿਆ, ਭੁਲਾਣਾ, ਜਲ ਦੇ ਬੁਲਬੁਲਿਆ।
ਬਣ ਬਣ ਕੇ ਫੁੱਟ ਜਾਣਾ, ਜਲ ਦੇ ਬੁਲਬੁਲਿਆ।
ਪੱਥਰ-ਲੋਹਾ ਬਣ ਕੇ ਡੁੱਬ ਨਾਂ, ਪਾਰਸ ਕੁੰਦਨ ਹੋ ਜਾ,
ਸੱਭ ਕੁਝ ਛੱਡਕੇ ਉਸ ਦੇ ਲੜ ਲੱਗ, ਸਿਫਤ-ਸਲਾਹ ਵਿਚ ਖੋ ਜਾ।
ਨਾਮ ਨੇ ਅੰਤ ਬਚਾਣਾ, ਜਲ ਦੇ ਬੁਲਬੁਲਿਆ।
ਬਣ ਬਣ ਕੇ ਫੁੱਟ ਜਾਣਾ, ਜਲ ਦੇ ਬੁਲਬੁਲਿਆ।
11th November 2018 11:19pm
First < 3 4 5 6 7 > Last
Page 5 of 57

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
Type the numbers for four hundred seventy-two.
 
Enter answer:
 
Remember my form inputs on this computer.
 
 
Powered by Commentics

.