.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1057)

Topic: Tuhada Apna
Sort
Facebookdel.icio.usStumbleUponDiggGoogle+TwitterLinkedIn
Gravatar
Sarbjit Singh (sacramento, US)
ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪਹਿਲਾ ਪ੍ਰਕਾਸ਼ ਦਿਹਾੜਾ
ਸਰਵਜੀਤ ਸਿੰਘ ਸੈਕਰਾਮੈਂਟੋ
ਨਿਊਯਾਰਕ ਤੋਂ ਛਪਦੀ ਇਕ ਹਫਤਾਵਾਰੀ ਅਖ਼ਬਾਰ (31 ਅਸਗਤ-1 ਸਤੰਬਰ) ਦੇ ਪੰਨਾ 25 ਉਪਰ ਰਘਬੀਰ ਸਿੰਘ ਮਾਨਾਂਵਾਲੀ ਦਾ ਲੇਖ “ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ” ਛਪਿਆ ਸੀ। ਜਿਸ ਵਿਚ ਲੇਖਕ ਨੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਇਤਹਾਸ ਅਤੇ ਸਿਧਾਂਤ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ ਉਥੇ ਹੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਪ੍ਰਕਾਸ਼ ਦੀ ਤਾਰੀਖ ਬਾਰੇ ਵੀ ਸਵਾਲ ਕੀਤਾ ਹੈ। ਲੇਖਕ ਲਿਖਦਾ ਹੈ, “ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਹਿਲੇ ਪ੍ਰਕਾਸ਼ ਦੀ ਤਾਰੀਖ ਕਿਹੜੀ ਸੀ? ਆਓ ਇਸ ਬਾਰੇ ਵਿਚਾਰ ਕਰੀਏ।
ਇਤਿਹਾਸਿਕ ਵਸੀਲਿਆਂ ਮੁਤਾਬਕ ਗੁਰੂ ਅਰਜਨ ਦੇਵ ਜੀ ਵੱਲੋਂ ਜੋ ਬੀੜ ਭਾਈ ਗੁਰਦਾਸ ਜੀ ਪਾਸੋਂ ਲਿਖਵਾਈ ਗਈ ਸੀ ਉਸ ਦੀ ਸੰਪੂਰਨਤਾ ਭਾਂਦੋ ਵਦੀ ਏਕਮ, 1 ਭਾਂਦੋ ਸੰਮਤ 1661 ਬਿਕ੍ਰਮੀ ਨੂੰ ਗੁਰਦੁਆਰਾ ਸ੍ਰੀ ਰਾਮਸਰ ਸਾਹਿਬ ਦੇ ਅਸਥਾਨ 'ਤੇ ਹੋਈ ਸੀ। ਇਸ ਪਾਵਨ ਬੀੜ ਦਾ ਪਹਿਲਾ ਪ੍ਰਕਾਸ਼ ਦਰਬਾਰ ਸਾਹਿਬ ਵਿਖੇ, ਭਾਂਦੋ ਸੁਦੀ ਏਕਮ, 17 ਭਾਂਦੋ ਸੰਮਤ 1661 ਬਿਕ੍ਰਮੀ ਦਿਨ ਵੀਰਵਾਰ ਨੂੰ ਕੀਤਾ ਗਿਆ ਸੀ ਅਤੇ ਬਾਬਾ ਬੁੱਢਾ ਜੀ ਨੂੰ ਪਹਿਲੇ ਗ੍ਰੰਥੀ ਥਾਪਿਆ ਗਿਆ ਸੀ। ਗੁਰੂ ਗ੍ਰੰਥ ਸਾਹਿਬ ਦੇ ਪਹਿਲੇ ਪ੍ਰਕਾਸ਼ ਦੀ ਤਾਰੀਖ ਭਾਂਦੋ ਸੁਦੀ ਏਕਮ, 17 ਭਾਂਦੋ ਸੰਮਤ 1661 ਬਿਕ੍ਰਮੀ ਬਾਰੇ ਕੋਈ ਮਤਭੇਦ ਨਹੀ ਹੈ। ਤਾਂ ਸਵਾਲ ਪੈਦਾ ਹੁੰਦਾ ਹੈ ਕਿ ਲੇਖਕ ਨੂੰ ਇਹ ਸਵਾਲ ਕਰਨ ਦੀ ਲੋੜ ਕਿਓ ਪਈ? ਇਸ ਦਾ ਕਾਰਨ ਇਹ ਹੈ ਕਿ ਇਸ ਸਾਲ (2016 ਈ:) ਇਹ ਦਿਹਾੜਾ ਮਨਾਉਣ ਸਬੰਧੀ ਪੈਦਾ ਹੋਇਆ ਵਿਵਾਦ। ਸ਼੍ਰੋਮਣੀ ਕਮੇਟੀ ਵੱਲੋਂ ਛਾਪੇ ਗਏ ਕੈਲੰਡਰ ਵਿੱਚ, ਜਿਸ ਨੂੰ ਉਹ ਨਾਨਕਸ਼ਾਹੀ ਕੈਲੰਡਰ ਹੀ ਕਹਿੰਦੇ ਹਨ ਪਰ ਅਸਲ ਵਿੱਚ ਹੈ ਉਹ ਬਿਕ੍ਰਮੀ ਕੈਲੰਡਰ, ਇਸ ਦਿਹਾੜੇ ਦੀ ਤਾਰੀਖ 2 ਸਤੰਬਰ ਦਰਜ ਹੈ। ਨਾਨਕਸ਼ਾਹੀ ਕੈਲੰਡਰ ਮੁਤਾਬਕ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਇਹ ਦਿਹਾੜਾ 17 ਭਾਂਦੋ/1 ਸਤੰਬਰ ਨੂੰ ਹੀ ਮਨਾਇਆ ਗਿਆ ਹੈ। ਲੇਖਕ ਦਾ ਇਹ ਲਿਖਣਾ ਕਿ, “ਕਈ ਇਤਿਹਾਸਕਾਰਾਂ ਦਾ ਮੰਨਣਾ ਹੈ ਕਿ ਪਹਿਲੇ ਪ੍ਰਕਾਸ਼ ਦੀ ਮਿਤੀ 16 ਅਗਸਤ 1604 ਈਸਵੀ ਸੀ। ਜਦੋਂ ਸੰਨ 2003 ਈਸਵੀ ਵਿੱਚ ਅਕਾਲ ਤਖ਼ਤ ਤੋਂ ਨਾਨਕਸ਼ਾਹੀ ਕੈਲੰਡਰ ਲਾਗੂ ਕੀਤਾ ਗਿਆ ਤਾਂ ਵਿਦਵਾਨਾਂ ਨੇ ਸੋਚ-ਵਿਚਾਰ ਕੇ ਇਕ ਸਤੰਬਰ ਤਹਿ ਕੀਤੀ” ਠੀਕ ਨਹੀਂ ਹੈ। ਇਸ ਤੋਂ ਪਾਠਕਾਂ ਤੇ ਇਹ ਪ੍ਰਭਾਵ ਪੈਂਦਾ ਹੈ ਕਿ ਨਾਨਕਸ਼ਾਹੀ ਕੈਲੰਡਰ ਵਿਚ ਤਾਰੀਖ ਬਦਲ ਦਿੱਤੀ ਗਈ। ਜਦੋਂ ਕਿ ਇਸ ਦਾ ਅਸਲ ਕਾਰਨ ਕੁਝ ਹੋਰ ਹੈ।
ਜਿਵੇ ਕਿ ਪਹਿਲਾ ਲਿਖਿਆ ਜਾ ਚੁੱਕਾ ਹੈ ਕਿ ਗੁਰੂ ਗ੍ਰੰਥ ਸਾਹਿਬ ਦਾ ਪਹਿਲਾ ਪ੍ਰਕਾਸ਼ ਦਰਬਾਰ ਸਾਹਿਬ ਵਿਖੇ, ਭਾਂਦੋ ਸੁਦੀ ਏਕਮ, 17 ਭਾਂਦੋ ਸੰਮਤ 1661 ਬਿਕ੍ਰਮੀ ਦਿਨ ਵੀਰਵਾਰ ਨੂੰ ਕੀਤਾ ਗਿਆ ਸੀ। ਉਸ ਵੇਲੇ ਦੇ ਪ੍ਰਚਲਤ ਕੈਲੰਡਰਾਂ ਮੁਤਾਬਕ ਤਾਰੀਖ ਦੋ ਤਰ੍ਹਾਂ ਲਿਖੀ ਜਾਂਦੀ ਸੀ। ਪਹਿਲੀ ਤਾਰੀਖ (ਭਾਂਦੋ ਸੁਦੀ ਏਕਮ) ਚੰਦ ਦੇ ਕੈਲੰਡਰ ਦੀ ਤਾਰੀਖ ਹੈ ਅਤੇ ਦੂਜੀ ਤਾਰੀਖ (17 ਭਾਂਦੋ) ਸੂਰਜੀ ਕੈਲੰਡਰ ਦੀ ਤਾਰੀਖ ਹੈ। ਅੰਗਰੇਜਾਂ ਦੇ ਆਉਣ ਤੋਂ ਪਿਛੋਂ ਜਦੋ ਜੂਲੀਅਨ ਕੈਲੰਡਰ ਵਿੱਚ ਤਾਰੀਖਾਂ ਲਿਖਣ ਦਾ ਰਿਵਾਜ ਅਰੰਭ ਹੋਇਆ ਤਾਂ ਇਸੇ ਤਾਰੀਖ ਨੂੰ 16 ਅਗਸਤ 1604 ਈ: ਲਿਖਿਆ ਗਿਆ। ਫਰਜ਼ ਕਰੋ ਕਿ ਇੰਗਲੈਂਡ ਵੀ ਜੂਲੀਅਨ ਕੈਲੰਡਰ `ਚ ਹੋਈ ਸੋਧ ਨੂੰ 1582 ਈ: ਵਿਚ ਹੀ ਮਾਨਤਾ ਦੇ ਦਿੰਦਾ ਤਾਂ ਇਹ ਤਾਰੀਖ ਗਰੈਗੋਰੀਅਨ ਕੈਲੰਡਰ ਵਿੱਚ 26 ਅਗਸਤ 1604 ਈ: ਲਿਖੀ ਜਾਣੀ ਸੀ। ਨਾਨਕਸ਼ਾਹੀ ਕੈਲੰਡਰ ਵਿੱਚ ਵਦੀ-ਸੁਦੀ ਦੀ ਥਾਂ ਪ੍ਰਵਿਸ਼ਟਿਆਂ ਨੂੰ ਪ੍ਰਮੁੱਖ ਰੱਖਿਆ ਗਿਆ ਹੈ। ਇਸੇ ਲਈ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਪ੍ਰਕਾਸ਼ ਦਿਹਾੜੇ ਦੀ ਤਾਰੀਖ 17 ਭਾਦੋਂ ਨੂੰ ਮੁਖ ਰੱਖਿਆ ਗਿਆ ਹੈ। 17 ਭਾਦੋਂ ਨਾਨਕਸ਼ਾਹੀ ਕੈਲੰਡਰ ਵਿੱਚ ਹਰ ਸਾਲ 1 ਸਤੰਬਰ ਨੂੰ ਆਵੇਗੀ।


ਸ਼੍ਰੋਮਣੀ ਕਮੇਟੀ ਵੱਲੋਂ ਨਾਨਕਸ਼ਾਹੀ ਕੈਲੰਡਰ ਨੂੰ 2003 ਈ: ਵਿੱਚ ਲਾਗੂ ਕੀਤਾ ਗਿਆ ਸੀ। ਅਤੇ ਦੇਸ਼ ਵਿਦੇਸ਼ ਦੀਆਂ ਸੰਗਤਾਂ ਨੇ ਇਸ ਨੂੰ ਪ੍ਰਵਾਨ ਕਰ ਲਿਆ ਸੀ। ਅਚਾਨਕ ਹੀ 17 ਅਕਤੂਬਰ 2009 ਈ: ਨੂੰ ਇਹ ਖ਼ਬਰ ਆ ਗਈ ਕਿ ਨਾਨਕਸ਼ਾਹੀ ਕੈਲੰਡਰ ਵਿੱਚ ਸੋਧ ਕੀਤੀ ਜਾ ਰਹੀ ਹੈ। ਕੈਲੰਡਰ ਵਿੱਚ ਸੋਧ ਲਈ ਸੁਝਾਓ ਦੇਣ ਵਾਸਤੇ ਦੋ ਮੈਂਬਰੀ ਕਮੇਟੀ ਬਣਾ ਗਈ ਜਿਸ `ਚ ਹਰਨਾਮ ਸਿੰਘ ਧੁੰਮਾ ਅਤੇ ਅਵਤਾਰ ਸਿੰਘ ਮੱਕੜ ਸ਼ਾਮਲ ਸਨ। ਇਸ ਦੋ ਮੈਂਬਰੀ ਕਮੇਟੀ ਨੇ ਚਾਰ ਦਿਹਾੜੇ, ਸ਼ਹੀਦੀ ਗੁਰੂ ਅਰਜਨ ਦੇਵ ਜੀ, ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਅਤੇ ਜੋਤੀ ਜੋਤ ਦਿਹਾੜਾ, ਅਤੇ ਗ੍ਰੰਥ ਸਾਹਿਬ ਨੂੰ ਗੁਰ ਗੱਦੀ ਦਿਵਸ, ਚੰਦਰ-ਸੂਰਜੀ ਬਿਕ੍ਰਮੀ ਕੈਲੰਡਰ ਭਾਵ ਵਦੀ-ਸੁਦੀ ਮੁਤਾਬਕ ਮਨਾਉਣ ਅਤੇ ਮਹੀਨੇ ਦੇ ਅਰੰਭ ਦੀ ਤਾਰੀਖ (ਸੰਗਰਾਦ) ਨੂੰ ਸੂਰਜ ਦੇ ਰਾਸ਼ੀ ਬਦਲੀ ਕਰਨ ਦੀ ਤਾਰੀਖ ਨਾਲ ਨੱਥੀ ਕਰਨ ਦੀ ਸਿਫ਼ਾਰਿਸ਼ ਕਰ ਦਿੱਤੀ। ਭਾਵੇ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਪ੍ਰਕਾਸ਼ ਦਿਹਾੜੇ ਦੀ ਤਾਰੀਖ ਨਹੀ ਸੀ ਬਦਲੀ ਗਈ ਤਾਂ ਵੀ 2011 ਅਤੇ 2014 ਵਿੱਚ ਇਹ ਦਿਹਾੜਾ 16 ਭਾਂਦੋ/ 1 ਸਤੰਬਰ ਨੂੰ ਆਇਆ ਸੀ। ਇਸ ਦਾ ਕਾਰਨ ਇਹ ਸੀ ਬਿਕ੍ਰਮੀ ਕੈਲੰਡਰ ਮੁਤਾਬਕ ਭਾਂਦੋ ਦੀ ਸੰਗਰਾਂਦ 17 ਅਗਸਤ ਨੂੰ ਆਈ ਸੀ। 2010, 12 ਅਤੇ 13 ਈ ਵਿੱਚ ਇਹ ਦਿਹਾੜਾ 17 ਭਾਂਦੋ/1 ਸਤੰਬਰ ਨੂੰ ਹੀ ਆਇਆ ਸੀ। 2015 ਈ: ਵਿੱਚ ਸ਼੍ਰੋਮਣੀ ਕਮੇਟੀ ਵੱਲੋਂ ਮਾਰਚ ਮਹੀਨੇ `ਚ ਜਾਰੀ ਕੀਤੇ ਗਏ ਕੈਲੰਡਰ ਵਿੱਚ ਇਹ ਦਿਹਾੜਾ 16 ਭਾਂਦੋ/ 1 ਸਤੰਬਰ ਦਾ ਦਰਜ ਸੀ। ਪਰ ਅਪ੍ਰੈਲ ਵਿਚ ਜਾਰੀ ਕੀਤੇ ਗਏ ਕੈਲੰਡਰ ਵਿੱਚ ਇਹ ਦਿਹਾੜਾ 29 ਭਾਦੋਂ ਦਾ ਦਰਜ ਸੀ ਜੋ 14 ਸਤੰਬਰ ਬਣਦੀ ਹੈ। ਇਸ ਤਾਰੀਖ ਭਾਵ 14 ਸਤੰਬਰ ਦਾ ਜਿਕਰ ਲੇਖਕ ਨੇ ਆਪਣੇ ਲੇਖ ਵਿੱਚ ਵੀ ਕੀਤਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਸ਼੍ਰੋਮਣੀ ਕਮੇਟੀ ਨੇ ਅਪ੍ਰੈਲ 2015 ਈ: ਵਿੱਚ ਜਾਰੀ ਕੈਲੰਡਰ ਵਿੱਚ ਇਹ ਤਾਰੀਖ ਚੰਦ ਦੇ ਕੈਲੰਡਰ ਮੁਤਾਬਕ ਭਾਦੋਂ ਸੁਦੀ ਏਕਮ ਮੁਤਾਬਕ ਦਰਜ ਕੀਤੀ ਸੀ। 2016 ਈ: ਦੇ ਕੈਲੰਡਰ ਵਿੱਚ ਤਾਂ ਸਾਰੀਆਂ ਤਾਰੀਖਾਂ ਹੀ ਚੰਦ ਦੇ ਕੈਲੰਡਰ ਮੁਤਾਬਕ, ਜਿਸ ਦੇ ਸਾਲ ਦੇ ਦਿਨ 354 ਹੁੰਦੇ ਹਨ, ਦਰਜ ਕੀਤੀਆਂ ਗਈਆਂ ਹਨ। ਇਸ ਲਈ ਇਹ ਦਿਹਾੜਾ 2 ਸਤੰਬਰ ਨੂੰ ਆਇਆ ਸੀ। ਜੇ ਸ਼੍ਰੋਮਣੀ ਕਮੇਟੀ ਨੇ ਆਉਣ ਵਾਲੇ ਸਾਲਾਂ ਵਿੱਚ ਵੀ ਚੰਦ ਦੇ ਕੈਲੰਡਰ ਮੁਤਾਬਕ ਹੀ ਕੈਲੰਡਰ ਛਾਪਿਆ ਤਾਂ, ਗੁਰੂ ਗ੍ਰੰਥ ਸਾਹਿਬ ਦੀ ਦਾ ਪਹਿਲਾ ਪ੍ਰਕਾਸ਼ ਦਿਹਾੜਾ 2017 ਈ: ਵਿੱਚ 22 ਅਗਸਤ, 18 ਵਿੱਚ 10 ਸਤੰਬਰ, 19 ਵਿੱਚ 31 ਅਗਸਤ ਅਤੇ 2020 ਵਿੱਚ 19 ਅਗਸਤ ਨੂੰ ਆਵੇਗਾ। ਹੁਣ ਫੈਸਲਾ ਸਿੱਖ ਸੰਗਤਾਂ ਨੇ ਕਰਨਾ ਹੈ ਕਿ ਅਸੀਂ ਹਰ ਸਾਲ ਇਹ ਜਾਨਣ ਲਈ ਕਿ ਗੁਰੂ ਗ੍ਰੰਥ ਸਾਹਿਬ ਦੀ ਦਾ ਪਹਿਲਾ ਪ੍ਰਕਾਸ਼ ਦਿਹਾੜਾ ਕਿੰਨੀ ਤਾਰੀਖ ਨੂੰ ਆਵੇਗਾ, ਪੰਡਤ ਦੇਵੀ ਦਿਆਲ ਐਡ ਸੰਜ਼ ਵੱਲੋਂ ਬਣਾਈ ਗਈ “ਮੁਫੀਦ ਆਲਮ ਜੰਤਰੀ” ਉਡੀਕਣੀ ਹੈ ਜਾਂ ਨਾਨਕਸ਼ਾਹੀ ਕੈਲੰਡਰ ਨੂੰ ਅਪਣਾਉਣਾ ਹੈ ਜਿਸ ਮੁਤਾਬਕ ਇਹ ਦਿਹਾੜਾ 17 ਭਾਂਦੋ, ਸਦਾ ਵਾਸਤੇ 1 ਸਤੰਬਰ ਨੂੰ ਹੀ ਆਵੇਗਾ।
7th September 2016 5:10pm
Gravatar
Gurmit S Barsal (San jose, US)
ਬੈਕ-ਟੂ-ਸਿੱਖੀ !
ਜਦ ਵੀ ਕੋਈ ਕੇਸ ਰੱਖਕੇ ਫੋਟੋ ਨਵੀਂ ਖਿਚਾਉਂਦਾ ।
ਘਰ-ਵਾਪਸੀ ਵਾਲੀ ਪੋਸਟ ਫੇਸਬੁੱਕ ਤੇ ਪਾਉਂਦਾ ।
ਲੋਕੀਂ ਸੋਚਣ ਯੂ-ਟਰਨ ਤੇ ਫਿਰ ਵੀ ਹੈ ਬੱਜ ਸਕਦੀ,
ਤਾਂ ਵੀ ‘ਵਾਹ-ਵਾਹ’ ‘ਕਿਆ-ਬਾਤ’ ਲਿਖ ਹਰ ਕੋਈ ਵਡਿਆਉਂਦਾ ।
ਕੇਸ ਇਕੱਲੇ ਰੱਖਣ ਦੇ ਨਾਲ ਸਿੱਖ ਨਾ ਬਣਿਆ ਜਾਵੇ,
ਗੁਰਬਾਣੀ ਨੂੰ ਪੜਨੇ ਦੇ ਨਾਲ ਇਹੋ ਸਮਝ `ਚ ਆਉਂਦਾ ।
ਕੇਸਾਂ ਵਾਲੇ ਇਸ ਦੁਨੀਆਂ ਵਿੱਚ ਹੋਰ ਵਥੇਰੇ ਲੋਕੀਂ,
ਸੁਣਿਆ ਨਹੀਂ ਕੋਈ ਉਹਨਾ ਵਿੱਚੋਂ ਸਿੱਖ ਕਿਤੇ ਅਖਵਾਉਂਦਾ ।
ਸਭ ਤੋਂ ਵੱਧ ਪੰਜਾਬ ਵਿੱਚ ਨੇ ਕੇਸਾਂ ਵਾਲੇ ਫਿਰਦੇ,
ਪਰ ਉਹਨਾਂ `ਚੋਂ ਵਿਰਲਾ ਹੀ ਗੁਰਮਤਿ ਦੀ ਗਲ ਅਪਣਾਉਂਦਾ ।
ਡੇਰੇ ਵਾਲਾ, ਸੰਪਰਦਾਈ ਜਾਂ ਸਾਧਾਂ ਦਾ ਚੇਲਾ,
ਬਾਹਰੋਂ ਦੇਖਣ ਨੂੰ ਤੇ ਓਹ ਵੀ ਇਹੀ ਭੁਲੇਖਾ ਪਾਉਂਦਾ ।
ਭਾਵੇਂ ਕੋਈ ਸਿੱਖੀ ਦਾ ਕਿੰਨਾ ਵੀ ਦਾਅਵਾ ਕਰਦਾ,
ਪਰ “ਕੋਟਨ ਮੈ ਨਾਨਕ ਕੋਊ” ਬਾਬਾ ਜੀ ਫਰਮਾਉਂਦਾ ।
“ਗੁਰੂ ਗ੍ਰੰਥ” ਦੀ ਸਿੱਖਿਆ ਦੇ ਨਾਲ ਜੀਵਨ ਜਿਹੜਾ ਜੀਵੇ,
ਉਹੀਓ ਸਿੱਖ ਦੀ ਕਸਵੱਟੀ ਤੇ ਖੁਦ ਨੂੰ ਪਾਸ ਕਰਾਉਂਦਾ ।
ਕਹਿ ਸੁਣਕੇ ਜਾਂ ਦੇਖਾ-ਦੇਖੀ ਜਦ ਕੋਈ ਕੇਸ ਵਧਾਵੇ,
ਅਹਿਸਾਸਾਂ ਦੀ ਜੜ ਦੇ ਬਾਝੋਂ ਛੇਤੀ ਹੀ ਘਬਰਾਉਂਦਾ ।
ਪਰ ਕੁਦਰਤ ਦੇ ਨਿਯਮਾਂ ਦੇ ਸੰਗ ਜਦ ਵੀ ਜੀਵਣ ਲਗਦਾ,
ਕੱਟਣ ਵੇਲੇ ਰੋਮਾਂ ਵਿੱਚ ਫਿਰ ਕਾਦਰ ਨੂੰ ਹੀ ਪਾਉਂਦਾ ।।
ਗੁਰਮੀਤ ਸਿੰਘ ‘ਬਰਸਾਲ’ ਕੈਲੇਫੋਰਨੀਆਂ
5th September 2016 8:05pm
Gravatar
Makhan Singh Purewal (Quesnel, Canada)

‘ਸਿੱਖ ਮਾਰਗ’ ਦੇ ਪਾਠਕਾਂ/ਲੇਖਕਾਂ ਦੀ ਜਾਣਕਾਰੀ ਲਈ

ਕੁੱਝ ਕਾਰਨਾ ਕਰਕੇ ਐਤਵਾਰ ਵਾਲੇ ਸਪਤਾਹਿਕ ਲੇਖ ਨਹੀ ਪਾਏ ਜਾ ਸਕਣਗੇ। ਜੇ ਕਰ ਤੁਸੀਂ ਆਪਣੀ ਕੋਈ ਜਰੂਰੀ ਲਿਖਤ ਪਾਠਕਾਂ ਨਾਲ ਛੇਤੀਂ/ਜਲਦੀ ਸਾਂਝੀ ਕਰਨੀ ਚਾਹੁੰਦੇ ਹੋ ਤਾਂ ਕਿਰਪਾ ਕਰਕੇ ਆਪਣੀ ਲਿਖਤ ਨੂੰ ਇਸ ਪੰਨੇ ਤੇ ਸਾਂਝੀ ਕਰੋ ਜੀ।
ਧੰਨਵਾਦ।
(ਨੋਟ:- ਹਫਤੇ ਕੁ ਤੱਕ 10 ਸਤੰਬਰ 2016 ਨੂੰ ਗੁਰਦੁਆਰਾ ਰੋਸ ਸਟਰੀਟ ਵੈਨਕੂਵਰ ਦੀਆਂ ਚੋਣਾਂ ਹੋ ਰਹੀਆਂ ਹਨ। ਸਭ ਤੋਂ ਪਹਿਲਾਂ ਕਨੇਡਾ ਵਿੱਚ ਆਉਣ ਵਾਲੇ ਸਿੱਖਾਂ ਦਾ ਸੰਬੰਧ ਇਸ ਗੁਰਦੁਆਰੇ ਨਾਲ ਹੈ। ਉਂਜ ਮੈਂ ਗੁਰਦੁਆਰੇ ਦੀਆਂ ਚੋਣਾਂ ਵਿੱਚ ਕਦੀ ਵੀ ਕੋਈ ਦਖਲ ਅੰਦਾਜ਼ੀ ਨਹੀਂ ਕਰਦਾ ਅਤੇ ਨਾ ਹੀ ਮੈਂ ਪਿਛਲੇ 20 ਕੁ ਸਾਲਾਂ ਤੋਂ ਕਿਸੇ ਧੜੇ ਨੂੰ ਵੋਟ ਹੀ ਪਾਈ ਹੈ। ਕਿਉਂਕਿ ਹੁਣ ਦੋਵੇਂ ਸਲੇਟਾਂ ਲੰਗਰ ਦੀ ਮਰਯਾਦਾ ਮੇਜ਼ ਕੁਰਸੀਆਂ ਵਾਲੀ ਹੀ ਰੱਖਣੀ ਚਾਹੁੰਦੀਆਂ ਹਨ ਇਸ ਲਈ ਵੋਟਰਾਂ ਨੂੰ ਸੁਝਾਓ ਹੈ ਕਿ ਕਿਸੇ ਇੱਕ ਧੜੇ ਨਾਲ ਬੱਝੇ ਰਹਿਣ ਦੀ ਬਜਾਏ ਦੋਹਾਂ ਹੀ ਸਲੇਟਾਂ ਵਿਚੋਂ ਚੰਗੇ ਸੇਵਾਦਾਰਾਂ ਦੀ ਚੋਣ ਕਰੋ। “ਲੰਗਰ ਵਾਲਾ ਹੁਕਮਨਾਮਾ ਗੁਰਮਤਿ ਸੀ ਜਾਂ ਗੁਰੂ ਕੀ ਨਿੰਦਿਆ” ਇਹ ਲੇਖ ਮੈਂ 7 ਨਵੰਬਰ 2004 ਦਾ ‘ਸਿੱਖ ਮਾਰਗ’ ਤੇ ਲਿਖ ਕੇ ਪਾਇਆ ਹੋਇਆ ਹੈ। ਜੇ ਕਰ ਕਿਸੇ ਨੇ ਨਹੀਂ ਪੜ੍ਹਿਆ ਤਾਂ ਉਹ ਲੇਖ ਲੜੀ ਦੂਜੀ ਵਿੱਚ ਪੜ੍ਹ ਸਕਦਾ ਹੈ)

2nd September 2016 6:19pm
Gravatar
Gurmit S Barsal (San jose, US)
ਨਮਸਤੰ !!
ਜਦ ਵੀ ਨਤਮਸਤਕ ਜਾਂ ਹੁੰਦੀ ਮੱਥਾ ਟੇਕ-ਟਕਾਈ ।
ਆਪਣੀ ਛੱਡਕੇ ਮੱਤ ਹੈ ਜਾਂਦੀ ਦੂਜੇ ਦੀ ਅਪਣਾਈ ।
ਜਣੇ ਖਣੇ ਦੇ ਅੱਗੇ ਝੁਕ ਜੋ ਖੁਦ ਨੂੰ ਸਮਝਣ ਧਰਮੀ,
ਮੱਥਾ ਟੇਕਣ ਦੇ ਅਰਥਾਂ ਨੂੰ ਘੱਟੇ ਜਾਣ ਮਿਲਾਈ ।
ਲੋਕ ਦਿਖਾਵੇ ਖਾਤਿਰ ਜਿਹੜਾ ਮੁੜਮੁੜ ਕਰੇ ਨਮਸਤੰ,
ਕੂੜੀ ਪਾਲ਼ ਨਾ ਟੁੱਟਣੀ ਅੰਦਰੋਂ ਹਉਮੇ ਨਾਲ ਰਲਾਈ ।
ਦੁਨੀਆਂ ਦੀ ਹਰ ਸ਼ੈ ਦੇ ਸਾਹਵੇਂ ਨਤਮਸਤਕ ਨਾ ਹੋਈਏ,
ਜ਼ਰੇ-ਜ਼ਰੇ ਦੇ ਅੰਦਰ ਭਾਵੇਂ ਇੱਕੋ ਜੋਤ ਸਮਾਈ ।
ਨਾਨਕ ਜੋਤ ਨਮਸਤੰ ਦੱਸਿਆ ਕੇਵਲ ‘ਇੱਕ’ ਦੇ ਅੱਗੇ,
ਨਿਰਾਕਾਰ ਜੋ ਸ਼ਬਦ ਰੂਪ ਵਿੱਚ ਦਿਖਦਾ ਰੂਪ ਵਟਾਈ ।
ਇੱਕੋ ਸ਼ਕਤੀ ਸੈਭੰ ਹੋਕੇ ਨਿਯਮ ਰੂਪ ਵਿੱਚ ਵਿਚਰੇ,
ਉਸੇ ਦੇ ਨਿਯਮਾਂ ਵਿੱਚ ਰਹਿਣਾ ਧਰਮ ਧਾਰਨਾ ਭਾਈ ।
ਗੁਰੂ ਗਿਆਨ ਦੇ ਨਾਲ ਜੀਵਣਾ ਨਤਮਸਤਕ ਹੀ ਹੁੰਦਾ,
ਅਪਰਾਧੀ ਹੀ ਦੂਣਾ ਨਿੰਵਦਾ ਗੁਰੂਆਂ ਗੱਲ ਮੁਕਾਈ ।
ਅਕਾਲ ਪੁਰਖ ਦੇ ਲਈ ਨਮਸਤੰ ਉਸਦੀ ਹੁਕਮ ਤਾਮੀਲੀ,
ਪ੍ਰਕਿਰਤੀ ਦੇ ਨਿਯਮਾਂ ਦੇ ਸੰਗ ਨਿਯਮਤ ਰਹਿਤ ਸੁਝਾਈ ।
ਜਿਹੜਾ ਇੱਕ ਦੇ ਅੱਗੇ ਝੁਕਦਾ ਇੱਕ ਦੇ ਆਖੇ ਲਗਦਾ,
ਉਹੀਓ ਇੱਕ ਵਿੱਚ ਇੱਕ ਮਿਕ ਹੁੰਦਾ ਨਾਨਕ ਗੱਲ ਸਮਝਾਈ ।।

ਗੁਰਮੀਤ ਸਿੰਘ ‘ਬਰਸਾਲ’ (ਕੈਲੇਫੋਰਨੀਅਂ)
28th August 2016 9:45pm
Gravatar
Gurmit S Barsal (San jose, US)
ਬੰਦਾ !!
ਪੈਸਿਆਂ ਦੇ ਨਾਲ ਬੰਦਾ ਭਾਵੇਂ ਵੱਡਾ ਬਣੀ ਜਾਵੇ,
ਵੱਡਾ ਅਖਵਾਉਂਦਾ ਸਦਾ ਦਿਲ ਦਾ ਅਮੀਰ ਜੀ ।
ਚਮੜੀ ਤਾਂ ਕੋਈ ਭਲਾਂ ਕਿੰਨੀ ਲਿਸ਼ਕਾਈ ਫਿਰੇ,
ਲੋਕਾਂ ਨੂੰ ਤੇ ਭਾਉਂਦਾ ਮਨੋ ਸੋਹਣਾ ਹੀ ਸ਼ਰੀਰ ਜੀ ।
ਰੱਜਕੇ ਸੁਨੱਖਾ ਭਾਵੇਂ ਗੋਰਾ ਚਿੱਟਾ ਲੰਬਾ ਹੋਵੇ,
ਅਕਲਾਂ ਤੋਂ ਬਾਝੋਂ ਲੱਗੇ ਭੱਦਾ ਹੀ ਅਖੀਰ ਜੀ ।
ਵੱਡੜੀ ਉਮਰ ਨਾਲ ਮਿਲਦੀ ਬਜੁਰਗੀ ਨਾ,
ਸੂਝ ਮਾਰੇ ਸਦਾ ਵੱਡੇ ਹੋਣ ਦੀ ਲਕੀਰ ਜੀ ।
ਨਸ਼ਿਆਂ ਦਾ ਖਾਧਾ ਬੰਦਾ ਲੱਕੜ ਸਿਓਂਕੀ ਹੁੰਦਾ,
ਦੇਖਣੇ ਨੂੰ ਲੱਗੇ ਭਾਵੇਂ ਯੋਧਾ ਬਲਵੀਰ ਜੀ ।
ਬਾਹਰੀ ਰੂਪ ਵਾਲੀ ਭਾਵੇਂ ਕੋਈ ਨਾ ਪਸੰਦ ਕਰੇ,
ਗੁਣਾਂ ਵਾਲੀ ਚਾਹੀਦੀ ਪਸੰਦ ਤਸਵੀਰ ਜੀ ।
ਨਦੀਆਂ ਸਰੋਵਰਾਂ `ਚ ਭਾਵੇਂ ਕੋਈ ਨਹਾਵੇ ਕਿੰਨਾ,
ਮਨ ਵਾਲੀ ਮੈਲ਼ ਲਾਹੇ ਨਿਮਰਤਾ ਦਾ ਨੀਰ ਜੀ ।
ਓਹੀ ਬੰਦਾ ਜੱਗ ਉੱਤੇ ਬੰਦਾ ਅਖਵਾਉਣ ਯੋਗ,
ਜਿਹੜਾ ਉੱਚਾ ਰੱਖੇ ਕਿਰਦਾਰ ਤੇ ਜਮੀਰ ਜੀ ।।
ਗੁਰਮੀਤ ਸਿੰਘ ‘ਬਰਸਾਲ’ (ਕੈਲੇਫੋਰਨੀਆਂ)
28th August 2016 9:43pm
Gravatar
Gurdeep Singh Baaghi (Ambala, India)
ਭਾਈ ਜੈਤੇ ਦੀ ਰਚਨਾ ਦੀ ਪੰਜ ਬਾਣੀਆਂ ਦੀ ਝੂਠੀ ਗਵਾਹੀ:--

"ਪਾਹੁਲ ਵੇਲੇ ਪੰਜ ਬਾਣੀਆਂ ਪੜ੍ਹੀਆਂ ਗਈਆਂ ਸਨ" ਇਸ ਦੇ ਸਬੁਤ ਵਾਸਤੇ ਭਾਈ ਜੈਤੇ ਦੇ ਨਾਮ ਨਾਲ ਜੋੜ੍ਹੀ ਜਾਉਣ ਵਾਲੀ ਰਚਨਾ "ਸ੍ਰੀ ਗੁਰ ਕਥਾ" ਦਾ ਹਵਾਲਾ ਦਿੱਤਾ ਜਾਂਦਾ ਹੈ ਕਿ ਵੇਖੋ ਭਾਈ ਜੈਤਾ ਗੁਰੂ ਸਾਹਿਬ ਦੇ ਸਮਕਾਲੀਨ ਸਨ ਉਨ੍ਹਾਂ ਨੇ ਪੰਜ ਬਾਣੀਆਂ ਦਾ ਜਿਕਰ ਕੀਤਾ ਹੈ।

ਭਾਈ ਜੈਤੇ ਦੀ ਰਚਨਾ ਵਿੱਚ ਸੀਸ ਭੇਟ ਅਤੇ ਪਾਹੁਲ ਦੀ ਘਟਨਾ ਗੁਰੂ ਤੇਗ ਬਹਾਦੁਰ ਸਾਹਿਬ ਦੀ ਸ਼ਹੀਦੀ ਦੇ ਬਾਦ ਅਤੇ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਪਾਉਂਟਾ ਜਾਉਣ ਤੋਂ ਪਹਿਲਾਂ ਹੋਈ ਲਿਖੀ ਗਈ ਹੈ,ਇਸ ਹਿਸਾਬ ਨਾਲ ਪਾਹੁਲ ਦੇਣ ਦਾ ਸਮਾਂ ੧੬੭੫ ਇ ਤੋਂ ੧੬੮੫ ਬਣ ਜਾਂਦਾ ਹੈ , ਸਮਕਾਲੀਨ ਏਸੀ ਗਲਤੀ ਨਹੀ ਕਰ ਸਕਦਾ, ਇਹ ੧੯ਵੀਂ ਸਦੀ ਦੀ ਲਿਖਤ ਹੈ।

ਦੂਜਾ ਅਹਮ ਨੁਕਤਾ ਜੋ ਅਸੀਂ ਕਦੇ ਵਿਚਾਰੀਆ ਹੀ ਨਹੀ, ਉਹ ਇਹ ਹੈ ਕਿ ਪਾਹੁਲ ਵੇਲੇ ਪੜ੍ਹੀ ਜਾਉਣ ਵਾਲੀ ਚੌਪਾਈ ਤੇ ੧੬੯੬ ਇ ਵਿੱਚ ਲਿਖੀ ਦੱਸੀ ਜਾਂਦੀ ਹੈ ਤੇ ਫਿਰ ਇਹ ਗੁਰੂ ਸਾਹਿਬ ਦੇ ਪਾਉਂਟਾ ਜਾਉਣ ਤੋਂ ਪਹਿਲਾਂ ਭਾਵ ੧੬੮੫ ਇ ਤੋਂ ਪਹਿਲਾਂ ਪਾਹੁਲ ਵੇਲੇ ਕਿਵੇਂ ਪੜ੍ਹੀ ਗਈ।

ਉਵੇਂ ਵੀ ਜਾਪ ਅਤੇ ਅਕਾਲ ਉਸਤਤ ਵਰਗੀਆਂ ਰਚਨਾਵਾਂ ਦਾ ਰਚਣ-ਕਾਲ ਬਿਚਿਤਰੀ ਵਿਦਵਾਨ ਪਾਉਂਟਾ ਹੀ ਦੱਸਦੇ ਹਨ। ਕਮਾਲ ਦੀ ਗਵਾਹੀ ਹੈ, ਰਚਨਾਵਾਂ ਲਿਖੇ ਜਾਣ ਤੋਂ ਪਹਿਲਾਂ ਹੀ ਪੜ੍ਹੀਆ ਗਈਆਂ।

ਗੁਰਦੀਪ ਸਿੰਘ ਬਾਗੀ
26th August 2016 9:31am
Gravatar
Gurindar Singh Paul (Aurora, US)
“ਖਾਲਿਸਤਾਨ ਬਣ ਗਿਆ ਕਨੇਡਾ ਵਿਚ” ਪਿਛਲੇ ਹਫ਼ਤੇ ਦੇ ਲੇਖਾਂ ਵਿੱਚ ਕੈਨੇਡਾ ਵਿੱਚ ਵੱਸਦੀ ਇਕ ਦੁਖਿਆਰੀ ਦੀ ਹੱਡਬੀਤੀ ਪ੍ਰਕਾਸ਼ਤ ਕੀਤੀ ਗਈ ਸੀ; ਇਸ ਹਫ਼ਤੇ, ਰੌਂਗਟੇ ਖੜੇ ਕਰ ਦੇਣ ਵਾਲੇ, ਤਿੰਨ ਹੋਰ ਦੁਖਾਂਤ ਪੜ੍ਹਨ ਨੂੰ ਮਿਲੇ। ਇਨ੍ਹਾਂ ਦਰਦਨਾਕ ਬਿਰਤਾਂਤਾਂ ਨੂੰ ਪੜ੍ਹ ਕੇ ਪਹਿਲਾ ਸੱਚ ਜੋ ਸਾਹਮਨੇ ਆਉਂਦਾ ਹੈ ਉਹ ਇਹ ਕਿ ੨੦ਵੀਂ ਸਦੀ ਦੇ ਅਖੀਰਲੇ ਤਿੰਨ ਦਹਾਕਿਆਂ ਵਿੱਚ ਨਿਰਦਈ ਖ਼ਾਲਿਸਤਾਨੀ ਖਾਂੜਕੂਆਂ ਵੱਲੋਂ ਅਬਲਾਵਾਂ ਨੂੰ ਦਿੱਤੇ ਗਏ ਗਹਿਰੇ ਜ਼ਖ਼ਮ ਅਜੇ ਵੀ ਅੱਲੇ ਹਨ! ਦੂਜਾ, ਬੇਲਗਾਮ ਦਹਿਸ਼ਤਗਰਦਾਂ ਦਾ ਤਸ਼ੱਦਦ ਤੇ ਖ਼ੌਫ਼ ਅੱਜ ਵੀ ਦੁਖਿਅਰੀਆਂ ਦੇ ਰਿਸਦੇ ਜ਼ਖ਼ਮਾਂ ਉੱਤੇ ਨਮਕ ਦਾ ਕੰਮ ਕਰ ਰਿਹਾ ਹੈ। ਪਰੰਤੂ ਜ਼ਖ਼ਮਾਂ ’ਤੇ ਮਲ੍ਹਮ ਲਾਉਣ ਵਾਲੇ ਘੱਟ ਹੀ ਦਿਖਾਈ ਦਿੰਦੇ ਹਨ!! ਅਤੇ ਤੀਜਾ, ਅਕਾਲੀਆਂ, ਜਥੇਦਾਰਾਂ, ਕਮੇਟੀਆਂ ਤੇ ‘ਸਿੱਖ’, ‘ਸਿੰਘ’ ਤੇ ‘ਖ਼ਾਲਸਾ’ ਜਥੇਬੰਦੀਆਂ ਨੇ, ਝੂਠੇ ਤੇ ਥੋਥੇ ਬਿਆਨ ਦੇਣ ਤੋਂ ਬਿਨਾਂ, ਇਨ੍ਹਾਂ ਮਜ਼ਲੂਮਾਂ ਵਾਸਤੇ ਕੁਝ ਨਹੀਂ ਕੀਤਾ! ਉਲਟਾ, ਇਨ੍ਹਾਂ ਮੁਰਦਾਰਖ਼ੋਰਾਂ ਨੇ ਮਜ਼ਲੂਮਾਂ ਦੇ ਨਾਮ ’ਤੇ ਦੇਸ-ਬਿਦੇਸ ਵਿੱਚੋਂ ਕਰੋੜਾਂ-ਅਰਬਾਂ ਰੁਪਇਆ ਠੱਗ ਕੇ ਆਪਣਾ ਜੀਵਨ ਹੀ ‘ਸੁਧਾਰਿਆ’। ਇਕ ਹੋਰ ਕੌੜਾ ਸੱਚ ਇਹ ਹੈ ਕਿ ਇਨ੍ਹਾਂ ਬਲਾਤਕਾਰੀਆਂ ਤੇ ਗੋਲਕ-ਚੋਰ ਖ਼ਾਲਿਸਤਾਨੀਆਂ ਨੇ ਹੁਣ ਅਮ੍ਰੀਕਾ, ਕੈਨੇਡਾ ਆਦਿ ਵਿਦੇਸਾਂ ਵਿੱਚ ਕਈ ਗੁਰੂਦਵਾਰਿਆਂ ਉੱਤੇ ਕਬਜ਼ਾ ਕਰ ਲਿਆ ਹੈ। ਅਤੇ, ਕਥਿਤ ਸ਼ਹੀਦਾਂ ਦੀਆਂ ਫ਼ੋਟੋਆਂ ਨੂੰ ਇਨ੍ਹਾਂ ਗੁਰੂਦਵਾਰਿਆਂ ਦੀਆਂ ਦੀਵਾਰਾਂ ਦਾ ‘ਸ਼ਿੰਗਾਰ’ ਬਣਾ ਕੇ ਉਨ੍ਹਾਂ ਦੇ ਨਾਮ ’ਤੇ ਮਾਇਆ ਇਕੱਠੀ ਕਰਕੇ ਮੌਜਾਂ ਮਾਨ ਰਹੇ ਹਨ। ਖ਼ਾਲਿਸਤਾਨ ਦੇ ਨਾਮ ’ਤੇ ਪੰਜਾਬ ਨੂੰ ਬਰਬਾਦ ਕਰਨ ਵਾਲੇ ਹੁਣ ਵਿਦੇਸਾਂ ਵਿੱਚ ਖ਼ਾਲਿਸਤਾਨ ਬਣਾਉਣ ਦਾ ਸੁਪਨਾ ਦੇਖ ਰਹੇ ਹਨ!! ਰੱਬ ਖ਼ੈਰ ਕਰੇ!!!
ਇਕ ਹੋਰ ਅਤਿਅੰਤ ਕਸ਼ਟਦਾਇਕ ਸੱਚ ਇਹ ਵੀ ਹੈ ਕਿ ਦਹਿਸ਼ਤਗਰਦਾਂ ਦੀਆਂ ਸਤਾਈਆਂ ਹੋਈਆਂ ਮਾਅਸੂਮ ਦੁਖਿਆਰੀਆਂ ਨਾਲ ਹਮਦਰਦੀ ਜਤਾਉਣ, ਇਨ੍ਹਾਂ ਦੇ ਹੱਕ ਵਿੱਚ ਆਵਾਜ਼ ਉਠਾਉਣ ਅਤੇ ਇਨ੍ਹਾਂ ਦੇ ਦੁੱਖੜੇ ਲਿਖਣ ਸਮੇਂ ਵੱਡੀਆਂ ਵੱਡੀਆਂ ਡੀਂਗਾਂ ਮਾਰਨ ਵਾਲੇ ‘ਵਿਦਵਾਨ’ ਲੇਖਕਾਂ ਦੀ ਕਲਮ ਦੀ ਸਿਆਹੀ ਹੀ ਸੁੱਕ ਜਾਂਦੀ ਹੈ!!!!!
25th August 2016 9:57pm
Gravatar
Balbinder Singh (Sydney, Australia)
Thanks for your courage to publish, "Jin ke banke ghreen na aaia....". Sikh Sangat should beware of pseudo Damdami Taksal, Akhand Kirtani Jatha, sant-babe, sadh laana and sant samanj. These pakhandies are promoters of Dasam Granth, janam sakhies and gur bilaas P6 etc. who are deadly against the teachings of Guru Granth Sahib.
24th August 2016 7:44pm
Gravatar
Daljit Singh Ludhiana (Ludhiana, India)
ਬਾਬਾ ਨਾਨਕ ਜੀ ਨੇ ਕੋਈ ਧਰਮ ਬਣਾਇਆ ਹੀ ਨਹੀਂ ਸੀ ਬਲਕਿ ਮੌਜੂਦਾ ਸੰਪ੍ਰਦਾਈ ਧਰਮਾਂ ਨੂੰ ਨਕਾਰਿਆ ਸੀ ਉਹਨਾਂ ਨੇ ਮਾਨਵ ਵਾਦ ਦੀ ਲਹਿਰ ਚਲਾਈ ਸੀ ਜਿਸਨੂੰ ਸਵਾ ਦੋ ਸਦੀਆਂ ਦਸਮ ਪਾਤਸ਼ਾਹ ਤੱਕ ਕਰਮ ਕਰਕੇ ਦੱਬੇ ਕੁਚਲੇ ਲੋਕਾਂ ਨੂੰ ਉਹਨਾਂ ਦੇ ਮਨੁੱਖੀ ਹੱਕਾਂ ਲਈ ਸੰਗਰਸ਼ ਕਰਕੇ ਜ਼ੁਲਮ ਅੱਗੇ ਹਿੱਕ ਢਾਹ ਕੇ ਖੜਨ ਯੋਗ ਬਣਾਇਆ ਅਤੇ ਮਨੁੱਖੀ ਨੂੰ ਖੁਸ਼ਹਾਲ ਜਿਉਣ ਲਈ ਰੱਬੀ ਗਿਆਨ ਗੁਰਬਾਣੀ ਦੀ ਰਚਨਾਂ ਕੀਤੀ । ਪਰ ਅਸੀਂ ਸੰਪ੍ਰਦਾਈ ਲੋਕਾਂ ਨਿਰਮਲੇ ਸਾਧਾਂ ਰਾਹੀਂ ਬ੍ਰਾਹਮਣ ਰਾਹੀਂ ਸੰਪ੍ਰਦਾਈ ਧਰਮ ਦਾ ਰੂਪ ਦੇ ਦਿੱਤਾ, ਜਿਸਦਾ ਖਮਿਆਜ਼ਾ ਅਸੀਂ ਅੱਜ ਤਕ ਭੁਗਤ ਰਹੇ ਹਾਂ ਅਤੇ ਭੁਗਤਦੇ ਰਹਾਂਗੇ ਜਦ ਤੱਕ ਗੁਰਬਾਣੀ ਦੇ ਅਸਲ ਮਾਨਵ ਵਾਦ ਦੀ ਲਹਿਰ ਨੂੰ ਨਾ ਸਮਝਿਆ ਜਿਸ ਦੀ ਸਦਾ ਹੀ ਲੋੜ ਹੈ । ਕਿਓਂਕਿ ਸੰਪ੍ਰਦਾਈ ਧਰਮਾਂ ਵਿੱਚ ਸੁਧਾਰ ਦੀ ਆਸ -0% ਹੀ ਹੈ ਇਸਦਾ ਰੂਪ ਤੁਸੀਂ ਗੁਰਦਵਾਰਿਆਂ ਚ ਆਮ ਹੀ ਦੇਖ ਸਕਦੇ ਹੋ ਹਰ ਰੋਜ਼ ਕੋਈ ਨਵਾਂ ਕਰਮ-ਕਾਂਡ ਹੋ ਰਿਹਾ ਹੈ ਜਿਸਨੂੰ ਗੁਰਬਾਣੀ ਨਕਾਰਦੀ ਹੈ ।ਇਸਦਾ ਮਤਲਬ ਇਹ ਨਹੀਂ ਕਿ ਮੈਂ ਧਰਮ ਨੂੰ ਨਹੀਂ ਮੰਨਦਾ,ਪਰ ਮੈਂ ਗੁਰਬਾਣੀ ਦੇ ਮਾਨਵ ਧਰਮ ਨੂੰ ਮੰਨਦਾ ਹਾਂ ਜੋ ਪੂਰੀ ਸ੍ਰਿਸ਼ਟੀ ਨੂੰ ਆਪਣੇ ਕਲਾਵੇ ਵਿੱਚ ਲੈਂਦਾ ਹੈ ਉਹ ਹੈ .....
''ਸਰਬ ਧਰਮ ਮਹਿ ਸ੍ਰੇਸਟ ਧਰਮੁ ॥ਹਰਿ ਕੋ ਨਾਮੁ ਜਪਿ ਨਿਰਮਲ ਕਰਮੁ॥''
ਇਹ ਹੈ ਮਾਨਵਤਾ ਦਾ ਧਰਮ ਜੋ ਕਹਿੰਦਾ ਹੈ ਕਿ ....
'' ਸਭੇ ਸਾਂਝੀ ਵਾਲ ਸਦਾਇਨਿ ਤੂੰ ਕਿਸੈ ਨ ਦਿਸਹਿ ਬਾਹਰ ਜੀਉ ॥''
''ਏਕੁ ਪਿਤਾ ਏਕਸੁ ਕੇ ਹਮ ਬਾਰਿਕ ਤੂੰ ਮੇਰਾ ਗੁਰਹਾਈ॥''
ਸੰਪ੍ਰਦਾਈ ਸਿੱਖ ਧਰਮ ਵੱਲ ਨਿਗ੍ਹਾ ਮਾਰੋ ਇਸ ਵਿੱਚ ਸਿਵਾਏ ਨਿੱਜ ਦੇ ਹੋ ਕੁਝ ਨਜ਼ਰ ਨਹੀਂ ਆਉਂਦਾ, ਹਾਂ ਏਨਾ ਕੁ ਜਰੂਰ ਹੈ ਕਿ ਅਰਦਾਸ ਜੋ ਸਾਡੇ ਅੱਜ ਦੀ ਹੈ , ਵਿੱਚ ਅਖੀਰ ਤੇ ਗਲੀਂ ਬਾਤੀਂ ਸਰਬੱਤ ਦਾ ਭਲਾ ਜਰੂਰ ਕਹਿ ਲੈਂਦੇ ਹਾਂ
19th August 2016 10:04pm
Gravatar
Daljit Singh Ludhiana (Ludhiana, India)
''ਹੈਰਾਨੀ ਹੁੰਦੀ ਹੈ ਕਿ ਸਿੱਖ ਰਾਜ ਤੋਂ ਬਾਦ ਜਿਨੇ ਵੀ 'ਸੰਤ 'ਮਹਾਂਪੁਰਖ 'ਬ੍ਰਹਮਗਿਆਨੀ ਪੈਦਾ ਹੋਏ ਸਾਰੇ ਹੀ ਅੰਗਰੇਜ਼ ਫੌਜ ਵਿੱਚ ਤਿਆਰ ਹੋਏ ਹਨ, ਤੇ ਹੇਮਕੁੰਡ ਦੀ ਖੋਜ ਵੀ ਇੱਕ ਅੰਗਰੇਜ਼ ਫੌਜੀ *ਸੋਹਣ ਸਿੰਘ* ਹੀ ਕਰਦਾ ਹੈ ਕਿਉਂ? ਕਿਤੇ ਇਹ ਤਾਂ ਨਹੀਂ ਕਿ ਸਿੱਖਾਂ ਵਿੱਚੋਂ ਉੱਠਦੀ ਬਗਾਵਤ ਨੂੰ ਦੇਖਦੇ ਹੋਏ ਅੰਗਰੇਜ਼ ਸਿੱਖਾਂ ਦਾ ਧਿਆਨ ਕਿਸੇ ਹੋਰ ਪਾਸੇ ਨੂੰ ਲਾਉਣਾ ਚਾਹੁੰਦੇ ਸੀ?''
ਇਸ ਵਿੱਚ ਕੋਈ ਸ਼ੱਕ ਨਹੀਂ ਸਿੱਖਾਂ ਨੂੰ ਦਬਾਉਣ ਲਈ ਹੀ ਅੰਗਰੇਜ਼ਾਂ ਨੇ ਇਹ ਧਾਰਮਿਕ ਪੱਤਾ ਖਿੜਿਆ ਜੋ ਪੂਰੀ ਤਰ੍ਹਾਂ ਕਾਮਯਾਬ ਹੋਇਆ , ਅੰਗਰੇਜ਼ਾਂ ਨੇ ਬਗਾਵਤਾਂ ਨੂੰ ਦਬਾਉਣ ਲਈ ਹਰ ਹਰਬਾ ਵਰਤਿਆ ਕਿਓਂਕਿ ਓਹਨਾਂ ਨੇ ਰਾਜ ਕਰਨਾ ਸੀ ।
19th August 2016 9:33pm
Gravatar
Sarbjit Singh (sacramento, US)
ਹਰਜਿੰਦਰ ਸਿੰਘ ‘ਘੜਸਾਣਾ’ ਜੀ ਗੁਰ ਫਤਿਹ। ਆਪ ਜੀ ਵੱਲੋਂ ਪਾਠ-ਭੇਦਾਂ ਬਾਰੇ ਕੀਤੀ ਗਈ ਖੋਜ ਸਹੀ ਹੈ। ਇਸ ਤੋਂ ਪਹਿਲਾ ਵੀ ਕਈ ਵਾਰੀ ਇਸ ਵਿਸ਼ੇ ਤੇ ਵਿਚਾਰ ਹੋ ਚੁੱਕੀ ਹੈ। ਸਮੱਸਿਆ ਸਾਡੇ ਸਾਹਮਣੇ ਹੈ। ਪਰ ਸਵਾਲ ਤਾਂ ਇਹ ਹੈ ਕਿ ਇਸ ਸਮੱਸਿਆ ਦਾ ਹੱਲ ਕੀ ਹੈ ਅਤੇ ਕਿਵੇ ਕੀਤਾ ਜਾਵੇ?
18th August 2016 3:26pm
Gravatar
Gurindar Singh Paul (Aurora, US)
ਜਿਨ ਕੇ ਬੰਕੇ ਘਰੀ ਨ ਆਇਆ ਤਿਨ ਕਿਉ ਰੈਣਿ ਵਿਹਾਣੀ॥…
ਇਤਿਹਾਸਿਕ ਤੱਥਾਂ ਉੱਤੇ ਆਧਾਰਿਤ ਇਹ ਲੇਖ ਸਿੱਖ ਜਗਤ ਦੀਆਂ ਇਸਤ੍ਰੀਆਂ ਦੇ ਦਰਦਨਾਕ ਤੇ ਤਰਸਯੋਗ ਦੁਖੀ ਜੀਵਨ ਨੂੰ ਸਾਕਾਰ ਕਰਦਾ ਹੈ। ਇਸ ਲਿਖਤ ਵਿੱਚੋਂ ਦੁਖੀ ਹਿਰਦੇ ਦੀ ਪੱਥਰ ਨੂੰ ਵੀ ਪਿਘਲਾ ਦੇਣ ਵਾਲੀ ਚੀਸ ਭਰੀ ਗੁਹਾਰ ਸੁਣਾਈ ਦਿੰਦੀ ਹੈ। ਪਰੰਤੂ ਅਤਿਅੰਤ ਕਸ਼ਟਦਾਇਕ ਸੱਚ ਤਾਂ ਇਹ ਹੈ ਕਿ ਪਿਛਲੇ ੩੫ ਸਾਲਾਂ ਵਿੱਚ ਲਾਚਾਰ ਬੀਬੀਆਂ ਦੇ ਇਹ ਕਰਣਪਲਾਹ ਕਿਸੇ ਨੇ ਨਹੀਂ ਸੁਣੇ ਅਤੇ ਨਾ ਹੀ ਕਦੇ ਕਿਸੇ ਨੇ ਸੁਣਨੇ ਹਨ! ਅਬਲਾ ਔਰਤਾਂ ਦੇ ਇਸ ਘੋਰ ਦੁਖਾਂਤ ਦੀਆਂ ਜ਼ਿੱਮੇਦਾਰ ਭਾਰਤ ਤੇ ਪੰਜਾਬ ਦੀਆਂ ਕਾਂਗ੍ਰਸੀ, ਭਾਜਪਾਈ ਤੇ ਅਕਾਲੀ ਸਰਕਾਰਾਂ ਹੀ ਹਨ। ਅਤੇ ਹੋਰ ਵੀ ਕਸ਼ਟਦਾਇਕ ਸੱਚ ਇਹ ਹੈ ਕਿ ਸਾਡੇ ਭੇਖਧਾਰੀ ਧਾਰਮਿਕ ਨੇਤਾ (ਜਥੇਦਾਰ, ਪ੍ਰਬੰਧਕ ਕਮੇਟੀਆਂ ਦੇ ਕਾਰਕੁਨ, ਸੰਤ ਬਾਬੇ ਤੇ ਡੇਰੇਦਾਰ, ਪੰਥਕ ਜਥੇਬੰਦੀਆਂ, ਪੰਥ-ਰਤਨ, ਪੰਥ ਸੇਵਕ, ‘ਖ਼ਾਲਸੇ’… ਵਗੈਰਾ) ਇਨ੍ਹਾਂ ਸਰਕਾਰਾਂ ਦੇ ਜੁੰਡੀਦਾਰ ਹਨ। ਦੇਸ-ਵਿਦੇਸ ਦੀਆਂ ‘ਸਿੱਖ’ ਅਤੇ ‘ਪੰਥਕ’ ਜਥੇਬੰਦੀਆਂ ਦੇ ਮੋਹਰੀਆਂ ਤੋਂ ਵੀ ਬਲਿਹਾਰੇ ਜਾਈਏ ਜੋ ਇਨ੍ਹਾਂ ਪੀੜਤਾਂ ਦੀ ਸਹਾਇਤਾ ਵਾਸਤੇ ਅਰਬਾਂ ਰੁਪੲੈ ਇਕੱਠੇ ਕਰਕੇ ਆਪ ਗਟਾਕ ਗਏ!......
18th August 2016 1:22pm
Gravatar
Makhan Singh Purewal (Quesnel, Canada)

ਬਹੁਤੀਆਂ ਬੀਬੀਆਂ ਤਾਂ ਡੇਰੇ ਵਾਲੇ ਸਾਧਾਂ ਦੀਆਂ ਅੰਨੀਆਂ ਸ਼ਰਧਾਲੂ ਹੁੰਦੀਆਂ ਹਨ ਪਰ ਕੋਈ ਕੋਈ ਬੀਬੀ ਸਿਆਣੀ ਵੀ ਹੈ ਖਾਸ ਕਰਕੇ ਉਹ ਜਿਹੜੀ ਕਿ ਦਸਮ ਗ੍ਰੰਥ ਨਾਮ ਦੀ ਇੱਕ ਗੰਦੀ ਜਿਹੀ ਕਿਤਾਬ ਦੀ ਅਸਲੀਅਤ ਨੂੰ ਵੀ ਸਮਝਦੀ ਹੈ। ਸ: ਗੁਰਮੀਤ ਸਿੰਘ ਨੇ ਇੱਕ ਈ-ਮੇਲ ਫੌਰਵਡ ਕੀਤੀ ਸੀ ਜਿਸ ਵਿੱਚ ਇੱਕ ਲਿੰਕ ਫੇਸਬੁੱਕ ਦਾ ਸੀ ਜਿਸ ਤੋਂ ਇਹ ਕਾਪੀ ਕੀਤੀ ਹੈ ਜਿਹੜੀ ਕਿ ਸੰਦੀਪ ਕੌਰ ਨਾਮ ਦੀ ਬੀਬੀ ਦੀ ਪੋਸਟ ਕੀਤੀ ਹੋਈ ਹੈ-ਸੰਪਾਦਕ।

Sandeep Kaur
ਏਸ ਪੋਸਟ ਬਾਰੇ ਆਪ ਸਭ ਦੇ ਕੀ ਵਿਚਾਰ ਹਨ?
*॥ਹੇਮਕੁੰਡ ਬਾਰੇ ਇੱਕ ਸੱਚ॥*

(ਬੇਨਤੀ ਹੇ ਆਪ ਜੀ ਦੇ ਸਨਮੁੱਖ ਪੋਸਟ ਨੂੰ ਪੂਰਾ ਪੜਕੇ ਹੀ ਆਪਣੇ ਵਿਚਾਰ ਪਖ ਰੱਖਣ ਦੀ ਕਿਰਪਾਲਤਾ ਕਰਨੀ ਆਪ ਸਭ ਵੀਰ ਭੈਣਾਂ ਨੇ)
*__ਇਹ ਪੋਸਟ ਕੁਝ ਗਰੁੱਪ ਪੋਲਿਸੀ ਦੇ ਖਿਲਾਫ ਹੇ ਪਰ ਇਹ ਵਿਸ਼ਾ ਆਪਣਾ ਹੇਮਕੁੰਟ ਨੂੰ ਸਮਝਣ ਬਾਰੇ ਹੇ__*
*1935 ਤੋਂ ਪਹਿਲਾਂ ਹੇਮਕੁੰਡ ਦਾ ਕੋਈ ਨਾਮੋ ਨਿਸ਼ਾਨ ਵੀ ਨਹੀਂ ਸੀ,* ਭਈ ਵੀਰ ਸਿੰਘ ਨੇ ਪਹਿਲੀ ਬਾਰ ਆਪਣੀ ਕਿਤਾਬ ਵਿੱਚ ਹੇਮਕੁੰਡ ਦਾ ਜਿਕਰ ਕੀਤਾ ਸੀ, ਉਹ ਕਿਤਾਬ ਇੱਕ ਅੰਗਰੇਜ਼ ਆਰਮੀ ਦੇ ਸਿੱਖ ਫੌਜੀ ਸੋਹਣ ਸਿੰਘ ਨੇ 1929 ਨੂੰ ਪੜ੍ਹੀ ਸੀ ਤੇ ਹੇਮਕੁੰਡ ਦੀ ਭਾਲ਼ ਸੁਰੂ ਕੀਤੀ, 1932 ਵਿੱਚ ਉਸ ਅਸਥਾਨ ਦੀ ਨਿਸ਼ਾਨਦਿਹੀ ਕੀਤੀ ਗਈ ਤੇ 1935 ਵਿੱਚ ਪਬਲਿਕਲੀ ਐਲਾਨ ਕੀਤਾ ਗਿਆ।
ਹੈਰਾਨੀ ਹੁੰਦੀ ਹੈ ਕਿ ਸਿੱਖ ਰਾਜ ਤੋਂ ਬਾਦ ਜਿਨੇ ਵੀ 'ਸੰਤ 'ਮਹਾਂਪੁਰਖ 'ਬ੍ਰਹਮਗਿਆਨੀ ਪੈਦਾ ਹੋਏ ਸਾਰੇ ਹੀ ਅੰਗਰੇਜ਼ ਫੌਜ ਵਿੱਚ ਤਿਆਰ ਹੋਏ ਹਨ, ਤੇ ਹੇਮਕੁੰਡ ਦੀ ਖੋਜ ਵੀ ਇੱਕ ਅੰਗਰੇਜ਼ ਫੌਜੀ *ਸੋਹਣ ਸਿੰਘ* ਹੀ ਕਰਦਾ ਹੈ ਕਿਉਂ? ਕਿਤੇ ਇਹ ਤਾਂ ਨਹੀਂ ਕਿ ਸਿੱਖਾਂ ਵਿੱਚੋਂ ਉੱਠਦੀ ਬਗਾਵਤ ਨੂੰ ਦੇਖਦੇ ਹੋਏ ਅੰਗਰੇਜ਼ ਸਿੱਖਾਂ ਦਾ ਧਿਆਨ ਕਿਸੇ ਹੋਰ ਪਾਸੇ ਨੂੰ ਲਾਉਣਾ ਚਾਹੁੰਦੇ ਸੀ?? ਖੈਰ
ਆਓ ਹੁਣ ਬਚਿੱਤਰ ਨਾਟਕ ਨੂੰ ਮੰਨਣ ਵਾਲਿਆਂ ਦਾ ਦਿਮਾਗੀ ਪੱਧਰ ਜਾਣੀਏਂ,,,
ਕਈ ਵੀਰ ਡਮਡਮੀ ਟਕਸਾਲ ਵਾਲੇ ਇਹ ਦਾਵਾ ਕਰਦੇ ਹਨ ਕਿ ਬਚਿੱਤਰ ਨਾਟਕ ਗੁਰੂ ਗੋਬਿੰਦ ਸਿੰਘ ਦੀ ਲਿਖਤ ਹੈ ਅਤੇ ਟਕਸਾਲ ਦੇ ਸਾਰੇ ਮੁਖੀ ਇਸ ਗਰੰਥ ਨੂੰ ਪੜ੍ਹਦੇ ਸੀ, ਟਕਸਾਲੀਆ ਨੇ ਆਪਣੀਆ ਬੁੱਕਾਂ ਵਿੱਚ ਇਹ ਵੀ ਲਿਖਿਆ ਹੋਇਆ ਹੈ ਕਿ *ਜਦੋਂ ਟਕਸਾਲ ਦੇ 12 ਮੇ ਮੁਖੀ ਸੁੰਦਰ ਸਿੰਘ ਕਥਾ ਕਰਿਆ ਕਰਦੇ ਸੀ ਤਾਂ ਗੁਰੂ ਗੋਬਿੰਦ ਸਿੰਘ ਜੀ ਉਹਨਾਂ ਦੇ ਮੋਢੇ ਤੇ ਹੱਥ ਰੱਖ ਕੇ ਖੜ੍ਹੇ ਹੁੰਦੇ ਸੀ।* ਟਕਸਾਲ ਆਪਣੇ ਮੁਖੀਆ ਨੂੰ ਪੂਰਨ ਬ੍ਰਹਮਗਿਆਨੀ ਵੀ ਮੰਨਦੇ ਹਨ।
ਫਿਰ ਇਹਨਾਂ ਦੇ ਬ੍ਰਹਮਗਿਆਨੀਆਂ ਨੂੰ 1935 ਤੋਂ ਪਹਿਲਾਂ ਹੇਮਕੁੰਡ ਦਾ ਪਤਾ ਕਿਉਂ ਨਹੀਂ ਲੱਗ ਸਕਿਆ? ਇਥੋ ਇਹ ਵੀ ਸਾਬਿਤ ਹੂੰਦਾ ਹੇ ਕੀ ਡਮਡਮੀ ਟਕਸਾਲ ਵੀ ਕੋਰੀ ਮਨੋਕਾਲਪਨਿਕਤਾ ਹੇ ਜਿਸਦਾ ਕੋਈ ਪੁਰਾਤਨ ਵਜੂਦ ਨਹੀ ਹੇ।
ਕਈ ਇਹ ਵੀ ਕਹਿੰਦੇ ਹਨ ਕਿ ਸਤਾਰਵੀ ਅਤੇ ਅਠਾਰਵੀ ਸਦੀ ਦੇ ਸਿੱਖ ਦੋਹਾਂ ਗਰੰਥ ਦਾ ਪਾਠ ਕਰਿਆ ਕਰਦੇ ਸੀ ਉਹ ਇਹ ਉਦਾਹਰਨ ਵੀ ਦਿੰਦੇ
ਦੋਹੂੰ ਗਰੰਥ ਮਹਿ ਬਾਣੀ ਜੋਈ
ਪੜ੍ਹ ਪੜ੍ਹ ਕੰਠ ਕਰੇ ਸਿੰਘ ਸੋਈ

ਜੇ ਸੱਚ-ਮੁੱਚ ਹੀ ਸਿੱਖਾਂ ਨੂੰ ਦੋਨੋ ਗਰੰਥਾਂ ਦੀ ਬਾਣੀ ਕੰਠ ਸੀ ਫਿਰ 1708 ਤੋਂ ਲੈਕੇ 1935 ਤੱਕ ਕਿਸੇ ਇੱਕ ਵੀ ਸਿੱਖ ਨੇ ਬਚਿੱਤ੍ਰ ਨਾਟਕ ਗਰੰਥ ਵਿੱਚੋਂ ਹੇਮਕੁੰਡ ਬਾਰੇ ਪੜ੍ਹਕੇ ਹੇਮਕੁੰਡ ਦੀ ਖੋਜ ਕਿਉਂ ਨਾ ਕੀਤੀ??
ਜਿਨੀਆਂ ਵੀ ਨਿਹੰਗ ਜਥੇਬੰਦੀਆਂ ਹਨ ਸਾਰੀਆਂ ਹੀ ਬਚਿੱਤ੍ਰ ਨਾਟਕ ਗਰੰਥ ਦੀਆਂ ਹਮਾਇਤੀ ਹਨ ਫਿਰ ਕੀ ਇਨ੍ਹਾਂ ਵਿੱਚ ਵੀ ਕਿਸੇ ਨੂੰ 1935 ਤੋਂ ਪਹਿਲਾਂ ਹੇਮਕੁੰਡ ਦਾ ਨਹੀਂ ਪਤਾ ਚੱਲ ਸਕਿਆ??
ਮਹਾਂਰਾਜਾ ਰਣਜੀਤ ਸਿੰਘ ਨੇ ਸਿੱਖ ਗੁਰੂਆਂ ਦੀਆਂ ਸੈਂਕੜੇ ਯਾਦਗਾਰਾਂ ਬਣਾਈਆਂ ਹਨ ਸਮੇਤ ਸ੍ਰੀ ਹਜ਼ੂਰ ਸਾਹਿਬ ਦੇ, ਫਿਰ ਕੀ ਮਹਾਂਰਾਜਾ ਰਣਜੀਤ ਸਿੰਘ ਨੂੰ ਹੇਮਕੁੰਡ ਦਾ ਪਤਾ ਨਹੀਂ ਲੱਗ ਸਕਿਆ? ਕੀ ਮਹਾਂਰਾਜਾ ਰਣਜੀਤ ਸਿੰਘ ਦੇ ਸਮੇਂ ਵੀ ਕਿਸੇ ਸਿੱਖ ਨੇ ਬਚਿੱਤਚ ਨਾਟਕ ਨੂੰ ਨਹੀਂ ਪੜ੍ਹਿਆ ਹੋਵੇਗਾ??
ਗੁਰੂ ਪਿਆਰਿਓ ਗੱਲਾਂ ਦੋ ਹੀ ਹਨ
ਜਾ ਤਾਂ ਅੰਗਰੇਜ਼ਾਂ ਤੋਂ ਪਹਿਲਾਂ ਬਚਿੱਤਰ ਨਾਟਕ ਨਾਮ ਦਾ ਕੋਈ ਗਰੰਥ ਹੀ ਨਹੀਂ ਸੀ, ਤੇ ਜਾ ਫਿਰ ਕੋਈ ਸਿੱਖ 1935 ਤੋਂ ਪਹਿਲਾਂ ਇਸ ਗਰੰਥ ਨੂੰ ਪੜ੍ਹਦਾ ਹੀ ਨਹੀਂ ਸੀ !
ਮੇਰਾ ਆਪਣਾ ਮੰਨਣਾ ਇਹ ਹੈ ਕਿ ਨਾਂ ਤਾਂ ਅੰਗਰੇਜ਼ ਰਾਜ ਤੋਂ ਪਹਿਲਾਂ ਇਹ ਗਰੰਥ ਹੀ ਸੀ ਤੇ ਨਾਂ ਇਸ ਨੂੰ 1935 ਤੋਂ ਪਹਿਲਾਂ ਕੋਈ ਸਿੱਖ ਪੜ੍ਹਦਾ ਹੀ ਸੀ !
ਨਿਹੰਗ 'ਰਾੜੀਏ 'ਮਸਤੂਆਣੀਏ 'ਨੰਦਸਰੀਏ 'ਨਾਮਧਰੀਏ 'ਨੀਲਧਾਰੀਏ ਟਕਸਾਲੀਏ............ ਇਹ ਸੱਭ ਅੰਗਰੇਜ਼ਾਂ ਦੀ ਹੀ ਪਦਾਇਸ਼ ਹੈ ਪਾੜੋ ਤੇ ਰਾਜ ਕਰੋ ਦੀ ਨੀਤੀ ਤਹਿਤ !
ਹੁਣ ਗਲ ਕਰਦੇ ਹਾਂ ਦੂਜੇ ਪਖ ਦੀ ,,,
ਹੇਮਕੁੰਟ ਪਰਬਤ ਹੈ ਜਹਾਂ ਸਪਤ ਸ੍ਰਿੰਗ ਸੋਭਿਤ ਹੈ ਤਹਾਂ !!
ਚਲੋ ਜੋ ਵੀਰ ਬਚਿਤਰ ਨਾਟਕ ਦੀ ਇਸ ਲਿਖਤ ਨੂੰ ਮੰਨਦੇ ਵੀ ਹਨ ਉਹਨਾਂ ਦੀ ਤਸੱਲੀ ਲਈ ਪੰਜ ਮਿੰਟ ਮਨ ਵੀ ਲਿਆ ਜਾਵੇ ਕੀ ਗੁਰੁ ਪਿਤਾ ਦਸਮੇਸ਼ ਕਲਗੀਧਰ ਗੋਬਿੰਦ ਸਿੰਘ ਜੀ ਆਪਣੇ ਪੁਰਵਲੇ ਜਨਮ ਵਿਚ ਪਹਾੜਾਂ ਤੇ ਤਪ ਕਰਦੇ ਰਹੇ ਹਨ ਫੇਰ ਉਹ ਵੀਰ ਜਵਾਬ ਜਰੂਰ ਦੇਣ ਕੀ ਪਹਾੜਾਂ ਵਿਚ ਜਾਕੇ ਤਪ ਕਰਨ ਦਾ ਕੀ ਸਿਧਾਂਤ ਹੇ??? *ਜਦਕੀ ਇਹ ਗੂਰਬਾਣੀ ਦੇ ਉਲਟ ਹੇ ਕੀ* ਤੁਸੀ ਇਹ ਉਮੀਦ ਕਰਦੇ ਹੋ ਕੀ ਗੁਰੁ ਪਿਤਾ ਸਿੱਖੀ ਸਿਧਾਂਤਾਂ ਦੀ ਆਪ ਖੁਦ ਖੰਡਣ ਕਰਗੇ ਹੋਣ,,,??
ਫੇਰ ਇਹ ਦੱਸੋ ਕੀ ਗੂਰਬਾਣੀ ਦੀ ਇਸ ਪੰਗਤੀ ਦਾ ਕੀ ਕੀਤਾ ਜਾਏ ਜਾਂ ਤਾਂ ਟਕਸਾਲ ਤੇ ਹੋਰ ਜਥੇਬੰਦੀਆਂ ਹੇਮਕੁੰਟ ਦੀ ਗੱਪ ਨੂੰ ਮੰਨਕੇ ਗੂਰਬਾਣੀ ਦਾ ਖੰਡਨ ਕਰਦਿਆ ਹਨ ਉਹਨਾਂ ਦੀਆਂ ਬੰਦੇਆਂ ਦੀ ਆਤਮਿਕ ਮੋਤ ਹੋ ਚੁੱਕੀ ਹੇ ਇਸ ਤੋ ਭਾਵ !
ਧਨਾਸਰੀ ਮਹਲਾ 9
ਕਾਹੇ ਰੇ ਬਨ ਖੋਜਨ ਜਾਈ ॥ ਸਰਬ ਨਿਵਾਸੀ ਸਦਾ ਅਲੇਪਾ ਤੋਹੀ ਸੰਗਿ ਸਮਾਈ ॥1॥ ਰਹਾਉ ॥
ਪੁਹਪ ਮਧਿ ਜਿਉ ਬਾਸੁ ਬਸਤੁ ਹੈ ਮੁਕਰ ਮਾਹਿ ਜੈਸੇ ਛਾਈ ॥ ਤੈਸੇ ਹੀ ਹਰਿ ਬਸੇ ਨਿਰੰਤਰਿ ਘਟ ਹੀ ਖੋਜਹੁ ਭਾਈ ॥1॥ ਬਾਹਰਿ ਭੀਤਰਿ ਏਕੋ ਜਾਨਹੁ ਇਹੁ ਗੁਰ ਗਿਆਨੁ ਬਤਾਈ ॥ ਜਨ ਨਾਨਕ ਬਿਨੁ ਆਪਾ ਚੀਨੈ ਮਿਟੈ ਨ ਭ੍ਰਮ ਕੀ ਕਾਈ ॥2॥1॥
ਗੁਰੂ ਤੇਗ ਬਹਾਦਰ ਸਾਹਿਬ ਦੇ ਇਸ ਪਾਵਨ ਸ਼ਬਦ ਮੁਤਾਬਿਕ ਤੇ ਗੁਰੂ ਸਾਹਿਬ ਮਨੁੱਖ ਨੂੰ ਜੰਗਲਾਂ ਵਿਚ ਜਾ ਕੇ ਪਰਮਾਤਮਾ ਦੀ ਬੰਦਗੀ(ਤਪ) ਕਰਣ ਤੁੰ ਵਰਜ ਰਹੇ ਹਨ, ਲੇਕਿਨ ਬਚਿਤ੍ਰ ਨਾਟਕ ਦੀ ਕਹਾਣੀ ਮੁਤਾਬਿਕ ਗੁਰੂ ਗੋਬਿੰਦ ਸਿੰਘ ਸਾਹਿਬ ਆਪਣੇ ਪੁਰਬਲੇ ਜਨਮ ਵਿਚ ਇਕ ਏਸੇ ਅਸਥਾਨ ਤੇ ਤਪਸਿਆ ਕਰ ਰਹੇ ਹਨ ਜਿਥੇਂ ਅਜ ਵੀ ਬਰਫ ਹੀ ਬਰਫ ਹੈ ਤੇ ਮਨੁੱਖੀ ਜੀਵਨ ਦਾ ਅਧਾਰ ਆੱਕਸੀਜਨ ਵੀ ਨਹੀਂ ਹੈ। ਏਸੇ ਹਲਾਤਾਂ ਵਿਚ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਇਹ ਤਪਸਿਆ ਗੁਰਮਤਿ ਸਿਧਾਂਤ ਦੇ ਅਧਾਰ ਤੇ ਨੀਰੀ ਕੋਰੀ ਮਨੋਕਲਪਨਾ ਹੀ ਹੈ।
ਧੰਨਵਾਦ

https://www.facebook.com/permalink.php?story_fbid=315853665419698&id=100009852007129

15th August 2016 3:11pm
Gravatar
Swaran Singh (Calgary, Canada)
ਬੀਬੀ ਸੰਦੀਪ ਕੌਰ ਜੀ ਦੇ ਵੀਚਾਰ ਸ਼ਤ ਪ੍ਰਤੀਸ਼ਤ ਸਹੀ ਹਨ ।ਇਹ ਸਾਰੀਆਂ ਜਥੇਬੰਦੀਆਂ ਜਿੰਨ੍ਹਾਂ ਦਾ ਜਿਕਰ ਬੀਬੀ ਜੀ ਨੇ ਇੱਥੇ ਕੀਤਾ ਹੈ, ਅੱਖਾਂ ਤੇ ਦਿਮਾਗ ਬੰਦ ਕਰਕੇ ਅਖੌਤੀ ਦਸਮ ਗਰੰਥ ਨੂੰ ਭੇਡ ਚਾਲ ਮੁਤਾਬਕ ਮੰਨ ਰਹੇ ਹਨ ।ਇਹਨਾਂ ਦਾ ਇਹ ਹਾਲ ਹੈ ਕਿ ਇੱਕ ਵੇਰ ਕਿਸੇ ਬੰਦੇ ਨੇ ਦੁਸਰੇ ਬੰਦੇ ਨੂੰ ਕਿਹਾ ਕਿ ਤੇਰਾ ਕੰਨ ਕੁੱਤਾ ਲੈ ਗਿਆ ਹੈ, ਉਸ ਨੇ ਨਾ ਤਾਂ ਇਹ ਸੋਚਿਆ ਕਿ ਜੇ ਕੰਨ ਕੁੱਤਾ ਲੈ ਗਿਆ ਹੈ ਤਾਂ ਮੈਨੂੰ ਪੀੜ ਕਿਉਂ ਨਹੀਂ ਹੋਈ ਤੇ ਨਾ ਹੀ ਕੰਨਾਂ ਨੂੰ ਹੱਥ ਲਾ ਕੇ ਵੇਖਿਆ ਅਤੇ ਕੁੱਤੇ ਦੇ ਪਿੱਛੇ ਦੌੜ ਗਿਆ ।ਇਸੇ ਤਰਾਂ ਕਿਸੇ ਨੇ ਅਖੌਤੀ ਦਸਮ ਗਰੰਥ ਦੀ ਰਚਨਾ ਕਰਕੇ ਉੱਤੇ ਲਿਖ ਦਿੱਤਾ ਕਿ ਇਹ ਗੁਰੂ ਗੋਬਿੰਦ ਸਿੰਘ ਜੀ ਦੀ ਰਚਨਾ ਹੈ,ਬਸ ਇਹਨਾਂ ਅੰਨੇ੍ਹ ਸ਼ਰਧਾਲੂਆਂ ਤਰਾਂ ਸਿਰ ਨਿਵਾ ਲਿਆ ਤੇ ਮੰਨ ਲਿਆ ।ਇਹਨਾਂ ਦਾ ਕਿਰਦਾਰ ਵੇਖ ਕੇ ਗੁਰੂ ਸਾਹਿਬ ਦਾ ਹੇਠ ਲਿਖਿਆ ਸ਼ਬਦ ਯਾਦ ਆ:-- ਰਾਗ ਗਉੜੀ ਮਹਲਾ ਪਹਿਲਾ,ਪੰਨਾ 229:--- …...........
…....................... ਅੰਧੇ ਅਕਲੀ ਬਾਹਰੇ ਿਕਆ ਿਤਨ ਿਸਉ ਕਹੀਐ ॥ ਬਿਨੁ ਗੁਰ ਪੰਥੁ ਨ
ਸੂਝਈ ਿਕਤੁ ਿਬਿਧ ਿਨਰਬਹੀਐ ॥੨॥ ਖੋਟੇ ਕਉ ਖਰਾ ਕਹੈ ਖਰੇ ਸਾਰ ਨ ਜਾਣੈ ॥ ਅੰਧੇ ਕਾ ਨਾਉ ਪਾਰਖੂ
ਕਲੀ ਕਾਲ ਿਵਡਾਣੈ ॥੩॥ ਸੂਤੇ ਕਉ ਜਾਗਤੁ ਕਹੈ ਜਾਗਤ ਕਉ ਸੂਤਾ ॥ ਜੀਵਤ ਕਉ ਮੂਆ ਕਹੈ ਮੂਏ ਨਹੀ
ਰੋਤਾ ॥੪॥ਆਵਤ ਕਉ ਜਾਤਾ ਕਹੈ ਜਾਤੇ ਕਉ ਆਇਆ ॥ ਪਰ ਕੀ ਕਉ ਅਪੁਨੀ ਕਹੈ ਅਪੁਨੋ ਨਹੀ ਭਾਇਆ ॥੫॥
ਮੀਠੇ ਕਉ ਕਉੜਾ ਕਹੈ ਕੜੂਏ ਕਉ ਮੀਠਾ ॥ ਰਾਤੇ ਕੀ ਿਨੰਦਾ ਕਰiਹ ਐਸਾ ਕiਲ ਮiਹ ਡੀਠਾ ॥੬॥ ਚੇਰੀ
ਕੀ ਸੇਵਾ ਕਰiਹ ਠਾਕੁਰੁ ਨਹੀ ਦੀਸੈ ॥ ਪੋਖਰੁ ਨੀਰੁ ਿਵਰੋਲੀਐ ਮਾਖਨੁ ਨਹੀ ਰੀਸੈ ॥੭॥ ਇਸੁ ਪਦ ਜੋ
ਅਰਥਾਇ ਲੇਇ ਸੋ ਗੁਰੂ ਹਮਾਰਾ ॥ ਨਾਨਕ ਚੀਨੈ ਆਪ ਕਉ ਸ ਅਪਰ ਅਪਾਰਾ ੮॥ ਸਭੁ ਆਪੇ ਆਿਪ ਵਰਤਦਾ ਆਪੇ ਭਰਮਾਇਆ ॥ ਗੁਰ ਿਕਰਪਾ ਤੇ ਬੂਝੀਐ ਸਭੁ ਬਰ੍ਹਮੁ ਸਮਾਇਆ ॥੯॥੨॥੧੮॥{ਪੰਨਾ 229 ॥

ਸ਼ੁਰੂ ਵਿੱਚ ਤਾਂ ਅੰਗਰੇਜਾਂ ਨੇ ਅਤੇ ਬਰਾਹਮਣਾਂ ਨੇ ਸਿੱਖਾਂ ਨੂੰ ਆਪਣੇ ਜਰ ਖਰੀਦ ਸਿੱਖੀ ਭੇਸ ਏਜੰਟਾਂ ਰਾਹੀਂ ਕੁਰਾਹੇ ਪਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਉਹ ਸਫਲ ਵੀ ਹੋਏ । ਕਿਉਂ ਕਿ ਆਮ ਸਿੱਖਾਂ ਨੇ ਧਰਮ ਨਾਲ ਕੋਈ ਬਹੁਤਾ ਸਰੋਕਾਰ ਨਹੀਂ ਸੀ ਰਖਿਆ ਅਤੇ ਇਹ ਏਜੰਟ ਆਪੂੰ ਬਣੇ ਧਰਮ ਦੇ ਠੇਕੇਦਾਰ ਸਿੱਖਾਂ ਨੂੰ ਗੁਮਰਾਹ ਕਰਨ ਵਿੱਚ ਕਾਮਯਾਬ ਹੋ ਗਏ । ਹੁਣ ਹਾਲਤ ਇਹ ਹੋ ਗਈ ਹੈ ਕਿ ਹਰ ਗੁਰਦਵਾਰੇ ਵਿੱਚ ਉਹਨਾਂ ਏਜੰਟਾਂ ਦੇ ਜਾਂਨਸ਼ੀਨ ਬੈਠੇ ਹੋਏ ਹਨ ਅਤੇ ਹੁਣ ਉਹਨਾਂ ਦਾ ਕੰਮ ਆਪਣੇ ਆਪ ਹੋਈ ਜਾਂਦਾ ਹੈ ।ਬਹੁਤੇ ਆਦਮੀ ਤਾਂ ਇਸ ਦੇ ਵਿਰੁੱਧ ਬੋਲਦੇ ਹੀ ਨਹੀਂ ਕਿ ਮੈਂ ਕੀ ਲੈਣਾ ਹੈ ਇਹਨਾਂ ਭੂੰਢਾਂ ਦੀ ਖੱਖਰ ਨੂੰ ਛੇੜ ਕੇ, ਕਿਉਂ ਕਿ ਆਮ ਸੰਗਤ ਬੋਲਦੀ ਨਹੀਂ ਅਤੇ ਸਾਰੇ ਸੇਵਾਦਾਰ ਗੁਰਦਵਾਰੇ ਵਿੱਚ ਆਮ ਤੌਰ ਤੇ ਇਹਨਾਂ ਦੇ ਹੁੰਦੇ ਹਨ, ਜੇ ਕੋਈ ਵਿਰਲਾ ਆਦਮੀ ਇਸ ਗਲਤ ਚਲਣ ਦੇ ਵਿਰੁੱਧ ਬੋਲਦਾ ਭੀ ਹੈ ਤਾਂ ਉਸ ਨੁੰ ਬੋਲਣ ਨਹੀਂ ਦੇਂਦੇ ।
ਸਪੋਕਸਮੈਨ ਅਖਬਾਰ {ਅਗਸਤ 20, ਪੰਨਾ 8} ਤੇ ਖਬਰ ਹੈ ਕਿ “ਆਰ ਐੱਸ ਐੱਸ ਸਿੱਖਾਂ ਨੂੰ ਗੁਲਾਮ ਬਨਾਉਣਾ ਚਾਹੁੰਦੀ ਹੈ” ਇਹ ਸ਼ਬਦ ਸਰਬਤ ਖਾਲਸਾ ਵਲੋਂ ਥਾਪੇ 'ਜਥੇਦਾਰ ਅਜਨਾਲਾ' ਨੇ ਕਹੇ ।ਇਹਨਾਂ ਨੂੁੰੰ ਇਹ ਨਹੀਂ ਪਤਾ ਕਿ ਗੁਲਾਮ ਤਾਂ ਤੁਸੀਂ ਪਹਿਲਾਂ ਹੀ ਬਣੇ ਬੈਠੇ ਹੋ ਅਖੌਤੀ ਦਸਮ ਗਰੰਥ ਨੂੰ ਮਾਨਤਾ ਦੇ ਕੇ ।ਫਿਰ ਕਹਿੰਦਾ ਹੈ ਕਿ ਸਿੱਖ ਕੌਮ ਇੱਕ ਪਲੇਟਫਾਰਮ ਤੇ ਇਕੱਠੀ ਹੋਵੇ ।ਇਹਨੂੰ ਇਹ ਸਮਝ ਨਹੀਂ ਕਿ ਜਿੰਨਾ ਚਿਰ ਤੁਸੀਂ ਅਖੌਤੀ ਦਸਮ ਗਰੰਥ ਨੂੰ ਗੁਰੂ ਦੀ ਬਾਣੀ ਸਮਝ ਕੇ ਚਲੋਗੇ ਅਤੇ ਗੁਰੂ ਗਰੰਥ ਸਾਹਿਬ ਜੀ ਦਾ ਸ਼ਰੀਕ, ਇਸ ਅਖੌਤੀ ਦਸਮ ਗਰੰਥ ਨੂੰ ਮਨੋਗੇ ਤਾਂ ਸਿੱਖ ਇੱਕ ਪਲੇਟਫਾਰਮ ਤੇ ਇੱਕਠੇ ਕਿਵੇਂ ਹੋ ਸਕਦੇ ਹਨ । ਏਕਤਾ ਅਸੂਲਾਂ ਉੱਤੇ ਹੁੰਦੀ ਹੈ ਨਾ ਕਿ ਬੇਅਸੂਲੀਆਂ ਗਲਾਂ ਕਰਨ ਨਾਲ ।

ਸਵਰਨ ਸਿੰਘ ਕੈਲਗਰੀ
19th August 2016 4:08pm
Gravatar
Daljit Singh Ludhiana (Ludhiana, India)
''ਹੈਰਾਨੀ ਹੁੰਦੀ ਹੈ ਕਿ ਸਿੱਖ ਰਾਜ ਤੋਂ ਬਾਦ ਜਿਨੇ ਵੀ 'ਸੰਤ 'ਮਹਾਂਪੁਰਖ 'ਬ੍ਰਹਮਗਿਆਨੀ ਪੈਦਾ ਹੋਏ ਸਾਰੇ ਹੀ ਅੰਗਰੇਜ਼ ਫੌਜ ਵਿੱਚ ਤਿਆਰ ਹੋਏ ਹਨ, ਤੇ ਹੇਮਕੁੰਡ ਦੀ ਖੋਜ ਵੀ ਇੱਕ ਅੰਗਰੇਜ਼ ਫੌਜੀ *ਸੋਹਣ ਸਿੰਘ* ਹੀ ਕਰਦਾ ਹੈ ਕਿਉਂ? ਕਿਤੇ ਇਹ ਤਾਂ ਨਹੀਂ ਕਿ ਸਿੱਖਾਂ ਵਿੱਚੋਂ ਉੱਠਦੀ ਬਗਾਵਤ ਨੂੰ ਦੇਖਦੇ ਹੋਏ ਅੰਗਰੇਜ਼ ਸਿੱਖਾਂ ਦਾ ਧਿਆਨ ਕਿਸੇ ਹੋਰ ਪਾਸੇ ਨੂੰ ਲਾਉਣਾ ਚਾਹੁੰਦੇ ਸੀ?''
ਇਸ ਵਿੱਚ ਕੋਈ ਸ਼ੱਕ ਨਹੀਂ ਸਿੱਖਾਂ ਨੂੰ ਦਬਾਉਣ ਲਈ ਹੀ ਅੰਗਰੇਜ਼ਾਂ ਨੇ ਇਹ ਧਾਰਮਿਕ ਪੱਤਾ ਖਿੜਿਆ ਜੋ ਪੂਰੀ ਤਰ੍ਹਾਂ ਕਾਮਯਾਬ ਹੋਇਆ , ਅੰਗਰੇਜ਼ਾਂ ਨੇ ਬਗਾਵਤਾਂ ਨੂੰ ਦਬਾਉਣ ਲਈ ਹਰ ਹਰਬਾ ਵਰਤਿਆ ਕਿਓਂਕਿ ਓਹਨਾਂ ਨੇ ਰਾਜ ਕਰਨਾ ਸੀ ।
19th August 2016 9:30pm
Gravatar
Daljit Singh Ludhiana (Ludhiana, India)
ਬਾਬਾ ਨਾਨਕ ਜੀ ਨੇ ਕੋਈ ਧਰਮ ਬਣਾਇਆ ਹੀ ਨਹੀਂ ਸੀ ਬਲਕਿ ਮੌਜੂਦਾ ਸੰਪ੍ਰਦਾਈ ਧਰਮਾਂ ਨੂੰ ਨਕਾਰਿਆ ਸੀ ਉਹਨਾਂ ਨੇ ਮਾਨਵ ਵਾਦ ਦੀ ਲਹਿਰ ਚਲਾਈ ਸੀ ਜਿਸਨੂੰ ਸਵਾ ਦੋ ਸਦੀਆਂ ਕਰਮ ਕਰਕੇ ਡੱਬੇ ਕੁਚਲੇ ਲੋਕਾਂ ਨੂੰ ਉਹਨਾਂ ਦੇ ਮਨੁੱਖੀ ਹੱਕਾਂ ਲਈ ਸੰਗਰਸ਼ ਕਰਕੇ ਜ਼ੁਲਮ ਅੱਗੇ ਹਿੱਕ ਢਾਹ ਕੇ ਖੜਨ ਯੋਗ ਬਣਾਇਆ ਅਤੇ ਮਨੁੱਖੀ ਜੀਵਨ ਨੂੰ ਖੁਸ਼ਹਾਲ ਜਿਉਂ ਲਈ ਰੱਬੀ ਗਿਆਨ ਗੁਰਬਾਣੀ ਦੀ ਰਚਨਾਂ ਕੀਤੀ । ਪਰ ਅਸੀਂ ਸੰਪ੍ਰਦਾਈ ਲੋਕਾਂ ਨਿਰਮਲੇ ਸਾਧਾਂ ਰਹਿਣ ਬ੍ਰਾਹਮਣ ਨੇ ਸੰਪ੍ਰਦਾਈ ਧਰਮ ਦਾ ਰੂਪ ਦੇ ਦਿੱਤਾ ਜਿਸਦਾ ਖਮਿਆਜ਼ਾ ਅਸੀਂ ਅੱਜ ਤਕ ਭੁਗਤ ਰਹੇ ਹਾਂ ਅਤੇ ਭੁਗਤਦੇ ਰਹਾਂਗੇ ਜਦ ਤੱਕ ਗੁਰਬਾਣੀ ਦੇ ਅਸਲ ਮਾਨਵ ਵਾਦ ਦੀ ਲਹਿਰ ਨੂੰ ਨਾ ਸਮਝਿਆ ਜਿਸ ਦੀ ਸਦਾ ਹੀ ਲੋੜ ਹੈ । ਕਿਓਂਕਿ ਸੰਪ੍ਰਦਾਈ ਧਰਮਾਂ ਵਿੱਚ ਸੁਧਾਰ ਦੀ ਆਸ -0% ਹੀ ਹੈ ਇਸਦਾ ਰੂਪ ਤੁਸੀਂ ਗੁਰਦਵਾਰਿਆਂ ਚ ਆਮ ਹੀ ਦੇਖ ਸਕਦੇ ਹੋ ਹਰ ਰੋਜ਼ ਕੋਈ ਨਵਾਂ ਕਰਮ-ਕਾਂਡ ਹੋ ਰਿਹਾ ਹੈ ਜਿਸਨੂੰ ਗੁਰਬਾਣੀ ਨਕਾਰਦੀ ਹੈ ।ਇਸਦਾ ਮਤਲਬ ਇਹ ਨਹੀਂ ਕਿ ਮੈਂ ਧਰਮ ਨੂੰ ਨਹੀਂ ਮੰਨਦਾ,ਪਰ ਮੈਂ ਗੁਰਬਾਣੀ ਦੇ ਮਾਨਵ ਧਰਮ ਨੂੰ ਮੰਨਦਾ ਹਾਂ ਜੋ ਪੂਰੀ ਸ੍ਰਿਸ਼ਟੀ ਨੂੰ ਆਪਣੇ ਕਲਾਵੇ ਵਿੱਚ ਲੈਂਦਾ ਹੈ ਉਹ ਹੈ .....
''ਸਰਬ ਧਰਮ ਮਹਿ ਸ੍ਰੇਸਟ ਧਰਮੁ ॥ਹਰਿ ਕੋ ਨਾਮੁ ਜਪਿ ਨਿਰਮਲ ਕਰਮੁ॥''
ਇਹ ਹੈ ਮਾਨਤਾ ਦਾ ਧਰਮ ਜੀ ਕਹਿੰਦਾ ਹੈ ਕਿ ....
'' ਸਭੇ ਸਾਂਝੀ ਵਾਲ ਸਦਾਇਨਿ ਤੂੰ ਕਿਸੈ ਨ ਦਿਸਹਿ ਬਾਹਰ ਜੀਉ ॥''
''ਏਕੁ ਪਿਤਾ ਏਕਸੁ ਕੇ ਹਮ ਬਾਰਿਕ ਤੂੰ ਮੇਰਾ ਗੁਰਹਾਈ॥''
ਸੰਪ੍ਰਦਾਈ ਸਿੱਖ ਧਰਮ ਵੱਲ ਨਿਗ੍ਹਾ ਮਾਰੋ ਇਸ ਵਿੱਚ ਸਿਵਾਏ ਨਿੱਜ ਦੇ ਹੋ ਕੁਝ ਨਜ਼ਰ ਨਹੀਂ ਆਉਂਦਾ, ਹਾਂ ਏਨਾ ਕੁ ਜਰੂਰ ਹੈ ਕਿ ਅਰਦਾਸ ਜੋ ਸਾਡੇ ਅੱਜ ਦੀ ਹੈ , ਵਿੱਚ ਅਖੀਰ ਤੇ ਗਲੀਂ ਬਾਤੀਂ ਸਰਬੱਤ ਦਾ ਭਲਾ ਜਰੂਰ ਕਹਿ ਲੈਂਦੇ ਹਾਂ
19th August 2016 9:59pm
Gravatar
Gurmit S Barsal (San jose, US)
ਏਕਤਾ ਦਾ ਮੁੱਦਾ !!
ਲੜਨਾਂ-ਲੜਾਉਣਾਂ ਸਾਡਾ ਕੰਮ ਮਿੱਤਰੋ,
ਲੜਦੇ-ਲੜਾਉੰਦੇ ਪਰਵਾਨ ਚੜਾਂਗੇ ।
ਇੱਕੋ ਰਾਹੇ ਵਾਲੇ ਭਾਵੇਂ ਹੋਣ ਕਾਫਲੇ,
ਇੱਕ ਦੂਜੇ ਵੱਲ ਕਰ ਪਿੱਠ ਖੜਾਂਗੇ ।
ਜਿੱਥੋਂ ਤੱਕ ਸੀਮਾ ਸਾਡੇ ਹੀ ਗਿਆਨ ਦੀ,
ਗੁਰਮਤਿ ਓਹੀਓ, ਅਸੀਂ ਦੱਸਾਂ ਪੜਾਂਗੇ ।
ਜਿਹੜਾ ਸਾਡੀ ਸੋਚ ਨਾਲੋਂ ਅੱਗੇ ਜਾਵੇਗਾ,
ਕਾਮਰੇਡੀ ਵਾਲੀ ਓਹਤੇ ਚੇਪੀ ਜੜਾਂਗੇ ।
ਸਾਡੇ ਜੋ ਵਿਰੋਧੀ ਉਹ ਤਮਾਸ਼ਾ ਵੇਹਣਗੇ,
ਇੱਕ ਦੂਜੇ ਦੀਆਂ ਜਦੋਂ ਲੱਤਾਂ ਫੜਾਂਗੇ ।
ਮਿਲਕੇ ਚੱਲਣ ਦੀ ਜੋ ਗੱਲ ਕਰੇਗਾ,
ਬੇਈਮਾਨੀ ਵਾਲਾ ਇਲਜਾਮ ਮੜਾਂਗੇ ।
ਆਖ ਨਿਰਮਾਣਤਾ ਤੇ ਨਿਸ਼ਕਾਮਤਾ,
ਨਿੱਜ ਉੱਚਾ ਕਰਨੇ ਦੀ ਨੀਤੀ ਘੜਾਂਗੇ ।
ਜਾਗਰੂਕ-ਜਾਗਰੂਕ ਖੇਡ ਖੇਡਾਂਗੇ,
ਜਾਗਰੁਕਤਾ ਦੇ ਘਰੇ ਨਹੀਂਓਂ ਵੜਾਂਗੇ ।
ਫੇਸਬੁਕ ਬਣੂੰਗੀ ਮੈਦਾਨ ਜੰਗ ਦਾ,
ਬੇ-ਦਲੀਲੇ ਮਾਰਕੇ ਕੁਮੈਂਟ ਦੜਾਂਗੇ ।
ਸਾਰੇ ਮੁੱਦਿਆਂ ਤੇ ਏਕਤਾ ਜੇ ਹੋ ਗਈ,
ਤਾਂ ਵੀ ਏਕਤਾ ਦੇ ਮੁੱਦੇ ਉੱਤੇ ਲੜਾਂਗੇ ।।
ਗੁਰਮੀਤ ਸਿੰਘ 'ਬਰਸਾਲ’ (ਕੈਲੇਫੋਰਨੀਆਂ)
8th August 2016 10:45am
Gravatar
TARANJIT S PARMAR (Nanaimo, Canada)
P.Gurbachan Singh Ji Da Es week Da Lekh jeonda Hi Marya Hoyea Bahut Vadhya Hai Sab Pathkaa Nu Dhyaan Naal Padh Ke Vicharna Chahyda Hai.Dhanvaad.
1st August 2016 7:39pm
Gravatar
Gurmit S Barsal (San jose, US)
ਗੁਰਦੁਆਰਾ ਚੋਣਾਂ !!
ਗੁਰਦੁਆਰੇ ਦੀਆਂ ਚੋਣਾਂ, ਜਦ ਤੋਂ ਆਈਆਂ ਨੇ ।
ਗੁਰਮਤਿ ਵਾਲੀਆਂ ਧੱਜੀਆਂ ਰੱਜ ਉਡਾਈਆਂ ਨੇ ।।
ਰਾਜਨੀਤੀ ਦੇ ਝੂਠੇ, ਪੈਂਤੜਿਆਂ ਨੇ ਆ,
ਸਿੱਖੀ ਅੰਦਰ ਕਿੱਲਾਂ ਖੂਬ ਵਿਛਾਈਆਂ ਨੇ ।
ਸੇਵਾ ਦਾ ਸੰਕਲਪ ਸਦਾ ਲਈ ਮੇਟਣ ਨੂੰ,
ਸੇਵਾਦਾਰੀਆਂ ਅਹੁਦਿਆਂ ਵਿੱਚ ਵਟਾਈਆਂ ਨੇ ।
ਚੌਧਰ ਵਾਲੇ ਨਸ਼ੇ ਨੂੰ ਪੂਰਿਆਂ ਕਰਨ ਲਈ,
ਚਾਣਕੀਆ ਦੀਆਂ ਨੀਤੀਆਂ ਸਭ ਅਪਣਾਈਆਂ ਨੇ ।
ਸੱਚਾ-ਝੂਠਾ ਵੋਟਾਂ ਦੇ ਨਾਲ ਲੱਭਣਾਂ ਹੈ,
ਧਰਮ ਤੇ ਨੀਤੀ ਇੱਕੋ ਰਸਤੇ ਪਾਈਆਂ ਨੇ ।
ਉਮੀਦਵਾਰਾਂ ਲਈ ਕੋਈ ਵੀ ਕਿਰਦਾਰ ਨਹੀਂ,
ਬਾਹਰੋਂ ਦਿਖਦੀਆਂ ਸ਼ਰਤਾਂ ਹੀ ਬਸ ਲਾਈਆਂ ਨੇ ।
ਗੋਲਕ ਸਾਂਭ ਕਮੇਟੀ ਹੱਥ ਵਿੱਚ ਰੱਖਣ ਲਈ,
ਰਾਜਨੀਤਕ-ਜੀ ਦੇਂਦੇ ਖੂਬ ਵਧਾਈਆਂ ਨੇ ।
ਰਾਜਨੇਤਾ ਨੂੰ ਜਿੱਤੇ ਹੋਏ ਸਨਮਾਨਣਗੇ,
ਨਿੱਜੀ ਹਿੱਤਾਂ ਖਾਤਿਰ ਯਾਰੀਆਂ ਲਾਈਆਂ ਨੇ ।
ਹਾਰਨ ਵਾਲੇ ਧੜੇ ਨੇ ਗੁੱਸਾ ਕੱਢਣ ਲਈ,
ਰਹਿੰਦੀ ਪਾਰੀ ਪੱਟਦੇ ਰਹਿਣਾ ਖਾਈਆਂ ਨੇ ।
ਹਰ ਵਾਰੀ ਸੰਗਤ ਧੜਿਆਂ ਵਿੱਚ ਵੰਡ ਹੁੰਦੀ,
ਛੱਡਕੇ ਮਿੱਠਤ ਪਿਆਰ ਨਫਰਤਾਂ ਛਾਈਆਂ ਨੇ ।
ਜੇਕਰ ਸਿੱਖਾਂ ਹੱਲ ਬਦਲਵਾਂ ਨਾਂ ਲੱਭਿਆ,
ਹੋਣੀਆਂ ਏਥੇ ਮੁੜ-ਮੁੜ ਜੱਗ ਹਸਾਈਆਂ ਨੇ ।।
ਗੁਰਮੀਤ ਸਿੰਘ ‘ਬਰਸਾਲ’ (ਕੈਲੇਫੋਰਨੀਆਂ)
30th July 2016 11:44am
Gravatar
Makhan Singh Purewal (Quesnel, Canada)
‘ਸਿੱਖ ਮਾਰਗ’ ਦੇ ਪਾਠਕਾਂ/ਲੇਖਕਾਂ ਦੀ ਜਾਣਕਾਰੀ ਲਈ ਇੱਕ ਵੀਡੀਓ ਲਿੰਕ ਪਾ ਰਿਹਾ ਹਾਂ। ਜਿਹੜਾ ਕਿ ਵਿਰਸਾ ਰੇਡੀਓ ਚਲਾਉਣ ਵਾਲੇ ਹਰਨੇਕ ਸਿੰਘ ਨਿਊਜ਼ੀਲੈਂਡ ਵਾਲਿਆਂ ਦਾ ਹੈ। ਉਂਜ ਤਾਂ ਮੈਂ ਪਹਿਲਾਂ ਵੀ ਕਈ ਵਾਰੀ ਦੱਸ ਚੁੱਕਾ ਹਾਂ ਅਤੇ ਹੁਣ ਫਿਰ ਦੁਹਰਾ ਦਿੰਦਾ ਹਾਂ ਕਿ ਮੇਰਾ ਜਾਂ ਸਿੱਖ ਮਾਰਗ ਦਾ ਫੇਸ-ਬੁੱਕ ਤੇ ਕੋਈ ਅਕਾਉਂਟ ਨਹੀਂ ਹੈ। ਮੈਂ ਥੋੜਾ ਕੁ ਚਿਰ ਉਥੇ ਅਕਾਉਂਟ ਖੋਲਿਆ ਸੀ ਵਰਤਦਾ ਭਾਵੇਂ ਕਦੀ ਕਤਾਈਂ ਹੀ ਸੀ। ਪਰ ਹੁਣ ਤਾਂ ਇੱਕ ਸਾਲ ਤੋਂ ਵੀ ਉਪਰ ਹੋ ਗਿਆ ਹੈ ਉਹ ਬੰਦ ਕਰ ਦਿੱਤਾ ਸੀ। ਇਸ ਲਈ ਫੇਸ-ਬੁੱਕ ਤੇ ਨਾ ਤਾਂ ਮੈਂ ਬਹੁਤਾ ਜਾਂਦਾ ਹਾਂ ਅਤੇ ਨਾ ਹੀ ਸਾਰਾ ਕੁੱਝ ਦੇਖ ਸਕਦਾ ਹਾਂ। ਸਿੱਧੇ ਕੁੱਝ ਲਿੰਕਾਂ ਤੇ ਕਦੀ-ਕਦੀ ਕਲਿਕ ਕਰਕੇ ਦੇਖ ਲੈਂਦਾ ਹਾਂ ਜਾਂ ਕਈ ਵਾਰੀ ਇੰਟਰਨੈੱਟ ਤੇ ਸਰਚ ਕਰਨ ਸਮੇਂ ਕੁੱਝ ਦੇਖਣ ਨੂੰ ਮਿਲ ਜਾਂਦਾ ਹੈ। ਕਈ ਵਾਰੀ ਇਹ ਪੇਜ਼ ਬੰਦ ਹੋ ਜਾਂਦੇ ਹਨ ਅਤੇ ਸਾਈਨ ਕਰਨ/ਲੌਗ ਕਰਨ ਦਾ ਇੱਕ ਸਨੇਹਾ ਸਕਰੀਨ ਉਪਰ ਤਾਂ ਹਰ ਵੇਲੇ ਆਇਆ ਰਹਿੰਦਾ ਹੈ। ਐਤਵਾਰ ਨੂੰ ਜਦੋਂ ਮੈਂ ਹਫਤਾਵਾਰੀ ਲੇਖ ਤਿਆਰ ਕਰਦਾ ਹਾਂ ਤਾਂ ਕੁੱਝ ਸਮੇਂ ਲਈ ਰੇਡੀਓ ਵੀ ਸੁਣ ਲੈਂਦਾ ਹਾਂ। ਜਿਨ੍ਹਾਂ ਵਿਚੋਂ ਕਦੀ ਕਦਾਂਈ ਇਹ ਨਿਊਜ਼ੀਲੈਂਡ ਵਾਲਿਆਂ ਦਾ ਵੀ ਸੁਣ ਲੈਂਦਾ ਹਾਂ।
1984 ਤੋਂ ਪਹਿਲਾਂ ਭਿਡਰਾਂਵਾਲੇ ਸਾਧ ਦੀਆਂ ਕੈਸੈਟ ਟੇਪਾਂ ਮੈਂ ਬਹੁਤ ਸਾਰੀਆਂ ਸੁਣੀਆਂ ਸਨ ਜਿਹਨਾ ਵਿੱਚ 35-35 ਹਿੰਦੂ ਮਾਰਨ ਦੀ ਗੱਲ ਕਈ ਵਾਰੀ ਕੀਤੀ ਹੋਈ ਸੁਣੀ ਸੀ। ਪਰ ਇੱਕ ਘੰਟੇ ਵਿੱਚ 5000 ਹਿੰਦੂ ਵੱਢਣ ਦੀ ਗੱਲ ਮੀਡੀਏ ਵਿੱਚ ਪੜ੍ਹੀ ਤਾਂ ਕਈ ਵਾਰੀ ਸੀ ਪਰ ਸੁਣੀ ਪਹਿਲੀ ਵਾਰੀ ਹੈ। ਪਾਠਕਾਂ ਦੀ ਜਾਣਕਾਰੀ ਲਈ ਇਹ ਲਿੰਕ ਪਾ ਰਿਹਾ ਹਾਂ। ਜੇ ਕਰ ਇਸ ਬਾਰੇ ਕਿਸੇ ਨੇ ਆਪਣੇ ਕੋਈ ਵਿਚਾਰ ਦੇਣੇ ਹੋਣ ਤਾਂ ਕਿਰਪਾ ਕਰਕੇ ਉਹ ਫੇਸ-ਬੁੱਕ ਦੇ ਦਿੱਤੇ ਹੋਏ ਲਿੰਕ ਤੇ ਜਾ ਕੇ ਕਰੇ ਇੱਥੇ ਨਹੀਂ। ਇਹ ਵੀਡੀਓ ਕਿਸ ਨੇ ਬਣਾ ਕੇ ਪਾਈ ਹੈ ਇਸ ਬਾਰੇ ਵੀ ਉਥੇ ਹੀ ਪੁੱਛਿਆ ਜਾ ਸਕਦਾ ਹੈ ਸਾਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਅਸੀਂ ਸਿਰਫ ਲਿੰਕ ਪਾ ਰਹੇ ਹਾਂ-ਧੰਨਵਾਦ।
https://www.facebook.com/RadioVirsaNZ

https://www.facebook.com/harnek.singhnewzealand/videos/1431897436826214/

30th July 2016 3:47am
Page 30 of 53

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
How many letters are in the word two?
 
Enter answer:
 
Remember my form inputs on this computer.
 
 
Powered by Commentics

.