.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1337)

Topic: Tuhada Apna
Sort
First < 1 2 3 4 5 > Last
Facebookdel.icio.usStumbleUponDiggGoogle+TwitterLinkedIn
Gravatar
anonymus (anonymus, India)
ਹੇਮਕੁੰਟ(Concept of hemkunt): ਹੇਮਕੁੰਟ ਇੱਕ ਬ੍ਰਾਹਮਣ ਦੀ ਚਾਲ ਹੈ। ਬ੍ਰਾਹਮਣ ਧਰਮ ਹਰ ਧਰਮ ਨੂੰ ਨਿਗਲਣ ਦੀ ਕੋਸ਼ਿਸ਼ ਕਰਦਾ ਹੈ। ਮੈਂ ਇਥੇ ਕੁਛ ਕੁ ਉਦਾਹਰਨ ਦਿਤੀਆਂ ਹਨ। ਸਮਝਣ ਦੀ ਕੋਸ਼ਿਸ਼ ਕਰੋ।

1) ਬਾਲਮੀਕ ਕੌਮ, ਜਿਸਨੂੰ ਇਹ ਭੀਲ ਕਹਿੰਦੇ ਸੀ। ਓਹਨਾ ਨੂ ਬਾਲਮੀਕ ਪਿੱਛੇ ਲੱਗਾ ਦਿੱਤਾ। ਤੇ ਬਾਲਮੀਕ ਬ੍ਰਾਹਮਣ ਦੇ ਕਬਜੇ ਵਿੱਚ ਹੈ।

2) ਬ੍ਰਾਹਮਣ ਧਰਮ ਵਾਲੇ ਅਫ਼ਵਾਹ ਫੈਲਾਉਂਦੇ ਹਨ ਕਿ ਮੱਕੇ ਵਿੱਚ ਸ਼ਿਵਲਿੰਗ ਹੈ। ਤੇ ਦੂਜੇ ਪਾਸੇ ਸ਼ਿਵ ਤੇ ਇਹਨਾਂ ਦਾ ਕਬਜ਼ਾ ਹੈ।

3) ਯਾਦਵ ਨੂੰ ਇਹ ਕ੍ਰਿਸ਼ਨ ਦੇ ਪਿਛੇ ਲੱਗਾ ਕੇ ਆਪਣੇ ਪਿੱਛੇ ਲਗਾਉਂਦੇ ਹਨ।

4) ਜੱਟਾਂ ਨੂੰ ਕਹਿੰਦੇ ਹਨ ਕਿ ਆਬੂ ਪਰਬਤ ਤੇ ਇੱਕ ਯੱਗ ਸਮੇ ਸ਼ਿਵਜੀ ਨੇ ਜ਼ਮੀਨ ਵਿੱਚ ਆਪਣੀ ਜੱਟ(ਵਾਲ) ਮਾਰੀ ਸੀ। ਜੱਟ ਉਥੋਂ ਪੈਦਾ ਹੋਏ ਆ।(ਭਾਗਵਤ ਪੁਰਾਨ ਪੜ੍ਹੋ)

5) ਸਿਧਾਰਥ ਬੋਧ, ਨੂੰ ਇਹ ਵਿਸ਼ਨੂੰ ਦਾ ਅਵਤਾਰ ਕਹਿੰਦੇ ਹਨ

6) ਕ੍ਰਿਸਚਨਿਟੀ ਨੂੰ ਕਹਿੰਦੇ ਹਨ ਕਿ ਇਹ ਸ਼ਬਦ ਕ੍ਰਿਸ਼ਨਾ ਨੀਤੀ ਤੋਂ ਆਇਆ ਹੈ।

7) ਤਰਖਾਣਾਂ ਨੂੰ ਕਹਿੰਦੇ ਹਨ ਕਿ ਵਿਸ਼ਵਕਰਮਾ ਤੁਹਾਡਾ ਬਜ਼ੁਰਗ ਸੀ। ਇਹ ਲੋਕ ਇਸਦੀ ਪੂਜਾ ਵੀ ਕਰਦੇ ਆ ਦੀਵਾਲੀ ਤੋਂ ਦੂਜੇ ਦਿਨ।

8)ਰਾਜ ਮਿਸਤਰੀਆਂ ਨੂੰ ਕਹਿੰਦੇ ਆ ਕੇ ਨਲ ਤੇ ਨੀਲ , ਜੋ ਵਿਸ਼ਕਰਮਾ ਦੇ ਮੁੰਡੇ ਸੀ ਤੁਹਾਡੇ ਗੁਰੂ ਹਨ। ਇਹ ਉਹੀ ਲੋਕ ਹਨ ਜਿੰਨਾਂ ਨੇ ਰਾਜਾ ਰਾਮ ਚੰਦਰ ਨੂੰ ਲੰਕਾ ਤੱਕ ਦਾ ਪੁਲ ਬਣਾ ਕੇ ਦਿੱਤਾ ਸੀ।

9) ਸਿੱਖਾਂ ਨੂੰ ਭਾਈ ਬਾਲੇ ਵਾਲੀ ਸਾਖੀ ਵਿੱਚ ਕਹਿੰਦੇ ਆ ਕੇ ਗੁਰੂ ਨਾਨਕ ਸਾਹਿਬ ਰਾਜਾ ਜਨਕ ਦਾ ਅਵਤਾਰ ਸੀ। ਐਵੇ ਦੀਆਂ ਅਵਤਾਰ ਵਾਲੀਆਂ ਗੱਲਾਂ ਤੁਹਾਨੂੰ ਦਮਦਮੀ ਟਕਸਾਲ ਦੀ ਕਿਤਾਬ ਗੁਰਬਾਣੀ ਪਾਠ ਦਰਪਣ ਵਿੱਚੋ ਸ਼ੁਰੂ ਵਿੱਚ ਮਿਲ ਜਾਣਗੀਆਂ। ਤੁਹਾਨੂੰ ਪਤਾ ਲੱਗ ਜਾਵੇਗਾ ਕਿ ਪੰਜ ਪਿਆਰਿਆ ਤੱਕ ਕਿਵੇ ਬ੍ਰਾਹਮਣ ਧਰਮ ਨਾਲ ਰੂਟ ਜੋੜੇ ਜਾਂਦੇ ਆ।

10) ਬਚਿਤਰ ਨਾਟਕ ਵਿੱਚ ਇਹ ਸਿੱਖ ਗੁਰੂਆਂ ਨੂੰ ਪਾਂਡਵ ਰਾਜੇ ਤੇ ਰਾਜਾ ਰਾਮ ਨਾਲ ਜੋੜਦਾ ਹੈ। ਪਾਂਡਵ ਤੇ ਰਾਜਾ ਰਾਮ ਸੱਭ ਕਾਲਪਨਿਕ ਕਹਾਣੀਆਂ ਦੇ ਪਾਤਰ ਹਨ। ਰਾਜਾ ਰਾਮ ਨੂੰ ਗੁਰੂ ਸਹਿਬਾਨ ਦਾ ਬਜ਼ੁਰਗ ਦੱਸਿਆ ਹੈ ਤੇ ਪਾਂਡਵ ਰਾਜਿਆਂ ਨਾਲ ਗੁਰੂ ਸਾਹਿਬ ਨੇ ਬੈਠ ਕੇ ਤਪੱਸਿਆ ਕੀਤੀ ਹੈ। ਇਹ ਲੋਕ ਕਿਸੇ ਵੀ ਇਤਿਹਾਸ ਦੀ ਕਿਤਾਬ ਵਿੱਚ ਨਹੀਂ ਮਿਲਦੇ । ਹੋ ਸਕਦਾ bjp rss ਵਾਲੇ ਨਵਾਂ ਇਤਿਹਾਸ ਲਿਖ ਕੇ ਉਸ ਵਿਚ ਪਾ ਲੈਣ।

ਭਾਰਤ ਦਾ ਸੱਭ ਤੋਂ ਪਹਿਲਾਂ ਬ੍ਰਾਹਮਣ ਰਾਜਾ ਪੁਸ਼ਪ ਮਿੱਤਰ ਸ਼ੁੰਗ ਹੈ। ਉਸਤੋਂ ਪਹਿਲਾ ਮੌਰੀਆ ਵੰਸ਼ ਸੀ। ਬ੍ਰਾਹਮਣ ਧਰਮ ਦਾ ਇਹੀ ਇਤਿਹਾਸ ਹੈ। ਸਿੰਧੂ ਘਾਟੀ ਦੀ ਸੱਭਿਅਤਾ ਵੇਲੇ ਬ੍ਰਾਹਮਣ ਧਰਮ ਏਥੇ ਨਹੀਂ ਸੀ। ਬਰਾਹਮਣ ਧਰਮ ਜੋ ਕੇ 2500 ਕੁ ਸਾਲ ਪੁਰਾਣਾ ਹੈ, ਉਹ ਆਪਣੇ ਆਪ ਨੂੰ ਸੱਭ ਤੋਂ ਪੁਰਾਣਾ ਧਰਮ ਸਾਬਿਤ ਕਰਨ ਵਿੱਚ ਲੱਗਾ ਹੋਇਆ ਹੈ। ਹਰ ਧਰਮ ਨੂੰ ਆਪਣੀ ਬ੍ਰਾਂਚ ਦੱਸਣ ਲਈ ਉਸਨੂੰ ਖ਼ੁਦ ਨੂੰ ਸੱਭ ਤੋਂ ਪੁਰਾਣਾ ਧਰਮ ਸਿੱਧ ਕਰਨ ਤੇ ਲੱਗਾ ਹੋਇਆ ਹੈ
#hemkunt #sikh #balmik #guru #nanak #bala #jatt #yadav
22nd April 2020 11:45am
Gravatar
anonymus (anonymus, India)
*ਜਬ ਆਏਗਾ ਵੀਹ ਸੌ ਬੀਸਾ, ਨਾ ਰਹੇਗਾ ਹਜ਼ਰਤ ਨਾ ਰਹੇਗਾ ਈਸਾ*
ਅੱਜ ਕਲ ਸੋਸਿਲ ਮੀਡਿਆ ਤੇ ਇੱਕ ਗੱਲ ਬਹੁਤ ਘੁੰਮ ਰਹੀ ਹੈ, ਜਿਸ ਵਿਚ ਲਿਖਿਆ ਹੈ ਜਬ ਆਏਗਾ ਵੀਹ ਸੌ ਬੀਸਾ, ਨਾ ਰਹੇਗਾ ਹਜ਼ਰਤ ਨਾ ਰਹੇਗਾ ਈਸਾ| ਇਸਨੂੰ ਬਹੁਤ ਲੋਕ ਜੋ ਉਲਕਾ ਧਰਤੀ ਨਾਲ ੨੭ ਅਪ੍ਰੈਲ ਟਕਰਾਉਣ ਵਾਰੇ ਗੱਲ ਹੋ ਰਹੀ ਹੈ ਉਸ ਨਾਲ ਜੋੜ ਕੇ ਦੇਖ ਰਹੇ ਹਨ| ਬਹੁਤ ਸਾਰੇ ਇਹ ਗੱਲ ਲਿਖ ਰਹੇ ਹਨ ਕੇ ਇਹ ਗੁਰੂ ਗਰੰਥ ਸਾਹਿਬ ਵਿਚ ਲਿਖੀ ਹੈ ਕੁਛ ਲੋਕ ਕਹਿ ਰਹੇ ਹਨ ਕਿ ਇਹ ਸੌ ਸਾਲਾ ਸਾਖੀ ਵਿੱਚ ਲਿਖੀ ਹੈ।

ਮੈਂ ਇਥੇ ਇਹ ਗੱਲ ਦੱਸਣੀ ਚਾਹੁੰਦਾ ਹਾਂ ਕੇ ਇਹੋ ਜਿਹੀ ਗੱਲ ਗੁਰੂ ਗਰੰਥ ਸਾਹਿਬ ਵਿਚ ਕਿਤੇ ਵੀ ਨਹੀਂ ਲਿਖੀ| ਗੁਰੂ ਗਰੰਥ ਸਾਹਿਬ ਦਾ ਉਪਦੇਸ਼ ਸਾਰੀ ਮਨੁੱਖਤਾ ਲਈ ਸਾਂਝਾ ਹੈ| ਕਿਸੇ ਖਾਸ ਧਰਮ ਨੂੰ ਕਿਸੇ ਖਾਸ ਸਮੇ ਤੇ ਮਰਨ ਲਈ ਨਹੀਂ ਕਿਹਾ| ਇਸਦਾ ਕਾਰਨ ਲੋਕਾਂ ਦਾ ਖੁਦ ਗੁਰਬਾਣੀ ਨਾ ਪੜਨਾ ਹੈ| ਇਸ ਕਰਕੇ ਹੀ ਓਹਨਾ ਨੂੰ ਇਹ ਨਹੀਂ ਪਤਾ ਹੁੰਦਾ ਕੇ ਗੁਰੂ ਗਰੰਥ ਸਾਹਿਬ ਵਿਚ ਕੀ ਲਿਖਿਆ ਹੈ ਤੇ ਕੀ ਨਹੀਂ ਲਿਖਿਆ |

ਦੂਜੀ ਗੱਲ ਹੋਰ ਦੱਸਣਾ ਚਾਹੁੰਦਾ ਹਾਂ ਕੇ ਜੋ ਇਹ ਸਾਲ ੨੦੨੦ ਚੱਲ ਰਿਹਾ ਹੈ ਉਹ ਗ੍ਰੋਗਰੀਆਨ ਕੈਲੰਡਰ ਦੇ ਹਿਸਾਬ ਨਾਲ ਹੈ| ਗੁਰੂ ਗਰੰਥ ਸਾਹਿਬ ਵਿਚ ਆਖ਼ਰ ਵਾਰ ਕੁਛ ਲਿਖਿਆ ਗਿਆ ਸੀ ਉਹ ਨੌਵੇਂ ਗੁਰੂ ਸਾਹਿਬ ਜੀ ਦੀ ਬਾਣੀ ਸੀ ਜੋ ਕੇ ਗੁਰੂ ਗੋਬਿੰਦ ਸਿੰਘ ਜੀ ਨੇ ਲਿਖੀ ਸੀ| ਚਾਹੇ ਇਹ ਕੈਲੰਡਰ ਬਹੁਤ ਪੁਰਾਣਾ ਹੈ, ਪਰ ਪੰਜਾਬ ਵਿਚ ਇਹ ਅੰਗਰੇਜ਼ਾਂ ਦੇ ਆਉਣ ਤੋਂ ਬਾਅਦ ਆਇਆ ਹੈ| ਮਤਲਬ ੧੮੪੯ ਤੋਂ ਬਾਅਦ| ਗੁਰੂ ਸਾਹਿਬਾਨ ਦੇ ਸਮੇ ਬਿਕ੍ਰਮੀ ਤੇ ਹਿਜਰੀ ਕੈਲੰਡਰ ਹੀ ਪ੍ਰਚਲਿਤ ਸਨ| ਇਸ ਸਮੇ ਹਿਜਰੀ ਸਨ ੧੪੪੧ ਚੱਲ ਰਿਹਾ ਹੈ ਤੇ ਬਿਕ੍ਰਮੀ ਸੰਮਤ ੨੦੭੭| ਇਸ ਲਈ ਇਹ ਪੰਕਤੀ ਗੁਰੂ ਸਹਿਬਾਨ ਦੀ ਲਿਖੀ ਨਹੀਂ ਹੋ ਸਕਦੀ। ਅਗਰ ਇਹ ਸੌ ਸਾਲਾ ਸਾਖੀ ਵਿੱਚ ਲਿਖੀ ਹੈ ਤਾਂ ਇਸਤੋਂ ਅੰਦਾਜ਼ਾ ਲਗਾ ਸਕਦੇ ਹਾਂ, ਕੇ ਓਹ ਕਦੋ ਕੁ ਲਿਖੀ ਗਈ। ਅਸਲ ਵਿੱਚ ਇਹ ਕਿਸੇ ਨੇ ਜਨਤਾ ਨੂੰ ਮੂਰਖ ਬਣਾਉਣ ਲਈ ਲਿਖੀ ਹੋਈ ਹੈ|
#2020
22nd April 2020 11:44am
Gravatar
anonymus (anonymus, India)
ਪੈਂਚਕਾਂ ਕੀ ਹੁੰਦੀਆਂ ਹਨ? (What are the panchak?)

ਮੈਂ ਇਸ ਵਿੱਚ ਵਿਸਥਾਰ ਨਾਲ ਸਮਝਾਉਂਗਾ ਕੇ ਪੈਂਚਕਾਂ ਕੀ ਹੁੰਦੀਆਂ ਹਨ। ਜੋਤਿਸ਼ ਤੇ ਬ੍ਰਾਹਮਣ ਧਰਮ ਵਿੱਚ ਇਹਨਾਂ ਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ। ਏਥੋਂ ਤੱਕ ਕੇ ਕਈ ਗੁਰਦਵਾਰਿਆਂ ਦੇ ਪਾਠੀ ਵੀ ਜੰਤਰੀ ਦੇਖ ਕੇ ਪੈਂਚਕਾਂ ਵਾਰੇ ਲੋਕਾਂ ਨੂੰ ਦੱਸਦੇ ਹਨ।

ਪੈਂਚਕਾਂ ਦਾ ਸੰਬੰਧ ਚੰਦਰਮਾਂ ਦੇ ਨਾਲ ਹੈ। ਇਹਨਾਂ ਨੂੰ ਸਮਝਣ ਤੋਂ ਪਹਿਲਾਂ ਇਹ ਗੱਲ ਚੰਗੀ ਤਰ੍ਹਾਂ ਪਤਾ ਹੋਣੀ ਚਾਹੀਦੀ ਹੈ ਕੇ ਚੰਦਰਮਾ ਧਰਤੀ ਦਾ ਚੱਕਰ 27.3 ਕੁ ਦਿਨਾਂ ਵਿੱਚ ਲਗਾਉਂਦਾ ਹੈ।
ਪਰ ਧਰਤੀ ਤੋਂ ਇਸ ਤਰ੍ਹਾਂ ਲੱਗਦਾ ਹੈ ਕੇ ਚੰਦਰਮਾ ਇੱਕ ਖ਼ਾਸ ਰਸਤਾ follow ਕਰਦਾ ਹੈ। ਉਸ ਰਸਤੇ ਤੇ 27 ਤਾਰਿਆਂ ਦੇ ਝੁੰਡ ਜੋ ਕੇ ਖ਼ਾਸ ਆਕ੍ਰਿਤੀਆਂ ਵਿੱਚ ਹਨ ਉਹਨਾਂ ਨੂੰ ਨਛੱਤਰ ਕਹਿੰਦੇ ਹਨ।

ਚੰਦਰਮਾ ਇੱਕ ਦਿਨ ਇੱਕ ਨਛੱਤਰ ਵਿੱਚ ਗੁਜ਼ਾਰਦਾ ਹੈ। ਬ੍ਰਾਹਮਣ ਧਰਮ ਤੇ ਜੋਤਿਸ਼ ਵਿੱਚ ਇਹਨਾਂ ਨਛੱਤਰਾਂ ਨੂੰ ਚੰਦਰਮੇ ਦੀਆਂ ਪਤਨੀਆਂ ਕਿਹਾ ਜਾਂਦਾ ਹੈ। ਤੇ ਇਹ ਮੰਨਿਆ ਜਾਂਦਾ ਹੈ ਕੇ ਚੰਦਰਮਾ ਜਿਸ ਨਛੱਤਰ ਵਿੱਚ ਹੋਵੇ ਉਸ ਦਿਨ ਓਹੀ ਨਛੱਤਰ ਹੁੰਦਾ ਹੈ।

ਪੰਜ ਨਛੱਤਰ ਜਿਨ੍ਹਾਂ ਦੇ ਨਾਮ ਹਨ ਧਨਿਸ਼ਠਾ, ਸਤਭਿਸ਼ਾ, ਪੂਰਵ ਭਾਦ੍ਰਪਦ, ਉੱਤਰ ਭਾਦ੍ਰਪਦ ਤੇ ਰੇਵਤੀ, ਨੂੰ ਪੈਂਚਕਾਂ ਕਿਹਾ ਜਾਂਦਾ ਹੈ। ਇਹਨਾਂ ਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ।

ਵਿਗਿਆਨਿਕ ਪੱਖ: ਇਹਨਾਂ ਨਛੱਤਰਾਂ ਦਾ ਇਨਸਾਨਾਂ ਨਾਲ ਕੋਈ ਸਬੰਧ ਨਹੀਂ ਹੈ। ਇਹਨਾਂ ਦੇ ਤਾਰੇ ਲੱਖਾਂ ਪ੍ਰਕਾਸ਼ ਸਾਲ ਦੂਰ ਹਨ। ਬਹੁਤ ਸਾਰੇ ਤਾਰੇ ਖ਼ਤਮ ਵੀ ਹੋ ਚੁੱਕੇ ਹਨ। ਸਿਰਫ਼ ਇਨਸਾਨਾਂ ਨੂੰ ਮੂਰਖ ਬਣਾਉਣ ਲਈ ਇਹਨਾਂ ਨੂੰ ਇਨਸਾਨਾਂ ਨਾਲ ਜੋੜਿਆ ਜਾਂਦਾ ਹੈ।

ਅਗਰ ਇਹਨਾਂ ਚੀਜ਼ਾਂ ਨੂੰ ਵਧੀਆ ਤਰੀਕੇ ਨਾਲ ਸਮਝਣਾ ਹੋਵੇ ਤਾਂ starwalk, ਜਾਂ ਫਿਰ satellerium ਨਾਮ ਦਾ software ਆਪਣੇ ਮੋਬਾਇਲ ਵਿੱਚ ਇੰਸਟਾਲ ਕਰਕੇ ਦੇਖੋ।

ਇਸ msg ਨੂੰ ਕਾਪੀ paste ਕਰਕੇ ਅੱਗੇ ਭੇਜੋ
22nd April 2020 11:43am
Gravatar
anonymus (anonymus, India)
*ਹਿੰਦੂ ਸਿਖਾਂ ਨੂੰ ਆਪਣਾ ਹਿੱਸਾ ਕਿਉਂ ਮੰਨਦੇ ਹਨ(Why hindus try to prove that sikhism is a branch of hinduism)?*
ਆਪਾ ਬਹੁਤ ਵਾਰ ਦੇਖਦੇ ਹਾਂ ਕੇ ਹਿੰਦੂ ਸਿਖਾਂ ਨੂੰ ਆਪਣਾ ਹਿੱਸਾ ਹੀ ਸਿੱਧ ਕਰਨ ਤੇ ਲੱਗੇ ਰਹਿੰਦੇ ਹਨ| ਅੱਜ ਮੈਂ ਆਪਣੇ ਵਿਚਾਰ ਤੁਹਾਡੇ ਨਾਲ ਸਾਂਝੇ ਕਰਨ ਜਾ ਰਿਹਾ ਹਾਂ| ਗੱਲ ਇਹ ਹੈ ਕੇ ਜਦੋਂ ਉਹ ਆਪਣਾ ਇਤਿਹਾਸ ਪੜ੍ਹਦੇ ਆ ਤਾਂ ਪਤਾ ਲੱਗਦਾ ਹੈ ਕੇ ਕਦੀ ਮੋਹੰਮਦ ਬਿਨ ਕਾਸਿਮ ਨੇ ਜੁੱਤੀ ਫੇਰੀ ਆ, ਕਦੀ ਗ਼ਜ਼ਨਵੀ ਨੇ ਕਦੀ ਗੌਰੀ ਨੇ ਕਦੀ ਖ਼ਿਲਜੀ ਨੇ ਕਦੀ ਅਬਦਾਲੀ ਨੇ ਕਦੀ ਬਾਬਰ ਨੇ ਕਦੀ ਤੈਮੂਰ ਨੇ। ਲਿਸਟ ਬਹੁਤ ਵੱਡੀ ਆ।

ਇਹ ਗੱਲਾਂ ਸੋਚ ਕੇ ਉਹਨਾਂ ਦੇ ਦਿਮਾਗ ਵਿੱਚ ਇੱਕ ਹੀਣਤਾ ਭਰ ਜਾਂਦੀ ਹੈ। ਇਸ ਹੀਣਤਾ ਨੂੰ ਦੂਰ ਕਰਨ ਲਈ ਉਹ ਸਿੱਖਾਂ ਨੂੰ ਹਿੰਦੂ ਬਣਾਉਂਦੇ ਹਨ। ਉਹਨਾਂ ਦੇ ਵਿੱਚ ਹਉਮੈਂ ਵੀ ਹੈ ਜੋ ਓਹਨਾ ਨੂ ਆ ਕੇ ਸਿੱਧਾ ਸਿੱਖ ਬਣਨ ਤੋਂ ਰੋਕਦੀ ਹੈ। ਇਸਦਾ ਇਲਾਜ ਇਹੀ ਹੈ ਕੇ ਉਹਨਾਂ ਨੂੰ ਇਹ ਸਿੱਧ ਕਰ ਦਿਓ ਕੇ ਓਹ ਸਾਡੇ ਵਿੱਚੋਂ ਹੀ ਹਨ।

ਇਸ ਨਾਲ ਜਦੋ ਇਹਨਾਂ ਦੇ ਇਤਿਹਾਸ ਵਿਚ ਸਿੱਖ ਇਤਿਹਾਸ ਰਲ ਜਾਂਦਾ ਹੈ ਤਾਂ ਹੀਣਤਾ ਵੀ ਘਟ ਜਾਂਦੀ ਹੈ। ਇਹ ਉਸ ਤਰ੍ਹਾਂ ਦੀ ਗੱਲ ਹੈ ਜਿਵੇ ਕਿਸੇ ਪਿੰਡ ਵਿੱਚ ਕੋਈ ਵਧੀਆ ਰੁਤਵੇ ਤੇ ਪੁਹੰਚ ਜਾਵੇ ਤਾਂ ਬਾਕੀ ਪਿੰਡ ਵਾਲੇ ਜੋ ਨਿਕੰਮੇ ਵੀ ਹੁੰਦੇ ਹਨ ਕਈ, ਉਹ ਦੱਸਣ ਲੱਗ ਜਾਂਦੇ ਹਨ ਕਿ ਇਹ ਸਾਡੇ ਵਿੱਚੋ ਹੀ ਹੈ ਜਾਂ ਜਾਣਦਾ ਹੈ ਸਾਨੂੰ, ਵਗੈਰਾ ਵਗੈਰਾ।

ਮੈਂ ਜਿੰਨੇ ਵੀ ਉੱਤੇ ਜੁੱਤੀ ਫੇਰਨ ਵਾਲਿਆ ਦੇ ਨਾਮ ਲਿਖੇ ਹੋਏ ਆ ਇਹ ਸਾਰੇ ਮੁਸਲਮਾਨ ਧਰਮ ਤੋਂ ਹਨ। ਇਸ ਹੀਣਤਾ ਦੀ ਵਜ੍ਹਾ ਕਰਕੇ ਇਹ ਓਹਨਾ ਨੂੰ ਹੁਣ ਵੀ ਨਫਰਤ ਕਰਦੇ ਹਨ। ਸਿੱਖ ਇਤਿਹਾਸ ਵੀ ਇਹਨਾਂ ਦੇ ਤਸ਼ੱਦਦ ਨਾਲ ਭਰਿਆ ਹੋਇਆ ਹੈ, ਪਰ ਨਾਲ ਠੋਕਵਾ ਜਵਾਬ ਵੀ ਦਿੰਦੇ ਰਹੇ ਹਨ। ਇਸ ਲਈ ਇਹ ਹੀਣਤਾ ਦਾ ਸ਼ਿਕਾਰ ਨਹੀਂ ਹਨ। ਅਸਲ ਵਿੱਚ ਜੋ ਦੂਜੀ ਖ਼ਾਸ ਗੱਲ ਹੈ ਉਹ ਹੈ ਕੇ ਸਿੱਖ ਦਾ ਪਾਲਣ ਪੋਸ਼ਣ ਨਾ ਕੋਈ ਬੈਰੀ ਨਾਹੀ ਬੇਗਾਨਾ, ਸਗਲ ਸੰਗ ਹੰਮ ਕੋ ਬਨ ਆਈ ਦੀ ਵਿਚਾਰਧਾਰਾ ਵਿੱਚ ਹੁੰਦਾ ਹੈ। ਇਸ ਲਈ ਇਹ ਚੀਜ਼ਾਂ ਫਰਕ ਨਹੀਂ ਪਾਉਂਦੀਆਂ।

ਮਰਾਠਾ ਇੱਕ ਸ਼ੂਦਰ ਕੌਮ ਹੈ। ਬ੍ਰਾਹਮਣਾਂ ਨੇ ਸ਼ਿਵਾ ਜੀ ਮਰਾਠਾ ਨੂੰ ਰਾਜ ਤਿਲਕ ਦੇਣ ਤੋਂ ਵੀ ਇਨਕਾਰ ਕਰ ਦਿੱਤਾ ਸੀ। ਪਰ ਕਾਫ਼ੀ ਸ਼ਰਤਾਂ ਰੱਖ ਕੇ ਰਾਜ ਤਿਲਕ ਦਿੱਤਾ ਸੀ। ਇਹ ਇਹਨਾਂ ਨੂੰ ਵੀ ਹਿੰਦੂ ਬਣਾ ਕੇ ਦਿਖਾਉਂਦੇ ਹਨ। ਮੇਰਾ ਇੱਕ ਦੋਸਤ ਜੋ ਮਰਾਠਾ ਹੈ, ਇੱਕ ਵਾਰ ਕਹਿੰਦਾ ਸੀ ਕਿ ਅਸੀਂ ਸ਼ੂਦਰ ਸੀ ਪਰ ਅਸੀਂ ਖੱਤਰੀ ਬਣ ਗਏ ਸੀ। ਮਰਾਠੇ ਦਾ ਇਤਿਹਾਸ ਜੋੜ ਕੇ ਇਹਨਾਂ ਦੀ ਹੀਣਤਾ ਘਟ ਹੁੰਦੀ ਹੈ। ਇਸ ਲਈ ਉਹ ਜੋੜਦੇ ਹਨ।

ਭਾਰਤ ਇੱਕ ਸੂਰਵੀਰਾਂ ਦੀ ਧਰਤੀ ਹੈ, ਤੇ ਇਹ ਇੱਕ ਮਾਣ ਵਾਲੀ ਗੱਲ ਲਗਦੀ ਹੈ। ਇਸ ਵਿੱਚ ਜਿੰਨੇ ਵੀ ਸੂਰਵੀਰ ਗਿਣੇ ਜਾਂਦੇ ਹਨ, ਇਹ ਉਸ ਸਮੇ ਦੇ ਹਨ ਜਦੋਂ ਭਾਰਤ ਦੇਸ਼ ਦਾ ਕੋਈ ਨਾਮੋਨਿਸ਼ਾਨ ਨਹੀਂ ਸੀ। ਓਹਨਾ ਸੂਰਵੀਰਾਂ ਵਿੱਚ ਪ੍ਰਿਥਵੀਰਾਜ ਚੌਹਾਨ ਦਾ ਨਾਮ ਲੈਂਦੇ ਹਨ। ਜਿਸਨੂੰ ਰਾਜ ਤਿਲਕ ਨਹੀਂ ਦਿੰਦੇ ਸੀ, ਮਤਲਬ ਸ਼ਿਵਾ ਜੀ ਮਰਾਠਾ ਦਾ ਨਾਮ ਲੈਂਦੇ ਹਨ ਅਤੇ ਗੁਰੂ ਗੋਬਿੰਦ ਸਿੰਘ ਜੀ ਤੇ ਸਿੱਖ ਸੂਰਵੀਰਾਂ ਦਾ ਵੀ। ਇਸ ਲਈ ਗੁਰੂ ਸਹਿਬਾਨ ਤੇ ਹੋਰ ਸਿੱਖ ਸੂਰਮਿਆਂ ਤੇ ਮਾਣ ਕਰਨ ਲਈ ਉਹਨਾਂ ਨੂੰ ਆਪਣਾ ਅੰਗ ਬਣਾ ਕੇ ਪੇਸ਼ ਕਰਨਾ ਬਹੁਤ ਜਰੂਰੀ ਹੈ। ਜੋ ਇਹ ਕਰਦੇ ਨੇ

ਇਸਨੂੰ ਅੱਗੇ share ਕਰੋ ਜੀ
22nd April 2020 10:01am
Gravatar
Dr Dalvinder Singh Grewal (Ludhiana, India)
ਤੇਰੀ ਕੀ ਔਕਾਤ ਹੈ ਬੰਦਿਆ
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਸਾਰੀ ਦੁਨੀਆਂ ਹਿਲਣੋਂ ਹਾਰੀ, ਕੀਤੀ ਵੱਸ ਕਰੋਨਾ ਨੇ।
ਚੀਨੀ ਚਮਗਿੱਦੜ ਦਾ ਜੰਮਿਆਂ, ਚੀਨ ਨੂੰ ਹੀ ਲਾ ਸੇਕ ਗਿਆ,
ਤਾਕਤਵਰ ਅਮਰੀਕਾ ਇਸ ਦੇ, ਅੱਗੇ ਗੋਡੇ ਟੇਕ ਗਿਆ।
ਯੂਰਪ ਵਿਚ ਵੀ ਲੱਖਾਂ ਦੇ ਵਿੱਚ, ਦਿੱਤੇ ਡੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਕਾਰਾਂ, ਗੱਡੀਆਂ, ਉੜਣ-ਖਟੋਲੇ, ਸਾਰੇ ਬੰਦ ਕਰਾ ਦਿੱਤੇ,
ਸ਼ਿਪ-ਕਿਸ਼ਤੀਆਂ, ਪਣਡੁਬੀਆਂ ਨੂੰ ਇਸ ਨੇ ਜਿੰਦਰੇ ਲਾ ਦਿੱਤੇ।
ਕੋਈ ਯਾਤਰੂ ਹੋਣ ਨਾ ਦਿਤਾ, ਟੱਸ ਤੋਂ ਮੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਘਰ ਵਿੱਚ ਕੀਤੇ ਬੰਦ ਸੱਭ ਲੋਕੀ, ਬਾਹਰ ਨਾ ਕੋਈ ਆਇਓ ਜੀ।
ਮਿਲਣਾ ਜੇ ਤਾਂ ਰੱਖ ਫਾਸਲਾ, ਮੂੰਹ ਤੇ ਪੱਟੀ ਪਾਇਓ ਜੀ।
ਜਿਵੇਂ ਸ਼ਿਕੰਜੇ ਵਿੱਚ ਕਸੀ ਦਾ, ਦਿੱਤਾ ਕਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਬੁੱਢੇ ਪਹਿਲਾਂ, ਬੱਚੇ ਪਿੱਛੋਂ, ਵਾਰੀ ਫੇਰ ਅੱਧਖੜਾਂ ਦੀ।
ਗਲੀਆਂ ਵਿੱਚ ਨਿਕਲਦੀ ਫਿਰ ਵੀ, ਟੋਲੀ ਕਿਤੇ ਅਣਪੜ੍ਹਾਂ ਦੀ।
ਪਤਾ ਨਹੀਂ ਕਦ, ਕਿਸਦਾ ਪੀਣਾ, ਜੀਵਨ ਰਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਮੱਛੀ-ਮੀਟ ਤੇ ਮੁਰਗ-ਮੁਸਲਮ, ਸਭ ਕੁਝ ਛੁੱਟ ਗਿਆ ਹੁਣ ਤਾਂ,
ਕੱਲ ਲਈ ਆਟਾ, ਦਾਲ ਜਾਂ ਸਬਜ਼ੀ, ਇਸ ਦਾ ਫਿਕਰ ਪਿਆ ਹੁਣ ਤਾਂ।
ਸਾਰੇ ਸ਼ੌਕ ਤੇ ਅਸ਼ਨੇ-ਪਸ਼ਨੇ, ਮਾਰੇ ਝੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਇਸ ਦਾ ਕੋਈ ਇਲਾਜ ਨਾ ਲਭਦਾ, ਸਾਇੰਸਦਾਨ ਵੀ ਹਾਰ ਗਏ।
ਹਸਪਤਾਲ ਵਿਚ ਡਾਕਟਰ ਨਰਸਾਂ ਵੀ ਖੁਦ ਹੋ ਬੀਮਾਰ ਗਏ।
ਲਾ ਲੈ ਵਾਹ ਜੋ ਲਾਉਣੀ ਬੰਦਿਆ ਕਿਹਾ ਇਹ ਹੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਕੋਠੀ ਬੰਗਲੇ ਬਣ ਗਏ ਜੇਲ੍ਹਾਂ, ਹਰ ਕੋਈ ਕੈਦ ‘ਚ ਫਸਿਆ ਹੈ।
ਪਤਾ ਨਹੀਂ ਕਿਥੋਂ ਆ ਜਾਣਾ, ਡਰ ਹਰ ਦਿਲ ਵਿਚ ਵਸਿਆ ਹੈ।
ਭੱਜਣ ਲਈ ਨਾ ਰਾਹ ਬੰਦੇ ਨੂੰ, ਦੇਣ ਨਾ ਨੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਕੁਦਰਤ ਦਾ ਇਹ ਖੇਲ੍ਹ ਨਿਆਰਾ, ਸਮਝ ਤੇਰੀ ਤੋਂ ਬਾਹਰ ਹੈ।
ਹੋਰ ਸਹਾਰਾ ਹੈ ਨਾ ਕੋਈ, ਰੱਬ ਦਾ ਡਰ ਹੀ ਠਾਹਰ ਹੈ
ਤੇਰਾ ਹਰ ਇਕ ਹੀਲਾ ਚਾਰਾ ਕੀਤਾ ਵੱਸ ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
ਹੁਣ ਤਾਂ ਰੱਬ ਦਾ ਨਾਮ ਲਈ ਜਾ, ਹੋਰ ਰਿਹਾ ਕੋਈ ਚਾਰਾ ਨਾ,
ਮਨ ਨੂੰ ਉਸ ਸੰਗ ਜੋੜਣ ਤੋਂ ਬਿਨ, ਤੇਰਾ ਹੋਰ ਗੁਜ਼ਾਰਾ ਨਾ।
ਅਪਣੇ ਆਪ ਹੀ ਚਲਦਾ ਬਣਨਾ, ਸੁਣ ਰੱਬ ਜਸ, ਕਰੋਨਾ ਨੇ।
ਤੇਰੀ ਕੀ ਔਕਾਤ ਹੈ ਬੰਦਿਆ, ਦਿੱਤੀ ਦੱਸ ਕਰੋਨਾ ਨੇ।
20th April 2020 5:51am
Gravatar
Gurmit Singh Barsal (Winnemucca, US)
ਕਰਤਾ !!

ਸੈਭੰ ਮਤਲਬ ਸਵੈ-ਪਰਕਾਸ਼ਤ,
ਰੱਬ ਅੱਧਾ ਜਾਂ ਸਾਰਾ ।
ਜੇ ਅੱਧਾ ਤਾਂ ਦੋ ਥਾਂ ਬਣਦੈ,
ਸਿਮਟਿਆ ਅਤੇ ਖਿਲਾਰਾ ।
ਅੱਧ ਸਿਮਟਿਆ ਤਾਂ ਦੂਜਾ ਅੱਧ ਵੀ,
ਉਸ ਦਾ ਕਰਮ-ਅਖਾੜਾ ।
ਤਦ ਖਿਲਰੇ ਦਾ ਦੋਸ਼ ਕੋਈ ਨਹੀਂ,
ਚੰਗਾ ਕਰੇ ਜਾਂ ਮਾੜਾ ।।
ਜੇ ਸਮਝੋਂ ਕਿ ਰੂਪ ਵਟਾਕੇ,
ਸਾਰਾ ਕਿਰਤ ਸਮੋਇਆ ।
ਜਿਮੇਵਾਰ ਫਿਰ ਹਰ ਕਰਮ ਦਾ,
ਕਰਤਾ ਕਦੇ ਨਾ ਹੋਇਆ ।।।।
ਗੁਰਮੀਤ ਸਿੰਘ "ਬਰਸਾਲ"
18th April 2020 12:00am
Gravatar
Makhan Singh Purewal (Quesnel, Canada)
ਇਕ ਜ਼ਜਬਾਤੀ ਨੌਜੁਆਨ ਦੇ ਵਿਚਾਰ ਜੋ ਕਿ ਕਾਫੀ ਹੱਦ ਤੱਕ ਠੀਕ ਹਨ।
17th April 2020 12:56pm
Gravatar
Dr Dalvinder Singh Grewal (Ludhiana, India)
ਕੀ ਕੀ ਕਰਨਾ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਪੀ ਐਮ ਨੇ ਕਿਹਾ ਜੋ ਉਹ ਸੁਣ।
ਤਿੰਨ ਮਈ ਤਕ ਲਾਕਡਾਊਨ ਹੁਣ।
ਬੁਢਿਆਂ ਦੀ ਰੱਖਿਆ ਕਰਿਓ।
ਭੁਖਿਆਂ ਦਾ ਢਿੱਡ ਵੀ ਭਰਿਓ।
ਕੋਈ ਤਨਖਾਹ ਨਾ ਕਟਿਓ।
ਮਿਲਕੇ ਹੁਣ ਸਾਰੇ ਡਟਿਓ
ਮੀਟਰ ਦਾ ਫਰਕ ਵੀ ਰੱਖਿਓ।
ਮਾਸਕ ਨਾਲ ਮੂੰਹ ਵੀ ਢਕਿਓ।
ਮੈਡੀਕਲ ਐਪ ਚਲਾਇਓ।
ਨਾ ਕੋਈ ਅਫਵਾਹ ਉਡਾਇਓ।
ਇਜ਼ਤ ਸੰਗ ਸਿਹਤ-ਕਰਮੀ।
ਲਾਕਡਾਊਨ ਵਿਚ ਨਾ ਨਰਮੀ।
ਸਿਹਤ ਵਿਚ ਵਧੇ ਅਮਿਉਨਿਟੀ॥
ਮਿਲਕੇ ਸਭ ਲੜੇ ਕਮਿਊਨਿਟੀ।
ਲੈਣਾ ਅਸੀਂ ਜਿਤ ਕਰੋਨਾ।
ਕਰਨਾ ਏਂ ਚਿੱਤ ਕਰੋਨਾ।
13th April 2020 10:58pm
Gravatar
Manohar Singh Purewal (wolverampton, UK)
ਜੋ ਗੱਲ ਸੱਚ ਤੇ ਪੂਰੀ ਨਾ ਉਤਰੇ ਉਸ ਨੂੰ ਸੱਚੇ ਧਰਮ ਦੇ ਰਾਹ ਤੁਰਨ ਦੇ ਚਾਹਵਾਨ ਨੂੰ ਕਦੀ ਭੀ ਨਹੀਂ ਮੰਨਣਾ ਚਾਹੀਦਾ।ਸੱਚੇ ਧਰਮ ਲਈ ਕਿਹੜੀ ਗੱਲ ਸੱਚ ਹੈ ਤੇ ਕਿਹੜੀ ਨਹੀਂ ਇਹ ਸਿਰਫ ਤੇ ਕੇਵਲ ਗੁਰਬਾਣੀ ਹੀ ਨੀਯਤ ਕਰ ਸਕਦੀ ਹੈ।
13th April 2020 8:06am
Gravatar
Dr Dalvinder Singh Grewal (Ludhiana, India)
ਅਰਦਾਸ
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ
ਸੁੱਖ-ਦੁੱਖ, ਸੰਕਟ-ਕਸ਼ਟ ਜੇ ਹੋਵੇ, ਖੁਸ਼ੀ-ਗਮੀ ਜਦ ਆਵੇ।
ਭੁੱਲ ਹੋਵੇ, ਅਪਰਾਧ ਜੇ ਹੋਵੇ, ਮਾਫੀ ਮੰਗਣੀ ਚਾਹਵੇ।
ਹਉਮੈਂ ਤਿਆਗ, ਹਲੀਮੀਂ ਚਿੱਤ ਵਿਚ, ਹੱਥ ਜੋੜ ਜੁੜ ਜਾਵੇ,
ਸੱਚੇ ਮਨ ਕਰ ਆਪ-ਸਮਰਪਣ, ਅਪਣਾ ਆਪ ਮਿਟਾਵੇ।
ਸੱਚੇ ਮਨ, ਸੱਚੇ ਨੂੰ ਪਾਵੇ, ਉਸ ਵਿਚ ਆਪ ਸਮਾਵੇ।
ਬੋਲਣ ਦੀ ਵੀ ਲੋੜ ਨਾ ਰਹਿੰਦੀ, ਆਪੇ ਸਭ ਹੋ ਜਾਵੇ
13th April 2020 6:18am
Gravatar
Baldev singh toronto (brampton ont, Canada)
ਗੁਰਬਾਣੀ ਅੰਦਰ ਸਰੀਰਕ ਦੁੱਖ ਦਾ ਇਲਾਜ ਸਹੀ ਦਵਾ ਦਾਰੂ ਕਰਨ ਤੋਂ ਬਗੈਰ ਸੁਖ/ਬੀਮਾਰੀ ਤੋਂ ਨਿਜਾਤ ਲੈਣ ਦੀ ਤਵੱਕੋ ਨਹੀਂ ਕਰਨੀ ਚਾਹੀਦੀ।
ਸਲੋਕੁ ਮਃ ੧ ॥
ਦੁਖੁ ਦਾਰੂ ਸੁਖੁ ਰੋਗੁ ਭਇਆ ਜਾ ਸੁਖੁ ਤਾਮਿ ਨ ਹੋਈ ॥
ਤੂੰ ਕਰਤਾ ਕਰਣਾ ਮੈ ਨਾਹੀ ਜਾ ਹਉ ਕਰੀ ਨ ਹੋਈ ॥੧॥
ਬਲਿਹਾਰੀ ਕੁਦਰਤਿ ਵਸਿਆ ॥
ਤੇਰਾ ਅੰਤੁ ਨ ਜਾਈ ਲਖਿਆ ॥੧॥ ਰਹਾਉ ॥
ਜਾਤਿ ਮਹਿ ਜੋਤਿ ਜੋਤਿ ਮਹਿ ਜਾਤਾ ਅਕਲ ਕਲਾ ਭਰਪੂਰਿ ਰਹਿਆ ॥
ਤੂੰ ਸਚਾ ਸਾਹਿਬੁ ਸਿਫਤਿ ਸੁਆਲਿੑਉ ਜਿਨਿ ਕੀਤੀ ਸੋ ਪਾਰਿ ਪਇਆ ॥
ਕਹੁ ਨਾਨਕ ਕਰਤੇ ਕੀਆ ਬਾਤਾ ਜੋ ਕਿਛੁ ਕਰਣਾ ਸੁ ਕਰਿ ਰਹਿਆ ॥੨॥
ਪਦ ਅਰਥ :- ਦੁਖੁ – ਦੁੱਖ। ਦਾਰੂ – ਦਵਾ। ਸੁਖੁ – ਦੁੱਖ ਤੋਂ ਨਿਜਾਤ ਪ੍ਰਾਪਤ ਕਰ ਲੈਣਾ। ਰੋਗੁ – ਦੁੱਖ। ਭਇਆ – ਤਬਦੀਲ ਹੋਣਾ, ਬਦਲਣਾ, ਬਦਲ ਜਾਣਾ। ਜਾ – ਜਾਂਦਾ ਹੈ। ਤਾਮੁ – ਤਵੱਕੋਂ/ਆਸ। ਨ ਹੋਈ – ਨਹੀਂ ਕੀਤੀ ਜਾ ਸਕਦੀ। ਤੂੰ ਕਰਤਾ – ਤੂੰ ਹੀ ਕਰਤਾ ਹੈ। ਮੈ ਨਾਹੀ – ਮੈਂ ਨੂੰ ਕੋਈ ਥਾਂ ਨਹੀਂ। ਜਾ – ਜਾਣਿਆ। ਹਉ – ਮੈਂ ਮੈਂ। ਕਰੀ ਨ ਹੋਈ – ਕਰਨ ਨਾਲ ਕੁਝ ਨਹੀਂ ਹੁੰਦਾ। ਬਲਿਹਾਰੀ ਕੁਦਰਤਿ ਵਸਿਆ – ਜੋ ਤੇਰੇ (ਨਿਯਮ ਰੂਪ ਪ੍ਰਕਾਸ਼ਮਾਨ) ਤੋਂ ਬਲਿਹਾਰ ਜਾਂਦੇ ਹਨ ਤੂੰ ਆਪਣੀ ਕੁਦਰਤ (ਚਰੲੳਟiੋਨ) ਦੇ ਵਿੱਚ ਹੀ ਵਿਆਪਕ ਹੈ। ਅੰਤੁ – ਅਖੀਰ, ਮੁੱਕਦੀ ਗੱਲ ਇਹ ਹੈ ਕਿ। ਨ ਜਾਈ – ਨਹੀਂ ਜਾ ਸਕਦਾ। ਲਖਿਆ – ਤੋਲਿਆ, ਤੁਲਣਾ। ਤੇਰਾ ਅੰਤੁ ਨ ਜਾਈ ਲਖਿਆ – ਅੰਤੁ/ਅਖੀਰ/ਮੁੱਕਦੀ ਗੱਲ ਇਹ ਹੈ ਕਿ ਤੇਰੇ ਨਾਲ ਕਿਸੇ ਨੂੰ ਤੋਲਿਆ ਨਹੀਂ ਜਾ ਸਕਦਾ। ਜਾਤਿ – ਗਯਾਤ ਹੋਇਆ (ਮ: ਕੋਸ਼)। ਗਯਾਤ ਹੋਇਆ ਭਾਵ ਗਿਆਨ ਹੋਇਆ, ਗਿਆਨ ਨੂੰ ਜਾਣਿਆ। ਮਹਿ – ਵਿੱਚ। ਜੋਤਿ – ਜੋਤ। ਜਾਤਾ – ਜਾਣਿਆ, ਮੰਨਿਆ। ਅਕਲ ਕਲਾ ਭਰਿਪੂਰਿ ਰਹਿਆ – ਇਕ ਰਸ ਵਿਆਪ ਰਿਹਾ ਹੈ। ਤੂੰ ਸਚਾ – ਤੂੰ ਹੀ ਸੱਚਾ ਹੈ। ਸਾਹਿਬ – ਸਰਵੋਤਮ, ਸ੍ਰੇਸ਼ਟ। ਸਿਫਤਿ ਸੁਆਲਿੑਉ – ਸਿਫ਼ਤ ਸਲਾਹ, ਵਡਿਆਇਆ। ਜਿਨਿ ਕੀਤੀ – ਜਿਨ੍ਹਾਂ ਨੇ ਕੀਤੀ। ਸੋ ਪਾਰਿ ਪਿਆ – ਉਹ ਉੱਪਰ ਉਠ ਗਏ। ਕਹੁ ਨਾਨਕ – ਨਾਨਕ ਆਖਦਾ ਹੈ। ਕਰਤੇ ਕੀਆ ਬਾਤਾ – ਕਰਤੇ ਦੀਆਂ (ਨਿਯਮ ਰੂਪ ਵਿੱਚ ਪ੍ਰਕਾਸ਼ਮਾਨ ਦੀਆਂ ਹੀ ਵਡਿਆਈਆਂ ਹਨ। ਜੋ ਕਿਛੁ ਕਰਣਾ – ਜੋ ਕੁਛ ਕਰਣਾ ਹੈ। ਸੁ ਕਰਿ ਰਹਿਆ – ਉਹ ਕਰ ਰਿਹਾ ਹੈ।
ਅਰਥ :- ਦੁੱਖ ਦਾ (ਸਹੀ) ਦਾਰੂ ਕਰਨ ਨਾਲ ਰੋਗ/ਦੁੱਖ ਸੁਖ ਵਿੱਚ ਬਦਲ ਜਾਂਦਾ ਹੈ (ਕਿਸੇ ਰੋਗ ਦਾ) ਦਾਰੂ ਕਰਨ ਤੋਂ ਬਗੈਰ ਸੁਖ ਦੀ ਤਾਮ/ਤਵੱਕੋਂ/ਆਸ ਵੀ ਨਹੀਂ ਕੀਤੀ ਜਾ ਸਕਦੀ ਅਤੇ ਇਸੇ ਤਰ੍ਹਾਂ ਜਿਨ੍ਹਾਂ ਨੇ (ਹਉਮੈ ਦੇ ਰੋਗ ਨੂੰ ਸਹੀ ਗਿਆਨ ਦੇ ਦਾਰੂ ਨਾਲ) ਖਤਮ ਕੀਤਾ, ਉਨ੍ਹਾਂ ਲਈ ਮੈਂ ਨੂੰ ਕੋਈ ਥਾਂ ਨਹੀਂ ਭਾਵ (ਉਨ੍ਹਾਂ ਨੇ ਮੈਂ ਮੈਂ ਕਰਨ ਵਾਲੇ ਅਵਤਾਰਵਾਦ ਨੂੰ ਰੱਬ) ਨਹੀਂ ਜਾਣਿਆ ਅਤੇ ਨਾ ਹੀ ਮੈਂ ਮੈਂ ਕਰਨ ਵਾਲਿਆਂ ਦੇ ਕਰਨ ਨਾਲ ਕੁਝ ਹੁੰਦਾ ਹੀ ਹੈ, ਕਿਉਂਕਿ ਤੂੰ/ਕਰਤਾ ਹੀ ਕਰਨ ਕਾਰਨ ਸਮਰੱਥ ਹੈ। ਉਹ ਤੇਰੇ (ਨਿਯਮ ਰੂਪ ਵਿੱਚ ਪ੍ਰਕਾਸ਼ਮਾਨ) ਤੋਂ ਬਲਿਹਾਰ ਜਾਂਦੇ ਹਨ, ਤੂੰ ਆਪ ਹੀ ਆਪਣੀ ਕੁਦਰਤ (ਚਰੲੳਟiੋਨ) ਦੇ ਵਿੱਚ ਹੀ ਨਿਯਮ ਰੂਪ ਵਿੱਚ ਵਿਆਪਕ ਹੈ ਅਤੇ ਅੰਤੁ/ਅਖੀਰ/ਮੁੱਕਦੀ ਗੱਲ ਇਹ ਹੈ ਕਿ ਨਾ ਹੀ ਤੈਨੂੰ ਕਿਸੇ (ਪਾਖੰਡ ਨੁਮਾ) ਨਾਲ ਲਖਿਆ, ਤੋਲਿਆ ਹੀ ਜਾ ਸਕਦਾ ਹੈ ਭਾਵ ਤੂੰ ਬੇਮਿਸਾਲ ਹੈ। ਰਹਾਉ॥ ਇਸ ਤਰ੍ਹਾਂ ਜਿਨ੍ਹਾਂ ਨੇ ਗਿਆਨ ਨੂੰ ਜਾਣਿਆ ਉਨ੍ਹਾਂ ਨੇ ਉਸ ਨੂੰ ਉਸ ਦੀ ਜੋਤ ਨੂੰ ਕੁਦਰਤ (ਚਰੲੳਟiੋਨ) ਦੇ ਨਿਯਮ ਰੂਪ ਵਿੱਚ ਹੀ ਵਿਆਪਕ ਮੰਨਿਆ ਕਿ ਉਹ ਆਪਣੀ ਕੁਦਰਤ (ਚਰੲੳਟiੋਨ) ਦੇ ਵਿੱਚ ਹੀ ਇਕ ਰਸ ਵਿਆਪਕ ਹੈ।(ਕਿਤੇ ਵੱਖਰਾ ਅਖਾੜਾ ਲਾਈ ਨਹੀਂ ਬੈਠਾ) ਇਸ ਤਰ੍ਹਾਂ ਜਿਨ੍ਹਾਂ ਨੇ ਤੈਨੂੰ (ਨਿਯਮ ਰੂਪ ਵਿੱਚ ਪ੍ਰਕਾਸ਼ਮਾਨ ਨੂੰ) ਸਰਵੋਤਮ ਜਾਣ ਕੇ ਵਡਿਆਇਆ ਉਹ (ਅਵਤਾਰਵਾਦ ਦੇ ਪਾਖੰਡ ਨੁਮਾ, ਮੈਂ ਰੱਬ ਹੋਣ ਦੇ ਭਰਮ ਤੋਂ) ਪਾਰ ਹੋ ਗਏ ਭਾਵ ਉੱਪਰ ਉਠ ਗਏ। ਹੇ ਭਾਈ! ਨਾਨਕ ਆਖਦਾ ਹੈ ਜੋ ਕੁਝ ਕੀਤਾ ਹੈ, ਜਾ ਕਰ ਰਿਹਾ ਹੈ ਸਭ (ਕੁਦਰਤ ਵਿੱਚ ਨਿਯਮ ਰੂਪ ਵਿਆਪ ਰਹੇ) ਕਰਤੇ ਦੀਆਂ ਹੀ ਵਡਿਆਈਆਂ ਹਨ (ਭਾਵ ਕਿਸੇ ਅਖੌਤੀ ਅਵਤਾਰਵਾਦੀ ਰੱਬ ਦੇ ਹੱਥ ਵੱਸ ਕੁਝ ਨਹੀਂ)।
ਨੋਟ :- ਇੱਥੇ ਜੋ ਕੁਝ ਕੀਤਾ ਹੈ ਜਾਂ ਹੋ ਰਿਹਾ ਹੈ, ਤੋਂ ਇਹ ਭਾਵ ਹੈ ਕਿ ਕੁਦਰਤਿ ਅੰਦਰ ਵਰਤ ਰਹੇ ਨਿਯਮ/ਸਿਸਟਮ ਨੇ ਕੀਤਾ ਭਾਵ ਸ੍ਰਿਸ਼ਟੀ ਰਚੀ ਹੈ ਜਾਂ ਸ੍ਰਿਸ਼ਟੀ ਚੱਲ ਰਹੀ ਹੈ ਉਸ ਨਿਯਮ ਅਧੀਨ ਹੀ ਹੈ। ਜਿਹੜੇ ਅਵਤਾਰਵਾਦੀ ਅਖੌਤੀ ਰੱਬ ਇਹ ਆਖਦੇ ਹਨ ਕਿ ਸ੍ਰਿਸ਼ਟੀ ਅਸੀਂ ਰਚੀ ਹੈ ਅਸੀਂ ਚਲਾ ਰਹੇ ਹਾਂ ਇਨ੍ਹਾਂ ਦੇ ਹੱਥ ਕੁਝ ਨਹੀਂ ਹੈ। ਬਾਕੀ ਜੋ ਸਮਾਜ ਵਿੱਚ ਬੁਰਿਆਈਆਂ ਹੋ ਰਹੀਆਂ ਹਨ ਜੋ ਮਨੁੱਖ ਕਰ ਰਿਹਾ ਹੈ ਇਹ ਮਨੁੱਖ ਦੀ ਆਪਣੀ ਸੋਚਣੀ ਉੱਪਰ ਨਿਰਭਰ ਹੈ, ਉਨ੍ਹਾਂ ਬੁਰਆਈਆਂ ਦਾ ਮਨੁੱਖ ਖੁਦ ਆਪ ਜੁਮੇਵਾਰ ਹੈ ਕਰਤਾ ਨਹੀਂ।
12th April 2020 10:31am
Gravatar
Gurindar Singh Paul (Aurora, US)
“ਜੋ ਗੱਲ ਸੱਚ ਤੇ ਪੂਰੀ ਨਾ ਉਤਰੇ?”, ਇਸ ਲੇਖ ਦੀ ਆਖ਼ਿਰੀ ਸਤਰ ਹੈ, “ਜੋ ਗੱਲ ਸੱਚ ਤੇ ਪੂਰੀ ਉਤਰੇ ਉਸ ਨੂੰ ਹੀ ਮੰਨੋ”! ਇਸ ਨੇਕ ਸਲਾਹ ਨਾਲ ਸਾਡੀ ਪੂਰੀ ਸਹਿਮਤੀ ਹੈ। ਪਰੰਤੂ ਇਸ ਸਲਾਹ ਉੱਤੇ ਅਮਲ ਕਰਨ ਵਿੱਚ ਹਮਾਤੜਾਂ ਵਾਸਤੇ ਵੱਡੀ ਉਲਝਣ ਇਹ ਹੈ ਕਿ, ਕਿਹੜੇ ਸੱਚ ’ਤੇ ਪੂਰੀ ਉਤਰੇ? ਗੁਰਬਾਣੀ ਵਿੱਚ ਪਰਿਭਾਸ਼ਿਤ ਸੱਚ ’ਤੇ ਜਾਂ ਭੇਖੀ ਪੁਜਾਰੀਆਂ ਦੁਆਰਾ ਨਿਰਧਾਰਤ ਕੀਤੇ ਅਤੇ ਫੈਲਾਏ ਗਏ ‘ਸੱਚ’ ’ਤੇ? ਗੁਰੁਬਾਣੀ-ਗ੍ਰੰਥ ਵਿੱਚ ਦ੍ਰਿੜਾਏ ਗਏ ਸਿੱਧਾਂਤ ਹੀ ਗੁਰਸਿੱਖਾਂ ਲਈ ਸੱਚ ਦਾ ਮਾਪ-ਦੰਡ ਹਨ। ਪਰੰਤੂ ਗੁਰਬਾਣੀ ਦੇ ਸੱਚ ਉੱਤੇ ਕੁੰਡਲੀ ਮਾਰੀ ਬੈਠੇ ਮਨਮਤੀਏ ਪੁਜਾਰੀਆਂ ਨੇ ਕੂੜ-ਕਿਤਾਬਾਂ (ਅਖੌਤੀ ਦਸਮ ਗ੍ਰੰਥ, ‘ਪ੍ਰਕਾਸ਼ਾਂ’, ‘ਬਿਲਾਸਾਂ’, ਚਮਤਕਾਰਾਂ, ਰਹਿਤਨਾਮਿਆਂ, ਰਹਤ ਮਰਯਾਦਾਵਾਂ ਵਗੈਰਾ) ਅਤੇ ਇਨ੍ਹਾਂ ਕੂੜ-ਕਿਤਾਬਾਂ ਦੇ ਆਧਾਰ ’ਤੇ ਨਿਸ਼ਚਿਤ ਕੀਤੇ ਕਰਮਕਾਂਡਾਂ ਨੂੰ ਸੱਚ ਦਾ ਮਿਆਰ (standard) ਬਣਾ ਲਿਆ ਹੈ! ਪਾਜੀ ਪੁਜਾਰੀਆਂ ਅਨੁਸਾਰ, ਜੋ ਵਿਅਕਤੀ ਉਨ੍ਹਾਂ ਦੁਆਰਾ ਨਿਰਧਾਰਤ ਕੀਤੇ ਕਰਮਕਾਂਡ ਕਰਦਾ ਕਰਵਾਉਂਦਾ ਹੈ, ਉਹ ਹੀ ਸਿੱਖ ਹੈ; ਅਤੇ ਜੋ ਗੁਰਬਾਣੀ ਵਿੱਚ ਪਰਿਭਾਸ਼ਿਤ ਕੀਤੇ ਸੱਚ ਨੂੰ ਸਮਰਪਿਤ ਹੈ, ਉਹ ਪਤਿਤ ਹੈ!!
ਗੁਰਮਤਿ ਦੇ ਸਦੀਵੀ ਸੱਚ ਨੂੰ ਸਮਝਣ ਵਾਸਤੇ ਬਿਬੇਕ ਬੁੱਧਿ ਅਤੇ ਗਿਆਨ ਦੀ ਲੋੜ ਹੈ। ਪਰੰਤੂ ਪੁਜਾਰੀ ਟੋਲਾ ਇਨ੍ਹਾਂ ਤਿੰਨਾਂ (ਸੱਚ, ਬਿਬੇਕ ਅਤੇ ਗਿਆਨ) ਦਾ ਕੱਟੜ ਵੈਰੀ ਹੈ; ਕਿਉਂਕਿ, ਇਹ ਤਿੰਨੋਂ ਉਸ (ਪੁਜਾਰੀ) ਦੁਆਰਾ ਸਥਾਪਿਤ ਕੀਤੇ ਧਰਮ ਦੇ ਕਾਲੇ ਧੰਦੇ ਨੂੰ ਢਾਹ ਲਾਉਂਦੇ ਹਨ।
12th April 2020 9:46am
Gravatar
Baldev singh toronto (brampton ont, Canada)
very true
12th April 2020 10:33am
Gravatar
Eng Darshan Singh Khalsa (SYdney, Australia)
ਰੱਬਾ ! ਸਭ ਕੁਝ ਠੀਕ ਕਰਾਦੇ,
ਇਸ ਵਾਇਰਸ ਨੂੰ ਗੁੱਠੇ ਲਾ ਦੇ,।

Dr Dalvinder Singh Grewal Ludhiana, India

ਵੀਰ ਜੀਉ,

ਅਗਰ , . . . ‘ਰੱਬ’ ਜੀ . . . ‘ਕਰੋਨਾ-ਵਾਇਰਸ’ ਨੂੰ . .

ਮਨੁੱਖਾਂ ਦੇ ਜੀਵਨ ਵਿਚ ਪਰੇਸ਼ਾਨੀਆਂ, ਤਕਲੀਫਾਂ, ਬੀਮਾਰੀਆਂ

ਲਈ/ਕਾਰਨ

‘ਗੁੱਠੇ’ . . . ਲਾਉਂਣ ਦੀ ਪਲੈਨਿੰਗ ਕਰ ਲੈਣ . . .

ਤਾਂ . . . . . . ਕੀ . . .

ਮਨੁੱਖਾਂ ਦੀਆਂ . . ਕਰਤੂਤਾਂ, ਕਾਰਗੁਜ਼ਾਰੀਆਂ, ਕਾਰਨਾਮਿਆਂ,

ਹਰਕਤਾਂ, ਵਧੀਕੀਆਂ, ਬਦਫੈਲੀਆਂ, ਬਲਾਤਕਾਰਾਂ, ਮੱਕਾਰੀਆਂ,

ਫਰੇਬੀਆਂ, ਦਗ਼ੇਬਾਜ਼ੀਆਂ, ਲਾਲਚਾਂ, ਮਤਲਭਪ੍ਰਸਤੀਆਂ, ਆਪਣਿਆਂ

ਨਾਲ ਹੀ ਕੀਤੀਆਂ ਚਾਲਬਾਜ਼ੀਆਂ, ਆਪਣੇ ਸੁਆਰਥ ਲਈ ਕੀਤੀਆਂ

ਬੇ-ਲੋੜੀਆਂ-ਹੱਤਿਆਵਾਂ, . . . . . . . . . ਲਿਸਟ ਲੰਬੀ ਹੈ।

ਬਾਰੇ ਨਹੀਂ ਸੋਚੇਗਾ . . . . ?????

ਅਗਰ !!!! ‘ਰੱਬ’ ਜੀ ਨੇ 'ਮਨੁੱਖ ਨੂੰ 'ਗੁੱਠੇ' ਲਾਉਣ ਬਾਰੇ ਸੋਚ ਲਿਆ ਤਾਂ . . . . . .

ਫਿਰ ਕਿਸ ਅੱਗੇ ਅਰਜ਼ੋਈ ਕਰਾਂਗੇ . . . . ???
11th April 2020 11:07pm
Gravatar
Dr Dalvinder Singh Grewal (Ludhiana, India)
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਢਿੱਡ ਵਧਣੋਂ ਨਾ ਠੱਲੇ੍ਹ, ਨਿੱਤ ਦੀ ਸੈਰ ਬਿਨਾ।
ਜਦ ਦਾ ਸ਼ਹਿਰ ਕਰੋਨਾ ਆਇਆ,
ਸਭ ਨੂੰ ਇਸ ਨੇ ਕੈਦ ਕਰਾਇਆ,
ਲਾਹਿਆ ਬੰਦਾ ਥੱਲੇ, ਨਿੱਤ ਦੀ ਸੈਰ ਬਿਨਾ।
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਸ਼ਾਮ ਦਾ ਛਕਿਆ, ਠੀਕ ਨਾ ਪਚਦਾ,
ਖਾਣਾ ਢਿਡ ਵਿਚ ਰਾਤ ਨੂੰ ਨਚਦਾ,
ਪੈਂਦੇ ਗੈਸ ਦੇ ਹੱਲੇ, ਨਿੱਤ ਦੀ ਸੈਰ ਬਿਨਾ।
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਸਿਹਤ ਏ ਢਿੱਲੀ ਢਿੱਲੀ ਲਗਦੀ,
ਸੈਰ ਬਿਨਾ ਨਾ ਬਾਡੀ ਮਘਦੀ,
ਬਲਗਮ ਗੱਲੇ ਗੱਲੇ, ਨਿੱਤ ਦੀ ਸੈਰ ਬਿਨਾ।
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਦੋਸਤ ਨਾ ਮਿਲ ਬੈਠਣ ਜੁੜਕੇ,
ਮਜਲਿਸ ਨਾ ਹੁਣ ਲਗਦੀ ਮੁੜਕੇ,
ਕੀਤੇ ਯਾਰ ਇਕੱਲੇ, ਨਿੱਤ ਦੀ ਸੈਰ ਬਿਨਾ,
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
ਰੱਬਾ ! ਸਭ ਕੁਝ ਠੀਕ ਕਰਾਦੇ,
ਇਸ ਵਾਇਰਸ ਨੂੰ ਗੁੱਠੇ ਲਾ ਦੇ,
ਜੋਸ਼ ਰਿਹਾ ਨਾ ਪੱਲੇ, ਨਿੱਤ ਦੀ ਸੈਰ ਬਿਨਾ
ਹੱਡ-ਗੋਡੇ ਜੁੜ ਚੱਲੇ, ਨਿੱਤ ਦੀ ਸੈਰ ਬਿਨਾ।
10th April 2020 6:46pm
Gravatar
Dr Dalvinder Singh Grewal (Ludhiana, India)
ਡਰ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਆਦਮੀ ਦੇ ਮਨ,
ਵਾਇਰਸ ਦਾ ਡਰ ਪਾ,
ਕੁਦਰਤ ਨੇ ਫਿਰ,
ਅੰਗੜਾਈ ਲਈ ਹੈ।
ਰੁੱਖੀਂ ਹਰਿਆਵਲ,
ਫੂਲਵਾੜੀ ਫੁੱਲ,
ਡਾਲੀ ਚਿੜੀਆਂ
ਛੱਤੀਂ ਮੋਰ
ਸੜਕੀਂ ਤੇ ਹਿਰਨ,
ਬਸਤੀਏਂ ਚੀਤੇ
ਘੁੰਮਦੇ ਬੇਡਰ,
ਡਰ ਕੁਦਰਤ ਨੇ,
ਅਪਣੇ ਤੋਂ ਮਨੁਖੀ ਮਨ
ਵਿਚ ਬਦਲ ਦਿਤਾ ਹੈ।
ਦਿਖਾ ਦਿਤਾ ਹੈ,
ਕੁਦਰਤ ਇਨਸਾਨ ਤੋਂ
ਕਿਤੇ ਤਾਕਤਵਰ ਹੈ।
8th April 2020 5:52pm
Gravatar
Eng Darshan Singh Khalsa (SYdney, Australia)
ਜੋ ਗੱਲ ਸੱਚ ਤੇ ਪੂਰੀ ਨਾ ਉਤਰੇ ---

. ਜੋ ਗੱਲ ਸੱਚ ਤੇ ਪੂਰੀ ਨਾ ਉਤਰੇ ਤਾਂ ਉਸ ਗੱਲ ਨੂੰ ਮੰਨਣਾ, ਜਾਂ ਪਰੈਕਟੀਕਲੀ ਕਰਨਾ, ਬੇਵਕੂਫ਼ੀ/ਅਗਿਆਨਤਾ ਦੀ ਨਿਸ਼ਾਨੀ ਹੋਵੇਗੀ।
. ਸਵਾਲ ਉਠਦਾ ਹੈ? ਕਿ ਕਿਸੇ ਗੱਲ ਦੀ ਸੱਚਾਈ ਨੂੰ ਕਿਵੇਂ ਜਾਣਿਆ ਜਾਏ।
. ਇਸ ਲਈ ਮਨੁੱਖ ਕੋਲ ਬਿਬੇਕ-ਬੁੱਧੀ ਵਾਲਾ ਪੈਮਾਨਾ ਚਾਹੀਦਾ ਹੈ। ‘ਗਿਆਨ’ ਦਾ ਭੰਡਾਰ ਚਾਹੀਦਾ ਹੈ।
. ‘ਗਿਆਨ’ ਦਾ ਭੰਡਾਰ ਇਕੱਠਾ ਕਰਨ ਲਈ ਮਨੁੱਖ ਨੂੰ ਬਹੁਤ ਜਿਆਦਾ ਪੜ੍ਹਨਾ ਪਵੇਗਾ, ਵਿਚਾਰਨਾ ਹੋਵੇਗਾ। ਗਿਆਨਵਾਨ ਸਖਸ਼ੀਅਤਾਂ ਦੀ ਸੰਗਤ ਕਰਨੀ ਹੋਵੇਗੀ।
. ਚਲੋ !! ਜੇ ‘ਗੁਰਬਾਣੀ’ ਗਿਆਨ ਹੀ ਪ੍ਰਾਪਤ ਕਰਨਾ ਹੈ ਤਾਂ ‘ਗੁਰਬਾਣੀ’ ਨੂੰ ਪੜ੍ਹਨ ਦੇ ਨਾਲ-ਨਾਲ ਵਿਚਾਰਨਾ ਹੋਵੇਗਾ। ਗੁਰਬਾਣੀ ਦੇ ਭਾਵ ਅਰਥ, ਸਹੀ ਅਰਥਾਂ ਨੂੰ ਜਾਨਣਾ ਹੋਵੇਗਾ। 35 ਬਾਣੀਕਾਰਾਂ ਦੇ ਆਸ਼ੇ ਨੂੰ ਸਮਝਦੇ/ਬੁਝਦੇ ‘ਗੁਰਬਾਣੀ’ ਦੇ ਸਹੀ ਮਾਅਨਿਆਂ/ਅਰਥਾਂ ਨੂੰ ਸਮਝਣਾ ਹੋਵੇਗਾ।
. ਤਾਂ, ਹੀ ਅਸੀਂ ਮਨੁੱਖ ਆਪਣੀ ਬਿਬੇਕ-ਬੁੱਧ ਵਾਲਾ ਦੀਵੇ ਨੂੰ ਬਲਦਾ ਰੱਖ ਸਕਦਾ ਹਾਂ।
. “ਸਾਹਿਬੁ ਮੇਰਾ ਨੀਤ ਨਾ ਸਦਾ ਸਦਾ ਦਾਤਾਰ”॥ ਰਹਾਉ॥
. ਮ 1॥ 660॥
. “ਦੀਵਾ ਬਲੈ ਅੰਧੇਰਾ ਜਾਇ॥ਮ1॥791॥

. ਮਨੁੱਖ ਨੂੰ ਆਪਣੇ ‘ਗਿਆਨ-ਬਿਬੇਕ’ ਨੂੰ ਤਰੋ-ਤਾਜ਼ਾ ਕਰਦੇ ਰਹਿਣਾ ਚਾਹੀਦਾ ਹੈ। ਤਾਂ, ਹੀ ਅਸੀਂ ‘ਸੱਚ’ ਨੂੰ ਸੱਚ ਕਹਿਣ ਦੇ ਕਾਬਿਲ ਹੋ ਸਕਾਂਗੇ। ‘ਸੱਚਾਈ’ ਦੀ ਹਾਮੀ ਭਰ ਸਕਾਂਗੇ।
. ਵਰਨਾ ਲਕੀਰ ਦੇ ਫਕੀਰ ਹੀ ਰਹਿ ਕੇ ਆਪਣੇ ਸਿੰਗ ਫਸਾਉਂਦੇ ਰਹਾਂਗੇ।

. ਰਹਿਤਨਾਮੇ ਵੀ ਅਲੱਗ-ਅਲੱਗ ਸਿੱਖਾਂ-ਗੁਰਸਿੱਖਾਂ ਨੇ ਲਿਖਤ ਵਿਚ ਲਿਆਉਂਣੇ ਕੀਤੇ ਹਨ। ਇਹਨਾਂ ਦੀ ਕੋਈ ਪ੍ਰਮਾਣਿਕਤਾ ਨਹੀਂ ਹੈ। ਸੀਨਾ ਬਸੀਨਾ ਹੁਣ ਤੱਕ ਅੱਗੇ ਤੋਂ ਅੱਗੇ ਪ੍ਰਚਾਰੇ/ਪ੍ਰਸਾਰੇ ਜਾ ਰਹੇ ਹਨ।
. ਰਹਿਤਨਾਮਿਆਂ ਦੇ ਬਾਰੇ ਵੀ ਹਰ ਸਿੱਖ-ਗੁਰਸਿੱਖ ਮਾਈ ਭਾਈ ਨੂੰ ‘ਗੁਰਬਾਣੀ-ਗੁਰਮੱਤ-ਗਿਆਨ’ ਦੀ ਕੱਸਵੱਟੀ ਲਾ ਕੇ ਮੰਨਣਾ ਅਤੇ ਅੱਗੇ ਪ੍ਰਚਾਰ, ਪ੍ਰਸਾਰ ਕਰਨਾ ਚਾਹੀਦਾ ਹੈ।
. ਜਿਸ ਵਿਚਾਰ/ਗਲਬਾਤ/ਹਾਲਾਤ ਬਾਰੇ ਅਸੀਂ ਆਪ ਖੁਦ ਹਨੇਰੇ ਵਿਚ ਹਾਂ, ਉਸਦੀ ਵਕਾਲਤ ਕਰਨਾ ਨਾਦਾਨੀ ਹੈ, ਬੇਵਕੂਫ਼ੀ ਹੈ।
. ‘ਗੁਰਬਾਣੀ-ਗੁਰਮੱਤ-ਗਿਆਨ’ ਦੀਆਂ ਵਿਚਾਰਕ ਸਾਂਝਾਂ ਨਾਲ ਹੀ ਅਸੀਂ ਆਪਣੇ ‘ਵਿਚਾਰਕ-ਪੈਮਾਨਿਆਂ’ ਵਿਚ ਨਵੀਨਤਾ ਲਿਆ ਸਕਦੇ ਹਾਂ, ਬਦਲਾਅ ਲਿਆ ਸਕਦੇ ਹਾਂ, ਵਰਨਾ (ਛੱਪੜ/ਛੱਪੜੀ ਦੇ ਮੁਸ਼ਕ/ਸੜਾਂਦ ਮਾਰਦੇ ਖੜ੍ਹੇ ਪਾਣੀ ਵਾਂਗ) ਸਾਡੇ ‘ਗਿਆਨ-ਵਿਚਾਰਾਂ’ ਵਿਚ ਵੀ ਖੜੋਤ ਆ ਜਾਵੇਗੀ। ਅਸੀਂ ਵੀ ਸੜਾਂਦ ਮਾਰਾਂਗੇ, ਕੱਟੜ ਹੋ ਜਾਵਾਂਗੇ, . . ਜਿਵੇਂ ਕਿ ਟਕਸਾਲੀ, ਡੇਰੇਦਾਰ, ਦਸਵੀਂ ਕੂੜ ਕਿਤਾਬ ਵਾਲਾ ਲਾਣਾ ਕਰ ਰਿਹਾ ਹੈ।
. ਸੋ ਵਿਚਾਰਕ ਸਾਂਝਾਂ ਦਾ ਕਰਨਾ/ਕਰਾਉਣਾ ਇਕ ਸਾਰਥਿੱਕ ਉਪਰਾਲਾ ਹੈ, ਉੱਦਮ ਹੈ।
. ਧੰਨਵਾਧ !! ਉਹਨਾਂ ਸਾਰੇ ਵੀਰਾਂ ਭੈਣਾਂ ਦਾ ਜੋ ਅਜੇਹੇ ਸਾਰਥਿੱਕ ਉੱਪਰਾਲਿਆਂ-ਉੱਦਮਾਂ ਲਈ ਯਤਨਸ਼ੀਲ ਰਹਿੰਦੇ ਹਨ।
. ‘ਫੁੱਲ ਨੂੰ ਫੁੱਲ’ ਅਤੇ ‘ਕੰਡੇ ਨੂੰ ਕੰਡਾ’ ਕਹਿਣਾ ਹੀ ਸੱਚ ਬੋਲਣਾ ਹੈ। ਇਹੀ ਪੈਮਾਨਾ ਰਹਿਤਨਾਮਿਆਂ ਪ੍ਰਤੀ ਅਪਨਾਉਂਣਾ ਹੋਵੇਗਾ। ਅੱਖਾਂ ਮੀਚ ਕੇ ਤੁਰਨਾ ਸਿਆਣੱਪ ਨਹੀਂ ਹੈ।
. ‘ਗੁਰਬਾਣੀ’ ਸਾਡੇ ਸਾਰੇ ਭਰਮ-ਭੁਲੇਖੇ ਦੂਰ ਕਰਨ ਦੇ ਵਾਜ਼ਬ ਜਵਾਬ ਆਪਣੇ ਅੰਦਰ ਸਮੋਏ ਹੋਏ ਹੈ।
. ਲੋੜ ਹੈ, ਮਨ ਦੀ ਇਕਾਗਰਤਾ ਨਾਲ ਖੋਜਣ ਦੀ।
6th April 2020 11:45pm
Gravatar
Dr Dalvinder Singh Grewal (Ludhiana, India)
ਰੱਬਾ ਚੁੱਕ ਵਾਇਰਸ ਦਾ ਘੇਰਾ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਹਰ ਦਿਲ ਦੇ ਵਿੱਚ ਸਹਿਮ ਪਸਰਿਆ,
ਹਰ ਚਿਹਰੇ ਦਾ ਰੰਗ ਉੱਤਰਿਆ।
ਇੱਕ ਦੂਜੇ ਤੋਂ ਡਰਨ ਗਵਾਂਢੀ,
ਰੱਖ ਫਾਸਲਾ ਮਿਲਣ ਗਵਾਂਢੀ।
ਫਰਕਾਂ-ਵਿਥਾਂ ਘਰ ਘਰ ਪਈਆਂ,
ਇਹ ਚੁੱਪਾਂ ਨਾ ਜਾਂਦੀਆਂ ਸਹੀਆਂ।
ਵਾਇਰਸ ਨੇ ਕੀ ਪਾਇਆ ਫੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਪੰਛੀ ਚੀਕਣ ਡਰਦੇ ਡਰਦੇ
ਸ਼ੇਰ ਸੜਕ ਤੇ ਸੈਰਾਂ ਕਰਦੇ ।
ਹਾਥੀ ਸ਼ਹਿਰ ‘ਚ ਖੁਲ੍ਹਾ ਫਿਰਦਾ,
ਮਗਰਮੱਛ ਜਾ ਘਰਾਂ ਵਿਚ ਵੜਦਾ।
ਸ਼ਹਿਰ ਹੋ ਗਿਆ ਜੰਗਲ ਵਰਗਾ,
ਜਾਦੂ ਕੀ ਏ ਕਰੋਨਾ ਕਰਦਾ।
ਬੰਦਾ ਬੰਦ, ਨਾ ਕਰਦਾ ਜੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਹੋਈਆਂ ਹੋਈਆਂ ਬੰਦ ਦੁਕਾਨਾਂ,
ਕੀਕਣ ਸ਼ੌਪਿੰਗ ਕਰਨ ਰਕਾਨਾਂ।
ਬੰਦ ਹੋ ਗਈਆਂ ਮੋਟਰ ਗਡੀਆਂ,
ਚੱਲ ਰਹੀਆਂ ਨਾਂ ਹੁਣ ਫੈਕਟਰੀਆਂ
ਮਜ਼ਦੂਰਾਂ ਨੂੰ ਖਾਣ ਦੇ ਲਾਲੇ,
ਅਪਣੇ ਵਤਨੀਂ ਜਾਣ ਦੇ ਲਾਲੇ।
ਵਾਇਰਸ ਨੇ ਜਦ ਪਾਇਆ ਘੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਇਕ ਅਣਦਿਸਦਾ ਵਾਇਰਸ ਫਿਰਦਾ,
ਘੇਰ ਲਿਆ ਜਿਸ ਨੇ ਚੌਗਿਰਦਾ।
ਭੱਜਣ ਨੂੰ ਵੀ ਰਾਹ ਨਾ ਕੋਈ,
ਚੱਜ ਨਾਲ ਲੈਂਦਾ ਸਾਹ ਨਾ ਕੋਈ,
ਮਰਿਆਂ ਦੀ ਗਿਣਤੀ ਨਿੱਤ ਵਧਦੀ,
ਇਨਫੈਕਟਿਡ ਦੀ ਗਿਣਤੀ ਵੀ ਚਲਦੀ।
ਬੇਬਸ, ਲੱਭਿਆ ਹੱਲ ਬਥੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਬੰਦੇ ਨੇ ਖੁਦ ਪੰਗਾ ਪਾਇਆ,
ਇਕ ਵਾਇਰਸ ਨੂੰ ਆਣ ਜਗਾਇਆ,
ਇਕ ਅਣਦਿਸਦੀ ਜੰਗ ਏ ਛੇੜੀ,
ਵੱਸ ਰਹੀ ਨਾ ਉਸਦੇ ਜਿਹੜੀ।
ਵਧਦੀ ਸਾਰੇ ਜੱਗ ਵਿੱਚ ਫੈਲੀ
ਢਾਹ ਲਏ ਉਸਨੇ ਦੋਨੋਂ ਵੈਲੀ।
ਮੌਤ ਖੜੀ ਏ ਘੇਰ ਚੌਫੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਵਾਇਰਸ ਜਦ ਦਾ ਹੋਇਆ ਹੀਰੋ,
ਬੰਦੇ ਦੀ ਹੁਣ ਤਾਕਤ ਜ਼ੀਰੋ,
ਜ਼ੀਰੋ ਹਰ ਪ੍ਰਯਾਸ ਹੋ ਗਿਆ
ਰੱਬ ਤੇ ਫਿਰ ਵਿਸ਼ਵਾਸ਼ ਹੋ ਗਿਆ।
ਰੱਬ ਅੱਗੇ ਅਰਦਾਸਾਂ ਕਰਦਾ,
ਸਾਂਭ ਇਹ ਵਾਇਰਸ ਘਰ ਘਰ ਫਿਰਦਾ।
ਵਾਇਰਸ ਦੇ ਇਸ ਸਿਤਮ ਤੋਂ ਰੱਖੀਂ,
ਜੱਗ ਨੂੰ ਹੋਣ ਖਤਮ ਤੋਂ ਰੱਖੀਂ।
ਤੂੰ ਮਾਲਿਕ ਮੈਂ ਤੇਰਾ ਚੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
ਗਲੀਆਂ ਵਿੱਚ ਸੁੰਨਸਾਨ ਬਸੇਰਾ।
ਕਾਬੂ ਜੱਗ ਨੂੰ ਕਰਨ ਸੀ ਚੱਲਿਆ,
ਇਕ ਵਾਇਰਸ ਦੇ ਹਥੋਂ ਮਰਿਆ।
ਬੰਦੇ ਦਾ ਹੁਣ ਇਕੋ ਚਾਰਾ,
ਰਾਮ ਨਾਮ ਦਾ ਲਵੇ ਸਹਾਰਾ,
ਉਸ ਤੋਂ ਅਪਣੀ ਭੁੱਲ ਬਖਸ਼ਾਵੇ,
ਲੋਭ-ਮੋਹ-ਹੰਕਾਰ ਭੁਲਾਵੇ,
ਆਖੇ ਰੱਬਾ ਸਭ ਕੁਝ ਤੇਰਾ।
ਹਰ ਪਾਸੇ ਚੁੱਪ ਚਾਂ ਦਾ ਡੇਰਾ।
1st April 2020 6:15pm
Gravatar
Baldev singh toronto (brampton ont, Canada)
ਪੋਥੀ ਪੰਡਿਤ ਬੇਦ ਖੋਜੰਤਾ ਜੀਉ ॥ਪੰਨਾ॥੨੧੬॥
ਪੜਿ ਪੜਿ ਪੋਥੀ ਸਿੰਮ੍ਰਿਤਿ ਪਾਠਾ ॥ ਬੇਦ ਪੁਰਾਣ ਪੜੈ ਸੁਣਿ ਥਾਟਾ ॥੨੨੬॥
ਤੀਰਥ ਦੇਵ ਦੇਹੁਰਾ ਪੋਥੀ ॥
ਮਾਲਾ ਤਿਲਕੁ ਸੋਚ ਪਾਕ ਹੋਤੀ ॥ਪੰਨਾ॥੨੩੭॥
ਸਾਰਗ ਮਹਲਾ ੫ ॥
ਪੋਥੀ ਪਰਮੇਸਰ ਕਾ ਥਾਨੁ ॥
ਸਾਧਸੰਗਿ ਗਾਵਹਿ ਗੁਣ ਗੋਬਿੰਦ ਪੂਰਨ ਬ੍ਰਹਮ ਗਿਆਨੁ ॥੧॥ ਰਹਾਉ ॥
ਸਾਧਿਕ ਸਿਧ ਸਗਲ ਮੁਨਿ ਲੋਚਹਿ ਬਿਰਲੇ ਲਾਗੈ ਧਿਆਨੁ ॥
ਜਿਸਹਿ ਕ੍ਰਿਪਾਲੁ ਹੋਇ ਮੇਰਾ ਸੁਆਮੀ ਪੂਰਨ ਤਾ ਕੋ ਕਾਮੁ ॥੧॥
ਜਾ ਕੈ ਰਿਦੈ ਵਸੈ ਭੈ ਭੰਜਨੁ ਤਿਸੁ ਜਾਨੈ ਸਗਲ ਜਹਾਨੁ ॥
ਖਿਨੁ ਪਲੁ ਬਿਸਰੁ ਨਹੀ ਮੇਰੇ ਕਰਤੇ ਇਹੁ ਨਾਨਕੁ ਮਾਂਗੈ ਦਾਨੁ ॥੨॥੯੦॥੧੧੩॥
ਪਦ ਅਰਥ : - ਪੋਥੀ – ਪੁਸਤਕ। ਪਰਮੇਸਰ ਕਾ ਥਾਨੁ – (ਜਿਹੜੇ ਬੇਦ ਵਾਲੀ) ਪੋਥੀ ਵਾਲੇ ਪਰਮੇਸਰ ਦੀ ਹੀ ਸੰਸਾਰ ਅੰਦਰ ਥਾਨ/ਜਗ੍ਹਾ ਭਾਵ ਮਾਨਤਾ ਬਣਾਈ ਬੈਠੇ ਹੈ। ( ਸਾਧਿਸੰਗਿ – (ਪੋਥੀ ਦੀ ਵੀਚਾਰਧਾਰਾ ਨੂੰ ਹੀ) ਸਾਧਿ ਸੰਗਤਿ ਸਮਝਕੇ। ਗਾਵਹਿ - ਪਰਚਾਰਦੇ ਹਨ। ਗੁਣ ਗੋਬਿੰਦ – ਗੋਬਿੰਦ ਦੇ ਗੁਣ (ਸਮਝਕੇ)। ਪੂਰਨ ਬ੍ਰਹਮ ਗਿਆਨੁ – (ਜਿਸ ਨਾਲ ਕਹਿੰਦੇ) ਪੂਰਨ ਬ੍ਰਹਮ ਗਿਆਨ ਹੋ ਜਾਂਦਾ ਹੈ। ਇਸ ਗੱਲ ਤੇ ਵੀਚਾਰ ਕਰਨੀ ਹੈ। ਸਾਧਿਕ ਸਿਧ ਸਗਲ ਮੁਨਿ ਲੋਚਹਿ – ਆਪਣੀ ਪੋਥੀ (ਬੇਦ) ਨੂੰ ਇਸ ਤਰ੍ਹਾਂ ਪਰਚਾਰਦੇ ਹਨ ਸਾਧਿਕ ਸਿਧ ਮੁਨੀ ਆਦਿਕ ਇਹ (ਪੋਥੀ ਵਾਲਾ ਬ੍ਰਹਮ ਗਿਆਨ ਲੈਣਾ) ਲੋਚਦੇ ਹਨ। ਬਿਰਲੇ ਲਾਗੈ ਧਿਆਨੁ – (ਪਰ ਕਹਿੰਦੇ ਹਨ) ਧਿਆਨ ਕਿਸੇ ਵਿਰਲੇ ਦਾ ਹੀ ਲੱਗਦਾ ਹੈ। ਜਿਸਹਿ ਕ੍ਰਿਪਾਲਿ ਹੋਇ ਮੇਰਾ ਸੁਆਮੀ – (ਧਿਆਨ ਕਿਸਦਾ ਲੱਗਦਾ ਹੈ) ਜਿਸਦੇ ਉੱਪਰ (ਪੋਥੀ ਵਾਲਾ ਕਹਿੰਦਾ) ਮੇਰਾ ਸੁਆਮੀ ਖੁਸ ਹੁੰਦਾ ਹੈ। ਪੂਰਨ ਤਾ ਕੋ ਕਾਮੁ – ਉਸਦੀ ਹੀ ਕਾਮਨਾ ਤਾਂ ਪੂਰੀ ਹੁੰਦੀ ਹੈ। ਜਾ ਕੈ ਰਿਦੈ ਵਸੈ ਭੈ ਭੰਜਨੁ – ਤਾਂ ਜਾਕੇ ਜਿਸਦੇ ਹਿਰਦੇ ਵਿੱਚ ਜੋ ਡਰ ਵੱਸਦਾ ਹੈ ਉਹ ਖਤਮ ਹੁੰਦਾ ਹੈ। ਤਿਸੁ ਜਾਨੈ ਸਗਲ ਜਹਾਨੁ – (ਤਾ ਕਰਕੇ ਪੋਥੀ ਵਾਲੇ ਪਰਮੇਸਰ ਨੂੰ) ਸਾਰਾ ਸਗਲ ਜਹਾਨ ਜਾਣਦਾ ਹੈ। ਖਿਨੁ ਪਲੁ ਬਿਸਰੁ ਨਹੀ ਮੇਰੇ ਕਰਤੇ – (ਤਾਂ ਕਰਕੇ ਪੋਥੀ ਵਾਲਾ ਕਹਿੰਦਾ ਸਾਰਾ) ਜਹਾਨ (ਪੋਥੀ) ਵਾਲੇ ਨੂੰ ਜਾਣਦਾ। ਖਿਨੁ ਪਲੁ ਬਿਸਰੁ ਨਹੀ ਮੇਰੇ ਕਰਤੇ – (ਇਸ ਕਰਕੇ ਪੋਥੀ ਵਾਲਾ ਕਹਿੰਦਾ) ਮੇਰੇ/ਅਸੀ ਤਾਂ (ਪੋਥੀ ਵਾਲੇ) ਕਰਤੇ ਨੂੰ ਖਿਨ ਪਲ ਵੀ ਨਹੀਂ ਵਿਸਰਦੇ। ਨਾਨਕੁ – ਨਾਨਕ ਨੂੰ ਦਾ ਦੇ ਦੀ। ਇਹੁ ਨਾਨਕੁ ਮਾਗੈ ਦਾਨੁ – (ਇਸ ਤਰ੍ਹਾਂ ਪੋਥੀ ਵਾਲੇ) ਮੈਨੂੰ ਨਾਨਕ ਨੂੰ ਵੀ (ਪੋਥੀ) ਵਾਲੇ ਕੋਲੋ ਇਹੁ ਦਾਨ ਮੰਗਣ ਵਾਸਤੇ ਪ੍ਰੇਰਦੇ ਹਨ।
ਨੋਟ : - ਹਰੇਕ ਸਬਦ ਦੀ ਵਿਆਖਿਆ ਨੂੰ ਮੂਲ ਸਿਧਾਂਤ ਦੀ ਕਸਵੱਟੀ ਤੇ ਪਰਖਣਾ ਹੈ। ਪਰਚਲਤ ਵਿਆਖਿਆ ਅੰਦਰ ਮੂਲ ਸਿਧਾਂਤ ਅੰਦਰਲੇ ਕਰਤੇ ਦੇ ਨਿਰਵੈਰ/ਪੱਖਪਾਤੀ ਨਾ ਹੋਣ ਦੇ ਸਿਧਾਂਤ ਨੂੰ ਅੱਖੋ ਪਰੋਖਿਆ ਕਰ ਦਿੱਤਾ ਗਿਆ ਹੈ। ਜਦੋਂ, “ਜਿਸਹਿ ਕ੍ਰਿਪਾਲ ਹੋਇ” ਦੇ ਅਰਥ ਗੁਰਮਤਿ ਦੇ ਕਰਤੇ ਨੂੰ ਮੁਖ ਰੱਖ ਕਰ ਦਿੱਤੇ ਗਏ ਹਨ ਕਿ ਜਿਸ ਉੱਪਰ ਉਹ ਕ੍ਰਿਪਾ ਕਰਦਾ ਹੈ ਉਸਦੇ ਹੀ ਕਾਰਜ ਪੂਰੇ ਹੁੰਦੇ ਹਨ। ਜਦੋਂ ਕਿ ਮੂਲ ਸਿਧਾਂਤ ਅਨੁਸਾਰ ਕਰਤਾ ਨਿਰਵੈਰ ਹੈ, ਪੱਖਪਾਤੀ ਨਹੀ, ਉਹ ਆਪ ਨਹੀ ਚੁਣਦਾ ਕਿ ਕਿਸ ਤੇ ਕ੍ਰਿਪਾ ਕਰਨੀ ਹੈ ਕਿਸ ਤੇ ਕ੍ਰਿਪਾ ਨਹੀ ਕਰਨੀ। ਉਸ ਨਿਯਮ ਰੂਪ ਵਿੱਚ ਪ੍ਰਕਾਸ਼ਮਾਨ ਕਰਤੇ ਦੀ ਕ੍ਰਿਪਾ ਸਾਰਿਆ ਤੇ ਹੈ। ਇਥੋ ਇਹ ਸਾਬਤ ਹੁੰਦਾ ਹੈ ਕਿ ਇਹ ਬੇਦੁ ਪੋਥੀ ਵਾਲੇ ਜੋ ਹੋਰਨਾਂ ਤੇ ਆਪਣਾ ਪ੍ਰਭਾਵ ਪਾਕੇ ਮਾਨਸਿਕ ਗੁਲਾਮ ਬਣਾਉਣ ਵਾਲਿਆ ਦਾ ਮਹਲੇ ਪੰਜਵਾਂ ਜੀ ਨੇ ਪਾਜ ਉਗੇੜਿਆ ਹੈ।
ਅਰਥ : - ਮਹਲਾ ਪੰਜਵਾ ਜੀ ਸਮਝਾ ਰਹੇ ਹਨ ਕਿ ਹੇ ਭਾਈ! ਜਿਹੜੇ (ਬੇਦ ਪੋਥੀ) ਵਿਚਲੇ ਪਰਮੇਸਰ ਦੀ (ਸੰਸਾਰ ਅੰਦਰ) ਥਾਨੁ/ਜਗਾ ਭਾਵ ਮਾਨਤਾ ਬਣਾਈ ਬੈਠੇ ਹਨ, ਉਹ ਪੋਥੀ (ਅੰਦਰਲੇ) ਨੂੰ ਇਸ ਤਰ੍ਹਾਂ ਪਰਚਾਰਦੇ ਹਨ ਕਿ ਇਹ ਗੋਬਿੰਦ ਦੇ ਗੁਣ ਹਨ ਅਤੇ ਪੂਰਨ ਬ੍ਰਹਮ ਗਿਆਨ ਦਾ (ਸਰੋਤ) ਹੈ।
ਇਹ ਦਾਅਵਾ ਕਰਦੇ ਹਨ ਕਿ :-
ਜਿਨੇ ਸਾਰੇ (ਵੱਡੇ ਵੱਡੇ) ਸਿਧ ਸਾਧਿਕ ਮੁਨੀ ਆਦਿਕ ਹਨ, ਉਹ ਗਿਆਨ ਲੈਣਾ ਲੋਚਦੇ ਹਨ ਪਰ ਕਿਸੇ ਵਿਰਲੇ ਦਾ ਹੀ ਇਸ ਵਿੱਚ ਧਿਆਨ ਜੁੜਦਾ ਹੈ। ਪੋਥੀ ਵਾਲਾ ਕਹਿੰਦਾ ਹੈ, ਧਿਆਨ ਕਿਸਦਾ ਜੁੜਦਾ ਹੈ, ਜਿਸ ਉੱਤੇ ਮੇਰੇ (ਪੋਥੀ ਵਾਲੇ) ਸੁਆਮੀ ਦੀ ਕ੍ਰਿਪਾ ਹੁੰਦੀ ਹੈ ਉਸਦੀਆਂ ਮਨੋਕਾਮਨਾਂਵਾ ਪੂਰਨ ਹੁੰਦੀਆਂ ਹਨ ਅਤੇ ਜਿਸਦੀਆਂ ਜਦੋਂ ਕ੍ਰਿਪਾ ਹੋਣ ਨਾਲ,ਮਨੋ ਕਾਮਨਾਂਵਾਂ ਪੂਰਨ ਹੋਣ, ਤਾਂ ਜਾਕੇ, ਮਨੋ ਕਾਮਨਾਂਵਾ ਪੂਰਨ ਹੋਣ ਵਾਲੇ ਦੇ ਅੰਦਰ (ਪੋਥੀ ਵਾਲਾ) ਭੈ ਭੰਜਨ ਵੱਸਦਾ ਹੈ, ਇਸ ਲਈ ਉਸ (ਪੋਥੀ ਵਾਲੇ ਨੂੰ) ਸਾਰਾ ਜਹਾਨ/ਸੰਸਾਰ ਜਾਣਦਾ ਹੈ। ਹੇ ਭਾਈ! ਪੋਥੀ ਵਾਲਾ ਆਖਦਾ ਹੈ ਕਿ ਮੈ ਆਪਣੇ ਮੇਰੇ ਪੋਥੀ ਵਾਲੇ ਕਰਤੇ ਨੂੰ ਖਿਨ ਪਲ ਵੀ ਨਹੀ ਵਿਸਰਦਾ, ਉਹ ਆਪਣੇ ਵਾਂਗ, ਮੈਨੂੰ ਨਾਨਕ ਨੂੰ ਵੀ (ਪੋਥੀ) ਵਾਲੇ ਕੋਲੋ (ਸਿਧ ਸਾਦਿਕ ਮੁਨੀ ਆਦਿਕ ਵਾਂਗ) ਇਹੋ ਦਾਨ ਮੰਗਣ ਲਈ ਪ੍ਰੇਰਣਾਂ ਕਰਦਾ ਹੈ।
ਨੋਟ : -ਬਿਪਰ ਪੋਥੀ ਵਾਲਾ ਪਰਮੇਸਰ ਪੱਖਪਾਥੀ ਕਿਸੇ ਤੇ ਕਿਰਪਾ ਕਰਦਾ ਹੈ ਅਤੇ ਕਿਸੇ ਤੇ ਨਹੀ ਕਰਦਾ। ਵਾਕਿਆ ਹੀ ਬਹੁਤਾਂਤ ਵਿੱਚ ਸੰਸਾਰ ਉਸ ਪੋਥੀ ਵਾਲੇ ਰੱਬ ਨੂੰ ਹੀ ਰੱਬ ਸਮਝੀ ਬੈਠਾ ਹੈ, ਗੁਰਮਤਿ ਵਾਲੇ ਰੱਬ ਜੋ “ਬਲਹਿਾਰੀ ਕੁਦਰਤਿ ਵਸਿਆ” ਹੈ ਤੋਂ ਮੁਖ ਮੋੜੀ ਬੈਠਾ ਹੈ।
31st March 2020 9:42pm
Gravatar
Dr Dalvinder Singh Grewal (Ludhiana, India)
ਰੱਬਾ, ਤੈਨੂੰ ਭੁੱਲਾ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਡੁੱਲਾ੍ਹ, ਡੁੱਲਾ੍ਹ, ਡੁੱਲਾ੍ਹ, ਮੈਂ ਕਿਉਂ, ਮੋਹ-ਮਾਇਆ ਤੇ ਡੁੱਲਾ੍ਹ।
ਸੱਚ ਦਾ ਚਾਨਣ ਹੋਵੇ ਕੀਕੂੰ, ਅੰਦਰ ਕੂੜੇ ਭਰਿਆ,
ਸਾਫ ਕਰਨ ਦੀ ਕੋਸ਼ਿਸ਼ ਕੋਈ ਨਾ, ਰੱਬ ਕੋਲੋਂ ਨਾ ਡਰਿਆ।
ਬੰਦ ਜਦ ਅੰਦਰ ਗੰਦ ਵਿੱਚ ਮੇਰਾ, ਦਾਤਾ ਦਰ ਨਾ ਖੁਲ੍ਹਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਇੱਕ ਵੀ ਗੁਣ ਨਾ ਲੀਤਾ ਤੇਰਾ, ਔਗੁਣ ਮਨ ਵਿੱਚ ਲੱਦੇ,
ਸਿਮਰਨ ਭੁੱਲਾ, ਧਿਆਨ ਨਾ ਲਾਇਆ, ਪਾਪਾਂ ਦਿਤੇ ਸੱਦੇ।
ਆਸ਼ਾ ਤੇ ਇਛਾ ਦੀ ਅੱਗ ਦਾ, ਬਲਦਾ ਅੰਦਰ ਚੁਲ੍ਹਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਕਾਮ, ਕ੍ਰੋਧ, ਮੋਹ, ਲੋਭ ਨਾ ਛੱਡਦੇ, ਮਨ ਚੜ੍ਹਿਆ ਅਹੰਕਾਰਾ।
ਨਾਮ ਕਿਵੇਂ ਚਿੱਤ ਆਵੇ ਜਿਸ ਵਿਚ, ਧੁਰ ਤਕੇ ਭਰੇ ਵਿਕਾਰਾ।
ਜੋ ਕੁਝ ਮੇਰਾ ਹੈ ਈ ਨਹੀਓਂ, ਕਿਉਂ ਹਾਂ ਉਸ ਤੇ ਫੁੱਲਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਤੂੰ ਹੀ ਚਾਨਣ, ਓਟ ਹੈਂ ਤੂੰ ਹੀ, ਤੂੰ ਹੀ ਮਿਹਰ ਦਾ ਸਾਈਂ,
ਮੇਰੇ ਵਸ ਹੁਣ ਕੁੱਝ ਨਾ ਦਾਤਾ, ਆਪੇ ਹੀ ਗਲ ਲਾਈਂ।
ਤੇਰੇ ਸੰਗ ਜੁੜ ਜਾਵਾਂ ਦਾਤਾ, ਘੱਲ ਦੇ ਨਾਮ ਦਾ ਬੁੱਲਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਮੈਂ ਤਾਂ ਇੱਕ ਨਾਚੀਜ਼ ਹਾਂ ਦਾਤਾ, ਤੂੰ ਡੁਬਦੇ ਪੱਥਰ ਤਾਰੇਂ,
ਸਭ ਜੀਆਂ ਦਾ ਰਾਖਾ ਤੂੰ ਹੀ, ਭਵਜਲ ਪਾਰ ਉਤਾਰੇਂ।
ਪਾਰ ਲੰਘਾਵੇ ਜੀਵ ਨੂੰ ਇਕੋ ਨਾਮ ਤੇਰਾ ਅਣਮੁੱਲਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
ਬਾਂਹ ਫੜ ਦਾਤਾ, ਲ਼ਾ ਲੜ ਦਾਤਾ, ਨਿੱਜ ਘਰ ਦਰਸ਼ਨ ਹੋਵੇ,
ਨਾਮ ਜਪਾਂ ਤੇਰਾ ਪਲ ਪਲ ਦਾਤਾ, ਨਾਮ ਲਵੇ, ਤਨ ਸੋਹਵੇ।
ਬੇੜੀ ਆਪੇ ਪਾਰ ਲਗਾਈਂ, ਵਸ ਨਾ ਮੇਰੇ ਤੁਲਾ।
ਭੁੱਲਾ, ਭੁੱਲਾ, ਭੁੱਲਾ, ਮੈਂ ਕਿਉਂ, ਰੱਬਾ ਤੈਨੂੰ ਭੁੱਲਾ।
31st March 2020 6:45am
First < 1 2 3 4 5 > Last
Page 3 of 67

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
What is the opposite word of weak?
 
Enter answer:
 
Remember my form inputs on this computer.
 
 
Powered by Commentics

.