.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1337)

Topic: Tuhada Apna
Sort
Facebookdel.icio.usStumbleUponDiggGoogle+TwitterLinkedIn
Gravatar
gurdeep singh baaghi (ambala, India)
ਜਰਨੈਲ ਸਿੰਘ ਦਾ ਅਕਾਲ ਤਖਤ ਜਾਣ ਦਾ ਕਾਰਨ ਸੀ ਕਿ ਬੱਬਰਾਂ ਨੇ ਉਸ ਨੂੰ ਗੁਰੂ ਨਾਨਕ ਨਿਵਾਸ ਵਿੱਚੋ ਜਾਣ ਨੂੰ ਕਹਿਆ ਸੀ। ਬਾਦ ਵਿੱਚ ਜਰਨੈਲ ਸਿੰਘ ਦੇ ਸਾਥੀ ਇਹ ਕਹਿੰਦੇ ਰਹੇ ਕਿ ਜਰਨੈਲ ਸਿੰਘ ਪਹਿਲਾਂ ਵੀ ਅਕਾਲ ਤਖਤ ਤੇ ਰਹਿਆ ਹੈ ਤੇ ਇਸ ਬਾਰ ਕੋਈ ਨਵੀਂ ਗੱਲ ਨਹੀ।

ਜਰਨੈਲ ਸਿੰਘ ਖੁਦ ਇਕ ਵਿਡੀਉ ਵਿੱਚ ਕਬੂਲ ਕਰਦਾ ਹੈ ਕਿ ਬੱਬਰਾਂ ਨਾਲ ਵਿਵਾਦ ਕਰ ਕੇ ਉਸ ਨੇ ਗੁਰੂ ਨਾਨਕ ਨਿਵਾਸ ਛਡੀਆ ਸੀ, ਇਹ ਗੱਲ ਆਮ ਲੋਕਾਂ ਨੂੰ ਪਤਾ ਨਹੀ ਹੈ ਇਸ ਲਈ ਇਹ ਕਹਿਆ ਜਾਂਦਾ ਹੈ ਕਿ ਜਰਨੈਲ ਸਿੰਘ ਨੂੰ ਅਭਾਸ ਹੋ ਗਿਆ ਸੀ ਕਿ ਅਕਾਲ ਤਖਤ ਤੇ ਹਮਲਾ ਹੋਵੇਗਾ।
23rd June 2016 9:10am
Gravatar
sarbjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,,,ਤੁਸੀ 1984 ਨੂੰ ਅਕਾਲ ਤਖਤ ਨਾਮ ਦੀ ਬਿਲਡਿੰਗ ਉਤੇ ਹਮਲਾ ਮਂਨਦੇ ਹੋ,ਭਿੰਡਰਾਵਾਲੇ ਨੂੰ ਰਾਜਨੀਤੀ ਵਿਚ ਫੋਲ ਹੋ ਕੇ ਧਰਮ ਵਿਚ ਆਉਣ ਵਾਲਾ ਦਸਦੇ ਹੋ,,ਜਿਹੜਾ ਆਪਣੀ ਗਰਿਫਤਾਰੀ ਤੋ ਬਚਣ ਲਇ ਅਕਾਲ ਤਖਤ ਤੇ ਲੁਕ ਗਿਆ ਸੀ,,,ਪਰ ਇਸ ਗੱਲ ਦੀ ਕੋਇ ਵਿ੍ਹ੍ਹਾਖਿਆ ਨਹੀ ਕਰਦੇ ਕਿ ਜਦਿ ਭਿੰਡਰਾਵਾਲਾ ਭਾਰਤੀ ਫੌਜਾਂ ਤੋ ਘਿਰ ਗਿਆ ਸੀ ਤਾਂ ਉਹ ਕਇ ਦੁਜਿਆ ਵਾਗੂ ਨਸ ਕਿਉ ਨਹੀ ਗਿਆ ਤੇ ਆਪਣੀ ਜਾਨ ਤੋ ਹੱਥ ਕਿਉ ਧੋ ਬੈਠਾ????????
23rd June 2016 8:48pm
Gravatar
gurdeep singh baaghi (ambala, India)
ਡਾ. ਹਰਭਜਨ ਪੰਨਾ ੨੩੯ ਉਤੇ ਸ: ਗੁਰਬਖਸ਼ ਸਿੰਘ ਕਾਲਾ ਅਫਗਾਨਾ ਬਾਰੇ ਲਿਖਦਾ ਹੈ “ਗੁਰਬਖਸ਼ ਸਿੰਘ ਕਾਲਾ ਅਫਗਾਨਾ ਵਰਗੇ ਲੋਕ ਇਸ ਗ੍ਰੰਥ(ਦਸਮ ਗ੍ਰੰਥ) ਨੂੰ ‘ਬਿਪਰਨ ਦੀ ਰੀਤ’ ਦਾ ਸਮਰਥਕ ਗ੍ਰੰਥ ਮੰਨਦਿਆਂ, ਇਹ ਝੂਠਾ ਹਉਆ ਖੜਾ ਕਰਦੇ ਹਨ ਕਿ ਇਹ ਰਚਨਾਵਾਂ ਕਿਸੇ ਬ੍ਰਹਾਮਣ ਨੇ ਸਿੱਖ ਧਰਮ ਵਿਚ ਮਿਲਾਵਟ ਕਰਨ ਲਈ ਰਚੀਆਂ ਹਨ” ਅੱਗੇ ਡਾ. ਹਰਭਜਨ ਸਿੰਘ ਬ੍ਰਹਾਮਣਾਂ ਦੇ ਬਾਰੇ ਰਾਯ ਦੇਂਦਾ ਹੈ “ਜਦੋਂ ਕਿ ਮੈ ਸਮਝਦਾ ਹਾਂ ਕਿ ਬ੍ਰਾਹਮਣ ਇਨ੍ਹਾਂ ਕੰਮਾਂ ਵਿੱਚ ਸਮਾਂ ਨਸ਼ਟ ਕਰਨ ਵਾਲੀ ਜਮਾਤ ਨਹੀ ਹੈ” ਅੱਗੇ ਡਾ. ਹਰਭਜਨ ਸਿੰਘ ਦਲੀਲ ਪੇਸ਼ ਕਰਦਾ ਹੈ ਪੁਜਾਰੀ ਆਪਣੇ ਧਰਮ ਨੂੰ ਬਰਬਾਦ ਕਰਨ ਵਿੱਚ ਲਗਿਆ ਰਹਿੰਦਾ ਹੈ ਦੂਜੇ ਧਰਮਾਂ ਵਾਸਤੇ ਉਸ ਕੋਲ ਵਕਤ ਕਢਣ ਦੀ ਉਸ ਕੋਲ ਗੰਜਾਇਸ਼ ਨਹੀ। ਅਪਣੀ ਇਸ ਦਲੀਲ ਦੀ ਪੁਸ਼ਟੀ ਵਾਸਤੇ ਡਾ. ਹਰਭਜਨ ਸਿੰਘ ਨੇ ਪੌਰਾਣਿਕ ਸਾਹਿਤ ਦੀ ਗਵਾਹੀ ਦਿੱਤੀ ਅਤੇ ਉਸ ਨੇ ਸਵਾਲ ਖੜਾ ਕੀਤਾ ਕਿ ਬਹਾਰੋਂ ਆਏ ਹਮਲਾਵਰ ਧਰਮਾਂ ਵਿਰੁੱਧ ਬ੍ਰਹਾਮਣਾਂ ਨੇ ਕਿਤਨੇ ਗ੍ਰੰਥ ਲਿਖੇ? ਕਿਤਨਾ ਕੁ ਉਸ ਨੇ ਬੁਧ ਧਰਮ ਅਤੇ ਜੈਨ ਧਰਮ ਬਾਰੇ ਲਿਖੀਆ?

ਡਾ. ਹਰਭਜਨ ਸਿੰਘ ਬਿਚਿਤਰ ਨਾਟਕ ਦੇ ਬਹੁਤ ਵੱਡੇ ਵਿਦਵਾਨ ਮੰਨੇ ਜਾਂਦੇ ਹਨ ਪਰ ਪਤਾ ਨਹੀ ਕਉਂ ਮੈਨੂੰ ਇੰਞ ਲਗਦਾ ਹੈ ਕਿ ਬਿਚਿਤਰ ਨਾਟਕ ਵੀ ਉਸ ਨੇ ਠੀਕ ਢੰਗ ਨਾਲ ਪੜ੍ਹੀਆ ਨਹੀ। ਡਾ. ਸਾਹਿਬ ਕਾਸ਼ ਅਰਿਹੰਤ ਅਵਤਾਰ ਦੀ ਕਹਾਣੀ ਪੜ੍ਹ ਲੈਂਦੇ ਜਿਸ ਵਿੱਚ ਜੈਨ ਧਰਮ ਬਾਰੇ ਲਿਖੀਆ ਹੈ, ਜੇ ਕਦੇ ਤੂੰਸੀ ਪੁਰਾਣਾਂ ਨੂੰ ਪੜ੍ਹ ਲੈਂਦੇ ਤੇ ਪਤਾ ਚਲ ਜਾਂਦਾ ਕਿ ਬਿਚਿਤਰ ਨਾਟਕ ਵਿੱਚ ਕਹਾਣੀ ਦਾ ਆਧਾਰ ਮਹਾਤਮਾ ਬੁਧ ਦੇ ਚਲਾਏ ਮਾਰਗ ਨੂੰ ਨਿੰਦਨ ਵਾਲੀ ਕਹਾਣੀ ਹੈ ਅਤੇ ਬਿਚਿਤਰ ਨਾਟਕ ਦੇ ਲਿਖਾਰੀ ਨੇ ਗਲਤੀ ਨਾਲ ਅਰਿਹੰਤ ਅਵਤਾਰ ਵਿੱਚ ਇਹ ਕਹਾਣੀ ਲਿਖ ਦਿੱਤੀ। ਅਰਿਹੰਤ ਅਵਤਾਰ ਦੀ ਕਹਾਣੀ ਤੇ ਤ੍ਰਿਪੁਰਾ ਦੈਤਾਂ ਨਾਲ ਜੁੜੀ ਹੋਈ ਹੈ ਜੋ ਸ਼ਿਵ ਪੁਰਾਣ ਵਿੱਚ ਦਰਜ ਹੈ ਅਤੇ ਉਸ ਵਿੱਚ ਵੀ ਦਰਜ ਹੈ ਕਿ ਦੈਤਾਂ ਨੇ ਜੈਨ ਧਰਮ ਅਪਣਾ ਲਿਆ ਤੇ ਉਹ ਦੈਤ ਅਧਰਮੀ ਹੋ ਗਏ ਜਿਸ ਕਾਰਨ ਸ਼ਿਵ ਨੇ ਉਨ੍ਹਾਂ ਨੂੰ ਨਾਲ ਮਾਰ ਦਿੱਤਾ।

ਡਾ. ਹਰਭਜਨ ਸਿੰਘ ਪੌਰਾਣਿਕ ਸਾਹਿਤ ਪੜ੍ਹ ਲੈਂਦੇ ਤੇ ਉਨ੍ਹਾਂ ਪਤਾ ਚਲ ਜਾਂਦਾ ਕਿ ਬੁਧ ਅਤੇ ਜੈਨ ਧਰਮ ਦੇ ਬਾਰੇ ਬਹੁਤ ਕੁਛ ਲਿਖੀਆ ਬ੍ਰਹਾਮਣਾਂ ਨੇ ਅਤੇ ਬ੍ਰਹਾਮਣਾਂ ਨੇ ਇਨ੍ਹਾਂ ਨੂੰ ਮੰਨਣ ਵਾਲਿਆ ਨੂੰ ਧਰਮ ਵਿਹੀਣ ਤਕ ਲਿਖੀਆ ਹੈ। ਅਗਨੀ ਪੁਰਾਣ ਵਿੱਚ ਤੇ ਬੁਧ ਦੇ ਅਵਤਾਰ ਬਾਦ ਕਲਕੀ ਅਵਤਾਰ ਦੀ ਕਹਾਣੀ ਹੈ ਜੋ ਇਹ ਦਰਸਾਉਂਦੀ ਹੈ ਕਿ ਜੋ ਲੋਕ ਵੈਦਿਕ ਧਰਮ ਨਹੀ ਮਨੰਦੇ ਉਨ੍ਹਾਂ ਨੂੰ ਖਤਮ ਕਰਨ ਵਾਸਤੇ ਕਲਕੀ ਦਾ ਅਵਤਾਰ ਹੋਵੇਗਾ।

ਡਾ. ਹਰਭਜਨ ਸਿੰਘ ਲਿਖਦਾ ਹੈ “ਕਿਤਨਾ ਕੁ ਉਸ ਨੇ ਬੁਧ ਧਰਮ ਅਤੇ ਜੈਨ ਧਰਮ ਬਾਰੇ ਲਿਖੀਆ?” ਅਤੇ ਬ੍ਰਹਾਮਣਾਂ ਦੀ ਵਕਾਲਤ ਕਰਦੇ ਹੋਏ ਡਾ. ਹਰਭਜਨ ਸਿੰਘ ਲਿਖਦਾ ਹੈ “ਬ੍ਰਹਾਮਣ ਕੋਲ ਦੁਜੇ ਧਰਮਾਂ ਦੇ ਮਾਮਲੇ ਵਿੱਚ ਸਮਾਂ ਕੱਢਣ ਦੀ ਗੁੰਜਾਇਸ਼ ਨਹੀ।” ਅਗਣੀ ਪੁਰਾਣ ਵਿੱਚ ਤੇ ਬ੍ਰਹਾਮਣ ਲਿਖ ਰਹਿਆ ਹੈ ਕਿ ਮਲੇਸ਼ਾ ਨੂੰ ਮਾਰਨ ਵਾਸਤੇ ਕਲਕੀ ਅਵਤਾਰ ਹੋਵੇਗਾ ਅਤੇ ਫਿਰ ਸ਼ਾਸਤ੍ਰਾਂ ਦੇ ਧਰਮ ਦਾ ਪ੍ਰਚਾਰ ਕਰੇਗਾ। ਬ੍ਰਹਾਮਣ ਅਪਣੇ ਧਰਮ ਨੂੰ ਛੱਡ ਕੇ ਦੁਸਰੇ ਧਰਮਾਂ ਨੂੰ ਮੰਨਣ ਵਾਲਿਆਂ ਨੂੰ ਮਲੇਛ ਲਿਖ ਰਹਿਆ ਹੈ, ਡਾ. ਹਰਭਜਨ ਸਿੰਘ ਬ੍ਰਹਾਮਣ ਦੀ ਹਿਮਾਇਤ ਵਿੱਚ ਲਿਖ ਕੇ ਸਾਫ ਕਰਦੇ ਹਨ ਕਿ ਉਹ ਬ੍ਰਹਾਮਣਾਂ ਦੇ ਵਕੀਲ ਹਨ ਅਤੇ ਦੂਜੀ ਗੱਲ ਜੋ ਬ੍ਰਹਾਮਣਾਂ ਦੇ ਵਕੀਲ ਡਾ. ਹਰਭਜਨ ਸਿੰਘ ਸਿੱਧ ਕਰਦੇ ਹਨ ਕਿ ਇਨ੍ਹਾਂ ਬਿਚਿਤਰੀਆਂ ਦੀ ਰਗਾਂ ਵਿੱਚ ਖੂਨ ਨਹੀ ਝੂਠ ਦੌੜਦਾ ਹੈ ਜੋ ਉਨ੍ਹਾਂ ਦੀ ਕਲਮ ਰਾਹੀਂ ਪੰਨੇ ਕਾਲੇ ਕਰ ਕੇ ਸਿੱਖਾਂ ਨੂੰ ਗੁਮਰਾਹ ਕਰਨ ਵਿੱਚ ਲਗਿਆ ਹੈ।

ਗੁਰਦੀਪ ਸਿੰਘ ਬਾਗੀ
22nd June 2016 11:09pm
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਆਪ ਜੀ ਨੇ ਮੇਰੇ ਲੇਖ ਵਿੱਚੋਂ ਅਧੂਰਾ ਵਾਕ ਪੇਸ਼ ਕੀਤਾ ਹੈ ਅਤੇ ਪਹਿਲੇ ਹਿੱਸੇ ਤੇ ਕੱਟ ਮਾਰ ਦਿੱਤਾ ਹੈ। ਉਹ ਪਹਿਲਾ ਹਿੱਸਾ ਹੈ: “ ਇਸ ਗੱਲ-ਬਾਤ ਦਾ ਦੂਸਰਾ ਪੱਖ ਇਸ ਨੁਕਤੇ ਤੇ ਵਿਚਾਰ ਕਰਨ ਦਾ ਹੈ....................”। ਮੈਂ ਆਪਣੇ ਲੇਖ ਵਿਚ ਸੋਵੀਅਤ ਰੂਸ ਦੀ ਭੂਮਿਕਾ ਦੀ ਸੰਭਾਵਨਾ ਪੇਸ਼ ਕੀਤੀ ਹੈ ਪਰੰਤੂ ਇਸ ਪ੍ਰਤੀ ਕੋਈ ਦਾਵਾ ਪੇਸ਼ ਨਹੀਂ ਕੀਤਾ ਸਗੋਂ ਮੈਂ ‘ਵਿਚਾਰ ਕਰਨ’ ਦਾ ਰਸਤਾ ਖੁਲ੍ਹਾ ਰੱਖਿਆ ਹੈ। ਅੱਗੇ ਜਾ ਕੇ ਮੈਂ ਇਹ ਵੀ ਲਿਖਿਆ ਹੈ ਕਿ “ਸੋਵੀਅਤ ਰੂਸ (ਵੱਲੋਂ) ਸ੍ਰੀਮਤੀ ਇੰਦਰਾ ਗਾਂਧੀ ਉੱਤੇ ਅਟੱਲ ਦਬਾ ਪਾ ਸਕਣ ਦੇ ਸਮਰੱਥ ਸੀ ਇਸ ਦੇ ਕੁਝ ਸਪਸ਼ਟ ਅਤੇ ਠੋਸ ਕਾਰਨ ਮੌਜੂਦ ਹਨ ਜਿਹਨਾ ਦਾ ਵੇਰਵਾ ਇੱਥੇ ਨਹੀਂ ਦਿੱਤਾ ਜਾ ਸਕਦਾ।” ਇਸ ਸਥਿਤੀ ਵਿਚ ਆਪ ਜੀ ਮੇਰੇ ਕੋਲੋਂ ਸਬੂਤ ਕਿਵੇਂ ਮੰਗ ਸਕਦੇ ਹੋ। ਹਾਂ ਆਪ ਜੀ ਨੂੰ ਮੇਰੇ ਵਿਚਾਰਾਂ ਨਾਲ ਅਸਹਿਮਤੀ ਪ੍ਰਗਟਾਉਣ ਦਾ ਪੂਰਾ-ਪੂਰਾ ਹੱਕ ਹੈ, ਮੈਨੂੰ ਇਸਦਾ ਕੋਈ ਗੁੱਸਾ ਨਹੀਂ। ਮੈਂ ਉਹਨਾਂ ਟਕਸਾਲੀਆਂ ਵਰਗਾ ਨਹੀਂ ਜੋ ਝੱਟ ਹੀ ਗਾਲੀ-ਗਲੋਚ ਉੱਤੇ ਆ ਜਾਂਦੇ ਹਨ ਅਤੇ ਆਪਣੇ ਨਾਲ ਅਸਹਿਮਤ ਹੋਣ ਵਾਲਿਆਂ ਉੱਤੇ ਤਲਵਾਰਾਂ ਅਤੇ ਪਿਸਤੌਲ/ਬੰਦੂਕਾਂ ਤਾਣ ਲੈਂਦੇ ਹਨ। ਮੈਂ ਖੁਦ ਹੀ ਇਸ ਗੱਲ ਦਾ ਧਿਆਨ ਰੱਖਿਆ ਹੈ ਕਿ ਕੁਝ ਲੋਕ ਮੇਰੇ ਵਿਚਾਰਾਂ ਨਾਲ ਅਸਹਿਮਤੀ ਪ੍ਰਗਟਾ ਸਕਦੇ ਹਨ। ਇੱਸੇ ਕਰਕੇ ਮੈਂ ਅੱਗੇ ਜਾਕੇ ਇਹ ਸ਼ਬਦ ਲਿਖੇ ਹਂਨ “ ਅਜੋਕੇ ਸਮੇਂ ਵਿਚ ਸਿਖ ਭਾਈਚਾਰੇ ਲਈ ਅਸਲੀ ਮੁੱਦਾ ਇਹ ਨਹੀਂ ਰਹਿ ਜਾਂਦਾ ਕਿ ‘ਉਪਰੇਸ਼ਨ ਬਲੂ-ਸਟਾਰ’ ਦੀ ਕਾਰਵਾਈ ਸੋਵੀਅਤ ਰੂਸ ਨੇ ਕਰਵਾਈ ਸੀ ਜਾਂ ਕਿਸੇ ਹੋਰ ਨੇ। ਅਸਲੀ ਮੁੱਦਾ ਤਾਂ ਇਹ ਹੈ ਕਿ ਇਸ ਸਥਿਤੀ ਦੀ ਕੇਂਦਰੀ ਧਿਰ ਅਤੇ ਸਬੰਧਤ ਘਟਨਾਕ੍ਰਮ ਦੇ ਮੁੱਖ ਪਾਤਰ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੀ ਭੂਮਿਕਾ ਦਾ ਸੱਚ ਕੀ ਹੈ।“ ਮੇਰੀ ਤੁੱਛ ਬੁੱਧੀ ਦੇ ਸਾਹਮਣੇ ਜੋ ਸੱਚ ਆਇਆ ਹੈ ਮੈਂ ਉਹ ਪੇਸ਼ ਕਰ ਦਿੱਤਾ ਹੈ। ਉਸ ਤੋਂ ਸਿਖਿਆ ਲੈਣੀ ਜਾਂ ਨਾ ਲੈਣੀ ਸਬੰਧਿਤ ਧਿਰਾਂ ਦੀ ਮਰਜ਼ੀ ਤੇ ਨਿਰਭਰ ਕਰਦਾ ਹੈ। ਸ.ਸਰਬਜੀਤ ਸਿੰਘ ਜੀ, ਬੇਨਤੀ ਹੈ ਕਿ ਪੋਸਟਾਂ ਵਿਚ ਸ਼ਬਦਾਵਲੀ ਠੀਕ ਵਰਤੀ ਜਾਣੀ ਚਾਹੀਦੀ ਹੈ। .................. ਇਕਬਾਲ ਸਿੰਘ ਢਿੱਲੋਂ
22nd June 2016 7:07am
Gravatar
sarabjit singh (kharar, India)
ਸ ਇਕਬਾਲ ਸਿੰਘ ਢਿੋਲੋ ਜੀ ,ਜੇ ਤੁਸੀ ਭਾਰਤ ਉਤੇ ਰੂਸੀ ਦਬਾਅ ਦੀ "ਸੰਭਾਵਨਾ" ਦੇ ਸਬੂਤ ਨਹੀ ਦੇ ਸਕਦੇ ਤਾਂ ਤੁਸੀ ਮੇਰੇ ਕੋਲੋ ਭਿੰਡਰਾਵਾਲੇ ਦੇ ਕਿਸੇ ਵੱਡੇ ਘਟਨਾ ਕਰਮ ਹੋਣ ਦੇ "ਅਭਾਸ "ਦਾ ਅਤੇ ਫਿਰ ਦਰਬਾਰ ਸਾਹਿਬ ਵਿਚ ਆਉਣ ਦਾ ਸਬੂਤ ਕਿਵੇ ਮੰਗ ਸਕਦੇ ਹੋ?,,ਗਲ ਤਾਂ ਇਹ ਮਨ ਦੀ ਹੈ ,,ਮਨ ਵਿਚ ਕੀ ਹੋ ਰਿਹਾ ਹੈ ਇਹ ਤਾਂ ਮਨੁਖ ਦੇ ਕਰਮ ਹੀ ਦਸਦੇ ਹਨ,ਭਿੰਡਰਾਵਾਲੇ ਨੂੰ ਲਗਿਆ ਕਿ ਕੁਛ ਗਲਤ ਹੋਣ ਵਾਲਾ ਹੈ ਸਿੱਖਾਂ ਨਾਲ ਤਾਂ ਉਹ ਉਹਦਾ ਢੁਕਵਾ ਜਵਾਬ ਦੇਣ ਉਹ ਦਰਬਾਰ ਸਾਹਿਬ ਆ ਗਿਆ,ਤੁਸੀ ਕਹਿੰਦੇ ਹੋ ਕਿ ਭਿੰਡਰਾਵਾਲਾ ਆਪਨੀ ਗਰਿਫਤਾਰੀ ਤੋ ਬਚਨ ਵਾਸਤੇ ਉਹ ਦਰਬਾਰ ਸਾਹਿਬ ਆ ਗਿਆ ਸੀ,ਢਿਲੋ ਜੀ,ਜਦੋ ਉਸ ਨੂੰ ਪਤਾ ਲਗ ਗਿਆ ਕਿ ਹੁਣ ਤਾ ਮੇਰੀ ਮੋਤ ਨਿਸਚਿਤ ਹੈ ਉਹ ਭਜ ਕਿਉ ਨਹੀ ਗਿਆ,,ਹੋਰ ਵੀ ਕਇ ਖਾੜਕੂ ਭਜੇ ਸਨ ,,,,,ਮਤਲਬ ਭਿੰਡਰਾਵਾਲੇ ਨੇ ਗਰਿਫਤਾਰੀ ਨਹੀ ਦਿਤੀ ਆਪਣੀ ਜਾਨ ਦੇ ਦਿਤੀ ਕਿਉ ?????ਢਿਲੋ ਸਾਹਿਬ ਜੇ ਮੇਰਾ ਕੁਛ ਲਿਖਿਆ ਬੁਰਾ ਲਗਿਆ ਹੋਵੇ ਤਾਂ ਮਾਫੀ ਚਾਹੁਨਾ,,ਪਰ ਇਹ ਦਸੋ ਕਿ ਭਿੰਡਰਾਵਾਲਾ ਆਪਨੀ ਗਰਿਫਤਾਰੀ ਤੋ ਬਚਨ ਲਇ ਭਜ ਕਿਉ ਨਹੀ ਗਿਆ? ਉਸਨੇ ਆਪਣੀ ਜਾਨ ਕਿਉ ਦੇ ਦਿਤੀ?????
22nd June 2016 10:08pm
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਆਪ ਜੀ ਆਪਣੀਆਂ ਪਹਿਲੀਆਂ ਗੱਲਾਂ ਦਾ ਦੁਹਰਾ ਹੀ ਕਰ ਰਹੇ ਹੋ। ਆਪ ਜੀ ਤੋਂ ਸਬੂਤ ਮੰਗਿਆ ਸੀ ਉਹ ਆਪ ਜੀ ਦੇ ਨਹੀਂ ਰਹੇ। ਹੁਣ ਕਹਿੰਦੇ ਹੋ ਕਿ ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੂੰ ‘ਆਭਾਸ’ ਹੋਇਆ ਸੀ। ਆਪ ਜੀ ਕੋਲ ਉਸ ‘ਆਭਾਸ’ ਦਾ ਕੀ ਸਬੂਤ ਮੌਜੂਦ ਹੈ? ਜੇਕਰ ਹੈ ਤਾਂ ਉਹ ਸਬੂਤ ਪੇਸ਼ ਕਰੋ। ਜੇ ਭਿੰਡਰਾਂਵਾਲੇ ਨੂੰ ਸਿਖ ਭਾਈਚਾਰੇ ਲਈ ਕੋਈ ਖਤਰਾ ਨਜ਼ਰ ਆ ਰਿਹਾ ਸੀ ਤਾਂ ਉਸ ਨੂੰ ਚਾਹੀਦਾ ਸੀ ਕਿ ਉਹ ਸਿਖ ਭਾਈਚਾਰੇ ਵਿਚ ਘੁੰਮ-ਫਿਰਕੇ ਲੋਕਾਂ ਨੂੰ ਜਾਗਰੂਕ ਕਰਦਾ, ਲੋਕ-ਲਹਿਰ ਪੈਦਾ ਕਰਦਾ ਅਤੇ ਲੋਕਾਂ ਨੂੰ ਉਸ ਖਤਰੇ ਦਾ ਮੁਕਾਬਲਾ ਕਰਨ ਲਈ ਲਾਮਬੰਦ ਕਰਦਾ। ਪਰੰਤੂ ਉਸ ਨੇ ਗ੍ਰਿਫਤਾਰੀ ਤੋਂ ਬਚਣ ਲਈ ਦਰਬਾਰ ਸਾਹਿਬ ਕੰਪਲੈਕਸ ਦੇ ਅੰਦਰ ਹੀ ਡਰਪੋਕਾਂ ਵਾਂਗ ਛਿਪ ਕੇ ਅੰਦਰ ਅਤੇ ਬਾਹਰ ਘਿਨਾਉਣੀਆਂ ਕਾਰਵਾਈਆਂ ਨੂੰ ਅੰਜਾਮ ਦੇਣਾ ਅਰੰਭ ਕਰ ਦਿੱਤਾ ਅਤੇ ਸਾਰੇ ਸਿਖ ਭਾਈਚਾਰੇ ਨੂੰ ਡੋਬ ਕੇ ਰੱਖ ਦਿੱਤਾ। ਉਸ ਤੋਂ ਉਪਰੰਤ
ਦੋਗਲੀ ਕਿਸਮ ਦੇ ‘ਵਿਦਵਾਨ’ ਨਵੀਂ ਪੀਹੜੀ ਨੂੰ ਭੰਬਲਭੂਸੇ ਵਿਚ ਪਾਕੇ ਸਿਖ ਭਾਈਚਾਰੇ ਦੀ ਪੂਰਨ ਬਰਬਾਦੀ ਲਈ ਰਾਹ ਪੱਧਰਾ ਕਰਨ ਦੇ ‘ਨੇਕ’ ਕਾਰਜ ਨੂੰ ਤਨਦੇਹੀ ਨਾਲ ਨਿਭਾ ਰਹੇ ਹਨ ਅਤੇ ਆਪ ਜੀ ਵਰਗੇ ਲੋਕ ਅੱਖਾਂ ਮੀਟ ਕੇ ਅਜਿਹੇ 'ਵਿਦਵਾਨਾਂ' ਦੇ ਮਗਰ ਲੱਗੇ ਹੋਏ ਹਨ। .....................ਇਕਬਾਲ ਸਿੰਘ ਢਿੱਲੋਂ
20th June 2016 7:17pm
Gravatar
sarabjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,, ਤੁਸੀ ਆਪਣੀ ਲਿਖਤ ਦੇ ਪਹਿਲੇ ਹਿਸੇ ਵਿਚ ਲਿਖਿਆ ਹੈ ਕਿ ਦਰਵਾਰ ਸਾਹਿਬ ਤੇ ਹਮਲੇ 1984 ਈਸਵੀ ਵਿੱਚ ਕੀਤੀ ਗਈ ਇਸ ਕਾਰਵਾਈ ਦਾ ਤਤਕਾਲੀਨ (immediate) ਕਾਰਨ ਭਾਰਤ ਸਰਕਾਰ ਉੱਤੇ ਕਮਿਊਨਿਸਟ ਦੇਸ ਸੋਵੀਅਤ ਰੂਸ ਵੱਲੋਂ ਪਾਇਆ ਗਿਆ ਨਜਾਇਜ਼ ਅਤੇ ਅਟੱਲ (irresistible) ਦਬਾ ਸੀ। ,,,,ਢਿਲੋ ਸਾਹਿਬ ਤੁਸੀ ਲੋਕਾਂ ਨੂੰ ਕਿਉ ਮੂਰਖ ਬਣਾ ਰਹੇ ਹੋ,,,ਜਾਂ ਤਾਂ ਤੁਸੀ ਇਸ ਗਲ ਦਾ ਸਬੂਤ ਦਿਉ ਜਾਂ ਆਪਣੀ ਲਿਖਤ ਵਿਚੋ ਇਹ ਝੂਠੀ ਗਲ ਬਾਹਰ ਕਢੋ,,,
22nd June 2016 12:29am
Gravatar
Gurindar Singh Paul (Aurora, US)
ਸਰਬਜੀਤ ਸਿੰਘ (ਖਰੜ) ਜੀ, ਆਪ ਨੇ “ਸਿੱਖ ਖਾੜਕੂਵਾਦ” ਲੇਖ ਉੱਤੇ ਦਿੱਤੀ ਮੇਰੀ ਟਿੱਪਣੀ ਉੱਤੇ ਟਿੱਪਣੀ ਕਰਦਿਆਂ ਲਿਖਿਆ ਹੈ: “ਤੁਸੀ ਬ੍ਰਾਹਮਣਵਾਦੀ ਹਿੰਦੂ ਸਰਕਾਰ ਦੀ ਨੇਸਨ ਬਿਲਡਿੰਗ ਦੇ ਪ੍ਰਚਾਰ ਦੇ ਸਿਕਾਰ ਹੋ,…”। ਕੀ ਆਪ “ਸਿੱਖ ਮਾਰਗ” ਦੇ ਪਾਠਕਾਂ ਨੂੰ ਸਪਸ਼ਟ ਤੇ ਸੰਖੇਪ ਸ਼ਬਦਾਂ ਵਿੱਚ ਇਹ ਦੱਸਣ ਦਾ ਆਪਣਾ ਨੈਤਿਕ ਫ਼ਰਜ਼ ਨਿਭਾਉ ਗੇ ਕਿ ਤੁਹਾਡਾ ਇਹ ਕਥਨ ਮੇਰੀ ਕਿਸ ਲਿਖਤ ਉੱਤੇ ਆਧਾਰਿਤ ਹੈ?
ਦੂਸਰਾ, ਆਪ ਦਾ ਸਵਾਲ ਹੈ: “ਪਹਿਲਾ ਇਹ ਦਸੋ ਭਗਤ ਸਿੰਘ ਖਾੜਕੂ ਜਾਂ ਅਤੰਕਵਾਦੀ ਸੀ?? ਇੰਦਰਾ ਗਾਂਧੀ ਨੂੰ ਸੋਧਣ ਵਾਲੇ ਬੇਅੰਤ ਸਿੰਘ ਤੇ ਸਤਵੰਤ ਸਿੰਘ ਖਾੜਕੂ ਜਾਂ ਅੱਤਵਾਦੀ ਸਨ???” ਸ: ਹਾਕਮ ਸਿੰਘ ਜੀ ਦੇ ਲੇਖ “ਸਿੱਖ ਖਾੜਕੂਵਾਦ” ਅਤੇ ਉਸ ਉੱਤੇ ਮੇਰੀ ਟਿੱਪਣੀ ਦੇ ਪ੍ਰਸੰਗ ਵਿੱਚ, ਆਪ ਦੇ ਇਹ ਸਵਾਲ ਮੂਲੋਂ ਹੀ ਬੇਤੁਕੇ ਤੇ ਬੇਹੂਦਾ ਹਨ! ਫ਼ਿਰ ਵੀ ਜੇ ਆਪ ਨੂੰ ਇਨ੍ਹਾਂ ਸਵਾਲਾਂ ਦੇ ਜਵਾਬ ਚਾਹੀਦੇ ਹਨ ਤਾਂ ਸ: ਭਗਤ ਸਿੰਘ ਜੀ ਦੀ ਕੋਈ ਵੀ ਜੀਵਨੀ ਪੜ੍ਹ ਲਵੋ। ਅਤੇ ਭਾਰਤੀ ਅਤੇ ਪੰਜਾਬ ਦੀਆਂ ਸਰਕਾਰਾਂ ਬਾਰੇ ਮੇਰੀ ਸਹੀ ਸੋਚ ਅਤੇ ਬੇਅੰਤ ਸਿੰਘ ਤੇ ਸਤਵੰਤ ਸਿੰਘ ਬਾਰੇ ਮੇਰੇ ਵਿਚਾਰ ਜਾਣਨ ਵਾਸਤੇ ਮੇਰੀ ਪੁਸਤਕ “ਕੌੜਾ ਸੱਚ” ਪੜ੍ਹ ਸਕਦੇ ਹੋ! ਇਹ ਪੁਸਤਕ “ਸਿੱਖ ਮਾਰਗ” ਦੀ ਲੇਖ ਲੜੀ ਤੀਜੀ ਵਿੱਚ “ਅੱਖੀਂ ਡਿੱਠਾ ਕੰਨੀ ਸੁਣਿਆਂ, ਛੇ ਦਹਾਕਿਆਂ ਦਾ ਕੌੜਾ ਸੱਚ” ਦੇ ਸਿਰਲੇਖ ਹੇਠ ਪੰਜ ਕਿਸ਼ਤਾਂ ਵਿੱਚ ਉਪਲੱਬਧ ਹੈ। ਇਸ ਪੁਸਤਕ ਵਿੱਚ ਜਰਨੈਲ ਸਿੰਘ ਭਿੰਡਰਾਂਵਾਲਾ ਪ੍ਰਤਿ ਵੀ ਮੇਰੇ ਵਿਚਾਰ ਹਨ।
20th June 2016 9:12am
Gravatar
sarabjit singh (kharar, India)
ਗੁਰਦੀਪ ਸਿੰਘ ਬਾਗੀ ਜੀ,,ਆਪਣੇ ਪਿਛਲੇ ਕਮੈਟ ਵਿਚ ਤੁਸੀ ਬੱਬਰਾ ਦਾ ਹਵਾਲਾ ਤੇ ਬਲਜੀਤ ਕੋਰ ਬਾਰੇ ਲਿਖਿਆ ਸੀ,,ਮੈ ਇਹ ਪੁਛਣਾ ਚਾਹੁੰਦਾ ਹਾਂ ਕਿ ਕੀ ਤੁਹਾਨੂੰ ਪਤਾ ਹੈ ਕਿ ਬਲਜੀਤ ਕੋਰ ਕੋਣ ਸੀ,,ਕੀ ਭਿੰਡਰਾਵਾਲੇ ਨੇ ਆਪ ਇਹ ਕਾਰਾ ਕੀਤਾ ਸੀ?ਕੀ ਤੁਸੀ ਬੱਬਰਾ ਦੀ ਗਵਾਹੀ ਨੂੰ ਸਰਬਉਤਮ ਮੰਨਦੇ ਹੋ ? ਆਹ ਸੁਬਰਬਮਨੀਆਮ ਨੇ ਕਿਹੜੀ ਤਰੀਕ ਨੂੰ ਇਹ ਗਲ ਭਿੰਡਰਾਵਾਲੇ ਨੂੰ ਕਹੀ ??ਦਸੋਗੇ?
20th June 2016 5:08am
Gravatar
gurdeep singh baaghi (ambala, India)
ਸਰਬਜੀਤ ਸਿੰਘ ਜੀ ਬਲਜੀਤ ਕੌਰ ਕੌਣ ਸੀ ਅਤੇ ਉਸ ਦਾ ਸੰਬਂਧ ਸੋਢੀ ਨਾਲ ਕਿਵੇਂ ਬਣਿਆ ਅਤੇ ਸੋਢੀ ਨੂੰ ਕਿਵੇਂ ਮਾਰੀਆਂ, ਇਹ ਲੁਕਿਆ ਗੱਲਾਂ ਨਹੀ ਹਨ। ਅਤੇ ਬਲਜੀਤ ਕੌਰ ਦਾ ਕਤਲ ਤੇ ਹੋਇਆ ਹੀ ਅਕਾਲ ਤਖਤ ਉਤੇ ਸੀ। ਹ
21st June 2016 12:12am
Gravatar
gurdeep singh baaghi (ambala, India)
ਸੁਬ੍ਰਮਨਿਅਮ ਸੁਆਮੀ ਦੀ ਜਰਨੈਲ ਸਿੰਘ ਨਾਲ ਮੁਲਾਕਾਤ ਹੋਈ ਸੀ, ਜਿਸ ਵਿੱਚ ਸੁਆਮੀ ਨੇ ਜਰਨੈਲ ਸਿੰਘ ਨੂੰ ਅਗਾਹ ਕੀਤਾ ਸੀ ਕਿ ਇਂਦਰਾ ਫੌਜੀ ਕਾਰਵਾਹੀ ਕਰ ਸਕਦੀ ਹੈ ਪਰ ਜਰਨੈਲ ਸਿੰਘ ਨੇ ਕਹਿਆ ਸੀ ਕਿ ਇਂਦਰਾ ਇਹ ਕੰਮ ਕਦੇ ਨਹੀ ਕਰੇਗੀ।
20th June 2016 12:16am
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਆਪ ਜੀ ਨੇ ‘ਸਿਖਮਾਰਗ’ ਵੈਬਸਾਈਟ ਦੇ ਕਾਲਮ ‘ਤੁਹਾਡਾ ਆਪਣਾ ਪੰਨਾਂ’ ਉੱਤੇ ਪਾਈ ਆਪਣੀ ਇਕ ਪਿਛਲੀ ਪੋਸਟ ਵਿਚ ਦਾਵਾ ਕੀਤਾ ਸੀ ਕਿ ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੂੰ ਪਤਾ ਲੱਗ ਚੁੱਕਾ ਸੀ ਕਿ ਦਰਬਾਰ ਸਾਹਿਬ ਅੰਮ੍ਰਿਤਸਰ ਉੱਤੇ ਭਾਰਤ ਸਰਕਾਰ ਵੱਲੋਂ ਫੌਜੀ ਹਮਲਾ ਹੋਣ ਵਾਲਾ ਹੈ। ਇਸ ਉਪਰੰਤ ਮੈਂ ਇਸੇ ਕਾਲਮ ਰਾਹੀਂ ਆਪ ਜੀ ਨੂੰ ਬੇਨਤੀ ਕੀਤੀ ਸੀ ਆਪ ਜੀ ਇਸ ਦਾਵੇ ਦੀ ਪੁਸ਼ਟੀ ਲਈ ਕੋਈ ਸਬੂਤ ਪੇਸ਼ ਕਰੋ। ਇਸ ਮਕਸਦ ਲਈ ਆਪ ਜੀ ਭਿੰਡਰਾਂਵਾਲੇ ਦਾ ਕੋਈ ਬਿਆਨ, ਉਸਦੀ ਕੋਈ ਆਪਣੀ ਲਿਖਤ, ਉਸਦੀ ਕਿਸੇ ਇੰਟਰਵਿਊ ਦਾ ਹਵਾਲਾ, ਉਸਦੇ ਕਿਸੇ ਭਾਸ਼ਣ ਦਾ ਹਿੱਸਾ, ਕਿਸੇ ਮੀਟਿੰਗ ਦੀ ਕਾਰਵਾਈ ਦੀ ਰਿਪੋਰਟ ਜਿਸ ਵਿਚ ਉਸਨੇ ਇਹ ਮੁੱਦਾ ਉਠਾਇਆ ਹੋਵੇ ਆਦਿਕ ਪੇਸ਼ ਸਕਦੇ ਸੀ। ਪਰੰਤੂ ਹੁਣ ਤਕ ਆਪ ਜੀ ਨੇ ਅਜਿਹਾ ਕੋਈ ਸਬੂਤ ਪੇਸ਼ ਨਹੀਂ ਕੀਤਾ। ਸਗੋਂ ਆਪ ਜੀ ਮੇਰੇ ਅੱਗੇ ਕਈ ਸਵਾਲ ਰੱਖੀ ਜਾ ਰਹੇ ਹੋ (ਅਜਮੇਰ ਸਿੰਘ ਵਰਗੇ ਭੰਬਲਭੂਸੇ ਵਿਚ ਫਸੇ ‘ਵਿਦਵਾਨਾਂ’ ਦੀਆਂ ਪੁਸਤਕਾਂ ਪੜ੍ਹਨ ਦਾ ਨਾ ਮੇਰੇ ਕੋਲ ਸਮਾਂ ਹੈ ਅਤੇ ਨਾ ਹੀ ਮੈਨੂੰ ਕੋਈ ਲੋੜ ਹੀ ਹੈ)।

ਸਰਬਜੀਤ ਸਿੰਘ ਜੀ, ਵਿਚਾਰ-ਅਧੀਨ ਦਾਵਾ ਆਪ ਜੀ ਵੱਲੋਂ ਕੀਤਾ ਗਿਆ ਹੈ ਅਤੇ ਇਸ ਸਬੰਧੀ ਸਬੂਤ ਵੀ ਆਪ ਜੀ ਨੇ ਦੇਣਾ ਹੈ। ਭਿੰਡਰਾਂਵਾਲੇ ਨੇ ਆਪਣੀ ਦੂਸਰੀ ਗ੍ਰਿਫਤਾਰੀ ਤੋਂ ਬਚਣ ਲਈ ਦਰਬਾਰ ਸਾਹਿਬ ਕੰਪਲੈਕਸ ਦੀ ਸਰਾਂ ‘ਗੁਰੂ ਨਾਨਕ ਨਿਵਾਸ’ ਵਿਚ ਜੁਲਾਈ 1982 ਵਿਚ ਟਿਕਾਣਾ ਬਣਾਇਆ ਕਿਉਂਕਿ ਉਹ ਸਮਝਦਾ ਸੀ ਕਿ ਇਹ ਸਰਾਂ ਦਰਬਾਰ ਸਾਹਿਬ ਕੰਪਲੈਕਸ ਦਾ ਹਿੱਸਾ ਹੈ ਅਤੇ ਪੁਲਿਸ ਉਸ ਨੂੰ ਫੜ੍ਹਨ ਲਈ ਇੱਥੇ ਨਹੀਂ ਆਵੇਗੀ। ਉਸ ਤੋਂ ਪਹਿਲਾਂ ਚੌਕ-ਮਹਿਤਾ ਵਿਚ ਰਹਿੰਦਿਆਂ ਉਸ ਨੇ ਕਦੀ ਕੋਈ ਦਾਵਾ ਨਹੀਂ ਸੀ ਕੀਤਾ ਕਿ ਕੰਪਲੈਕਸ ਜਾਂ ਇਸ ਦੇ ਕਿਸੇ ਹਿੱਸੇ ਉੱਤੇ ਕੋਈ ਫੌਜੀ ਹਮਲਾ ਹੋਣ ਵਾਲਾ ਹੈ। ਅਪਰੈਲ 1983 ਵਿਚ ਪੰਜਾਬ ਪੁਲਿਸ ਦੇ ਡੀ. ਆਈ. ਜੀ. ਅਵਤਾਰ ਸਿੰਘ ਅਟਵਾਲ ਦਾ ਦਰਬਾਰ ਸਾਹਿਬ ਦੀਆਂ ਪਰਿਕਰਮਾਂ ਵਿਚ ਕਤਲ ਹੋਇਆ। ਇਸ ਕਤਲ ਦੀ ਅਤੇ ਕੰਪਲੈਕਸ ਦੇ ਅੰਦਰਵਾਰ ਅਤੇ ਪੰਜਾਬ ਵਿਚ ਲਗਾਤਾਰ ਹੋ ਰਹੀਆਂ ਹਿੰਸਕ ਕਾਰਵਾਈਆਂ ਦੀ ਜ਼ਿੰਮੇਵਾਰੀ ਭਿੰਡਰਾਂਵਾਲੇ ਦੇ ਸਿਰ ਮੜ੍ਹੀ ਜਾ ਰਹੀ ਸੀ (ਅਤੇ ਉਹ ਇਸ ਦੋਸ਼ ਦਾ ਖੰਡਨ ਨਹੀਂ ਕਰ ਰਿਹਾ ਸੀ) ਜਿਸ ਕਰਕੇ ਦਸੰਬਰ 1983 ਵਿਚ ਭਾਰਤੀ ਪਾਰਲੀਮੈਂਟ ਵਿਚ ਜ਼ੋਰਦਾਰ ਢੰਗ ਨਾਲ ਇਹ ਮਾਮਲਾ ਉਠਾਇਆ ਗਿਆ ਕਿ ਉਸ ਦੇ ਵਿਰੁਧ ਕਾਰਵਾਈ ਕਿਉਂ ਨਹੀਂ ਸੀ ਹੋ ਰਹੀ। ਇਸ ਵਕਤ ਤਕ ਸਰਕਾਰੀ ਧਿਰਾਂ ਇਹ ਵੀ ਦਾਵਾ ਕਰਨ ਲੱਗ ਪਈਆਂ ਸਨ ਕਿ ‘ਗੁਰੂ ਨਾਨਕ ਨਿਵਾਸ’ ਦਰਬਾਰ ਸਾਹਿਬ ਕੰਪਲੈਕਸ ਦਾ ਹਿੱਸਾ ਨਹੀਂ। ਜਦੋਂ ਭਿੰਡਰਾਂਵਾਲੇ ਨੂੰ ਯਕੀਨ ਹੋ ਗਿਆ ਕਿ ਉਸ ਦੀ ਗ੍ਰਿਫਤਾਰੀ ਪੱਕੀ ਹੈ ਤਾਂ ਉਸ ਨੇ ‘ਅਕਾਲ-ਤਕਤ’ ਕਰਕੇ ਜਾਣੀ ਜਾਂਦੀ ਇਮਾਰਤ ਵਿਚ ਜਾ ਸ਼ਰਨ ਲਈ ਇਹ ਸੋਚ ਕੇ ਕਿ ਇਸ ਇਮਾਰਤ ਵਿਚ ਪੁਲਿਸ ਜਾਂ ਕੋਈ ਹੋਰ ਨੀਮ-ਫੌਜੀ ਦਲ ਕਦੀ ਵੀ ਦਾਖਲ ਨਹੀਂ ਹੋਣਗੇ। ਭਾਰਤੀ ਫੌਜ ਦੀ ਕਾਰਵਾਈ ਦਾ ਤਾਂ ਉਸ ਨੂੰ ਚਿਤ-ਚੇਤਾ ਵੀ ਨਹੀਂ ਸੀ। ਫਿਰ ਵੀ ਦੂਸਰੇ ਸੁਰੱਖਿਆ ਬਲਾਂ ਵੱਲੋਂ ਉਸ ਦੀ ਗ੍ਰਿਫਤਾਰੀ ਹਿਤ ਕੀਤੀ ਜਾਣ ਵਾਲੀ ਕਿਸੇ ਸੰਭਾਵੀ ਕਾਰਵਾਈ ਦੇ ਟਾਕਰੇ ਲਈ ਉਸ ਨੇ ਆਪਣੀ ਫੌਜੀ ਤਿਆਰੀ ਅਰੰਭ ਕਰ ਦਿੱਤੀ ਅਤੇ ਫਰਵਰੀ 1984 ਵਿਚ ਕੰਪਲੈਕਸ ਦੇ ਅੰਦਰ ਹੀ ਖਾਲਿਸਤਾਨ ਦਾ ਝੰਡਾ ਲਹਿਰਾ ਦਿੱਤਾ ਗਿਆ। ਇਹਨਾਂ ਕਾਰਵਾਈਆਂ ਨੂੰ ਭਾਰਤ ਸਰਕਾਰ ਨੇ ਚੈਲਿੰਜ ਵਜੋਂ ਲੈਣਾ ਹੀ ਸੀ। ਖੈਰ, ਹੁਣ ਦਾ ਮੁੱਦਾ ਇਹ ਹੈ ਕਿ ਜੁਲਾਈ 1982 ਤੋਂ ਲੈ ਕੇ ਦਸੰਬਰ 1983 ਦੇ ਵਕਫੇ ਦੌਰਾਨ (ਜਾਂ ਇਸ ਤੋਂ ਪਹਿਲਾਂ ਕਿਸੇ ਵੇਲੇ) ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੇ ਕਦੀ ਕੋਈ ਦਾਵਾ ਨਹੀਂ ਸੀ ਕੀਤਾ ਕਿ ਦਰਬਾਰ ਸਾਹਿਬ ਕੰਪਲੈਕਸ ਉੱਤੇ ਭਾਰਤੀ ਫੌਜ ਦਾ ਕੋਈ ਹਮਲਾ ਹੋਣ ਵਾਲਾ ਹੈ।

ਸ. ਸਰਬਜੀਤ ਸਿੰਘ ਜੀ, ਮੈਂਨੂੰ ਇਹ ਕਹਿਣ ਵਿਚ ਕੋਈ ਸੰਕੋਚ ਨਹੀਂ ਕਿ ਆਪ ਜੀ ਦਾ ਵਿਚਾਰ-ਅਧੀਨ ਦਾਵਾ ਬਿਲਕੁਲ ਝੂਠਾ ਹੈ। ਇਸ ਕਰਕੇ ਆਪ ਜੀ ਨੂੰ ਬੇਨਤੀ ਹੈ ਕਿ ਜਾਂ ਤਾਂ ਆਪ ਜੀ ਆਪਣੇ ਦਾਵੇ ਦੀ ਪੁਸ਼ਟੀ ਲਈ ਕੋਈ ਠੋਸ ਸਬੂਤ ਦਿਓ ਜਾਂ ਫਿਰ ਇਸ ਦਾਵੇ ਦੇ ਕੋਰਾ ਝੂਠ ਹੋਣ ਨੂੰ ਸਵੀਕਾਰਦੇ ਹੋਏ ਮੇਰੇ ਅੱਗੇ ਉਲਟੇ-ਸਿੱਧੇ ਸਵਾਲ ਪੇਸ਼ ਕਰਨੇ ਬੰਦ ਕਰੋ (ਉਂਜ ਮੈਂ ਆਪ ਜੀ ਦੇ ਸਾਰੇ ਸਵਾਲਾਂ/ਸ਼ੰਕਿਆਂ ਦਾ ਉੱਤਰ ਆਪ ਜੀ ਦੇ ਜਾਂ ਅਜਮੇਰ ਸਿੰਘ ਦੀ ਸ਼੍ਰੇਣੀ ਦੇ ‘ਵਿਦਵਾਨਾਂ’ ਦੇ ਸਾਹਮਣੇ ਬੈਠ ਕੇ ਦੇ ਸਕਦਾ ਹਾਂ। ਆਪ ਜੀ ਤਾਂ ਚੰਡੀਗੜ੍ਹ ਦੇ ਬਿਲਕੁਲ ਕੋਲ ਹੀ ਰਹਿੰਦੇ ਹੋ)। .............. ਇਕਬਾਲ ਸਿੰਘ ਢਿੱਲੋਂ
19th June 2016 8:12pm
Gravatar
sarabjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,ਜੇ ਮੈਨੰ ਇਹ ਭਾਸੇ ਕਿ ਮੇਰੇ ਘਰ ਦੇ ਬਾਹਰ ਮੇਰੀ ਖੜੀ ਕਾਰ ਨੂੰ ਕੋੀ ਨੁਕਸਾਨ ਪੁਹਚਾਉਣ ਦੀ ਕੋਸਿਸ ਕਰਨ ਵਾਲਾ ਹੈ ਤਾ ਦਸੋ ਮੈ ਕੀ ਕਰਾਗਾ?ਕਾਰ ਦੇ ਕੋਲ ਜਾ ਕੇ ਉਸਦਾ ਬਚਾਅ ਕਰਾਗਾ,ਜਾ ਘਰ ਦੇ ਅੰਦਰ ਵੜ ਜਾਵਾਗਾਂ? ਮੈ ਕਹਿ ਰਿਹਰ ਕਿ ਭਿੰਡਰਾਵਾਲੇ ਨੂੰ ਇਹ ਅਭਾਸ ਹੋਇਆ ਕੁਛ ਬਹੁਤ ਵੱਡਾ ਹੋਣ ਵਾਲਾ ਹੈ,ਇਸ ਲਇ ਉਹ ਦਾਰਬਾਰ ਕੰਪਲੈਕਸ ਵਿਚ ਆ ਗਿਆ,,ਅਕਾਲੀਆ ਦੀ ਡਰੂ ਤੇ ਦੋਗਲੀ ਨੀਤੀ ਦਾ ਤਾਂ ਭਿੰਡਰਾਵਾਲੇ ਨੂੰ ਪਤਾ ਲਗ ਚੁਕਾ ਸੀ,ਜਿਹੜੀ ਅਜ ਤਕ ਵੀ ਚਲ ਰਹੀ ਹੈ,,,ਹੋਰ ਜਾਣਕਾਰੀ ਲਇ ਜੇ ਤੁਸੀ ਅਜਮੇਰ ਸਿੰਘ ਨੂੰ ਵੀ ਨਹੀ ਪੜਨਾ ਤਾਂ ਘਟੋ ਘਟ ਇਕ ਪੱਤਰਕਾਰ ਜਿਹੜਾ 1984 ਵੇਲੇ ਤੇ ਉਸ ਤੋ ਬਾਅਦ ਅੰਮਰਿਤਸਰ ਵਿਚ ਸੀ ਸ ਜਸਪਾਲ ਸਿੰਘ ਸਿੱਧੂ ਦੀ ਕਿਤਾਬ 'ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੇ ਰੂ-ਬ-ਰੂ ਜੂਨ 84 ਦੀ ਪੱਤਰਕਾਰੀ' ਪੜ ਕੇ ਵੇਖੋ, , ,
20th June 2016 5:18am
Gravatar
sarabjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,ਜੇ ਭਿੰਡਰਾਵਾਲਾ ਸਿਰਫ ਆਪਣੀ ਗ੍ਰਿਫਤਾਰੀ ਤੋ ਬਚਣ ਵਾਸਤੇ ਹੀ ਦਰਬਾਰ ਸਾਹਿਬ ਵਿਚ ਗਿਆ ਹੁੰਦਾ ਤਾਂ ਜਦੋ ਇਹ ਨਿਸਚਿਤ ਹੋ ਗਿਆ ਸੀ ਕਿ ਹੁਣ ਦਰਬਾਰ ਸਾਹਿਬ ਨੂੰ ਘੇਰਾ ਪੈ ਗਿਆ ਹੈ ਤਾਂ ਭਿੰਡਰਾਵਾਲਾ ਉਥੋ ਨਸ ਕਿਉ ਨੀ ਗਿਆ,ਜਦ ਕਿ ਕਇ ਖਾੜਕੂ ਨਸ ਵੀ ਗਏ ਸਨ,,ਭਿੰਡਰਾਵਾਲਾ ਦਰਬਾਰ ਸਾਹਿਬ ਵਿਚ ਆਪਣੇ ਅੰਤ ਤਕ ਹੀ ਕਿਉ ਇੰਦਰਾ ਦੀਆ ਫੌਜਾਂ ਨਾਲ ਜੂਝਦਾ ਰਿਹਾ,,ਗ੍ਰੁੌਤਾਰੀ ਤੋ ਬਚਣ ਦਾ ਤਾਂ ਸਿਧਾ ਪੱਧਰਾ ਰਾਹ(ਭਜ ਜਾਣ ਦਾ ) ਭਿੰਡਰਾਵਾਲੇ ਕੋਲ ਸਾਹਮਣੇ ਸੀ,?????
20th June 2016 5:28am
Gravatar
sarabjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,ਤੁਸੀ 1984 ਅਣਚਿਤਵਿਆ ਕਹਿਰ -- ਸ ਅਜਮੇਰ ਸਿੰਘ ਅਤੇ ਜਸਪਾਲ ਸਿੰਘ ਸਿੱਧੂ ਦੀ ਕਿਤਾਬ'ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੇ ਰੂ-ਬ-ਰੂ ਜੂਨ 1984 ਦੀ ਪੱਤਰਕਾਰੀ' ਕਿਤਾਬਾ ਪੜ ਲਵੋ ਤੁਹਾਨੰ ਸਬੂਤ ਮਿਲ ਜਾਵੇਗਾ
19th June 2016 9:24am
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਮੈਂ ਆਪਣੀ ਪਿਛਲੀ ਪੋਸਟ ਵਿਚ ਆਪ ਜੀ ਨੂੰ ਬੇਨਤੀ ਕੀਤੀ ਸੀ ਕਿ ਆਪ ਜੀ ਕੋਈ ਸਬੂਤ ਦਿਓ ਕਿ ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੂੰ ਇਹ ਪਤਾ ਲਗ ਚੁੱਕਾ ਸੀ ਕਿ ਦਰਬਾਰ ਸਾਹਿਬ ਕੰਪਲੈਕਸ ਵਿਚ ਕੋਈ ਫੌਜੀ ਕਾਰਵਾਈ ਹੋਣੀ ਹੈ। ਪਰੰਤੂ ਆਪ ਜੀ ਨੇ ਕੋਈ ਸਬੂਤ ਦੇਣ ਦੀ ਬਜਾਏ ਮੇਰੇ ਅੱਗੇ ਕਈ ਸਵਾਲ ਰੱਖ ਦਿੱਤੇ ਹਨ। ਮੇਰੇ ਕੋਲ ਇਹਨਾਂ ਸਾਰੇ ਸਵਾਲਾਂ ਦੇ ਉੱਤਰ ਮੌਜੂਦ ਹਨ। ਪਰੰਤੂ ਉਹ ਮੈਂ ਤਾਂ ਹੀ ਪੇਸ਼ ਕਰ ਸਕਾਂਗਾ ਜੇਕਰ ਆਪ ਜੀ ਆਪ ਜੀ ਤੋਂ ਮੰਗਿਆ ਗਿਆ ਸਬੂਤ ਪੇਸ਼ ਕਰ ਦਿਓਗੇ। ਜਾਂ ਫਿਰ ਆਪ ਜੀ ਇਹ ਕਬੂਲ ਕਰੋ ਕਿ ਆਪ ਜੀ ਵੱਲੋਂ ਕੀਤਾ ਗਿਆ ਦਾਵਾ ਬਿਲਕੁਲ ਝੂਠਾ ਹੈ। .................ਇਕਬਾਲ ਸਿੰਘ ਢਿੱਲੋਂ
19th June 2016 3:43am
Gravatar
sarabjit singh (kharar, India)
ਇਕਬਾਲ ਸਿੰਘ ਢਿਲੋ ਜੀ,ਕਿਸੇ ਧਰਮੀ ਤੇ ਮਨ ਦੀ ਹਾਲਤ ਕੌਣ ਦਸ ਸਕਦਾ ਹੈ,,,ਢਡਰੀਆਵਾਲੇ ਤੇ ਹਮਲੇ ਤੋ ਬਾਅਦ ਉਹਦੇ ਮਨ ਦੀ ਕੀ ਹਾਲਤ ਏ ਕੋਣ ਦਸ ਸਕਦਾ???????
19th June 2016 9:20am
Gravatar
sarabjit singh (kharar, India)
ਸੰਕੋਚ ਨਹੀਂ ਕਰੇਗਾ। ਹੋਇਆ ਵੀ ਇੰਜ ਹੀ। ਜਿਸ ਸਦਕਾ ਸਾਰੀ ਸਿੱਖ ਕੌਮ ਨੂੰ ਨਮੋਸ਼ੀ ਝੱਲਣੀ ਪਈ।
ਭਾਰਤੀ ਰਾਜ ਦੇ ਹਕੀਕੀ ਖਾਸੇ ਬਾਰੇ ਅਕਾਲੀ ਲੀਡਰਸ਼ਿਪ ਦੀ ਅਸਪੱਸ਼ਟ ਅਤੇ ਭਰਮ-ਗ੍ਰਸੀ ਸਮਝ ਉਸ ਦੇ ਲਈ ਅਤੇ ਉਸ ਨਾਲੋਂ ਵੀ ਵੱਧ ਸਿੱਖ ਕੌਮ ਲਈ ਇਕ ਵੱਡਾ ਰਾਜਸੀ ਸਰਾਪ ਹੋ ਗੁਜਰਿਆ। ਅਕਾਲੀ ਆਗੂ ਇਨਸਾਫ ਹਾਸਲ ਕਰਨ ਲਈ ਇਕ ਤੋਂ ਬਾਅਦ ਦੂਜੀ ਲੜਾਈ ਵਿੱਢਦੇ ਰਹੇ। ਪਰ ਇਨਸਾਫ ਉਨ੍ਹਾਂ ਲਈ ਮਿਰਗ-ਤ੍ਰਿਸ਼ਨਾ ਬਣਿਆ ਰਿਹਾ। ਉਨ੍ਹਾਂ ਨੇ ਵਾਰ-ਵਾਰ ਕੌੜੇ ਅਨੁਭਵਾਂ ਦਾ ਸੁਆਦ ਚੱਖਣਾ ਪੈਂਦਾ ਰਿਹਾ। ਪ੍ਰੰਤੂ ਆਪਣੀ ਵਜੂਦ-ਸਮੋਈ ਸਿਧਾਂਤਕ ਕਮਜੋਰੀ ਦੀ ਵਜ੍ਹਾ ਕਰਕੇ ਉਹ ਇਨ੍ਹਾ ਕੌੜੇ ਅਨੁਭਵਾ ’ਚੋਂ ਕਦੇ ਵੀ ਯੋਗ ਸਬਕ ਗ੍ਰਹਿਣ ਕਰਨ ਦੇ ਸਮਰੱਥ ਨਾ ਹੋ ਸਕੇ। ਇਸ ਸਿਧਾਂਤਕ ਜਹਿਮਤ ਤੋਂ ਸੁਰਖਰੂ ਹੋਣਾ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦਾ ਸ੍ਰੇਸ਼ਠ ਗੁਣ ਹੋ ਨਿਬੜਿਆ। ਅਕਾਲੀ ਆਗੂਆਂ ਦੇ ਉਲਟ, ਸੰਤ ਭਿੰਡਰਾਂਵਾਲਿਆਂ ਨੇ ਸੰਘਰਸ਼ ਦੇ ਅਮਲ ਦੌਰਾਨ ਵਾਪਰੀ ਹਰ ਅਹਿਮ ਘਟਨਾ ’ਚੋਂ ਯੋਗ ਸਬਕ ਗ੍ਰਹਿਣ ਕਰਨ ਅਤੇ ਇਸ ਨੂੰ ਸਿੱਖ ਕੌਮ ਦੀ ਸਮੂਹਕ ਚੇਤਨਾ ਦਾ ਅੰਗ ਬਣਾਉਣ ਦੀ ਸੇਧ ਅਖਤਿਆਰ ਕੀਤੀ। ਸਿੱਟੇ ਵਜੋਂ ਜਿਥੇ ਅਕਾਲੀ ਲੀਡਰ ਸੰਘਰਸ਼ ਦੇ ਅਮਲ ਦੌਰਾਨ ਪੈਰ-ਪੈਰ ’ਤੇ ਥਿੜਕਦੇ ਅਤੇ ਆਪ ਸਹੇੜੀਆਂ ਦੁਬਿਧਾਵਾਂ ਤੇ ਉਲਝਣਾਂ ਵਿਚ ਫਸਦੇ ਰਹੇ, ਉਥੇ ਸੰਤ ਜਰਨੈਲ ਸਿੰਘ ਵਲੋਂ ਹਰ ਮੋੜ ਤੇ ਹਰ ਜੋੜ (Juncture) ਉੱਤੇ ਸਪੱਸ਼ਟਤਾ ਤੇ ਅਡੋਲਤਾ ਦਾ ਪ੍ਰਗਟਾਵਾ ਕੀਤਾ ਜਾਂਦਾ ਰਿਹਾ।
ਲੜਾਈ ਨੂੰ ਕਾਰਗ਼ਰ ਤਰੀਕੇ ਨਾਲ ਲੜਨ ਲਈ ਦੋ ਗੱਲਾਂ ਬਾਰੇ ਸਪੱਸ਼ਟਤਾ ਜ਼ਰੂਰੀ ਹੁੰਦੀ ਹੈ। ਇਕ ਲੜਾਈ ਲੜਨੀ ਕਾਹਦੇ ਵਾਸਤੇ ਹੈ? ਅਤੇ ਦੂਜਾ ਲੜਨੀ ਕੀਹਦੇ ਖਿਲਾਫ਼ ਹੈ। ਅਰਥਾਤ ਦੁਸ਼ਮਣ ਤੇ ਉਦੇਸ਼ ਸਾਫ ਦਿਖਣੇ ਚਾਹੀਦੇ ਹਨ। ਇਨ੍ਹਾਂ ਦੋਨੋਂ ਹੀ ਗੱਲਾਂ ’ਤੇ ਅਕਾਲੀ ਆਗੂਆਂ ਦੀ ਸਮਝ ਮੁੱਢ ਤੋਂ ਹੀ ਅਸਪੱਸ਼ਟ ਤੇ ਘਚੋਲੇ-ਗ੍ਰਸੀ ਰਹੀ ਹੈ। ਉਹ ਨਾ ਕਦੇ ਸੰਘਰਸ਼ ਦੇ ਉਦੇਸ਼ਾਂ ਬਾਰੇ ਸਪੱਸ਼ਟ ਤੇ ਇਕ ਚਿਤ ਹੋ ਸਕੇ ਹਨ ਅਤੇ ਨਾ ਦੁਸ਼ਮਣ ਬਾਰੇ ਸਾਫ ਤੇ ਨਿਖਰੀ ਸਮਝ ਬਣਾਕੇ ਚੱਲ ਸਕੇ ਹਨ। ਇਸ ਕਰਕੇ ਸੰਘਰਸ਼ ਦੇ ਅਮਲ ਦੌਰਾਨ ਵਾਰ-ਵਾਰ ਥਿੜਕਣ ਦਿਖਾਉਣ ਅਤੇ ਸੰਘਰਸ਼ ਨੂੰ ਅੱਧ ਵਿਚਾਲਿਓ ਡੋਬਾ ਦੇ ਕੇ ਬੇਅਸੂਲੇ ਸਮਝੌਤਿਆਂ ਵੱਲ ਉਲਰ ਜਾਣ ਦੀ ਰੁਚੀ ਅਕਾਲੀ ਲੀਡਰਸ਼ਿਪ ਦਾ ਸੁਭਾਵਿਕ ਤੇ ਸਥਾਈ ਲੱਛਣ ਬਣ ਕੇ ਰਹਿ ਗਈ। ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਜਿਨ੍ਹਾਂ ਹਿੰਦੂ ਹਾਕਮਾਂ ਦੇ ਸਿੱਖ ਦੁਸ਼ਮਣ ਖਾਸੇ ਬਾਰੇ ਚੇਤੰਨ ਸਨ, ਉਨ੍ਹਾਂ ਹੀ ਅਕਾਲੀ ਆਗੂਆਂ ਦੀਆਂ ਸਿਧਾਂਤਕ ਮਰਜਾਂ ਤੇ ਸਖਸ਼ੀ ਕਮਜ਼ੋਰੀਆਂ ਬਾਰੇ ਵੀ ਬਰਾਬਰ ਜਾਗਰੂਕ ਸਨ। ਇਸ ਕਰਕੇ, ਉਨ੍ਹਾਂ ਸਿੱਖ ਸੰਘਰਸ਼ ਦੀ ਧਾਰ ਨੂੰ ਸਿੱਖ ਕੌਮ ਦੇ ਬਾਹਰਲੇ ਦੁਸ਼ਮਣਾਂ ਹਿੰਦੂ ਹਾਕਮਾਂ ਖਿਲਾਫ ਸੇਧਤ ਰੱਖਦੇ ਹੋਏ, ਨਾਲ ਹੀ ਅਕਾਲੀ ਆਗੂਆਂ ਦੀ ਹਰ ਥਿੜਕਣ ਕਮਜ਼ੋਰੀ ਉਤੇ ਕਰੜੀ ਨਿਗ੍ਹਾ ਰੱਖ ਕੇ ਚੱਲਣ ਅਤੇ ਸਿੱਖ ਜਨਤਾ ਨੂੰ ਇਸ ਬਾਰੇ ਨਿਰੰਤਰ ਚੌਕੰਨੇ ਕਰਦੇ ਰਹਿਣ ਦੀ ਲੋੜ ਤੇ ਅਹਿਮੀਅਤ ਨੂੰ ਇਕ ਪਲ ਲਈ ਵੀ ਮਨੋ ਨਹੀਂ ਵਿਸਾਰਿਆ। ਇਸ ਸਦਕਾ ‘ਧਰਮ ਯੁੱਧ ਮੋਰਚੇ’ ਦੇ ਸਮੁੱਚੇ ਅਮਲ ਦੌਰਾਨ ਲੜਾਈ ਦੇ ਬਹਿਰੂਨੀ ਤੇ ਅੰਦਰੂਨੀ ਮੋਰਚੇ ਨਿਰੰਤਰ ਮਘੇ ਰਹੇ।
19th June 2016 12:00am
Gravatar
Gurmit Singh (Sydney, Australia)
My simple query is, why JSB being Head of DDT left his Hqrs. on 20 July 1982 and took shelter within the Darbar Sahib Complex? That seems to be the main cause of subsequent terrible happenings.
18th June 2016 8:07pm
Gravatar
Iqbal Singh Dhillon (Chandigarh, India)
ਕਾਂਗਰਸ ਪਾਰਟੀ ਵੱਲੋਂ ਸੱਤਰਵਿਆਂ ਵਿਚ ਵਿਸ਼ੇਸ਼ ਕਰਕੇ ਗਿਆਨੀ ਜ਼ੈਲ ਸਿੰਘ ਦੇ 1980 ਤੋਂ ਲੈ ਕੇ ਕੇਂਦਰੀ ਗ੍ਰਹਿ ਮੰਤਰੀ ਬਣ ਜਾਣ ਪਿੱਛੋਂ ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੂੰ ਖੂਬ ਉਭਾਰਿਆ ਗਿਆ। ਭਿੰਡਰਾਂਵਾਲੇ ਨੇ ਵੀ ਕਾਂਗਰਸ ਵਾਸਤੇ ਕਾਫੀ ਕੰਮ ਕੀਤਾ ਸੀ। ਅਪਰੈਲ 24, 1980 ਈਸਵੀ ਨੂੰ ਨਿਰੰਕਾਰੀ ਮੁੱਖੀ ਗੁਰਬਚਨ ਸਿੰਘ ਦੇ ਦਿੱਲੀ ਵਿਖੇ ਹੋਏ ਕਤਲ ਦੇ ਸਬੰਧ ਵਿਚ ਦਰਜ ਹੋਈ ਪੁਲਿਸ ਰਿਪੋਰਟ ਵਿਚ ਭਿੰਡਰਾਂਵਾਲੇ ਦਾ ਨਾਮ ਸ਼ਾਮਲ ਸੀ ਪਰੰਤੂ ਉਸ ਦੇ ਵਿਰੁਧ ਕੋਈ ਪ੍ਰਸ਼ਾਸਨੀ ਕਾਰਵਾਈ ਨਹੀਂ ਕੀਤੀ ਗਈ ਸੀ। ਸਤੰਬਰ 9, 1981 ਈਸਵੀ ਨੂੰ ਲੁਧਿਆਣੇ ਨੇੜੇ ਹੋਏ ਲਾਲਾ ਜਗਤ ਨਰਾਇਣ ਦੇ ਕਤਲ ਦੇ ਸਬੰਧ ਵਿਚ ਪਹਿਲਾਂ ਭਿੰਡਰਾਂਵਾਲੇ ਨੂੰ ਚੌਕ-ਮਹਿਤਾ ਵਿਖੇ ਆਤਮ-ਸਮਰਪਣ ਕਰਨ ਵੇਲੇ ਵੱਡੇ ਇਕੱਠ ਵਿੱਚੋਂ ਸਤੰਬਰ 20, 1981 ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਫਿਰ ਗਿਆਨੀ ਜ਼ੈਲ ਸਿੰਘ ਵੱਲੋਂ ਉਸ ਦੇ ਹੱਕ ਵਿਚ ਦਿੱਤੀ ਗਈ ਸਫਾਈ ਮਗਰੋਂ ਉਸ ਨੂੰ ਅਕਤੂਬਰ 25, 1981 ਈਸਵੀ ਨੂੰ ਰਿਹਾ ਕਰ ਦਿੱਤਾ ਗਿਆ।
ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੀ ਸਤੰਬਰ 1981 ਨੂੰ ਹੋਈ ਗ੍ਰਿਫਤਾਰੀ ਪਿੱਛੋਂ ਪੰਜਾਬ ਵਿਚ ਹਿੰਸਕ ਕਾਰਵਾਈਆਂ ਦਾ ਦੌਰ ਸ਼ੁਰੂ ਹੋ ਗਿਆ ਸੀ। ਇਸ ਗ੍ਰਿਫਤਾਰੀ ਤੋਂ 35 ਦਿਨ ਪਿੱਛੋਂ ਕੀਤੀ ਗਈ ਉਸ ਦੀ ਰਿਹਾਈ ਦਾ ਮਕਸਦ ਇਹਨਾਂ ਹਿੰਸਕ ਕਾਰਵਾਈਆਂ ਨੂੰ ਠਲ੍ਹ ਪਾਉਣਾ ਜਾਪਦਾ ਸੀ ਪਰੰਤੂ ਰਿਹਾਈ ਹੁੰਦਿਆਂ ਸਾਰ ਉਸ ਵੱਲੋਂ ਹੰਕਾਰ ਵਿਚ ਆਕੇ ਦਿੱਲੀ ਵਿਚ ਆਪਣੀ ਖਾੜਕੂ ਤਾਕਤ ਦੀਆਂ ਪਰਦਰਸ਼ਨੀਆਂ ਕਰ ਦਿੱਤੀਆਂ ਗਈਆਂ। ਭਿੰਡਰਾਂਵਾਲੇ ਦੀ ਸਤੰਬਰ 1981 ਦੀ ਗ੍ਰਿਫਤਾਰੀ ਤੋਂ ਐਨ ਪਹਿਲਾਂ ਪੰਜਾਬ ਪੁਲਿਸ ਵੱਲੋਂ ਹਰਿਆਣੇ ਪਰਾਂਤ ਦੇ ਚੰਦੋ ਕਲਾਂ ਵਿਖੇ ਉਸ ਦੇ ਡੇਰੇ ਵਿਚ ਜਾਕੇ ਸਿਖ ਧਾਰਮਿਕ ਗ੍ਰੰਥ ਸਾੜੇ ਜਾਣ ਤੇ ਉਹ ਡਾਢੇ ਕਰੋਧ ਵਿਚ ਆ ਚੁੱਕਾ ਸੀ। ਨਾਲ ਹੀ ਕਾਂਗਰਸੀ ਨੇਤਾਵਾਂ ਅਤੇ ਕਾਂਗਰਸੀ ਸਰਕਾਰਾਂ ਵੱਲੋਂ ਕੀਤੀ ਜਾ ਰਹੀ ਨਿਰੰਕਾਰੀਆਂ ਦੀ ਲੋੜੋਂ ਵੱਧ ਪੁਸ਼ਤ-ਪਨਾਹੀ ਨੇ ਭਿੰਡਰਾਂਵਾਲੇ ਦੇ ਮਨ ਵਿਚ ਕਾਂਗਰਸੀ ਨੇਤਾਵਾਂ ਪ੍ਰਤੀ ਰੋਸ ਭਰਨਾ ਸ਼ੁਰੂ ਕਰ ਦਿੱਤਾ ਸੀ।
ਭਿੰਡਰਾਂਵਾਲੇ ਦੇ ਮਨ ਵਿਚਲਾ ਇਹ ਰੋਸ ਆਪਣੀ ਚਰਮ-ਸੀਮਾ ਤੇ ਉਦੋਂ ਪਹੁੰਚ ਗਿਆ ਜਦੋਂ ਚੱਲ ਰਹੀਆਂ ਹਿੰਸਕ ਕਾਰਵਾਈਆਂ ਦੇ ਸਬੰਧ ਵਿਚ ਕੁਝ ਫੌਜਦਾਰੀ ਸ਼ਿਕਾਇਤਾਂ ਦੇ ਆਧਾਰ ਤੇ ਉਸ ਦੇ ਅਤੀ ਨਜ਼ਦੀਕੀ ਸਾਥੀ ਭਾਈ ਅਮਰੀਕ ਸਿੰਘ (ਪਰਧਾਨ, ਆਲ ਇੰਡੀਆਂ ਸਿਖ ਸਟੂਡੈਂਟਸ ਫੈਡਰੇਸ਼ਨ) ਅਤੇ ਬਾਬਾ ਥਾਰ੍ਹਾ ਸਿੰਘ (ਮੁੱਖ-ਪ੍ਰਬੰਧਕ, ਗੁਰਦੁਆਰਾ ਗੁਰਦਰਸ਼ਨ ਪ੍ਰਕਾਸ਼, ਦਮਦਮੀ ਟਕਸਾਲ, ਚੌਕ ਮਹਿਤਾ) ਨੂੰ ਜੁਲਾਈ 17, 1982 ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਹੁਣ ਭਿੰਡਰਾਂਵਾਲੇ ਦੇ ਮਨ ਵਿਚ ਇਹ ਡਰ ਪੈਦਾ ਹੋ ਗਿਆ (ਜਾਂ ਉਸ ਨੂੰ ਕੋਈ ਖੁਫੀਆ ਸੂਹ ਮਿਲ ਗਈ) ਕਿ ਉਸ ਦੀ ਆਪਣੀ ਗ੍ਰਿਫਤਾਰੀ ਕਿਸੇ ਵੀ ਵਕਤ ਹੋ ਸਕਦੀ ਹੈ। ਇਸ ਡਰ ਥੱਲੇ ਉਸ ਨੇ ਚੌਕ ਮਹਿਤਾ ਛੱਡ ਕੇ ਦਰਬਾਰ ਸਾਹਿਬ ਅੰਮ੍ਰਿਤਸਰ ਦੇ ਇਲਾਕੇ ਵਿਚ ਸਥਿਤ ਸਰਾਂ ‘ਗੁਰੂ ਨਾਨਕ ਨਿਵਾਸ’ ਦੇ ਕਮਰਾ ਨੰਬਰ 47 ਵਿਚ ਆ ਡੇਰਾ ਜਮਾਇਆ ਅਤੇ ਨਾਲ ਹੀ ਉਸ ਨੇ ਜਨਤਕ ਹਮਦਰਦੀ ਪਰਾਪਤ ਕਰਨ ਹਿਤ ਇਸ ਸਥਾਨ ਤੋਂ ਭਾਈ ਅਮਰੀਕ ਸਿੰਘ ਅਤੇ ਬਾਬਾ ਥਾਰ੍ਹਾ ਸਿੰਘ ਦੀ ਰਿਹਾਈ ਲਈ ਮੋਰਚਾ ਅਰੰਭ ਦਿੱਤਾ (ਬਾਦ ਵਿਚ ਇਸ ਮੋਰਚੇ ਦਾ ਅਗਸਤ 1982 ਵਿਚ ਅਰੰਭ ਹੋਏ ਸ਼੍ਅਰੋਮਣੀ ਕਾਲੀ ਦਲ ਦੇ ਸੰਤ ਹਰਚੰਦ ਸਿੰਘ ਲੌਂਗੋਵਾਲ ਦੀ ਅਗਵਾਈ ਵਾਲੇ 'ਧਰਮ-ਯੁੱਧ' ਮੋਰਚੇ ਵਿਚ ਰਲੇਵਾਂ ਕਰ ਦਿੱਤਾ ਗਿਆ)।
..............ਇਕਬਾਲ ਸਿੰਘ ਢਿੱਲੋਂ
18th June 2016 11:23pm
Page 47 of 67

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
What is the fifth month of the year?
 
Enter answer:
 
Remember my form inputs on this computer.
 
 
Powered by Commentics

.