ਤੁਹਾਡਾ ਆਪਣਾ ਪੰਨਾ (This is your own page)

Comments (1057)

Topic: Tuhada Apna

Sort

First < 46 47 48 49 50 > Last

Gurmit Singh (Sydney, Australia)

According to S. Pal Singh Purewal of Canada, Guru Gobind Singh Sahib was born on 23 Poh, 1723 Bikrami equivalent to 22 December 1666 CE.
Gurmit Singh (Sydney)

2nd February 2016 9:32pm

Gurdeep Singh Baaghi (Ambala, India)

Respected Gurmit Singh ji,

Guru Gobind Singh Sahib's date of birth "23 Poh, 1723 Bikrami equivalent to 22 December 1666 CE." was given by Sukha Singh who wrote Gurbilas Pathshahi 10 in 1797 AD.

This date was later repeated by 19th century writers and Mahan kosh gives this date that's why this wrong date got popular.

Exact date of Guru Gobind Singh Sahib's birth is 18 Dec 1661. Kesar Singh gives the year 1661 and Rehatnama Chaupa Singh's gives the exact date 18 Dec 1661, this is the only correct date which is given in rehatnama and all other dates are wrong.

For exact dates bhatt vahi's are the best source as there dates are confirmed by other perisian records.

3rd February 2016 5:48am

Sarbjit Singh (Sacromento, US)

ਗੁਰਦੀਪ ਸਿੰਘ ਜੀ,
ਤੁਹਾਡੇ ਮੁਤਾਬਕ ਗੁਰੂ ਜੀ ਦੇ ਜਨਮ ਦੀ ਤਾਰੀਖ 18 ਦਸੰਬਰ 1661 ਈ ਹੈ। ਤੁਸੀ ਕੇਸਰ ਛਿੱਬਰ ਅਤੇ ਚਾਉਪਾ ਸਿੰਘ ਦਾ ਹਵਾਲਾ ਦਿੱਤਾ ਹੈ ਕਿ ਉਨ੍ਹਾਂ ਨੇ ਇਹ ਤਾਰੀਖ ਲਿਖੀ ਹੈ। ਮੇਰਾ ਖਿਆਲ ਹੈ ਕਿ ਉਨ੍ਹਾਂ ਨੇ ਇਹ ਤਾਰੀਖ (18 ਦਸੰਬਰ 1661 ਈ) ਨਹੀ ਲਿਖੀ । ਇਹ ਤਾਂ ਕਿਸੇ ਨੇ ਮਗਰੋ ਜੂਲੀਅਨ ਕੈਲੰਡਰ ਵਿਚ ਲਿਖੀ ਹੈ। ਬੇਨਤੀ ਹੈ ਕਿ ਉਨ੍ਨਹਾਂ ਦੋਵਾ ਵੱਲੋ ਲਿਖੀ ਗਈ ਅਸਲ ਤਾਰੀਖ (ਅਸਲ ਸ਼ਬਦਾਵਾਲੀ) ਲਿਖ ਭੇਜਣ ਦੀ ਖੇਚਲ ਕਰੋ ਜੀ। ਧੰਨਵਾਦ।

3rd February 2016 7:31pm

Gurdeep Singh Baaghi (Ambala, India)

ਵੀਰ ਸਰਵਜੀਤ ਸਿੰਘ ਜੀ

ਪੋਹ ਸੁਦੀ ਸਤਵੀਂ ਸੰਮਤ 1718 ਇਹ ਸਤਰਾਂ ਹਨ।

4th February 2016 6:46pm

Sarbjit Singh (Sacromento, US)

ਸ. ਗੁਰਦੀਪ ਸਿੰਘ ਜੀ, ਮੇਰੇ ਸਵਾਲ ਨੂੰ ਦਵਾਰ ਪੜ੍ਹੋ। "ਬੇਨਤੀ ਹੈ ਕਿ ਉਨ੍ਨਾਂ ਦੋਵਾ ਵੱਲੋ ਲਿਖੀ ਗਈ ਅਸਲ ਤਾਰੀਖ (ਅਸਲ ਸ਼ਬਦਾਵਾਲੀ) ਲਿਖ ਭੇਜਣ ਦੀ ਖੇਚਲ ਕਰੋ ਜੀ"।
“ਪੋਹ ਸੁਦੀ ਸਤਵੀਂ ਸੰਮਤ 1718” ਇਹ ਅਸਲ ਸ਼ਬਦਾਵਲੀ ਨਹੀਂ ਹੈ। ਜੇ ਇਹ ਅਸਲ ਸ਼ਬਦਾਵਲੀ ਹੈ ਤਾਂ ਇਹ ਪੰਗਤੀ ਕਿਸ ਨੇ (ਕੇਸਰ ਛਿੱਬਰ ਜਾਂ ਚਾਉਪਾ ਸਿੰਘ) ਕਿਸ ਕਿਤਾਬ (ਬੰਸਾਵਲੀਨਾਮਾ ਜਾਂ ਰਹਿਤਨਾਮੇ) ਦੇ ਕਿੰਨੇ ਪੰਨੇ ਤੇ ਦਰਜ ਹੈ?

4th February 2016 7:09pm

Gurdeep Singh Baaghi (Ambala, India)

ਵੀਰ ਸਰਵਜੀਤ ਸਿੰਘ ਜੀ,
ਕੇਸਰ ਸਿੰਘ ਨੂੰ ਸੰਮਤ ਠੀਕ ਪਤਾ ਸੀ ਅਤੇ ਤਾਰੀਖ ਬਾਰੇ ਕੁਛ ਵੀ ਨਹੀ ਪਤਾ ਸੀ।
ਉਹ ਸਤ੍ਰਾਂ ਹੇਠਾਂ ਦੇ ਰਹਿਆ ਹਾਂ:--

ਸਮੰਤ ਸਤਾਰਾਂ ਸੈ ਅਠਾਰਾਂ ਸਾਲ, ਤੀਰ ਤ੍ਰਿਬੇਣੀ ਨਗਰ ਪਟਨਾ ਬਿਸਾਲ।
ਪਿਤਾ ਤੇਗ ਬਹਾਦੁਰ ਜੀ ਕੇ ਧਾਮ। ਮਾਤਾ ਗੁਜਰੀ ਦੇ ਓਦਰ ਤੇ, ਜਨਮੇ ਗੁਰੂ ਗੋਬਿੰਦ ਸਿੰਘ ਜੀ ਨਾਮ।੧।

ਧਨੇਸ਼ਟਾ ਨਿਛਤ੍ਰ, ਤੀਜੇ ਚਰਨ। ਰਵਿਵਾਰ ਮਹੀਨੇ ਮਾਹ ਥਿਤ ਅਸਟਮੀ ਦੇਵੀ ਸਰਨ।
ਸੁਕਲਾ ਪਖ ਪਿਛਲੀ ਰੈਨ।ਅਨਹਦ ਧੂਨਿ ਹੋਈ ਮਧ ਗੈਨ।੨।

ਬੰਸਲਾਵਲੀਨਾਮਾ ਪੰਨਾ ੧੨੫

ਚਉਪਾ ਸਿੰਘ ਦੇ ਰਹਿਤਨਾਮੇ ਦੇ ਕਰਤੇ ਨੂੰ ਵੀ ਸੰਮਤ ਠੀਕ ਪਤਾ ਸੀ ਪਰ ਤਾਰੀਖ ਦੀ ਸਹੀ ਜਾਣਕਾਰੀ ਨਹੀ ਸੀ। ਪਿਆਰਾ ਸਿੰਘ ਪਦਮ ਸੰਪਾਦਿਤ ਰਹਿਤਨਾਮੇ ਦੇ ਪੰਨਾ ੯੯ ਤੇ ਦਰਜ ਜਾਣਕਾਰੀ ਹੇਠਾਂ ਦੇ ਰਹਿਆ ਹੈ:--------
"_____ਸਮੰਤ ੧੭੧੮ ਮਾਘ ਦੇ ਮਹੀਨੇ, ਕ੍ਰਿਸ਼ਨਾ ਪਖ ਦਿਨ ਸਪਤਮੀ ਰਵਿਵਾਰ______"
ਪਿਆਰਾ ਸਿੰਘ ਪਦਮ ਨੇ ਰਹਿਤਨਾਮੇ ਦੀ ਇਸ ਤਾਰੀਖ ਉਤੇ ਟਿਪਣੀ ਕੀਤੀ ਹੈ ਕਿ ਇਹ ਤਾਰੀਖ ਭੱਟ ਵਹੀਆ ਅਤੇ ਪੁਰਾਣੀਆ ਲਿਖਤਾਂ ਵਿੱਚ ਮਿਲਦੀ ਹੈ ਪਰ ਭੱਟ ਵਹੀਆਂ ਵਿੱਚ ਸੰਮਤ ੧੭੧੮ ਦੇ ਪੋਹ ਮਹੀਨੇ ਦਾ ਜਨਮ ਹੈ।
ਭੱਟ ਵਹੀਆਂ ਦਾ ਉਤਾਰਾ ਡਾ ਦਿਲਗੀਰ ਦੀ ਕਿਤਾਬ ਸਿੱਖ ਤਵਾਰੀਖ ਦੇ ਪੰਨਾ ਨੰ ੨੯੫ ਵਿੱਚ ਦਰਜ ਹੈ, ਹੇਠਾਂ ਦੇ ਰਹਿਆ ਹਾਂ:--

"_____ਸਮੰਤ ਸਤਾਰਾਂ ਸੈ ਅਠਾਰਾਂ ਪੋਖ ਮਾਸੇ ਸੁਦੀ ਸਪਤਮੀ ਬੁਧਵਾਰ____"

ਇਹ ਭੱਟ ਵਹੀਆਂ ਦੀ ਤਾਰੀਖ ੧੮ ਦਿਸੰਬਰ ੧੬੬੧ ਬਣਦੀ ਹੈ।

5th February 2016 1:04am

Jaswant Singh Pannu (Pickering, Canada)

ਸਤਿ ਸ੍ਰੀ ਅਕਾਲ!ੲੇਹ ਇਕ ਅੱਛਾ ਤੇ ਸੁਖਾਲਾ ਤਰੀਕਾ ਹੈ ਕਿਸੇ ਦੇ ਵਿਚਾਰ ਜਾਨਣ ਅਤੇ ਆਪਣੇ ਵਿਚਾਰ ਸਾਂਝੇ ਕਰਨ ਦਾ ਧੰਨਵਾਦ ਸ੍ਰ ਮੱਖਨ ਸਿੰਘ ਜੀ ਦਾ ਪ੍ਰਤੂੰ ਆਪਣੇ ਹੀ ਵਿਚਾਰਾਂ ਨੂੰ ਠੀਕ ਕਹਿਕੇ ਤੇ ਦੂਸਰੇ ਨੂੰ ਕਹਿਣਾ ਕਿ ਉਹ ਕਿਸੇ ਖਾਸ ਰਣਨੀਤੀ ਨਾਲ ਕਿਸੇ ਨੂੰ ਨੀਵਾਂ ਵਖਾਉਣ ਲਈ ਲਿਖ ਰਿਹਾ ਹੈ ਨਾ ਸਮਝਿਆ ਜਾਵੇ ਬਹੁਤੇ ਵੀਰ ਦਿਲ ਵਿੱਚ ਪੰਥ ਲਈ ਪਿਆਰ ਕਰਦੇ ਹੋਏ ਲਿਖਤਾਂ ਲਿਖਦੇ ਹਨ ਕੋੜਕੂ ਕੋਈ ਕੋਈ ਹੁੰਦਾ ਹੈ ਧੰਨਵਾਦ ਜੀ।

2nd February 2016 11:57am

Sarbjit Singh (Sacromento, US)

ਗੁਰਦੀਪ ਸਿੰਘ ਬਾਗ਼ੀ ਜੀ,
ਵਾਹਿਗੁਰੂ ਜੀ ਕਾ ਖਾਲਸਾ।
ਵਾਹਿਗੁਰੂ ਜੀ ਕੀ ਫ਼ਤਿਹ।
ਆਪ ਦੇ ਸਵਾਲ, “ਜੋ ਘਟਨਾ ਜਿਸ ਦਿਨ ਹੋਈ ਉਸ ਦਿਨ ਕਉਂ ਨਹੀ ਮੰਨਾਦੇ” ਸਬੰਧੀ ਬੇਨਤੀ ਹੈ ਕਿ ਗੁਰੂ ਗੋਬਿੰਦ ਸਿੰਘ ਜੀ ਦਾ ਜਨਮ 23 ਪੋਹ ਨੂੰ ਹੋਇਆ ਸੀ ਇਹ ਤਾਰੀਖ ਹੀ ਨਾਨਕਸ਼ਾਹੀ ਕੈਲੰਡਰ ਵਿੱਚ ਦਰਜ ਹੈ। ਜੋ ਸੀ. ਈ. ਕੈਲੰਡਰ ਵਿੱਚ 5 ਜਨਵਰੀ ਬਣਦੀ ਹੈ।
ਧੰਨਵਾਦ
ਸਰਵਜੀਤ ਸਿੰਘ

1st February 2016 2:26pm

Gurdeep Singh Baaghi (Ambala, India)

ਵੀਰ ਸਰਵਜੀਤ ਸਿੰਘ ਜੀ,

ਗੁਰੂ ਗੋਬਿੰਦ ਸਿੰਘ ਸਾਹਿਬ ਦਾ ਜਨਮ 18 ਦਿਸੰਬਰ 1661 ਦਾ ਹੈ ਯਾਨਿ 18 ਦਿਸੰਬਰ ਨੂੰ ਹੈ ਨਾਕਿ 5 ਜਨਵਰੀ ਦਾ ਹੈ। ਨਾਨਕਸ਼ਾਹੀ ਕਲੈਂਡਰ ਸਿੱਖ ਤਵਾਰੀਖ਼ ਦਾ ਕਤਲ ਬਣ ਕੇ ਰਹਿ ਗਿਆ ਹੈ, ਸਿੱਖ ਇਸ ਨੂੰ ਰੱਦ ਕਰਨ।
ਮੇਰਾ ਮਤ ਹੈ ਕਿ ਸਿੱਖਾਂ ਨੂੰ Gregorian ਕਲੈਂਡਰ ਨੂੰ ਇਸਤੇਮਾਲ ਕਰ ਕੇ ਇਤਿਹਾਸ ਦੀ ਸਹੀ ਤਾਰੀਖਾਂ ਨੂੰ ਆਮ ਲੋਕਾਂ ਤਕ ਪਹੁਚਾਨਾ ਚਾਹਿਦਾ ਹੈ। ਜਿਵੇਂ ਕਿ ਪੰਥ ਨੂੰ ਖਾਲਸਾ ਕਰਨ ਦੀ ਤਾਰੀਖ 29 ਮਾਰਚ 1698 ਹੈ ਤੇ ਸਿੱਖਾਂ ਨੂੰ 29 ਮਾਰਚ ਨੂੰ ਹੀ ਪੰਥ ਨੂੰ ਖਾਲਸਾ ਕਰਨ ਦੇ ਦਿਹਾੜੇ ਦੇ ਤੌਰ ਤੇ ਯਾਦ ਰਖਣਾ ਚਾਹਿਦਾ ਹੈ।

ਗੁਰਦੀਪ ਸਿੰਘ ਬਾਗੀ

1st February 2016 7:08pm

Sarbjit Singh (Sacromento, US)

ਸ.ਗੁਰਦੀਪ ਸਿੰਘ ਜੀ,
ਆਪ ਨੂੰ ਇਨ੍ਹਾਂ ਤਾਰੀਖਾਂ ਦਾ ਪ੍ਰਚਾਰ ਕਰਨ ਦਾ ਅਧਿਕਾਰ ਹੈ। ਮੈਂ ਤੁਹਾਡੇ ਅਧਿਕਾਰ ਦਾ ਸਤਿਕਾਰ ਕਰਦਾ ਹਾਂ।
ਧੰਨਵਾਦ

2nd February 2016 9:20am

Baldev Singh (Firozepur, India)

ਡਾ ਗੁਰਮੀਤ ਸਿੰਘ ਬਰਸਾਲ ਜੀ,
ਆਪ ਜੀ ਦੀ ਰਚਨਾਂ, "ਗੁਰਬਾਣੀਂ ਰਮਜਾਂ" ਬਹੁਤ ਹੀ ਸਲਾਹੁਣਾਂ ਯੋਗ ਹੈ ਜੀ।
ਵਾਹ ਕਿਆ ਖੁਬ ਲਿਖਿਆ ਹੈ ਆਪ ਜੀ ਨੇਂ,

ਸ਼ਬਦੀ ਅਰਥ ਇਕੱਲਿਆਂ ਦੇ ਨਾਲ, ਜੇਕਰ ਬਣੇ ਦੁਚਿੱਤੀ,
ਗੁਰਸ਼ਬਦਾਂ ਦੇ ਅਰਥਾਂ ਦੇ ਨਾਲ, ਭਾਵ ਅਰਥ ਚਿਤਾਰੋ ।
ਸ਼ਬਦ-ਕੋਸ਼ਾਂ ਦੇ ਅਰਥ ਸਦਾ, ਗੁਰਬਾਣੀ ਨਹੀਂ ਅਰਥਾਉਂਦੇ,
ਗੁਰਬਾਣੀ ਦੇ ਅਰਥਾਂ ਨੂੰ, ਗੁਰਬਾਣੀ ਰਾਹੀਂ ਨਿਹਾਰੋ ।

ਇੱਕ ਹੀ ਸ਼ਬਦ ਦੇ ਵਿੱਚੋਂ ਜੇਕਰ, ਨੁਕਤਾ ਸਮਝ ਨਾ ਆਵੇ,
ਓਸ ਵਿਸ਼ੇ ਦੇ ਬਾਕੀ ਸ਼ਬਦਾਂ, ਵੱਲ ਨਿਗਾਹ ਵੀ ਮਾਰੋ ।
ਇੱਕੋ ਹੀ ਪ੍ਰਕਰਣ ਦੇ ਸਾਰੇ, ਸ਼ਬਦ ਇਕੱਠੇ ਕਰਕੇ,
ਗੁਰਮਤਿ ਦਾ ਸਿਧਾਂਤ ਜੋ ਉੱਘੜੇ, ਉਸਨੂੰ ਹੀ ਸਤਿਕਾਰੋ ।

ਆਪ ਜੀ ਦਾ ਬਹੁਤ ਬਹੁਤ ਧੰਨਵਾਦ ਜੀ

ਦਾਸ ਬਲਦੇਵ ਸਿੰਘ ਫਿਰੋਜਪੁਰ

1st February 2016 7:37am

Gurdeep Singh Baaghi (Ambala, India)

ਵੀਰ ਸਰਵਜੀਤ ਸਿੰਘ ਜੀ
ਵਾਹਗੁਰੂ ਜੀ ਕਾ ਖਾਲਸਾ
ਵਾਹਗੁਰੂ ਜੀ ਕੀ ਫਤਿਹ

ਮੈ ਤੁਹਾਡੇ ਕੋਲੋ ਬਹੁਤ ਸਿੱਧਾ ਸਵਾਲ ਪੁਛਦਾ ਹਾਂ ਸ਼ਾਅਦ ਤੂੰਸੀ ਜਵਾਬ ਦੇ ਪਾਉ:--
ਕਿ ਆਮ ਸਿੱਖ ਅਪਣੇ ਰੋਜਾਨਾ ਜੀਵਨ ਵਿੱਚ ਨਾਨਕਸ਼ਾਹੀ ਯਾ ਬਿਕ੍ਰਮੀ ਕਲੈਂਡਰ ਦਾ ਇਸਤੇਮਾਲ ਕਰਦਾ ਹੈ???
ਜੇ ਨਹੀ ਤੇ ਫਿਰ ਗੁਰਪੁਰਬ ਯਾ ਹੋਰ ਇਤਿਹਾਸਿਕ ਦਿਹਾੜੇ ਅਸੀਂ ਪ੍ਰਚਲਿਤ Gregorian ਕਲੈਂਡਰ ਦੇ ਹਿਸਾਬ ਨਾਲ ਕਉ ਨਹੀ ਤਯ ਕਰਦੇ। ਜੋ ਘਟਨਾ ਜਿਸ ਦਿਨ ਹੋਈ ਉਸ ਦਿਨ ਕਉਂ ਨਹੀ ਮੰਨਾਦੇ ਜਿਵੇਂ ਕਿ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦਾ ਜਨਮ 18 ਦਿਸੰਬਰ 1661।

31st January 2016 7:06pm

Gursharn Singh Dhillon (Ajax, Canada)

ਸਤਿਕਾਰ ਯੋਗ ਪ੍ਰਿੰ: ਗੁਰਬਚਨ ਸਿੰਘ ਪੰਨਵਾ ਜੀ,
ਵਾਹਿਗੁਰੂ ਜੀ ਕਾ ਖਾਲਸਾ । ਵਾਹਿਗੁਰੂ ਜੀ ਕੀ ਫਤਹਿ॥
ਆਪ ਜੀ ਦਾ ਲੇਖ “ਵਾਹਿਗੁਰੂ ਗੁਰਮੰਤ੍ਰ ਹੈ ਜਪਿ ਹਉਮੈ ਖੋਈ” ਪੜ੍ਹਿਆ । ਉਸ ਬਾਰੇ ਥੋੜੀ ਜਾਣਕਾਰੀ ਦੇਣ ਦੀ ਖੇਚਲ ਕਰਨੀ ਜੀ। ਕੀ ਇਹ ਗੱਲ ਭਾਈ ਗੁਰਦਾਸ ਜੀ ਆਖ ਰਹੇ ਹਨ ਜਾਂ ਕਿਸੇ ਗੁਰੂ ਸਾਹਿਬਾਨ ਨੇ ਵੀ ਆਖੀ ਹੈ ? ਕਿਸੇ ਪਾਠਕ ਵੱਲੋਂ ਪੁੱਛੇ ਜਵਾਬ ਦੇਣਾ ਤੁਹਾਡੀ ਆਦਤ ਤਾਂ ਨਹੀਂ ਪਰ ਫਿਰ ਵੀ ਆਸ ਰੱਖਦਾ ਹਾਂ । ਧੰਨਵਾਦ ।
ਇਕ ਪਾਠਕ

30th January 2016 8:51pm

Iqbal Singh Dhillon (Chandigarh, India)

ਸ. ਗੁਰਸ਼ਰਨ ਸਿੰਘ ਢਿੱਲੋਂ ਜੀ, ਇਹ ਜਾਣਕਾਰੀ ਦੇਣ ਦੀ ਕਿਰਪਾਲਤਾ ਕਰਨੀ ਕਿ ਕੀ ਗੁਰਸ਼ਰਨ ਸਿੰਘ ਢਿੱਲੋਂ ਅਤੇ ਗੁਰਸ਼ਰਨ ਸਿੰਘ ਕਸੇਲ ਇਕੋਵਿਅਕਤੀ ਦੇ ਨਾਮ ਹਨ ਜਾਂ ਫਿਰ ਇਹ ਦੋ ਅਲੱਗ ਵਿਅਕਤੀਆਂ ਦੇ ਨਾਮ ਹਨ। ---- ਇਕਬਾਲ ਸਿੰਘ ਢਿੱਲੋਂ, ਚੰਡੀਗੜੵ।

30th January 2016 5:42pm

Gursharn Singh Dhillon (Ajax, Canada)

ਸ੍ਰ ਇਕਬਾਲ ਸਿੰਘ ਢਿੱਲੋਂ ਜੀ ਆਪਣੇ ਵਿਚਾਰ ਦੇਣ ਲਈ ਧੰਨਵਾਦ ।
ਦੂਸਰਾ ਜੋ ਤੁਸੀਂ ਮੇਰੇ ਨਾਵ ਨਾਲ ਕਸੇਲ ਅਤੇ ਢਿੱਲੋਂ ਬਾਰੇ ਪੁੱਛਿਆ ਹੈ, ਉਹ ਗੱਲ ਇਹ ਹੈ ਕਿ ਮੈਂ ਆਪਣੀਆਂ ਲਿਖਤਾਂ ਹੇਠ ਆਪਣੇ ਪਿੰਡ ਕਸੇਲ ਦਾ ਨਾਮ ਲਿਖਦਾ ਹਾਂ ਪਰ ਮੇਰੀ ਈਮੇਲ ਢਿੱਲੋਂ ਦੇ ਨਾਵ ਹੋਣ ਕਰਕੇ ਇਸ ਪੇਜ ਤੇ ਢਿੱਲੋਂ ਆ ਜਾਂਦਾ ਹੈ । ਸ਼ਾਇਦ ਪਹਿਲੀ ਪੋਸਟ ਦੇ ਹੇਠ ਕਸੇਲ ਹੀ ਹੈ । ਫਿਰ ਜਦੋਂ ਮੈਂ ਉਪਰ ਆਪਣੇ ਨਾਵ ਨਾਲ ਢਿੱਲੋਂ ਵੇਖਿਆ ਤਾਂ ਫਿਰ ਹੇਠਾ ਕਸੇਲ ਨਹੀਂ ਲਿਖਦਾ । ਸੋ, ਇਹ ਦੋਵੇ ਨਾਵ ਮੇਰੇ ਹੀ ਹਨ । ਧੰਨਵਾਦ ।

30th January 2016 8:53pm

Dalvinder Singh Grewal (Ludhiana, India)

ਤਵੈ-ਪ੍ਰਸਾਦਿ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਜੋ ਵੀ ਪਾਇਆ ਤਵੈ-ਪ੍ਰਸਾਦਿ, ਜੋ ਵੀ ਪਾਉਣਾ ਤਵੈ-ਪ੍ਰਸਾਦਿ|
ਤੇਰੀ ਕਿਰਪਾ ਬਿਨ ਤਾਂ ਕੁਝ ਨਾਂ, ਤੇਰੀ ਕ੍ਰਿਪਾ ਤੇ ਤੂੰ ਯਾਦ|
ਯਾਦ ਰਹੇ ਤੂੰ ਹਰਦਮ ਦਾਤਾ, ਤੇਰੇ ਵਲ ਹੀ ਰਹੇ ਧਿਆਨ,
ਤੈਥੋਂ ਵ੍ਨਖ ਨਾਂ ਹੋਵਾਂ ਪਲ ਹੀ, ਜੀਵਨ ਦਾ ਇ੍ਨਕ ਅਸਲ ਸਵਾਦ|
ਕੂੜ ਨਾਂ ਜੁੜ ਭਟਕਣ-ਲਟਕਣ, ਮਨ ਰਹਿੰਦਾ ਬਾ ਪਲ ਵੀ ਸ਼ਾਂਤ,
ਜੁੜ ਕੇ ਤੇਰੇ ਨਾਲ ਵਾਹਿਗੁਰੂ, ਹਰ ਪਾਸੇ ਨੇ ਚਾਅ ਉਨਮਾਦ|
ਤੈਥੋਂ ਵਿਛੜੇ ਭਟਕੇ ਦਾਤੇ, ਤੁਧ ਵਲ ਚ੍ਨਲੇ, ਚੰਗਾ ਈ ਚੰਗਾ,
ਤੇਰੇ ਨਾਂ ਦੀ ਮਹਿਮਾ ਵ੍ਨਖਰੀ, ਗੁੰਗਾ ਕੀਕੂੰ ਕਹੇ ਸਵਾਦ|
ਉਸ ਮਾਇਆ ਸੰਗ ਲਿਪਟਣ ਕਿਉਂ ਏਂ, ਜੋ ਲੈ ਜਾਂਦੀ ਤੈਥੋਂ ਦੂਰ,
ਇਸ ਵਿਚ ਇਸ ਤੋਂ ਉਪਰ ਰਹਿਕੇ, ਲ੍ਨਗ ਜਾਵੇ ਜੇ ਸੁੰਨ-ਸਮਾਧ|
ਬਖਸ਼ਣਹਾਰੇ ਬਖਸ਼ੀਂ ਆਪੇ, ਤੈਥੋਂ ਤੈਨੂੰ ਹੀ ਮੰਗਦੇ ਹਾਂ,
ਜਾਂ ਕਰ ਅਪਣਾ, ਜਾਂ ਹੋ ਮੇਰਾ, ਤੇਰ-ਮੇਰ ਦਾ ਮੇਟ ਬਖਾਧ|
ਸਭ ਨੂੰ ਦੇਵਣਹਾਰਾ ਤੂੰ ਹੀ, ਤਾਂਹੀਓਂ ਪ੍ਨਲਾ ਤੇਰੇ ਅ੍ਨਗੇ,
ਦਰ ਆਏ ਨੂੰ ਮੋੜ ਨਾਂ ਦਾਤਾ, ਰੂਹ ਵਿਚ ਪਾ ਦੇ ਅਨਹਦ ਨਾਦ|
ਜੀਵਨ-ਅੰਮ੍ਰਿਤ ਬਣ ਜਾਊ ਆਪੇ, ਮਰਜੀਵੜਿਆਂ ਦੀ ਆਊ ਜਾਚ,
ਜੀਵਨ-ਮੁਕਤ ਪੂਰਨ ਅਭਿਲਾਸ਼ਾ, ਅੰਬਰ-ਧਰਤੀ ਤੇ ਵਿਸਮਾਦ|

30th January 2016 5:41pm

Dalvinder Singh Grewal (Ludhiana, India)

30th January 2016 5:36pm

GURMIT S BARSAL (San jose, US)

ਗੁਰਬਾਣੀ-ਰਮਜਾਂ !!
ਗੁਰਬਾਣੀ ਨੂੰ ਜਦ ਵੀ ਸੱਜਣੋ, ਦੁਨੀਆਂ ਨਾਲ ਵਿਚਾਰੋ ।
ਅਟੱਲ ਬ੍ਰਹਿਮੰਡੀ ਨਿਯਮਾਂ ਨੂੰ, ਨਾ ਭੁੱਲਕੇ ਕਦੇ ਵਿਸਾਰੋ ।
ਸ਼ਬਦੀ ਅਰਥ ਇਕੱਲਿਆਂ ਦੇ ਨਾਲ, ਜੇਕਰ ਬਣੇ ਦੁਚਿੱਤੀ,
ਗੁਰਸ਼ਬਦਾਂ ਦੇ ਅਰਥਾਂ ਦੇ ਨਾਲ, ਭਾਵ ਅਰਥ ਚਿਤਾਰੋ ।
ਸ਼ਬਦ-ਕੋਸ਼ਾਂ ਦੇ ਅਰਥ ਸਦਾ, ਗੁਰਬਾਣੀ ਨਹੀਂ ਅਰਥਾਉਂਦੇ,
ਗੁਰਬਾਣੀ ਦੇ ਅਰਥਾਂ ਨੂੰ, ਗੁਰਬਾਣੀ ਰਾਹੀਂ ਨਿਹਾਰੋ ।
ਗੁਰ-ਸਿਧਾਂਤ ਸਪੱਸ਼ਟੀ ਖਾਤਿਰ, ਅਨਮਤ ਦੀਆਂ ਮਸਾਲਾਂ,
ਅਤੇ ਪ੍ਰਚਲਤ ਮੁਹਾਵਰਿਆਂ ਨੂੰ ਗੁਰਮਤਿ ਨਾ ਸਵੀਕਾਰੋ ।
ਇੱਕ ਹੀ ਸ਼ਬਦ ਦੇ ਵਿੱਚੋਂ ਜੇਕਰ, ਨੁਕਤਾ ਸਮਝ ਨਾ ਆਵੇ,
ਓਸ ਵਿਸ਼ੇ ਦੇ ਬਾਕੀ ਸ਼ਬਦਾਂ, ਵੱਲ ਨਿਗਾਹ ਵੀ ਮਾਰੋ ।
ਇੱਕੋ ਹੀ ਪ੍ਰਕਰਣ ਦੇ ਸਾਰੇ, ਸ਼ਬਦ ਇਕੱਠੇ ਕਰਕੇ,
ਗੁਰਮਤਿ ਦਾ ਸਿਧਾਂਤ ਜੋ ਉੱਘੜੇ, ਉਸਨੂੰ ਹੀ ਸਤਿਕਾਰੋ ।
ਗੁਰੂਆਂ ਭਗਤਾਂ ਭਾਵੇਂ ਸੀ, ਪਰਚਲਤ ਸ਼ਬਦ ਹੀ ਵਰਤੇ,
ਪਰ ਦੇਕੇ ਸੀ ਅਰਥ ਨਵੇਂ, ਸਮਝਾਇਆ ਬ੍ਰਹਮ ਪਸਾਰੋ ।
ਕੁਦਰਤ ਦੇ ਨਿਯਮਾਂ ਨੂੰ ਦੁਨੀਆਂ, ਹੁਕਮ ਰੱਬ ਦਾ ਮੰਨਦੀ,
ਨਾਮ-ਧਰਮ ਵੀ ਇੱਕ ਨਿਯਮ ਹੈ, ਵੱਖਰਾ ਨਾ ਪਰਚਾਰੋ ।
ਕੁਦਰਤ ਵਾਲੇ ਨਿਯਮ ਜਗਤ ਤੇ, ਸਦਾ ਹੀ ਸੱਚੇ ਰਹਿਣੇ,
ਗੁਰਬਾਣੀ ਉਪਦੇਸ਼ ਵੀ ਇੰਝ ਹੀ, ਦੁਨੀਆਂ ਵਿੱਚ ਸ਼ੰਗਾਰੋ ।
ਗੁਰਬਾਣੀ ਤਾਂ ਕੁਦਰਤ ਅੰਗ-ਸੰਗ, ਹੋਕੇ ਜੀਣਾ ਦੱਸੇ,
ਕੁਦਰਤ ਉਲਟ ਨਾ ਚਿਤਵ ਕਦੇ ਵੀ, ਧਰਮ ਵਿਖਾਵਾ ਧਾਰੋ ।
ਗੁਰਬਾਣੀ ਦੀਆਂ ਰਮਜਾਂ ਵਿੱਚੋਂ, ਜੀਵਨ ਜਾਂਚ ਨੂੰ ਸਿੱਖਕੇ,
ਆਪਣਾ ਜੀਵਨ ਅਤੇ ਚੁਗਿਰਦਾ, ਬਣ ਇਨਸਾਨ ਸਵਾਰੋ ।।
ਡਾ ਗੁਰਮੀਤ ਸਿੰਘ ਬਰਸਾਲ ( ਕੈਲੇਫੋਰਨੀਆਂ)

30th January 2016 11:15am

Gursharn Singh Dhillon (Ajax, Canada)

ਸਿੱਖ ਇਕ ਵੱਖਰੀ ਕੌਮ/ ਧਰਮ ਜਾਂ ਮਾਨਵਵਾਦ ਦੀ ਕਰਾਂਤੀਕਾਰੀ ਲਹਿਰ ?
ਗੁਰੂ ਨਾਨਕ ਦੇਵ ਜੀ ਤੋਂ ਲੈਕੇ ਗੁਰੂ ਤੇਗ ਬਹਾਦਰ ਜੀ ਤੱਕ ਕਿਸੇ ਗੁਰੂ ਸਾਹਿਬ ਨੇ ਆਪਣੇ ਸਿੱਖਾਂ (ਗੁਰਮਤਿ ਨੂੰ ਮੰਨਣ ਵਾਲਿਆਂ) ਦੇ ਨਾਵਾਂ ਵਿਚ ਕੋਈ ਤਬਦੀਲੀ ਨਹੀਂ ਸੀ ਕੀਤੀ, ਸਿਰਫ ਹਿੰਦੂ ਅਤੇ ਮੁਸਲਮਾਨ ਧਰਮ ਦੇ ਪੁਜਾਰੀਆਂ ਵੱਲੋਂ ਜਿਹੜਾ ਧਰਮ ਕਰਮ ਦੇ ਨਾਵ ਹੇਠ ਜਨਤਾਂ ਨੂੰ ਕਰਮਕਾਂਡਾਂ ਅਤੇ ਵਹਿਮਾ ਭਰਮਾ ਵਿਚ ਪਾ ਕੇ ਠੱਗਣ ਦਾ ਕੰਮ ਕਰ ਰਹੇ ਸਨ ਉਸ ਬਾਰੇ ਜਨਤਾਂ ਨੂੰ ਸੁਚੇਤ ਕੀਤਾ ਸੀ, ਫਿਰ ਕੀ ਕਾਰਨ ਸੀ ਕਿ ਗੁਰੂ ਗੋਬਿੰਦ ਸਿੰਘ ਜੀ ਨੇ ਆਪਣੇ ਨਾਵ ਨਾਲ ਵੀ ‘ਰਾਏ’ ਸ਼ਬਦ ਹਟਾਕੇ ‘ਸਿੰਘ’ ਲਫ਼ਜ ਰੱਖ ਲਿਆਂ ਅਤੇ ਬਾਕੀ ਸਿੱਖਾਂ ਨੂੰ ਵੀ ‘ਸਿੰਘ’ ਸ਼ਬਦ ਵਰਤਨ ਲਈ ਕਿਹਾ । ਇਥੋਂ ਤੱਕ ਕਿ ਲਛਮਣ ਦਾਸ ਜਾਂ ਮਾਧੋ ਦਾਸ ਦੇ ਨਾਵ ਨਾਲ ਜਾਣੇ ਜਾਂਦੇ ਆਦਮੀ ਨੂੰ ਗੁਰਬਖਸ਼ ਸਿੰਘ ਦਾ ਨਾਮ ਦਿਤਾ (ਬੰਦਾ ਬਹਾਦਰ) । ਕੀ ਇਹ ਹਿੰਦੂਆਂ ਅਤੇ ਮੁਸਲਮਾਨਾ ਨਾਲੋਂ ਵੱਖਰੀ ਪਹਿਚਾਣ ਨਹੀਂ ਸੀ ? ਕੀ ਗੁਰੂ ਗੋਬਿੰਦ ਸਿੰਘ ਜੀ ਵੱਲੋਂ ਇਹ ਬਦਲਾਵ ਸਿਰਫ ਮਾਨਵਵਾਦ ਲਹਿਰ ਸੀ ਜਾਂ ਵੱਖਰੀ ਕੌਮ/ਧਰਮ ?

29th January 2016 8:13am

Iqbal Singh Dhillon (Chandigarh, India)

ਸ. ਗੁਰਸ਼ਰਨ ਸਿੰਘ ਢਿੱਲੋਂ ਜੀ,
ਆਪ ਜੀ ਦਾ ਸਵਾਲ ਮੈਨੂੰ ਸੰਬੋਧਿਤ ਹੋ ਕੇ ਨਹੀਂ ਕੀਤਾ ਗਿਆ ਪਰੰਤੂ ਮੈਂ ਫਿਰ ਵੀ ਇਸ ਦਾ ਉੱਤਰ ਦੇਣ ਦਾ ਯਤਨ ਕਰ ਰਿਹਾ ਹਾਂ ਕਿਉਂਕਿ ਇੱਸੇ ਵਿਸ਼ੇ ਉੱਤੇ ਪਹਿਲਾਂ ਆਪ ਜੀ ਵੱਲੋਂ ਪਾਈ ਗਈ ਇਕ ਪੋਸਟ ਬਾਰੇ ਮੈਂ ਸਪਸ਼ਟੀਕਰਨ ਦਿੱਤਾ ਸੀ।
ਗੁਰੂ ਨਾਨਕ ਜੀ ਤੋਂ ਲੈਕੇ ਸਾਰੇ ਗੁਰੂ ਸਾਹਿਬਾਨ ਨੇ ਕੇਵਲ ਕਰਮ-ਕਾਂਡਾਂ ਅਤੇ ਵਹਿਮਾਂ-ਭਰਮਾਂ ਖਿਲਾਫ ਅਵਾਜ਼ ਨਹੀਂ ਸੀ ਉਠਾਈ ਸਗੋਂ ਉਹਨਾਂ ਨੇ ਸੰਸਾਰ ਦੀ ਸਭ ਤੋਂ ਪਹਿਲੀ ਅਤੇ ਸਭ ਤੋਂ ਵੱਡੀ ਮਾਨਵਵਾਦ ਦੀ ਲਹਿਰ ਚਲਾਈ ਸੀ (ਕਰਮ-ਕਾਂਡਾਂ ਅਤੇ ਵਹਿਮਾਂ-ਭਰਮਾਂ ਦਾ ਖੰਡਨ ਮਾਨਵਵਾਦ ਦੀ ਲਹਿਰ ਦਾ ਇਕ ਕੇਵਲ ਇਕ ਹਿੱਸਾ ਮਾਤਰ ਸੀ)। ਸਾਰੇ ਗੁਰੂ ਸਾਹਿਬਾਨ ਆਪਣੇ ਨਾਲ ਮਾਨਵਵਾਦ ਦੇ ਕਿਰਿਆਵਾਦੀ ਕਾਰਕੁੰਨ (activists) ਵੀ ਜੋੜਦੇ ਆ ਰਹੇ ਸਨ। ਗੁਰੂ ਗੋਬਿੰਦ ਸਿੰਘ ਜੀ ਨੇ ਅਜਿਹੇ ਕਾਰਕੁੰਨਾਂ ਨੂੰ ਵਿਸ਼ੇਸ਼ ਸਮਾਜਕ ਪਛਾਣ ਦੇਣ ਦੀ ਖਾਤਰ ਉਹਨਾਂ ਲਈ ਪਰਭਾਵਸ਼ਾਲੀ ਨਾਮ ਰੱਖ ਕੇ ਆਪਣੇ ਨਾਵਾਂ ਨਾਲ ‘ਸਿੰਘ’ ਸ਼ਬਦ ਲਾਉਣਾ ਵੀ ਜ਼ਰੂਰੀ ਕਰ ਦਿੱਤਾ ਅਤੇ ਆਪਣੇ ਨਾਮ ਲਈ ਵੀ ‘ਸਿੰਘ’ ਸ਼ਬਦ ਅਪਣਾ ਲਿਆ (ਉਂਜ ‘ਸਿੰਘ’ ਸ਼ਬਦ ਲੰਬੇ ਸਮੇਂ ਤੋਂ ਪਹਿਲਾਂ ਹੀ ਵਰਤੋਂ ਵਿਚ ਸੀ ਵਿਸ਼ੇਸ਼ ਕਰਕੇ ‘ਰਾਜਪੂਤ’ ਭਾਈਚਾਰੇ ਵਿਚ)। ਗੁਰੂ ਜੀ ਨੇ ਇਸ ਵਿਸ਼ੇਸ਼ ਸਮਾਜਕ ਪਛਾਣ ਰਾਹੀਂ ਆਮ ਲੋਕਾਂ ਖਾਸ ਕਰਕੇ ਪੱਛੜੀਆਂ ਸ਼੍ਰੇਣੀਆਂ ਵਿੱਚੋਂ ਆਉਣ ਵਾਲੇ ਵਿਅਕਤੀਆਂ ਨੂੰ ਸਵੈ-ਸਨਮਾਣ (dignity) ਦੀ ਭਾਵਨਾਂ ਪਰਦਾਨ ਕੀਤੀ, ਆਪਣੇ ਪੈਰੋਕਾਰਾਂ ਵਿਚ ਬਹਾਦਰੀ ਦਾ ਜਜ਼ਬਾ ਭਰਿਆ ਅਤੇ ਉਹਨਾਂ ਵਿਚ ਇਕਸਾਰਤਾ ਸਥਾਪਤ ਕਰਕੇ ਮਨੁੱਖਤਾ ਨੂੰ ਬਰਾਬਰੀ ਦਾ ਸੰਦੇਸ਼ ਦਿੱਤਾ। ਇਹ ਸਾਰਾ ਕੁਝ ਪਹਿਲਾਂ ਤੋਂ ਚੱਲੀ ਆ ਰਹੀ ਮਾਨਵਵਾਦ ਦੀ ਲਹਿਰ ਦਾ ਹਿੱਸਾ ਹੀ ਸੀ। ਗੁਰੂ ਗੋਬਿੰਦ ਸਿੰਘ ਜੀ ਨੇ ਕੋਈ ਵੱਖਰਾ ਸੰਸਥਾਗਤ ਧਰਮ ਜਾਂ ਵੱਖਰੀ ਕੌਮ ਦੀ ਸਥਾਪਤੀ ਦਾ ਯਤਨ ਨਹੀਂ ਸੀ ਕੀਤਾ ਸਗੋਂ ਉਹਨਾਂ ਦਾ ਨਿਸ਼ਾਨਾ ਵਖਰੇਵਿਆਂ ਨੂੰ ਖਤਮ ਕਰਕੇ ਮਾਨਵਵਾਦੀ ਕਾਰਕੁੰਨਾਂ ਦਾ ਇਕ ਸਾਂਝਾ ਵਿਸ਼ਵ-ਭਾਈਚਾਰਾ ਕਾਇਮ ਕਰਨਾ ਸੀ।
ਸ. ਗੁਰਸ਼ਰਨ ਸਿੰਘ ਢਿੱਲੋਂ ਜੀ, ਰਿਲੀਜਨ/ਮਜ਼ਹਬ/ਸੰਸਥਾਗਤ ਧਰਮ ਸਦਾ ਮਨੁੱਖਤਾ ਵਿਚ ਫਿਰਕਾਪ੍ਰਸਤੀ, ਆਪਸੀ ਨਫਰਤ, ਊਚ-ਨੀਚ, ਕਰਾਮਾਤੀ ਵਰਤਾਰਿਆਂ, ਅੰਧ-ਵਿਸ਼ਵਾਸਾਂ, ਕਰਮ-ਕਾਂਡਾਂ, ਮਿਥਹਾਸ ਆਦਿਕ ਨੂੰ ਫੈਲਾਉਂਦੇ ਆਏ ਹਨ। ਇੱਸੇ ਵਰਤਾਰੇ ਨੂੰ ਸਾਹਮਣੇ ਰੱਖਦਿਆਂ ਹੋਇਆਂ ਗੁਰੂ ਸਾਹਿਬਾਨ ਨੇ ਰਿਲੀਜਨ/ਮਜ਼ਹਬ/ਸੰਸਥਾਗਤ ਧਰਮ ਦੇ ਸੰਕਲਪ ਨੂੰ ਮੂਲੋਂ ਹੀ ਨਕਾਰ ਦਿੱਤਾ ਸੀ ਅਤੇ ਉਹਨਾਂ ਦਾ ਇਸ ਸਬੰਧੀ ਸੰਦੇਸ਼ ਗੁਰਬਾਣੀ ਵਿਚ ਇਸ ਤਰ੍ਹਾਂ ਦਰਜ ਹੈ: “ਨਾ ਹਮ ਹਿੰਦੂ ਨ ਮੁਸਲਮਾਨ॥ ਅਲਹ ਰਾਮ ਕੇ ਪਿੰਡੁ ਪਰਾਨ॥” ਅਤੇ “ਸਰਬ ਧਰਮ ਮਹਿ ਸ੍ਰੇਸਟ ਧਰਮੁ॥ ਹਰਿ ਕੋ ਨਾਮ ਜਪਿ ਨਿਰਮਲ ਕਰਮੁ॥” ਗੁਰੂ ਗੋਬਿੰਦ ਸਿੰਘ ਜੀ ਨੇ ਇੱਸੇ ਗੁਰਬਾਣੀ ਦੇ ‘ਗ੍ਰੰਥ’ ਨੂੰ ਮਾਨਵਵਾਦੀ ਕਾਰਕੁੰਨਾਂ ਦਾ ਅਗਲਾ ਗੁਰੂ ਬਣਾਇਆ ਸੀ। ---- ਇਕਬਾਲ ਸਿੰਘ ਢਿੱਲੋਂ, ਚੰਡੀਗੜ੍ਹ।

29th January 2016 5:06pm