.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (993)

Topic: Tuhada Apna
Sort
Facebookdel.icio.usStumbleUponDiggGoogle+TwitterLinkedIn
Gravatar
s singh (kharar, India)
ਤੀਜੇ ਘੱਲੂਘਾਰੇ ਤੋ ਬਾਅਦ ਸਿੱਖਾਂ ਦੀ ਸਿਧਾਂਤਕ ਘੇਰਾਬੰਦੀ --- ਸ ਅਜਮੇਰ ਸਿੰਘ
ਪੰਨਾ-੨੪
ਭਾਰਤੀ ਰਾਜ ; ਵਿਚਾਰਧਾਰਾ,ਰਾਜਸੀ ਏਜੰਡਾ ਅਤੇ ਅਮਲ ,,

ਬਸਤੀਵਾਦੀ ਰਾਜ ਦੀ ਸਥਾਪਨਾ ਤੋਂ ਪਹਿਲਾਂ ਭਾਰਤੀ-ਉਪਮਹਾਂਦੀਪ ਅੰਦਰ “ਕੌਮ” ਤੇ “ਰਾਸ਼ਟਰਵਾਦ” ਦੇ ਪਰਵਰਗ ਬਿਲਕੁਲ ਅਜਨਬੀ ਸਨ,,ਇਸ ਤੋ ਪਹਿਲਾਂ ਉਪ-ਮਹਾਂਦੀਪ ਅੰਦਰ “ਨੇਸ਼ਨ ਸਟੇਟ” ਦਾ ਕੋਇ ਤਸਵੱਰ ਨਹੀ ਸੀ,,ਪੂਰਬ-ਬਸਤੀਵਾਦੀ ਸਾਹਿਤ ਅੰਦਰ ”ਭਾਰਤ ਦੀ ਏਕਤਾ ਤੇ ਅਖੰਡਤਾ” ਦਾ ਕਿਤੇ ਕੋਇ ਜਿਕਰ ਨਹੀ,,ਇਨਾਂ ਪਰਵਰਗਾਂ ਤੇ ਵਾਕ-ਅੰਸਾ ਦੀ ਵਰਤੋ ਬਸਤੀਵਾਦੀ ਰਾਜ ਦੇ ਦੋਰਾਨ,ਭਾਰਤ ਬਾਰੇ ਬਸਤੀਵਾਦੀ ਗਿਆਨ(colonial knowledge) ਦੀ ਰਚਨਾ ਦੇ ਅਮਲ ਨਾਲ ਜੁੜ ਕੇ ਅਰੰਭ ਹੋਇ,,ਭਾਰਤੀ ਕੁਲੀਨ ਵਰਗਾਂ ਨੇ ਪੱਛਮੀ ਆਦਰਸਾ ਦਾ ਆਤਮੀਕਰਣ ਕਰ ਲਿਆ ਸੀ,,ਅਤੇ ਭਾਰਤ ਦੇ ਸਭਿਆਚਾਰ ਦੀਆ ਸਮਸਿਆਵਾ ਨੂੰ ਪੱਛਮੀ ਗਿਆਨਾਤਮਿਕ ਪਰਵਰਗਾਂ ਦੀ ਮੱਦਦ ਨਾਲ ਸਮਝਣ ਤੇ ਹੱਲ ਕਰਨ ਦਾ ਸਿਧਾਂਤਕ ਦਸਤੂਰ ਅਪਨਾ ਲਿਆ ਸੀ,,ਉਨਾਂ ਨੇ ਪੱਛਮ ਦੇ ਆਧੁਨਿਕ ਨੇਸਨ-ਸਟੇਟ ਦੇ ਮਾਡਲ,ਯਾਨੀ ਕਿ ਇਕ ਸਟੇਟ,ਇਕ ਪਰਜਾ,ਇਕ ਕੌਮ,ਇਕ ਭਾਸਾ ਨੂੰ ਆਪਣਾ ਰਾਜਸੀ ਉਦੇਸ਼ ਮਿਥ ਲਿਆ ਸੀ,,ਭਾਰਤ ਦੇ ਬਸਤੀਵਾਦੀ ਵਿਰੋਧੀ ਰਾਸ਼ਟਰਵਾਦੀ ਅੰਦੋਲਨ ਦੀ ਮੁੱਖ ਧਾਰਾ ਤੋ ਲੈ ਕੇ ਹਰ ਵੰਨਗੀ ਦੀਆ ਉਪ-ਧਾਰਾਵਾ,ਤੇ ਉਲਟ-ਧਾਰਾਵਾਂ ਵੀ,ਇਸ ਮਸਲੇ ਉਤੇ ਇਕ ਮੱਤ ਸਨ,,,ਉਦਾਰਪੰਥੀਆਂ,ਹਿੰਦੂ ਰਾਸ਼ਟਰਵਾਦੀਆ,ਸਮਾਜਵਾਦੀਆ,ਕ੍ਰਾਂਤੀਕਾਰੀਆ,ਤੇ ਮੁਸਲਿਮ ਲੀਗੀਆ ਸਮੇਤ,ਸਾਰਿਆ ਨੂੰ ਨੇਸਨ-ਸਟੇਟ ਸਿਰਜਣ ਦਾ ਸੁਪਨਾ ਮਨਮੋਹਕ ਲਗਦਾ ਸੀ,,,,,ਨੇਸਨ-ਸਟੇਟ ਦੇ ਮਾਡਲ ਵਿਚ ਪੂਰਨ ਤੇ ਕੱਟੜ ਸ਼ਰਧਾ ਹੀ ਦੇਸ਼ ਦੇ ਬਟਵਾਰੇ ਦਾ ਬੁਨਿਆਦੀ ਕਾਰਨ ਬਣਿਆ,,,,,ਭਾਰਤ ਤੇ ਪਾਕਿਸਤਾਨ ,ਦੋਵਾਂ ਹੀ ਦੇਸਾ ਨੂੰ ਆਧੁਨਿਕ ਨੇਸਨ-ਸਟੇਟ ਦਾ ਜਾਮਾ ਪਹਿਨਾਉਣ ਦੀ ਸਿਧਾਂਤਕ ਸੇਧ ਧਾਰਣ ਕੀਤੀ ਗਇ,,,ਫਰਕ ਇਹ ਕੀ ਜਿਥੇ ਪਾਕਿਸਤਾਨ ਅੰਦਰ ਇਸਲਾਮ ਨੂੰ ਰਾਜ ਦੀ ਵਿਚਾਰਧਾਰਾ ਵਜੋ ਪ੍ਰਵਾਨ ਕਰ ਲਿਆ ਗਿਆ,ਏਥੇ ਭਾਰਤ ਅੰਦਰ ਧਰਮ-ਨਿਰਲੇਪ ਰਾਸ਼ਟਰਵਾਦ ਦੀ(ਪਰ ਹੈ ਹਿੰਦੂ ਬ੍ਰਾਹਮਣਵਾਦ) ,ਰਾਜ ਦੀ ਵਿਚਾਰਧਾਰਾ ਵਜੋ ਤਾਜਪੋਸੀ ਕੀਤੀ ਗਇ,,,,
ਰਾਸਟਰਵਾਦ ਤੇ ਧਰਮ-ਨਿਰਲੇਪਵਾਦ ਦੇ ਪਰਵਰਗ,ਜਨਮ ਤੇ ਮੂਲ ਖਾਸੇ ਪੱਖੋ ਯੂਰਪੀ ਹੋਣ ਦੇ ਬਾਵਜੂਦ ਸਰਬ-ਵਿਆਪੀ ਬਣ ਗਏ,,,ਪਰ ਭਾਰਤ ਅੰਦਰ ਇਨਾਂ ਨੇ ਨਿਵੇਕਲੇ ਲੱਛਣ ਤੇ ਅਰਥ ਗ੍ਰਹਿਣ ਕਰ ਲਏ ਹਨ,,,,ਪੱਛਮ ਅੰਦਰ ਕੌਮ ਨੂੰ ਇਕ ਤਰਾਂ ਦੀ ਸਭਿਅਕ ਬਰਾਦਰੀ(civil society) ਦੇ ਰੂਪ ਵਿਚ ਸੰਕਲਪਿਆ ਗਿਆ ਸੀ,,,ਪਰ ਭਾਰਤ ਅੰਦਰ ਅਜ਼ਿਹਾ ਨਹੀ ਹੋਇਆ,ਨਾ ਹੋ ਸਕਦਾ ਸੀ,,,ਜਿਹੜਾ ਸਮਾਜ ਹਜਾਰਾ ਸਾਲਾਂ ਤੋ ਪੱਕੇ ਤੌਰ ਤੇ ਜਾਤ-ਪਾਤ ਵੰਡਾਂ-ਵਖਰੇਵਿਆਂ ਤੇ ਵਿਰੋਧਾਂ ਨਾਲ ਗ੍ਰਹਿਣਿਆ ਹੋਇਆ ਹੈ, ਜਿਸ ਨੂੰ ਬ੍ਰਾਹਮਣਵਾਦੀ ਧਰਮ-ਸ਼ਸਤਰਾਂ ਵਲੋ ਮਨਜੂਰੀ ਦਿਤੀ ਗਇ ਹੈ,ਉਸ ਸਮਾਜ ਦੀ ਸਭਿਅਕ ਬਰਾਦਰੀ ਵਜੋ ਕਲਪਨਾ ਕਿਵੇਂ ਕੀਤੀ ਜਾ ਸਕਦੀ ਹੈ? ,,ਏਕਤਾ ਬਗੈਰ ਕੌਮ ਦੀ ਕਲਪਨਾ ਨਹੀ ਕੀਤੀ ਜਾ ਸਕਦੀ, ਅਤੇ ਸਮਾਜਿਕ ਬਰਾਬਰੀ ਏਕਤਾ ਦੀ ਜਰੂਰੀ ਸ਼ਰਤ ਹੈ,,ਇਸ ਤੋ ਬਿਨਾ ਸਮਾਜ ਅੰਦਰ ਭਾਇਚਾਰੇ ਦੀ ਭਾਵਨਾ ਵਿਕਸਤ ਨਹੀ ਕੀਤੀ ਜਾ ਸਕਦੀ,,ਇਸ ਲਇ ਭਾਰਤ ਅੰਦਰ,ਜਿਥੇ “ਵਰਨਆਸ਼ਰਮ ਧਰਮ” ਦੇ ਵਿਤਕਰੇਪੂਰਨ ਫਲਸਫੇ ਵਿਚੋ ਜਨਮੀ ਜਾਤ-ਪਾਤੀ ਵਿਵਸਥਾ ਨੇ ਸਮਾਜਿਕ ਨਾ ਬਰਾਬਰੀ ਨੂੰ ਪੱਕਾ ਸੰਸਥਾ ਰੂਪ ਦਿਤਾ ਹੋਇਆ ਹੈ ,ਉਥੇ ਕੌਮ ਦੀ ਸੰਕਲਪਨਾ ਕਰਨ ਲਇ ਏਕਤਾ ਦਾ ਕੋਇ ਵੱਖਰਾ ਸੂਤਰ ਢੂੰਡਣਾ ਤੇ ਇਸ ਨੂੰ ਯੋਗ ਠਹਿਰਾਉਣਾ ਜਰੂਰੀ ਹੋ ਗਿਆ ਸੀ,,,,ਇਸ ਜੋਰਦਾਰ ਲੋੜ ਵਿਚੋ ਭਾਰਤ ਦੀ ਏਕਤਾ ਦਾ ਅਧਾਰ ਇਸ ਦੇ ਤਿਲਕਵੇਂ,ਮੁੱਢ ਕਦੀਮੀ,ਹੰਢਣਸਾਰ,ਅਨੂਪ ਤੱਤ ਵਿਚ ਲਭਿਆ ਗਿਆ,,,,,ਭਾਰਤ ਦੀ ਸਤਹਿ ਹੇਠਲੀ ਰਹੱਸਮਇ ਏਕਤਾ ਨੂੰ ਪ੍ਰਮਾਣ-ਯੁਕਤ ਕਰਣ ਲਇ ਇਕ ਖਾਸ ਭਾਂਤ ਦੀ ਪਰੰਪਰਾ ਇਜਾਦ ਕੀਤੀ ਗਇ,,,,ਹਿੰਦੂ ਧਰਮ ਬਾਰੇ ਇਕ ਖਾਸ ਤਰਾਂ ਦੇ ਮੱਤ ਨੂੰ ਉਚਿਆਇਆ ਗਇਆ....ਇਸ ਨੂ “ਭਾਰਤੀ ਜਾਤੀ ਦੀ ਸਰਬ-ਵਿਆਪੀ ਖਾਸੀਅਤ “ ਵਜੋ ਪੇਸ਼ ਕੀਤਾ ਗਿਆ,,,,ਭਾਰਤ ਅੰਦਰ ਪੈਦਾ ਹੋਏ ਬਾਕੀ ਸਾਰੇ ਧਰਮਾਂ ਨੂੰ ਇਕੋ ਮਹਾਨ ਭਾਰਤੀ ਰੂਹਾਨੀਅਤ ਦੇ ਹੀ ਬਿਖਰੇ ਰੰਗਾਂ ਨਾਲ ਤਸ਼ਬੀਹ ਦਿਤੀ ਗਇ,, ,,ਇਸ ਤਰੀਕੇ ਨਾਲ ਸੁਰੂ ਤੋ ਹੀ ਰਾਸ਼ਟਰਵਾਦ ਦੇ ਸਾਰ ਅੰਸ਼ ਨੂੰ ਏਕਤਾ ਦੀ ਸਮਸਿਆ ਨਾਲ ਜੋੜ ਦਿਤਾ ਗਿਆ,,,ਏਕਤਾ ਸ੍ਰੋਮਣੀ ਸਰੋਕਾਰ ਬਣ ਗਿਆ ,,ਸਾਰੇ ਅਰਸੇ ਦੌਰਾਨ ਰਾਸ਼ਟਰਵਾਦੀ ਪ੍ਰਵਚਨ ਅੰਦਰ ਏਕਤਾ ਦਾ ਕਥਾ ਪ੍ਰਸੰਗ ਛਾਇਆ ਰਿਹਾ ,,ਇਹ ਰਾਸ਼ਟਰਵਾਦੀ ਪ੍ਰਵਚਨ ਦੀ ਪ੍ਰਧਾਨ ਸੁਰ ਹੋ ਨਿਬੜੀ,,,ਇਸ ਅਨੁਸਾਰ,ਭਾਇਚਾਰਿਆ ਵਿਚਲੇ ਵਖਰੇਵਿਆਂ ਨੂੰ ਏਕਤਾ ਲਇ ਖਤਰੇ ਦੇ ਰੂਪ ਵਿਚ ਦੇਖਿਆ ਜਾਣ ਲੱਗਾ,,,ਇਸ ਨਾਲ ਸਭਿਆਚਾਰਕ ਵੰਨ-ਸੁਵੰਨਤਾ ਪ੍ਰਤਿ ਅਸਹਿਨਸੀਲਤਾ ਪੈਦਾ ਹੋ ਗਇ,,,ਇਸ ਨੂੰ ਇਕ “ਸਮਸਿਆ” ਸਮਝਿਆ ਜਾਣ ਲੱਗਾ,,ਜਿਸਦਾ ਭਰੋਸੇਯੋਗ ਹੱਲ ਵਿਸੇਸ ਤੇ ਅਨੇਕ ਪਛਾਣਾਂ ਨੂੰ ਇੱਕੋ ਸਾਜੀ ਤੇ ਵਡੇਰੀ ਭਾਰਤੀ ਪਛਾਣ ਦੇ ਕਲਾਵੇ ਵਿਚ ਲੈ ਕੇ ਪ੍ਰਭਾਵਹੀਣ ਕਰ ਦੇਣ ਦੇ ਮੰਤਰ ਵਿਚ ਲਭਿਆ ਗਿਆ,,,,ਇਸ ਨੂੰ “ਅਨੇਕਤਾ ਵਿਚ ਏਕਤਾ “ ਦਾ ਨਾਮ ਦਿਤਾ ਗਿਆ,,,,,,,,,,,,,,,ਏਕਤਾ ਦੀ ਇਹ ਬ੍ਰਾਹਮਣਵਾਦੀ ਧਾਰਨਾ ਕਪਟਪੂਰਨ ਹੈ,,,ਇਹ ਬਹੁਵਾਦੀ ਹੋਣ ਦਾ ਭੁਲੇਖਾ ਪਾਉਦੀ ਹੈ,,ਪਰ ਹਕੀਕਤ ਵਿਚ ਇਹ ਇਕਵਾਦੀ ਹੈ,,,ਇਹ ਉਵੇ ਅਨੇਕਤਾ ਨੂੰ ਰੱਦ ਨਹੀ ਕਰਦੀ ਤੇ ਨਾ ਹੀ ਅਨੇਕਤਾ ਨੂੰ ਪੈਦੀ ਸੱਟੇ ਖਤਮ ਕਰ ਦੇਣ ਦਾ ਟੀਚਾ ਮਿਥਦੀ ਹੈ,,,ਇਹ ਅਨੇਕਤਾ ਨੂ ਪ੍ਰਵਾਨ ਕਰਨ ਦਾ ਭੁਲੇਖਾ ਪਾਉਦੀ ਹੋਇ ਹਕੀਕਤ ਵਿਚ ਅਨੇਕਤਾ ਨੂੰ ਸਹਿਣ ਕਰਨ ਦਾ ਅੰਦਾਜ ਧਾਰਨ ਕਰਦੀ ਹੇ,,,ਇਸ ਦੀ “ਅਨੇਕ” ਤੋ ਮੁਰਾਦ “ਇਕ” ਦਾ ਹੀ ਬਹੁ-ਭਾਂਤੀ ਜਹੂਰ ਹੈ,,ਜਾਂ ਅਨੇਕ ਦਾ ਇਕੋ ਸੰਯੁਕਤ ਸਾਲਮ-ਸਮੂਹ ਹੋ ਸਕਦਾ ਹੈ,,,ਅਨੇਕ ਇਥੇ ਬਰਾਬਰੀ ਦੇ ਸੂਤਰ ਵਿਚ ਨਹੀ ਬੱਝੇ ਹੋਏ,ਉਹ ਦਰਜਾਬੰਦੀ ਦੀ ਵਿਤਕਰੇਪੂਰਨ ਮਰਯਾਦਾ ਵਿਚ ਬੱਝੇ ਹੋਏ ਹਨ,”ਅਨੇਕਾਂ(ਭਾਰਤ ਦੀਆ ਬਹੁਭਾਤੀ ਪ੍ਰੰਪਰਾਵਾ”) ਦੀ ਹੋਂਦ ਨੂੰ ਉਵੇ ਅਪ੍ਰਵਾਨ ਨਹੀ ਕੀਤਾ ਗਿਆ,,ਪਰ ਉਨਾਂ ਨੂੰ “ਏਕ”(ਸਰਬ ਭਾਰਤੀ ਪ੍ਰੰਪਰਾ) ਦਾ ਹੀ ਬਹੁ-ਭਾਂਤੀ ਜਹੂਰ ਕਹਿ ਕੇ,ਉਨਾਂ ਦਾ ਦਰਜਾ ਦੋਮ ਕਰ ਦਿਤਾ ਗਿਆ ਹੈ,,,,ਵਿਭਿੰਨਤਾ ਦੀ ਗੱਲ ਕਰਨ ਵੇਲੇ ਵੱਧ ਜੋਰ “ਇਕਤਾ ਤੇ ਸਰਬ ਭਾਰਤੀਅਤਾ” ਉਤੇ ਦਿਤਾ ਜਾਦਾ ਹੈ,,,,ਇਹ ਚਤੁਰਾਇ ਤੇ ਭੇਦ-ਭਾਵ ਬ੍ਰਾਹਮਣਵਾਦ ਦੀ ਮੂਲ ਫਿਤਰਤ ਹੈ,,,ਬ੍ਰਾਹਮਣ ਵਰਗ ਨੂੰ ਉਵੇ ਅਨੇਕਤਾ ਨਾਲ ਕੋਇ ਸਮਸਿਆ ਨਹੀ,ਉਸਦਾ ਮੁੱਖ ਸਰੋਕਾਰ ਆਪਣੀ ਸਰਬ-ਉਚਤਾ,ਆਪਣਾ ਸ੍ਰੋਮਣੀ ਦਰਜਾ ਕਾਇਮ ਰਖਣਾ ਹੈ ,ਪੁਰਾਤਨ ਸਮਾਜ ਅੰਦਰ ਉਸ ਨੇ ਆਪਣਾ ਇਹ ਵਿਸੇਸ ਰੁਤਬਾ ਯਕੀਨੀ ਬਣਾਉਣ ਲਇ ਸਮਾਜੀ ਉਚ-ਨੀਚ ਦਾ ਪੱਖ-ਪਾਤੀ ਸਿਧਾਂਤ ਸਿਰਜਿਆ,ਜਿਸ ਨੂੰ ਸਰਬ-ਪ੍ਰਵਾਨਿਤ ਬਣਾਉਣ ਲਇ ਦੈਵੀ ਪ੍ਰਵਾਨਗੀ ਨਾਲ ਜੋੜਿਆ ਗਿਆ,,,ਬਦਲੀਆ ਹੋਇਆ ਹਾਲਤਾਂ ਅੰਦਰ ਉਸ ਨੇ ਆਪਣੀ ਸਰਬ-ਉਚਤਾ ਬਰਕਰਾਰ ਰਖਣ ਲਇ ਭਾਰਤੀ ਰਾਸ਼ਟਰਵਾਦ ਦੀ ਵਿਚਾਰਧਾਰਾ ਦਾ ਨਵੀਨ ਹਥਿਆਰ ਸਿਰਜਿਆ ਤੇ ਇਸ ਦੀ ਮਾਨਤਾ ਸਥਾਪਤ ਕਰ ਦਿਤੀ ਗਇ,,ਬ੍ਰਹਾਮਣ ਵਰਗ ਤੇ ਇਸਦੀਆ ਸਹਿਯੋਗੀ ਸਵਰਨ ਜਾਤੀਆ ਕੋਲੋ ਇਹ ਹਕੀਕਤ ਭੁਲੀ ਹੋਇ ਨਹੀ ਕਿ ਅਧੁਨਿਕ ਕਾਲ ਅੰਦਰ ਘੱਟ-ਗਿਣਤੀਆ ਧਰਮਾਂ ਦੀ ਹਸਤੀ ਨੂੰ ਜਿਸਮਾਨੀ ਰੂਪ ਵਿਚ ਖਤਮ ਕਰ ਸਕਣਾ ਸੰਭਵ ਨਹੀ ,,,ਘੱਟ ਗਿਣਤੀ ਧਰਮਾਂ ਦੀ ਹੋਂਦ ਨੂੰ ਸਹਿਣ ਕਰਨਾ ਉਨਾਂ ਦੀ ਮਜਬੂਰੀ ਹੈ ਚਾਹਤ ਨਹੀ,,,ਇਸ ਕਰਕੇ ਉਨਾਂ ਨੇ ਏਕਤਾ ਦਾ ਅਜ਼ਿਹਾ ਸੂਤਰ ਸਿਰਜਿਆ ਜਿਹੜਾ ਵੇਖਣ ਨੂੰ ਸਾਰੇ ਧਰਮਾਂ ਦੀ ਬਰਾਬਰੀ ਤੇ ਸਾਤਮਇ ਸਹਿ-ਹੋਂਦ ਦਾ ਭੁਲੇਖਾ ਪਾਉਦਾਂ ਹੈ ,ਪਰ ਹਕੀਕਤ ਵਿਚ ਘੱਟ-ਗਿਣਤੀ ਧਰਮਾਂ ਦੇ ਮੁਕਾਬਲੇ ਬਹੁ-ਗਿਣਤੀ(ਹਿੰਦੂ) ਧਰਮ ਦੀ ਪ੍ਰਮੁਖਤਾ ਯਕੀਨੀ ਬਣਾਉਦਾ ਹੈ,,ਇਹ ਤੱਥ ਬਹੁਤ ਚਤੁਰਾਇ ਨਾਲ ਛੁਪਾ ਲਿਆ ਜਾਂਦਾ ਹੈ,ਕਿ ਏਥੇ ਮਸਲਾ ਵੱਖ-ਵੱਖ ਭਾਇਚਾਰਿ
29th June 2016 9:39pm
Gravatar
Iqbal Singh Dhillon (Chandigarh, India)
“ਚੰਗੀ ਗੱਲ”
ਦੂਸਰੀ ‘ਚੰਗੀ’ ਗੱਲ ਜੋ ਜਰਨੈਲ ਸਿੰਘ ਭਿੰਡਰਾਂਵਾਲੇ ਸਬੰਧੀ ਸਾਹਮਣੇ ਆਈ ਹੈ ਉਹ ਇਹ ਹੈ ਕਿ ਉਹ ‘ਅਨੰਦਪੁਰ ਸਾਹਿਬ ਵਾਲੇ ਮਤੇ’ ਨੂੰ ਲਾਗੂ ਕਰਵਾਉਣ ਲਈ ਲੜਿਆ ਅਤੇ ਮਰਿਆ ਸੀ ਜਦੋਂ ਕਿ ਇਹ ਗੱਲ ਬਿਲਕੁਲ ਝੂਠੀ ਹੈ। ਉਹ ਤਾਂ ਆਪਣੇ ਦੋ ਅਤੀ ਨਜ਼ਦੀਕੀ ਸਾਥੀਆਂ ਦੀ ਗ੍ਰਿਫਤਾਰੀ ਤੋਂ ਪਿੱਛੋਂ ਆਪਣੀ ਗ੍ਰਿਫਤਾਰੀ ਤੋਂ ਬਚਣ ਲਈ ਗੁਰੂ ਨਾਨਕ ਨਿਵਾਸ ਵਿਚ ਆ ਲੁਕਿਆ ਸੀ ਅਤੇ ਉੱਥੋਂ ਉਸਨੇ ਆਪਣੇ ਉਹਨਾਂ ਸਾਥੀਆਂ ਦੀ ਰਿਹਾਈ ਲਈ ਮੋਰਚਾ ਲਗਾ ਦਿੱਤਾ ਸੀ। ਕੁਝ ਹੀ ਦਿਨਾਂ ਮਗਰੋਂ ਸ਼੍ਰੋਮਣੀ ਅਕਾਲੀ ਦਲ ਨੇ ਵੀ ਇੱਸੇ ਸਥਾਨ ਤੋਂ ਆਪਣਾ ਮੋਰਚਾ ਅਰੰਭ ਕਰ ਦਿੱਤਾ ਸੀ ਅਤੇ ਉਸ ਮੋਰਚੇ ਦਾ ਡਿਕਟੇਟਰ ਹਰਚੰਦ ਸਿੰਘ ਲੌਂਗੋਵਾਲ ਸੀ। ‘ਅਨੰਦਪੁਰ ਸਾਹਿਬ ਵਾਲੇ ਮਤੇ’ ਸਬੰਧੀ ਮੰਗ ਸ਼੍ਰੋਮਣੀ ਅਕਾਲੀ ਦਲ ਦੇ ਮੋਰਚੇ ਦੀ ਮੁੱਖ ਮੰਗ ਸੀ, ਭਿੰਡਰਾਂਵਾਲੇ ਦੇ ਮੋਰਚੇ ਦੀ ਨਹੀਂ। ਬਾਦ ਵਿਚ ਛੇਤੀ ਹੀ ਇਹਨਾਂ ਦੋਵਾਂ ਮੋਰਚਿਆਂ ਦਾ ਰਲੇਵਾਂ ਹੋ ਗਿਆ। ਇਸ ਪਿੱਛੋਂ ਭਿੰਡਰਾਂਵਾਲੇ ਨੇ ਕੀ ਕੁਝ ਕੀਤਾ, ਉਹ ਅਖੌਤੀ ਅਕਾਲ-ਤਖਤ ਦੀ ਇਮਾਰਤ ਵਿਚ ਕਿਵੇਂ ਗਿਆ ਅਤੇ ਬਾਦ ਵਿਚ ਕੀ ਕੁਝ ਵਾਪਰਿਆ ਇਸ ਬਾਰੇ ਕਾਫੀ ਜਾਣਕਾਰੀ ਆ ਚੁੱਕੀ ਹੈ ਪਰੰਤੂ ਇਸ ਸਾਰੇ ਦਾ ਘਟਨਾਕ੍ਰਮ ਵਿਚ ਭਿੰਡਰਾਂਵਾਲੇ ਦੇ ‘ਅਨੰਦਪੁਰ ਸਾਹਿਬ ਵਾਲੇ ਮਤੇ’ ਨਾਲ ਸਬੰਧਤ ਹੋਣ ਦਾ ਕੋਈ ਉਲੇਖ ਨਹੀਂ ਮਿਲਦਾ।
............... ਇਕਬਾਲ ਸਿੰਘ ਢਿੱਲੋਂ
29th June 2016 6:19pm
Gravatar
Gurindar Singh Paul (Aurora, US)
“ਇਕ-ਦੋ ਚੰਗੀਆਂ ਗੱਲਾਂ…”!
ਇਕ ਚੰਗੀ ਗੱਲ: “ਇਕ ਹਿੰਦੂ ਲੜਕੀ ਦੇ ਵਿਆਹ ਲਈ ਦੋ ਲੱਖ ਰੁਪਏ ਦੇਣੇ!”
ਅਨੇਕ ਸੁਹਾਗਣਾਂ ਦੇ ਸੁਹਾਗ ਉਜਾੜਨ ਵਾਲਿਆਂ ਹੱਥੋਂ ਅਜਿਹਾ ਸਵਾਬ!!! ਕਹਿਤ ਕਮਲੇ ਸੁਣਤ ਬਾਵਲੇ!
ਦੂਸਰਾ, ਕੀ ਦੋ ਲੱਖ ਰੁਪਏ ਉਸ ‘ਵੱਡੇ ਪਰਉਪਕਾਰੀ’ ਨੇ ਆਪਣੀ ਘਾਲਿ-ਕਮਾਈ ਵਿੱਚੋਂ ਦਿੱਤੇ ਸਨ? ਜੇ ਕਿਰਤ-ਕਮਾਈ ’ਚੋਂ ਨਹੀਂ ਦਿੱਤੇ ਤਾਂ, ਮਾਇਆ ਦਾ ਇਤਨਾ ਵੱਡਾ ਗੱਫਾ ਉਸ ਨੇ ਕਿੱਥੋਂ ਤੇ ਕਿਵੇਂ ਹਥਿਆਇਆ???
ਇਹ ਦੋਵੇਂ ਨੁਕਤੇ ਵਿਚਾਰਨਯੋਗ ਹਨ।
29th June 2016 12:42pm
Gravatar
Gurdeep Singh Baaghi (Ambala, India)
ਡਾ. ਹਰਭਜਨ ਸਿੰਘ ਅਪਣੀ ਕਿਤਾਬ "ਸ਼੍ਰੀ ਦਸਮ ਗ੍ਰੰਥ ਸਾਹਿਬ ਕਰਤਾ ਸੰਬੰਧੀ ਵਿਵਾਦ ਦੀ ਪੁਨਰ-ਸਮੀਖਿਆ" ਦੇ ਪੰਨਾ ੧੪੨ ਉਤੇ ਲਿਖਦਾ ਹੈ “ ‘ਚਰਿਤਰੋਪਾਖਿਆਨ’ ਦੇ ਮੰਤ੍ਰੀ-ਭੂਪ ਸੰਵਾਦ ਵਿੱਚ ਉਲਿਖੀਤ ਬਹੁਤੇ ਚਰਿਤ੍ਰਾਂ ਵਿੱਚ ਨਾਰੀ ਦਾ ਕਾਮੁਕ ਚਿਤ੍ਰਣ ਉਪਲਬਧ ਹੁੰਦਾ ਹੈ। ਕਾਮੁਕ ਕਥਾਵਾਂ ਤੋਂ ਪਹਿਲਾਂ ‘ਚੰਡੀ ਚਰਿਤ੍ਰ” ਦੇਣ ਦਾ ਕੇਵਲ ਇਹ ਪ੍ਰਯੋਜਨ ਹੈ ਕਿ ਰਚਨਾ-ਕਰਤਾ ਦੇ ਮਨ ਵਿੱਚ ਨਾਰੀ ਦਾ ਵਾਸਤਵਿਕ ਰੂਪ ਕਾਮੁਕ ਨਹੀਂ ਹੈ।” ਡਾ. ਹਰਭਜਨ ਅੱਗੇ ਲਿਖਦਾ ਹੈ “ ਨਾਰੀ ਦਾ ਕਾਮੁਕ ਰੂਪ ਚਿਤ੍ਰ ਸਿੰਘ ਵਰਗੇ ਐਸ਼-ਪ੍ਰਸਤ ਵਿਲਾਸੀ ਸ਼ਾਸਕਾਂ ਅਤੇ ਧਨਵਾਨ ਪੁਰੁਖਾਂ ਦੀ ਵਿਕ੍ਰਤ ਮਾਨਸਿਕਤਾ ਨੇ ਬਣਾਇਆ ਹੈ”।

ਡਾ. ਹਰਭਜਨ ਸਿੰਘ ਨੇ ਯਾ ਤੇਂ ਚਰਿਤ੍ਰੋਪਾਖਿਆਨ ਦਾ ਪਹਿਲਾਂ ਚਰਿਤ੍ਰ ਢੰਗ ਨਾਲ ਪੜ੍ਹੀਆ ਨਹੀਂ ਯਾਂ ਫਿਰ ਝੂਠ ਬੋਲ ਰਹੇ ਹਨ, ਨਾਰੀ ਦੇ ਬਾਰੇ ਜੋ ਬਿਚਿਤਰ ਨਾਟਕ ਦੇ ਲਿਖਾਰੀ ਦੀ ਰਾਯ ਹੈ ਉਹ ਵੀ ਵਿਕ੍ਰਤ ਮਾਨਸਿਕਤਾ ਦੀ ਉਪਜ ਹੈ। ਚਰਿਤ੍ਰੋਪਾਖਿਆਨ ਦਾ ਪਹਿਲਾਂ ਚਰਿਤ੍ਰ ਚੰਡੀ/ਭਗਉਤੀ ਦਾ ਚਰਿਤ੍ਰ ਹੈ ਜੋ ਬਿਚਿਤਰ ਨਾਟਕ ਲਿਖਾਰੀ ਦੀ ਇਸ਼ਟ ਦੇਵੀ ਹੈ ਅਤੇ ਸਿੱਧਾ ਦੁਰਗਾ ਸਪਤਸ਼ਤੀ ਤੂੰ ਨਿਕਲ ਕੇ ਬਿਚਿਤਰ ਨਾਟਕ ਵਿੱਚ ਆ ਗਈ ਅਤੇ ਇਸ ਚਰਿਤ੍ਰ ਵਿੱਚ ਹੀ ਲਿਖਾਰੀ ਇਹ ਵੀ ਸਪਸ਼ਟ ਕਰ ਦੇਂਦਾ ਹੈ ਕਿ “ਮੋਤੀ, ਗਰਭ , ਰਾਜਾ ਅਤੇ ਤ੍ਰਿਆ ਦਾ ਭੇਦ ਨਹੀ ਪਾਇਆ ਜਾ ਸਕਦਾ, ਹੇ ਦੇਵੀ ਤੇਰੀ ਕਿਰਪਾ ਨਾਲ ਕੁਛ-ਕੁਛ ਬਣਾ ਕੇ ਕਹਿ ਦੇਂਦਾ ਹਾਂ। ”:-ਅਰਘ ਗਰਭ ਨ੍ਰਿਪ ਤ੍ਰਿਯਨ ਕੋ ਭੇਦ ਨ ਪਾਯੋ ਜਾਇ ॥
ਤਊ ਤਿਹਾਰੀ ਕ੍ਰਿਪਾ ਤੇ ਕਛੁ ਕਛੁ ਕਹੋ ਬਨਾਇ ॥੪੪॥ ਚਰਿਤ੍ਰੋਪਾਖਿਆਨ ਪਹਿਲਾ ਚਰਿਤ੍ਰ
ਬਿਚਿਤਰ ਨਾਟਕ ਦਾ ਲਿਖਾਰੀ ਦਾਵਾ ਕਰ ਰਹਿਆ ਹੈ ਕਿ ਔਰਤਾਂ ਦੇ ਚਰਿਤ੍ਰ ਉਹ ਖੁਦ ਬਣਾ ਕੇ ਲਿਖ ਰਹਿਆ ਹੈ” ਤਊ ਤਿਹਾਰੀ ਕ੍ਰਿਪਾ ਤੇ ਕਛੁ ਕਛੁ ਕਹੋ ਬਨਾਇ ॥੪੪॥ ”। ਪਹਿਲੇ ਚਰਿਤ੍ਰ ਵਿੱਚ ਉਹ ਲਿਖਦਾ ਹੈ ਕਿ “ਔਰਤ ਦਾ ਭੇਦ ਨਹੀ ਪਾਇਆ ਜਾ ਸਕਦਾ” ਅਤੇ ਔਰਤਾਂ ਬਾਰੇ ਉਸ ਦੀ ਵਿਕ੍ਰਤ ਸੋਚ ਦੇ ਕੁਛ ਹੋਰ ਉਦਾਹਰਨ ਤੁਹਾਡੇ ਸਾਮ੍ਹਣੇ ਪੇਸ਼ ਕਰ ਰਹਿਆ ਹਾਂ:--
ਇਹ ਛਲ ਬਰਿਯੋ ਬਾਲ ਪਤਿ ਤੌਨੇ ॥ ਮਨ ਮਹਿ ਚੁਭਿਯੋ ਚਤੁਰਿ ਕੈ ਜੌਨੇ ॥
ਇਨ ਇਸਤ੍ਰਿਨ ਕੇ ਚਰਿਤ ਅਪਾਰਾ ॥ ਸਜਿ ਪਛੁਤਾਨ੍ਯੋ ਇਨ ਕਰਤਾਰਾ ॥੨੫॥ ਚਰਿਤ੍ਰ 322

ਚੰਚਲਾਨ ਕੇ ਚਰਿਤ ਕੋ ਸਕਤ ਨ ਕੋਈ ਬਿਚਾਰ ॥
ਬ੍ਰਹਮ ਬਿਸਨ ਸਿਵ ਖਟ ਬਦਨ ਜਿਨ ਸਿਰਜੀ ਕਰਤਾਰ ॥੧੨॥ ਚਰਿਤ੍ਰ 336

ਗੁਰਦੀਪ ਸਿੰਘ ਬਾਗੀ
28th June 2016 8:24pm
Gravatar
Iqbal Singh Dhillon (Chandigarh, India)
ਸ. ਮੱਖਣ ਸਿੰਘ ਪੁਰੇਵਾਲ ਜੀ,
ਧੰਨਵਾਦੀ ਹਾਂ ਕਿ ਆਪ ਜੀ ਨੇ ਜਰਨੈਲ ਸਿੰਘ ਭਿੰਡਰਾਂਵਾਲੇ ਸਬੰਧੀ ਪਰਚਲਤ ਇਕ ‘ਚੰਗੀ’ ਗੱਲ ਬਾਰੇ ਜਾਣਕਾਰੀ ਦਿੱਤੀ ਹੈ। ਜੇ ਆਪ ਜੀ ਦੇ ਧਿਆਨ ਵਿਚ ਭਿੰਡਰਾਂਵਾਲੇ ਦੀ ਸ਼ਖਸੀਅਤ ਨਾਲ ਸਬੰਧਤ ਕੋਈ ਹੋਰ ਪਰਚਲਤ ‘ਚੰਗੀ’ ਗੱਲ ਆਵੇ ਤਾਂ ਉਸ ਬਾਰੇ ਵੀ ਸੂਚਨਾ ਪ੍ਰਕਾਸ਼ਿਤ ਜ਼ਰੂਰ ਕਰਨਾ ਜੀ। ਉਂਜ ਇਸ ਸੰਦਰਭ ਵਿਚ ‘ਗੱਲ’ ਦੇ ਦੋ ਅਰਥ ਨਿਕਲਦੇ ਹਨ: ਪਹਿਲਾ ਕੋਈ ‘ਘਟਨਾ’ ਜੋ ਸਬੰਧਤ ਸ਼ਖਸੀਅਤ ਦੇ ਜੀਵਨ ਵਿਚ ਵਾਪਰੀ ਹੋਵੇ ਤੇ ਦੂਸਰਾ ਸਬੰਧਤ ਵਿਅਕਤੀ ਦੀ ਸ਼ਖਸੀਅਤ ਵਿਚਲਾ ਕੋਈ ਵਿਸ਼ੇਸ਼ ਗੁਣ। ਜਿਸ ‘ਚੰਗੀ’ ਗੱਲ ਦੀ ਜਾਣਕਾਰੀ ਆਪ ਜੀ ਨੇ ਦਿੱਤੀ ਹੈ ਉਹ ਇਕ ਘਟਨਾ ਹੈ ਜੋ ਕਿਸੇ ਵੇਲੇ ਵਾਪਰੀ ਵੀ ਹੋ ਸਕਦੀ ਹੈ ਅਤੇ ਮਨਘੜਤ ਵੀ ਹੋ ਸਕਦੀ ਹੈ। ਇਹੋ ਜਿਹੀਆਂ ‘ਗੱਲਾਂ’ ਸਮਾਜ ਵਿਚ ਵਿਚਰਦੀਆਂ ਜਰਾਇਮ-ਪੇਸ਼ਾ ਅਤੇ ਕਾਨੂੰਨ ਤੋਂ ਆਕੀ ਸ਼ਖਸੀਅਤਾਂ ਸਬੰਧੀ ਆਮ ਹੀ ਫੈਲਾਈਆਂ ਜਾਂਦੀਆਂ ਰਹੀਆਂ ਹਨ ਜਿਸ ਨਾਲ ਉਹਨਾਂ ਨੂੰ ਲੋਕ-ਨਾਇਕਾਂ ਦੇ ਤੌਰ ਤੇ ਮਾਨਤਾ ਮਿਲ ਜਾਂਦੀ ਰਹੀ ਹੈ ਜਿਵੇਂ ਕਿ ਦੁੱਲਾ ਭੱਟੀ, ਜੱਗਾ ਡਾਕੂ, ਜਿਉਣਾ ਮੌੜ, ਸੁੱਚਾ ਸੂਰਮਾ, ਰੌਬਿਨਹੁੱਡ ਆਦਿਕ ਦੇ ਸਬੰਧ ਵਿਚ ਹੋਇਆ ਹੈ। ਹੋ ਸਕਦਾ ਹੈ ਭਿੰਡਰਾਂਵਾਲੇ ਦੇ ਸਬੰਧ ਵਿਚ ਵੀ ਕੁਝ ਇਹੋ ਜਿਹੀ ਕੋਈ ਘਟਨਾ ਘੜ ਕੇ ਪਰਚਲਤ ਕੀਤੀ ਗਈ ਹੋਵੇ। ਉਂਜ ਭਿੰਡਰਾਂਵਾਲਾ ਤਾਂ ਆਮ ਕਿਹਾ ਕਰਦਾ ਸੀ ਕਿ ਇਕ ਸਿਖ ਦੇ ਹਿੱਸੇ ਛੱਤੀ ਹਿੰਦੂ ਆਉਂਦੇ ਹਨ। ਕਿੰਨੇ ਹੀ ਬੇਕਸੂਰ ਹਿੰਦੂਆਂ ਨੂੰ ਮਾਰਿਆ ਗਿਆ ਅਤੇ ਇਸ ਦੀ ਜ਼ਿੰਮੇਵਾਰੀ ਭਿੰਡਰਾਂਵਾਲੇ ਦੇ ਸਿਰ ਮੜ੍ਹੀ ਜਾਂਦੀ ਰਹੀ (ਭਾਵੇਂ ਇਹ ਕਤਲ ਕਿਸੇ ਹੋਰ ਧਿਰ ਨੇ ਹੀ ਕੀਤੇ/ਕਰਵਾਏ ਹੋਣ) ਪਰੰਤੂ ਭਿੰਡਰਾਂਵਾਲੇ ਨੇ ਕਦੀ ਇਹ ਐਲਾਨ ਨਹੀਂ ਕੀਤਾ ਸੀ ਕਿ ਅਜਿਹੀਆਂ ਮੰਦਭਾਗੀਆਂ ਘਟਨਾਵਾਂ ਵਿਚ ਉਸਦਾ ਹੱਥ ਨਹੀਂ। ਦੱਸੀ ਗਈ ‘ਚੰਗੀ’ ਗੱਲ ਰਾਹੀਂ ਦਰਸਾਇਆ ਗਿਆ ਦਾਨ-ਪੁੰਨ ਕਰਨ ਦਾ ਗੁਣ ਭਿੰਡਰਾਂਵਾਲੇ ਦੀ ਸ਼ਖਸੀਅਤ ਦਾ ਗੁਣ ਹੋਵੇਗਾ ਇਸਦੀ ਕੋਈ ਉਦਾਹਰਨ ਤਾਂ ਮਿਲਦੀ ਨਹੀਂ। ਪਰੰਤੂ ਹਿੰਦੂ ਭਾਈਚਾਰੇ ਸਬੰਧੀ ਉਸਨੇ (ਗੁਰਮੱਤ ਦੇ ਵਿਪਰੀਤ ਜਾਂਦਿਆਂ ਹੋਇਆਂ ਕਿਉਂਕਿ ਗੁਰਮੱਤ ਤਾਂ ‘ਏਕੁ ਪਿਤਾ ਏਕਸ ਕੇ ਹਮ ਬਾਰਿਕ’, ‘ਨਾ ਕੋ ਬੈਰੀ ਨਹੀਂ ਬਿਗਾਨਾ’ ਅਤੇ ‘ਸਭੇ ਸਾਂਝੀਵਾਲ ਸਦਾਇਨਿ’ ਦਾ ਸੰਦੇਸ਼ ਦਿੰਦੀ ਹੈ) ਕੀ ਰਵੱਈਆ ਅਪਣਾਈ ਰੱਖਿਆ ਸੀ ਇਹ 'ਗੱਲ' ਵੀ ਕਿਸੇ ਤੋਂ ਗੁੱਝੀ ਨਹੀਂ।
.................... ਇਕਬਾਲ ਸਿੰਘ ਢਿੱਲੋਂ
28th June 2016 7:21pm
Gravatar
sarbjit singh (kharar, India)
ਡਾ ਤਾਰਨ ਸਿੰਘ ਜੋ ਕਿ ਪੰਜਾਬੀ ਯੂਨੀਵਰਸਿਟੀ ਦੇ ਗੁਰੂ ਗ੍ਰੰਥ ਸਾਹਿਬ ਅਧਿਏਨ ਵਿਭਾਗ ਦੇ ਤਤਕਾਲੀ ਮੁਖੀ ਸਨ, ਨੇ ਆਪਣੀ ਲਿਖੀ ਕਿਤਾਬ “ਸਿੱਖ ਧਰਮ ਤੇ ਭਾਰਤ ਦੀ ਕੌਮੀ ਏਕਤਾ”(ਪੰਨਾ-2,4,10,20) ਦੇ ਸਿਰਲੇਖ ,ਜਿਸਨੂੰ ਛਾਪਣ ਦੀ ਸੇਵਾ ਡਾ ਜਸਬੀਰ ਸਿੰਘ ਆਹਲੂਵਾਲੀਆ ਦੀ ਸਰਪ੍ਰਸਤੀ ਹੇਠ ਗੁਰੂ ਗੋਬਿੰਦ ਸਿੰਘ ਫਾਉਡੇਸਨ ਚੰਡੀਗੜ ਨੇ ਨਿਭਾਇ ਸੀ,, ਵਿਚ ਸਿੱਖ ਫਲਸਫੇ ਤੇ ਇਤਿਹਾਸ ਨੂੰ ਭਾਰਤੀ ਰਾਸ਼ਟਰਵਾਦ ਦੀ ਸੇਵਾ ਵਿਚ ਭੁਗਤਾਉਣ ਦੇ ਖੋਟੇ ਮੰਤਵ ਨਾਲ ਇਹ ਗੁੰਮਰਾਹਕੁਨ ਵਿਚਾਰ ਪ੍ਰਗਟਾਏ ਸਨ ਕਿ,,,,,,,,,”ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹਾਦਤ ਨੇ ਦੇਸ਼ ਵਿਚ ਨਵੀ ਲਹਿਰ ਚਲਾਇ ਤੇ ਸਾਰੇ ਦੇਸ਼ ਨੂੰ ਇਕੁਮੁੱਠ ਕੀਤਾ,ਕਿਉਕਿ ਉਨਾਂ ਦੀ ਸ਼ਹਾਦਤ ਦੇਸ਼ ਧਰਮ ਦੀ ਖਾਤਰ ਸੀ,,,,, ਅਤੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਮੇਂ 31 ਮਾਰਚ 1699 ਨੂੰ ਅਨੰਦਪੁਰ ਸਾਹਿਬ ਵਿਚ ਇਕ ਸਰਬ ਭਾਰਤੀ ਜਨਤਾ ਦਾ ਇਕੱਠ ਹੋਇਆ ਉਸ ਇਕਠ ਵਿਚ ਇਕ ਬੜੇ ਅਲ਼ੋਕਿਕ ਨਾਟਕ ਦਵਾਰਾ ਗੁਰੂ ਗੋਬਿੰਦ ਸਿੰਘ ਜੀ ਨੇ ....ਸਿੱਖ ਧਰਮ ਦੇ ਪ੍ਰਬੰਧ ਲਇ “ਪੰਜ ਪਿਆਰਿਆਂ “ ਦੀ ਇਕ ਕੌਂਸਲ ਬਣਾਇ..........ਇਸ ਪ੍ਰਤਿਨਿਧ ਕੌਂਸਲ ਜਾਂ ਵਜਾਰਤ(ਕੈਬਨਿਟ) ਵਿਚ ਸਾਰੇ ਵਰਣਾਂ ਜਾਤਾਂ,ਧਰਮਾਂ ਤੇ ਪ੍ਰਾਤਾਂ ਦੇ ਪੰਚ ਸਨ,,,,,ਸਿੱਧ ਹੈ ਕਿ ਸਿੱਖ ਮੱਤ ਵਿਚ ਸਾਰੇ ਭਾਰਤੀ ਸਾਮਲ ਹੋ ਗਏ ਸਨ,,,ਇਹ ਕੌਮੀ ਏਕਤਾ ਸੀ” ਅਤੇ ਹੋਰ ਸੁਣੋ,,,,,”ਗੁਰੂ ਸਾਹਿਬ ਨੇ ਕਿਹਾ ਕਿ ਸਾਰੀ ਕੌਮ ਗ੍ਰੰਥ-ਵਿਸ਼ਵਾਸੀ ਹੈ,ਕੋਇ ਫਰਕ ਨਹੀ ਪੈਦਾਂ ਕਿ ਉਹ ਗ੍ਰੰਥ ਕੁਰਾਨ ਹੈ ਜਾਂ ਪੁਰਾਨ ਹੈ ਜਾਂ ਕੋਇ ਹੋਰ,,ਗ੍ਰੰਥ-ਵਿਸ਼ਵਾਸ਼ (ਭਾਰਤੀ) ਕੌਮ ਦਾ ਸਾਝਾਂ ਜਜ਼ਬਾ ਬਣ ਗਿਆ “,,,,,,,,,,,,,,
ਵਿਦਵਾਨ ਲੇਖਕ ਨੇ ਆਪਣੀ ਸੁਆਰਥੀ ਬਿਰਤੀ ਚੋਂ ਸਿੱਖ ਪੰਥ ਦੇ ਉਚੇ ਰੂਹਾਨੀ ਆਦਰਸਾ ਨੂੰ ਨੀਵੇਂ ਪੱਧਰ ਦੇ ਦੁਨਿਆਵੀ ਸੁਆਰਥਾਂ ਦਾ ਜਾਮਾ ਪਹਿਨਾਉਦਿਆਂ ਲਿਖਿਆ,,,,,,,,,”ਸਿੱਖ ਲਹਿਰ ਦਾ ਦ੍ਰਿਸ਼ਟੀਕੋਣ ਸੁਰੂ ਤੋਂ ਹੀ ਵਿਸਾਲ ਰਿਹਾ ਹੈ ਤੇ ਹੁਣ ਵੀ ਵਿਸਾਲ ਹੈ,,,,ਇਨਾਂ ਵਿਚ ਤੰਗਨਜਰੀ ਨਹੀ ਹੈ ,,ਇਹ ਭਾਰਤ ਦੇ ਚੌਕੀਦਾਰ ਹਨ,ਭਾਰਤ ਦੇ ਸਿਪਾਹੀ ਹਨ ਅਤੇ ਦੇਸ ਨੂੰ ਖਤਰਾ ਹੋਣ ਤੇ ਆਪਣੀਆ ਜਾਨਾਂ ਦੀ ਬਾਜੀ ਲਾ ਦਿੰਦੇ ਹਨ,,,ਇਹ ਕੁਰਬਾਨੀ ਹੀ ਉਨਾਂ ਨੂੰ ਪ੍ਰਿਯ ਬਣਾਂਦੀ ਹੈ”,,,,, ,””
------------ ਮੇਰੀ ਸਾਰੇ ਸਿੱਖ ਮਾਰਗ ਪੜਨ ਵਾਲਿਆ ਨੂੰ ਬੇਨਤੀ ਹੈ ਕਿ ਉਹ ਦਸਣ ਕੀ ਉਪਰ ਲਿਖਿਆ “ਸਿੱਖ ਧਰਮ “ ਦੇ ਅਨੁਕੂਲ ਹੈ? ਕੀ ਅਸੀ ਮੰਨ ਲਇਏ ਕਿ ਆਪਣੇ ਆਪ ਨੂੰ ਡਾ ,ਪੀ ਏਚ ਡੀ,ਪ੍ਰੋਫੈਸਰ ਕਹਿਣ ਵਾਲੇ ਹਮੇਸਾ ਸਿੱਖ ਧਰਮ ਬਾਰੇ ਸਹੀ ਲਿਖਦੇ ਹਨ???
ਇਕ ਹੋਰ ਬੜੀ ਜਰੂਰੀ ਗਲ ਜੋ ਇਸ ਤਰਾਂ ਹੈ,,,,,,,,,,,,,,ਸਕੂਲਾਂ,ਕਾਲਜਾਂ, ਯੂਨੀਵਰਸਿਟੀਆ ਵਿਚ ਦਿਤੀ ਜਾਂਦੀ ਸਿੱਖਿਆ ਦਾ ਮੂਲ ਉਦੇਸ ਲੋਕਾਂ ਦੇ ਮਨਾ ਵਿਚ ਰਾਜ ਦੀ ਵਿਚਾਰਧਾਰਾ ਦੇ ਮੁੱਖ ਤੱਤਾਂ(ਰਾਸ਼ਟਰਵਾਦ,ਰਾਸ਼ਟਰੀ ਸੁਰਖਿਆ,ਰਾਸਟਰੀ ਏਕਤਾ ਤੇ ਅਖੰਡਤਾ,ਤਰਕਸਲੀਲਤਾ,ਵਿਗਿਆਨ ਤੇ ਤਕਨਾਲੋਜੀ ਵਿਚ ਪੂਰਨ ਸਰਧਾ ਆਦਿ) ਵਿਚ ਵਿਸਵਾਸ ਤੇ ਸ਼ਰਧਾ-ਭਾਵ ਪੈਦਾ ਕਰਨਾ ਹੁੰਦਾ ਹੈ,,ਇਸ ਮੰਤਵ ਲਇ ਸੰਚਾਰ ਦੇ ਸਾਧਨਾਂ(ਪ੍ਰੈਸ,ਟੀ ਵੀ,ਰੇਡੀਉ,ਇੰਟਰਨੈਟ ਆਦਿ) ਦੀ ਅਸ਼ਰਦਾਰ ਵਰਤੋ ਕੀਤੀ ਜਾਂਦੀ ਹੈ,,,ਰਾਜ ਦੀ ਜੂਹ ਅੰਦਰ ਰਹਿੰਦੇ ਸਾਰੇ ਲੋਕਾਂ ਵਲੋ ਸਾਝਾਂ ਨਜਰੀਆ ਅਪਨਾਉਣ ਦੀ ਮੰਗ ਕੀਤੀ ਜਾਂਦੀ ਹੈ,,,
ਇਹੋ ਜਿਹੇ ਹਾਲਤਾਂ ਵਿਚ ਯੂਨੀਵਰਸਿਟੀਆ ਦੇ ਡਾ ਅਤੇ ਪੀ ਏਚ ਡੀ ਦਾ ਆਪਣੇ ਧਰਮ ਦੇ ਆਦਰਸਾ ਤੇ ਧਰਮ ਦੇ ਨਾਇਕਾਂ ਪ੍ਰਤੀ ਕੀ ਰਵੱਇਆ ਹੋਵੇਗਾ ਸਹਿਜੇ ਹੀ ਸਮਝ ਆ ਜਾਦਾ ਹੈ,,
28th June 2016 7:29am
Gravatar
Iqbal Singh Dhillon (Chandigarh, India)
ਸ. ਮੱਖਣ ਸਿੰਘ ਪੁਰੇਵਾਲ ਜੀ,
'ਸਿਖਮਾਰਗ'ਵੈਬਸਾਈਟ ਉੱਤੇ ਇਸ ਹਫਤੇ ਪਾਏ ਗਏ ਆਪ ਜੀ ਦੇ ਜਰਨੈਲ ਸਿੰਘ ਭਿੰਡਰਾਂਵਾਲੇ ਸਬੰਧੀ ਆਪਣੇ ਲੇਖ ਵਿਚ ਲਿਖਿਆ ਹੈ ਕਿ ਟਕਸਾਲੀਏ ਇਸ ਸਾਧ ਦੀਆਂ ਇਕ-ਦੋ ਚੰਗੀਆਂ ਗੱਲਾਂ ਨੂੰ ਵਾਰ-ਵਾਰ ਦੁਹਰਾਉਂਦੇ ਹਨ। ਕਿਰਪਾ ਕਰਕੇ ਦੱਸਣਾ ਕਿ ਇਹ ਇਕ-ਦੋ 'ਚੰਗੀਆਂ' ਗੱਲਾਂ ਕੀ ਹਨ। ...................ਇਕਬਾਲ ਸਿੰਘ ਢਿੱਲੋਂ
27th June 2016 4:29pm
Gravatar
Makhan Singh Purewal (Quesnel, Canada)
ਡਾ: ਇਕਬਾਲ ਸਿੰਘ ਢਿੱਲੋਂ ਜੀ,
ਜਿਹੜੀ ਇੱਕ ਗੱਲ ਨੂੰ ਟਕਸਾਲੀਏ ਅਤੇ ਇਸ ਸਾਧ ਦੇ ਹੋਰ ਅੰਨੇ ਸ਼ਰਧਾਲੂ ਬਾਰ-ਬਾਰ- ਦੁਹਰਾਉਂਦੇ ਹਨ ਉਹ ਹੈ ਇੱਕ ਹਿੰਦੂ ਦੀ ਲੜਕੀ ਦੇ ਵਿਆਹ ਲਈ ਦੋ ਲੱਖ ਰੁਪਏ ਦੇਣੇ। ਇਹ ਗੱਲ ਤੁਸੀਂ ਦੋ ਦਿਨ ਪਹਿਲਾਂ ਵੀ ਸਪੋਕਸਮੈਂਨ ਅਖਬਾਰ ਵਿੱਚ ਪੜ੍ਹੀ ਹੋਵੇਗੀ ਜਿਸ ਦਾ ਲਿੰਕ ਹੇਠਾਂ ਦਿੱਤਾ ਜਾ ਰਿਹਾ ਹੈ।
http://rozanaspokesman.com/epaper/full.aspx?dt=06/26/2016&pno=8
27th June 2016 5:30pm
Gravatar
Iqbal Singh Dhillon (Chandigarh, India)
ਮਾਨਯੋਗ ਸੰਪਾਦਕ 'ਸਿਖਮਾਰਗ' ਜੀਓ,
ਬੇਨਤੀ ਹੈ ਕਿ ਮੇਰੇ ਵੱਲੋਂ ਵਿਚਾਰ-ਚਰਚਾ ਬੰਦ ਕਰਨ ਤੋਂ ਪਿੱਛੋਂ ਵੀ ਸ. ਸਰਬਜੀਤ ਸਿੰਘ ਖਰੜ ਆਪਣੀਆਂ ਪੋਸਟਾਂ ਵਿਚ ਮੇਰੇ ਸਬੰਧੀ ਇਤਰਾਜ਼ਯੋਗ ਭਾਸ਼ਾ ਦੀ ਵਰਤੋਂ ਕਰ ਰਹੇ ਹਨ। ਸਨਿਮਰ ਬੇਨਤੀ ਹੈ ਕਿ ਇਸ ਸਬੰਧੀ ਕੋਈ ਯੋਗ ਕਾਰਵਾਈ ਕਿਤੀ ਜਾਵੇ ਜੀ। ........ਇਕਬਾਲ ਸਿੰਘ ਢਿੱਲੋਂ
25th June 2016 7:29am
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ, ਆਪ ਜੀ ਤਰਕ-ਆਧਾਰਿਤ ਦਲੀਲਾਂ ਦੇਣ ਦੀ ਬਜਾਇ ਗਾਲੀ-ਗਲੋਚ ਵਾਲੀ ਭਾਸ਼ਾ ਦੀ ਵਰਤੋਂ ਤੇ ਉੱਤਰ ਆਏ ਹੋ। ਇਸ ਲਈ ਆਪ ਜੀ ਨਾਲ ਹੋਰ ਵਿਚਾਰ-ਚਰਚਾ ਨਹੀਂ ਹੋ ਸਕਦੀ। ............... ਇਕਬਾਲ ਸਿੰਘ ਢਿੱਲੋਂ
24th June 2016 2:46am
Gravatar
sarbjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,,, ਚਲੋ ਮੰਨਿਆ ਕਿ 1984 ਨੂੰ ਬ੍ਰਾਹਮਣਵਾਦੀ ਹਿੰਦੂ ਸਰਕਾਰ ਦੀ ਫੌਜ ਨੇ ਭਿੰਡਰਾਵਾਲੇ ਨੂੰ ਫੜਨ ਲਇ ਹਮਲਾ ਕੀਤਾ ਸੀ,,,ਪੰਜਾਬੀ ਸੂਬੇ ਦੇ ਮੋਰਚੇ ਵੇਲੇ,,,ਇਹ ਦਸੋ 3-4 ਜੁਲਾਇ 1955 ਨੂੰ ਮਹਾਸਾ ਪੁਲਸਿਏ ਅਸਵਨੀ ਕੁਮਾਰ ਦੀ ਗ਼ਵਾਇ ਵਿਚ ਦਰਬਾਰ ਸਾਹਿਬ ਤੇ ਹਮਲਾ ਕਿਉ ਕੀਤਾ ਸੀ??? ਇਸ ਵਿਚ ਉਸਨੇ ਸਾਰੇ ਲਾਇਸੰਸੀ ਹਥਿਆਰ ਜਬਤ ਕਰ ਲਏ ਸਨ,ਅਤੇ ਦਰਬਾਰ ਸਾਹਿਬ ਦੇ ਗ੍ਰੰਥ ਨੂੰ ਵੀ ਗਰਿਫਤਾਰ ਕਰ ਲਿਆ ਸੀ,ਮਾਸਟਰ ਤਾਰਾ ਸਿੰਘ ਦੇ ਘਰੋ ਉਹਨਾਂ ਦੀ ਲਾਇਸੰਸੀ ਬੰਦੂਕ ਵੀ ਜਬਤ ਕਰ ਲਇ ਸੀ,,ਉਦੋ ਤਾ ਕੋਇ ਭਿੰਡਰਾਵਾਲਾ ਨਹੀ ਲੁਕਿਆ ਸੀ ਦਰਬਾਰ ਸਾਹਿਬ ਵਿਚ ਫਿਰ ਇਹ ਹਮਲਾ ਕਿਉ?????ਇਕਬਾਲ ਸਿੰਘ ਢਿਲੋ ਜੀ,,,ਬਿਮਾਰੀ ਦੀ ਅਸਲ ਜੜ ਇਹ ਹੈ ਕੀ,,ਤੁਸੀ ਅਤੇ ਤੁਹਾਡੇ ਵਰਗੇ ਕਇ ਹੋਰ ਪੀ ਏਚ ਡੀ ਅਤੇ ਪੜਾਇ ਦੀਆ ਵੱਡੀਆ-ਵਡੀਆ ਡਿਗਰੀਆ ਲੈਣ ਵਾਲੇ ਪੂਰੀ ਤਰਾਂ ਹਿੰਦੂ ਸਰਕਾਰ ਦੇ ਰਾਸਟਰਵਾਦੀ ਨਾਗਰਿਕ ਬਣ ਗਏ ਹੋ ਕਿਉਕਿ ਤੁਹਾਨੂੰ ਪਵਾਇਆ ਹੀ ਇਹ ਗਿਆ ਹੈ,,,ਜਸਬੀਰ ਸਿੰਘ ਆਹਲੂਵਾਲੀਆ ਸਿਧਾਰਥ ਸੰਕਰ ਰੇਅ ਨਾਲ ਗਵਰਨਰ ਹਾਉਸ ਵਿਖੇ ਪਤਵੰਤੇ ਸਜਣਾ ਦਆ ਸਰਾਬ ਦੀਆ ਮਹਿਫਲਾਂ ਲਾਉਦਾ ਰਿਹਾ ਹੈ,ਉਸ ਸਮੇ ਜਦੋ ਪੰਜਾਬ ਅੰਦਰ ਸਿੱਖਾਂ ਤੇ ਬੇਤਹਾਸਾ ਜੁਲਮ ਹੋ ਰਹੇ ਸਨ ਅਤੇ ਉਹਨਾ ਦੇ ਝੂਠੇ ਮੁਕਾਬਲੇ ਬਣਾ ਜਾ ਰਹੇ ਸਨ,ਢਿਲੋ ਜੀ ਤੁਹਾਡਾ ਹੀ ਨਹੀ ਸਾਰੇ ਯੂਨੀਵਰਸਿਟੀਆ ਦੇ ਪਰੋਫੈਸਰ ਤੇ ਹੋਰ ਡਿਗਰੀ ਹੋਲਡਰਾ ਦਾ ਇਹੀ ਹਾਲ ਹੈ,,ਉਹ ਸਿੱਖੀ ਨੂੰ ਕਦੇ ਦਾ ਤਿਆਗ ਚੁਕੇ ਹਨ,,ਪਰ ਦਿਖਾਵਾ ਸਿੱਕੀ ਦੇ ਖੈਰ ਖੀਵਾਹ ਹੋਣ ਦਾ ਕਰਦੇ ਹਨ,,,ਢਿਲੋ ਸਾਹਿਬ ਇਕ ਅਖਰ ਵੀ ਦਸੋ ਜਿਹੜਾ ਗਲਤ ਲਿਖਿਆ ਹੋਵੇ
25th June 2016 12:06am
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਆਪ ਜੀ ਨੇ ਫਿਰ ਸਬੂਤਾਂ ਦੀ ਗੱਲ ਛੇੜ ਲਈ ਹੈ। ਮੈਂ ਰੂਸ ਦੀ ਭੂਮਿਕਾ ਸਬੰਧੀ ਸਬੂਤਾਂ/ਕਾਰਨਾਂ ਦੀ ਜਨਤਕ ਤੌਰ ਤੇ ਵਿਚਾਰ-ਚਰਚਾ ਕਰਨ ਤੋਂ ਆਪਣੀ ਅਸਮਰੱਥਾ ਇਸ ਕਰਕੇ ਪ੍ਰਗਟਾਈ ਹੈ ਕਿ ਇਹ ਮਸਲਾ ਦੋ ਦੇਸ਼ਾਂ ਦੀ ਆਪਣੀ-ਆਪਣੀ ਅੰਦਰੂਨੀ ਸਥਿਤੀ ਨਾਲ ਵੀ ਸਬੰਧਤ ਹੈ ਅਤੇ ਅਤੇ ਦੋਵਾਂ ਦੇਸ਼ਾ ਦੇ ਆਪਸੀ ਸਬੰਧਾਂ ਨਾਲ ਵੀ ਅਤੇ ਮੇਰੇ ਇਕ ਸਧਾਰਨ ਵਿਅਕਤੀ ਹੋਣ ਕਰਕੇ ਇਸ ਬਾਰੇ ਜਨਤਕ ਤੌਰ ਤੇ ਵਿਸਥਾਰ ਵਿਚ ਪੈਣਾ ਮੇਰੇ ਅਧਿਕਾਰ-ਖੇਤਰ ਤੋਂ ਬਾਹਰ ਹੈ। ਉਧਰ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੀ ਭੂਮਿਕਾ ਦਾ ਮਸਲਾ ਇਕ ਵਿਸ਼ੇਸ਼ ਭਾਈਚਾਰੇ ਦਾ ਅੰਦਰੂਨੀ ਮਸਲਾ ਹੈ ਅਤੇ ਇਸ ਉੱਤੇ ਭਾਈਚਾਰੇ ਦੇ ਅੰਦਰ ਖੁਲ੍ਹ ਕੇ ਵਿਚਾਰ-ਚਰਚਾ ਹੋਣੀ ਚਾਹੀਦੀ ਹੈ। ਪਰੰਤੂ ਕੁਝ ਧਿਰਾਂ ਅਜਿਹੀ ਵਿਚਾਰ-ਚਰਚਾ ਦਾ ਮਾਹੌਲ ਨਹੀਂ ਬਣਨ ਦੇਣਾ ਚਾਹੁੰਦੀਆਂ ਜਿਸ ਦਾ ਸਿੱਧਾ ਅਰਥ ਹੈ ਕਿ ਅਜਿਹੀਆਂ ਧਿਰਾਂ ਬੀਤੇ ਤੋਂ ਕੁਝ ਸਿੱਖਿਆ ਪਰਾਪਤ ਨਹੀਂ ਕਰਨਾ ਚਾਹੁੰਦੀਆਂ। ਇਹਨਾਂ ਧਿਰਾਂ ਵਿਚ ਸ਼ਾਮਲ ਲੋਕ ਆਪਣੇ-ਆਪ ਨੂੰ ‘ਸਿਖ’ ਤਾਂ ਕਹਿੰਦੇ ਹਨ ਪਰੰਤੂ ਉਹਨਾਂ ਦੀ ਸਿੱਖੀ ਕੇਵਲ ਜਰਨੈਲ ਸਿੰਘ ਭਿੰਡਰਾਂਵਾਲੇ ਤਕ ਹੀ ਸੀਮਿਤ ਹੈ ਅਤੇ ਗੁਰਮੱਤ ਨਾਲ ਉਹਨਾਂ ਦਾ ਕੋਈ ਲੈਣਾ-ਦੇਣਾ ਨਹੀਂ। ਭਾਵ ਉਹ ਸ਼ਖਸੀ-ਪੂਜਾ (personality cult) ਨੂੰ ਸਮਰਪਿਤ ਹਨ ਅਤੇ ਇਸ ਕਰਕੇ ਉਹਨਾਂ ਨੂੰ ਭਿੰਡਰਾਂਵਾਲੇ ਦੀ ਸ਼ਖਸੀ ਹੋਂਦ ਤੋਂ ਅੱਗੇ ਕੁਝ ਵਿਖਾਈ ਹੀ ਨਹੀਂ ਦਿੰਦਾ (ਗੁਰਮੱਤ ਸ਼ਖਸੀ-ਪੂਜਾ ਨੂੰ ਨਕਾਰਦੀ ਹੈ)। ਭਿੰਡਰਾਂਵਾਲੇ ਨੂੰ ਭਿੰਡਰਾਂਵਾਲੇ ਜੱਥੇ ਰਾਹੀਂ ਮਿਲੀ ਸਿਖਲਾਈ ਅਤੇ ਉਸਦੇ ਸੱਤ ਸਾਲ ਅਖੌਤੀ ਦਮਦਮੀ ਟਕਸਾਲ ਦੇ ਮੁੱਖੀ ਦੇ ਤੌਰ ਤੇ ਕਾਰਗੁਜ਼ਾਰੀ ਗੁਰਮੱਤ ਦੇ ਕਿੰਨੀ ਕੁ ਵਿਪਰੀਤ ਰਹੀ ਹੈ ਉਸ ਦੇ ਸਬੰਧ ਵਿਚ ਇਹ ਧਿਰਾਂ ਸੋਚਣਾ/ਸੁਣਨਾ ਹੀ ਨਹੀਂ ਚਾਹੁੰਦੀਆਂ। ਫਿਰ ਉਹਨਾਂ ਦੀ ਸੋਚ ਦਾ ਸਿਖ ਭਾਈਚਾਰੇ ਦੇ ਹਿਤਾਂ ਲਈ ਕੀ ਯੋਗਦਾਨ ਹੋ ਸਕਦਾ ਹੈ ਇਸ ਦਾ ਅੰਦਾਜ਼ਾ ਲਗਾਉਣਾ ਮੁਸ਼ਕਿਲ ਨਹੀਂ।

ਸ. ਸਰਬਜੀਤ ਸਿੰਘ ਜੀ, ਆਪ ਜੀ ਜਿਹੜੇ ‘ਆਭਾਸ’ ਦੀ ਗੱਲ ਕਰਦੇ ਹੋ ਉਸਦਾ ਕੋਈ ਪ੍ਰਗਟਾਵਾ ਜਰਨੈਲ ਸਿੰਘ ਭਿੰਡਰਾਂਵਾਲੇ ਵੱਲੋਂ ਕਦੀ ਜਨਤਕ ਤੌਰ ਤੇ ਨਹੀਂ ਕੀਤਾ ਗਿਆ। ਆਪ ਜੀ ਨੇ ਵੀ ਇਹ ਗੱਲ ਲੋਕਾਂ ਤੋਂ ਹੀ ਸੁਣੀ ਹੈ ਜਾਂ ਕੁਝ ਲਿਖਤਾਂ ਵਿਚ ਪੜ੍ਹੀ ਹੈ। ਦੂਸਰੇ ਪਾਸੇ ਭਿੰਡਰਾਂਵਾਲੇ ਦਾ ਚੌਕ-ਮਹਿਤਾ ਨੂੰ ਛੱਡ ਕੇ ਝੱਟ ਹੀ ਗੁਰੂ ਨਾਨਕ ਨਿਵਾਸ ਵਿਚ ਆ ਡੇਰਾ ਲਾਉਣਾ ਜਦੋਂ ਉਸ ਦੇ ਇਸ਼ਾਰੇ ਤੇ ਕਾਰਵਾਈਆਂ ਕਰਨ ਵਾਲੇ ਉਸ ਦੇ ਦੋ ਬਹੁਤ ਕਰੀਬੀ ਸਾਥੀ ਗੰਭੀਰ ਦੋਸ਼ਾਂ ਵਿਚ ਗ੍ਰਿਫਤਾਰ ਕਰ ਲਏ ਗਏ ਸਨ ਅਤੇ ਫਿਰ ਉਸਦਾ ਗੁਰੂ ਨਾਨਕ ਨਿਵਾਸ ਨੂੰ ਛੱਡ ਕੇ ਝੱਟ ਹੀ ਦਰਬਾਰ ਸਾਹਿਬ ਦੇ ਸਾਹਮਣੇ ਪੈਂਦੀ ਇਕ ਇਮਾਰਤ ਵਿਚ ਆ ਲੁਕਣਾ ਜਦੋਂ ਸਾਰਾ ਦੇਸ਼ ਉਸ ਦੇ ਨਾਮ ਨਾਲ ਜੁੜਦੀਆਂ ਅੱਤਵਾਦੀ ਕਾਰਵਾਈਆਂ ਲਈ ਉਸ ਦੀ ਗ੍ਰਿਫਤਾਰੀ ਦੀ ਮੰਗ ਕਰ ਰਿਹਾ ਸੀ, ਅਜਿਹੇ ਤੱਥ ਹਨ ਜਿਹਨਾਂ ਨੂੰ ਅਣਗੌਲਿਆ ਨਹੀਂ ਕੀਤਾ ਜਾ

(ਚਲਦਾ)
23rd June 2016 8:56am
Gravatar
sarbjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ ,1984 ਕੀ ਸੀ ਵਿਦੇਸੀ ਲੋਕ ਤਾਂ ਸਮਝ ਗਏ ਪਰ ਅਫਸੋਸ ਆਪਣੇ, ਸਰਕਾਰ ਦੇ ਕੁ ਪ੍ਰਚਾਰ ਦਾ ਸਿਕਾਰ ਹੋ ਕੇ ਰਹਿ ਗਸੇ ਹਨ,,,,-- ਜੋਇਸ ਪੈਟੀਗਰਿਉ ਦਾ ਇਹ ਜਾਇਜਾ ਪੂਰੀ ਤਰਾਂ ਦਰੁਸਤ ਹੈ ਕਿ " ਭਾਰਤੀ ਫੌਜ ਦਰਬਾਰ ਸਾਹਿਬ ਦੇ ਅੰਦਰ ਕਿਸੇ ਰਾਜਨੀਤਕ ਹਸਤੀ ਜਾਂ ਕਿਸੇ ਰਾਜਸੀ ਲਹਿਰ ਨੂੰ ਕੁਚਲਣ ਵਾਸਤੇ ਦਾਖਲ ਨਹੀ ਸੀ ਹੋਇ , ਮੰਤਵ ਇਕ ਕੌਮ ਦੇ ਸਭਿਆਚਾਰ ਨੂੰ ਕੁਚਲਣਾ ,ਉਨਾਂ ਦੇ ਦਿਲ ਉਤੇ ਹਮਲਾ ਕਰਨਾ ਅਤੇ ਉਨਾਂ ਦੀ ਸਪਿਰਟ ਤੇ ਸਵੈ-ਵਿਸਵਾਸ ਉਤੇ ਸੱਟ ਮਾਰਨਾ ਸੀ" ----------- The Sikhs of Punjab: Unheard Voices of State and Guerrila Violence ,pp - 9-10 ,,by joyce Pettigrew,
ਵਿਦੇਸੀਅਖਬਾਰਾ ਨੂ ਵੀ ਪਤਾ ਲਗ ਗਿਆ ਪਰ ਆਪਣੇ ਆਪ ਨੂੰ ਸਿੱਖ ਕਹਿਣ ਵਾਲੇ ਪਤਾ ਨਹੀ ਕਦੋ ਪਛਾਣ ਕਰਨਗੇ ??????????
-- ਭਾਰਤੀ ਹਾਕਮ ਸਿੱਖਾਂ ਉਤੇ ਢਾਹੇ ਜਾ ਰਹੇ ਹੋਲਨਾਕ ਜੁਲਮਾ ਉਤੇ ਭੇਦ ਦਾ ਸੰਘਣਾ ਪਰਦਾ ਪਾਇ ਰਖਣਾ ਚਾਹੁੰਦੇ ਸਨ, ਉਹ ਨਾ ਸਿਰਫ ਬਾਹਰਲੀ ਦੁਨੀਆ ਨੂੰ ਪੰਜਾਬ ਅੰਦਰ ਵਾਪਰ ਰਹੇ ਇਸ ਅਨਰਥ ਤੋ ਬੇਖਬਰ ਰਖਣਾ ਚਾਹੁੰਦੇ ਸਨ ਸਗੋ ਇਸ ਹਕੁਮਤੀ ਹਨੇਰਗਰਦੀ ਦਾ ਸਿਕਾਰ ਹੋ ਰਹੇ ਸਿੱਖ ਭਾਇਚਾਰੇ ਨੂੰ ਆਪਸ ਵਿਚ ਵੀ ਆਪਣਾ ਦਰਦ ਸਾਝਾਂ ਕਰਣ ਦੇ ਅਧਿਕਾਰ ਤੋ ਵੀ ਕਰੂਰਤਾ ਨਾਲ ਮਹਿਰੂਮ ਰੱਖ ਰਹੇ ਸਨ, ਆਪਣੇ ਤੋ ਪੂਰਬਲੇ ਬਸਤੀਵਾਦੀ ਹਾਕਮਾਂ ਦੇ ਪਦ ਚਿੰਨਾ ਤੇ ਚਲਦਿਆ ਪੰਜਾਬ ਅੰਦਰ ਸਾਰੇ ਜਿਲਾ ਮੇਜੀਸਟਰੇਟਾ ਨੂੰ ਗਸਤੀ ਚਿਠੀਆ ਜਾਰੀ ਕਰਕੇ ਸਾਰੇ ਸਰਕਾਰੀ ਦਫਤਰਾ ਅਤੇ ਵਿਦਿਅਕ ਅਦਾਰਿਆ ਅੰਦਰ "ਰਾਜਸੀ ਗਲਬਾਤ" ਉਤੇ ਸਖਤ ਮਨਾਹੀਆਂ ਠੋਕ ਦਿਤੀਆਂ ਸਨ, ------- The Telegaph,, june 25,1984
23rd June 2016 8:29pm
Gravatar
sarbjit singh (kharar, India)
ਇਕਬਾਲ ਸਿੰਘ ਢਿਲੋ ਜੀ,ਤੁਸੀ ਲਿਖਿਆ ਹੈ ਕਿ ਸਾਰਾ ਦੇਸ਼ ਭਿੰਡਰਾਵਾਲੇ ਦੇ ਨਾਮ ਨਾਲ ਜੁੜਦੀਆ ਕਰਵਾਇਆ ਲਇ ਉਸ ਦੀ ਗਰਿਫਤਾਰੀ ਦੀ ਮੰਗ ਕਰ ਰਿਹਾ ਸੀ,,,ਕੀ ਇਸ ਦੇਸ ਨੇ ਕਦੀ ਜਗ ਬਾਣੀ ਦੇ ਅਖਬਾਰ ਦੇ ਮਾਲਕਾ ਨੂੰ ਕਿਹਾ ਕਿ ਤੁਸੀ ਸਿੱਖ ਗੁਰੂਆ ਖਿਲਾਫ ਮੰਦੀ ਭਾਸ਼ਾ ਨਾ ਵਰਤੋ? ਕੀ ਇਸ ਦੇਸ ਨੇ ਨਿਰੰਕਾਰੀਆ ਨੂੰ 13 ਅਪਰੈਲ 1978 ਨੂੰ ਕਿਹਾ ਕਿ ਸਿੱਖ ਗੁਰੂਆ ਖਿਲਾਫ ਮਾੜਾ ਨਾ ਬੋਲੋ?ਇਸ ਦੇਸ ਨੇ ਭਾਸਾਇ ਸੂਬੇ ਬਣਾਏ ਕੀ ਇਸ ਦੇਸ ਨੈ ਪੰਜਾਬੀ ਭਾਸਾ ਅਧਾਰ ਤੇ ਸੂਬਾ ਬਣਾਇਆ? ਇਸ ਦੇਸ ਨੇ ਕਿਹਾ ਕਿ ਪੰਜਾਬ ਦਾ ਪਾਣੀ ਇਸ ਨੂੰ ਹੀ ਵਰਤਣ ਦਿਉ???ਇਸ ਦੇਸ ਨੇ ਕੀ-ਕੀ ਕੀਤਾ,ਭਿੰਡਰਾਵਾਲੇ ਖਿਲਾਫ ਕਿਵੇ ਕੁਪਰਚਾਰ ਕੀਤਾ ਤੇ ਲੋਕਾ(ਤੁਹਾਡੇ ਵਰਗੇ ਭਾਰਤ ਮਾਤਾ ਦੇ ਸਪੂਤ ਸਮੇਤ) ਨੇ ਇਸਨੂੰ ਸਤ ਕਰਕੇ ਮੰਨਿਆ ,,,ਇ ਦੇਸ ਦੀ ਤੁਹਾਨੂੰ ਬਹੁਤ ਫਿਕਰ ਹੈ,,ਪਰ ਤੁਸੀ ਇਹ ਨਹੀ ਦਸਦੇ ਕਿ ਪੰਜਾਬ ਦੇ ਹੱਕ ਕਿਉ ਨਹੀ ਦੇਦਾ ਇਹ ਦੇਸ??????
23rd June 2016 9:13pm
Gravatar
sarbjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,ਇਸ ਦੇਸ ਦੀ ਪੈਰਵੀ ਕਰੋ ਕੋਣ ਰੋਕਦਾ ਪਰ ਝੂਠ ਨੂੰ ਝੂਠ ਕਹਿਣ ਤੋ ਨਾ ਖੂੰਜੋ,ਪਰ ਇਹ ਦਸੋ ਸਿੱਖਾਂ ਦੇ ਹੱਕਾਂ ਦੀ ਪੈਰਵਾਇ ਕਦੋ ਕਰੋਗੇ?ਇਸ ਦੇਸ ਨੇ ਸਿੱਖਾਂ ਤੇ ਪੰਜਾਬ ਪ੍ਰਤੀ ਕਿਵੇ ਝੂਠਾ ਪ੍ਰਚਾਰ ਕੀਤਾ,,ਪੜੋ ਸ ਜਸਪਾਲ ਸਿੰਘ ਸਿੱਧੂ ਦੀ ਕਿਤਾਬ--'ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੇ ਰੂ-ਬ-ਰੂ ਜੂਨ 84 ਦੀ ਪੱਤਰਕਾਰੀ'
23rd June 2016 9:20pm
Gravatar
Iqbal Singh Dhillon (Chandigarh, India)
(ਉੱਪਰ ਵਾਲੀ ਪੋਸਟ ਤੋਂ ਅੱਗੇ)
ਸਕਦਾ। ਦਸੰਬਰ 1983 ਵਿਚ ਭਿੰਡਰਾਂਵਾਲਾ ਧਰਮ ਯੁੱਧ ਮੋਰਚੇ ਦਾ ਇਕ ਕਾਰਿੰਦਾ ਸੀ। ਉਦੋਂ ਉਸ ਨੇ ਆਪਣੇ ‘ਆਭਾਸ’ ਵਾਲੀ ਗੱਲ ਮੋਰਚਾ
ਡਿਕਟੇਟਰ ਸੰਤ ਹਰਚੰਦ ਸਿੰਘ ਲੌਂਗੋਵਾਲ ਜਾਂ ਪਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਗੁਰਚਰਨ ਸਿੰਘ ਟੌਹੜਾ ਦੇ ਧਿਆਨ ਵਿਚ ਵਿਧੀਵਤ ਢੰਗ ਨਾਲ ਨਹੀਂ ਲਿਆਂਦੀ। ਨਾ ਹੀ ਸਿਖ ਭਾਈਚਾਰੇ ਨੇ ਕਿਸੇ ਢੰਗ ਨਾਲ ਉਸ ਨੂੰ ਕਿਸੇ ਫੌਜੀ ਹਮਲੇ ਦਾ ਮੁਕਾਬਲਾ ਕਰਨ ਦੇ ਅਧਿਕਾਰ ਹੀ ਦਿੱਤੇ ਸਨ (ਉਸ ਵੇਲੇ ਕਿਸੇ ਫੌਜੀ ਹਮਲੇ ਦਾ ਕਿਸੇ ਨੂੰ ਕੋਈ ਖਦਸ਼ਾ ਵੀ ਨਹੀਂ ਸੀ)। ਮੋਰਚਾ ਕਾਮਯਾਬ ਸੀ ਜਾਂ ਕਿ ਨਾਕਾਮਯਾਬ ਇਸ ਸਥਿਤੀ ਦਾ ਤਾਂ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੇ ਅਕਾਲ-ਤਖਤ ਦੇ ਨਾਮ ਨਾਲ ਜਾਣੀ ਜਾਂਦੀ ਇਮਾਰਤ ਵਿਚ ਜਾ ਬੈਠਣ ਨਾਲ ਕੋਈ ਸਬੰਧ ਨਹੀਂ ਬਣਦਾ ਸੀ। ਪਹਿਲਾਂ ਤਾਂ ਉਸ ਨੂੰ ਆਪਣੇ ਹੈਡਕੁਆਰਟਰ ਚੌਕ-ਮਹਿਤਾ ਨੂੰ ਛੱਡ ਕੇ ਗੁਰੂ ਨਾਨਕ ਨਿਵਾਸ ਅੰਮ੍ਰਿਤਸਰ ਵਿਚ ਆਉਣਾ ਹੀ ਨਹੀਂ ਚਾਹੀਦਾ ਸੀ। ਫਿਰ ਗੁਰੂ ਨਾਨਕ ਨਿਵਾਸ ਛੱਡਣ ਵੇਲੇ ਉਸ ਨੂੰ ਵਾਪਸ ਆਪਣੇ ਹੈਡਕੁਆਰਟਰ ਵਿਚ ਚਲੇ ਜਾਣਾ ਚਾਹੀਦਾ ਸੀ ਜਾਂ ਫਿਰ ਉਸ ਨੂੰ ਸਿਖ ਭਾਈਚਾਰੇ ਵਿਚ ਘੁੰਮ-ਫਿਰ ਕੇ ਲੋਕਾਂ ਨੂੰ ਜਾਗਰੂਕ ਕਰਕੇ ਉਹਨਾਂ ਨੂੰ ਲਾਮਬੰਦ ਕਰਨਾ ਚਾਹੀਦਾ ਸੀ। ਕਿਸੇ ਸੰਕਟ ਦੀ ਘੜੀ ਵਿਚ ਜੇਕਰ ਸਿਖ ਭਾਈਚਾਰੇ ਨੂੰ ਉਸ ਦੀ ਅਗਵਾਈ ਦੀ ਲੋੜ ਹੁੰਦੀ ਤਾਂ ਇਸ ਦੇ ਨੁਮਾਇੰਦੇ ਆਪ ਹੀ ਉਸ ਕੋਲ ਜਾ ਕੇ ਪੁਕਾਰ ਕਰਦੇ। ਸਪਸ਼ਟ ਹੈ ਕਿ ਜੇਕਰ ਭਿੰਡਰਾਂਵਾਲਾ ਦਰਬਾਰ ਸਾਹਿਬ ਕੰਪਲੈਕਸ ਵਿਚ ਸ਼ਰਨ ਨਾ ਲੈਂਦਾ ਤਾਂ ਸੁਰੱਖਿਆ ਬਲ ਉੱਥੇ ਦਾਖਲ ਹੀ ਨਾ ਹੁੰਦੇ। ਅਤੇ ਜੇਕਰ ਸੁਰੱਖਿਆ ਬਲ ਬਿਨਾ ਕਿਸੇ ਕਾਰਨ ਦੇ ਦਾਖਲ ਹੋ ਜਾਂਦੇ ਤਾਂ ਸਰਕਾਰ ਨੂੰ ਲੋਕਾਂ ਦੀ ਕਚਹਿਰੀ ਵਿਚ ਖੜ੍ਹਾ ਹੋਣਾ ਪੈਂਦਾ ਪਰੰਤੂ ਸਿਖ ਭਾਈਚਾਰੇ ਦਾ ਇਤਨਾ ਨੁਕਸਾਨ ਨਾ ਹੁੰਦਾ। ਸੋਚਣ ਵਾਲੀ ਗੱਲ ਹੈ ਕਿ ਜਦੋਂ ਭਿੰਡਰਾਂਵਾਲੇ ਨੂੰ ਨਿਸਚਾ ਹੋ ਗਿਆ ਸੀ ਕਿ ਫੌਜੀ ਹਮਲਾ ਹੋਣ ਵਾਲਾ ਹੈ (ਇਹ ਉਸਨੂੰ ਮਈ 1984 ਦੇ ਅਖੀਰਲੇ ਹਫਤੇ ਵਿਚ ਹੀ ਪਤਾ ਲੱਗਾ ਸੀ) ਤਾਂ ਉਸ ਨੂੰ ਚਾਹੀਦਾ ਸੀ ਕਿ ਉਹ ਖੁਦ ਹੀ ਆਤਮ-ਸਮਰਪਣ ਕਰ ਦਿੰਦਾ। 1982 ਵਿਚ ਚੌਕ- ਮਹਿਤਾ ਵਿਖੇ ਉਸ ਨੇ ਆਤਮ-ਸਮਰਪਣ ਕੀਤਾ ਹੀ ਸੀ। ਉਸ ਦੇ ਆਤਮ-ਸਮਰਪਣ ਨਾਲ ਸੁਰੱਖਿਆ ਬਲਾਂ ਨੂੰ ਦਰਬਾਰ ਸਾਹਿਬ ਕੰਪਲੈਕਸ ਦੇ ਅੰਦਰ ਆਉਣ ਦਾ ਮੌਕਾ/ਬਹਾਨਾ ਨਹੀਂ ਮਿਲਣਾ ਸੀ ਕਿਉਂਕਿ ਸੁਰੱਖਿਆਂ ਬਲਾਂ ਦਾ ਇੱਕੋ-ਇਕ ਨਿਸ਼ਾਨਾ ਜਰਨੈਲ ਸਿੰਘ ਭਿੰਡਰਾਂਵਾਲੇ ਨੂੰ ਅਤੇ ਉਸ ਦੇ ਸਾਥੀਆਂ ਨੂੰ ਖਦੇੜਨਾ ਹੀ ਸੀ।

ਸ. ਸਰਬਜੀਤ ਸਿੰਘ ਜੀ, ਆਪ ਜੀ ਸਵਾਲ ਕਰਦੇ ਹੋ ਕਿ ਜਰਨੈਲ ਸਿੰਘ ਭਿੰਡਰਾਂਵਾਲਾ ਨੱਸਿਆ ਕਿਉਂ ਨਹੀਂ ਸੀ ਪਰੰਤੂ ਉਸਦਾ ਆਪੂੰ ਸਹੇੜੀ ਲੜਾਈ ਵਿਚ ਮਾਰੇ ਜਾਣਾ ਵੀ ਕੋਈ ਅਰਥ ਹੀ ਨਹੀਂ ਰੱਖਦਾ ਜਦੋਂ ਕਿ ਇਸ ਲੜਾਈ ਵਿਚ ਉਸ ਦੇ ਹੱਥੋਂ ਮਾਰੇ ਜਾਣ ਵਾਲੇ ਸੈਂਕੜੇ ਫੌਜੀ ਵੀ ਆਪਣੀਆਂ ਮਾਵਾਂ ਦੇ ਲਾਡਲੇ ਪੁੱਤਰ ਸਨ ਅਤੇ ਸਾਡੇ ਆਪਣੇ ਭਰਾ ਹੀ ਸਨ। ਸਾਡੇ ਸਾਹਮਣੇ ਅਜ ਦਾ ਮੁੱਦਾ ਸਿਖ ਭਾਈਚਾਰੇ ਦੇ ਹੋ ਚੁੱਕੇ ਨੁਕਸਾਨ ਦਾ ਹੈ ਅਤੇ ਭਵਿਖ ਵਿਚ ਹੋਣ ਵਾਲੇ ਨੁਕਸਾਨ ਦਾ ਹੈ। ਕੀ ਆਪ ਜੀ ਜਾਂ ਆਪ ਜੀ ਦੇ ਹਮਖਿਆਲੀ ਸੱਜਣ ਨਹੀਂ ਚਾਹੁੰਦੇ ਕਿ ਸਿਖ ਭਾਈਚਾਰੇ ਦੇ ਅੰਦਰ ਇਸ ਮੁੱਦੇ ਉੱਤੇ ਸੁਖਾਵੇਂ ਮਾਹੌਲ ਵਿਚ ਖੁਲ੍ਹ ਕੇ ਗੁਰਮੱਤ-ਆਧਾਰਿਤ ਵਿਚਾਰ-ਚਰਚਾ ਹੋਵੇ ਤਾਂ ਕਿ ਭਵਿਖ ਲਈ ਕੋਈ ਉਚਿਤ ਨੀਤੀ ਘੜੀ ਜਾ ਸਕੇ ਅਤੇ ਪਿਛਲੇ ਸਮੇਂ ਵਿਚ ਵਾਪਰੀਆਂ ਅਤੀ ਮੰਦਭਾਗੀਆਂ ਘਟਨਾਵਾਂ ਦਾ ਦੁਹਰਾ ਹੋਣ ਤੋਂ ਬਚਾ ਹੋ ਜਾਵੇ ? ....................... ਇਕਬਾਲ ਸਿੰਘ ਢਿੱਲੋਂ
23rd June 2016 8:52am
Gravatar
gurdeep singh baaghi (ambala, India)
ਜਰਨੈਲ ਸਿੰਘ ਦਾ ਅਕਾਲ ਤਖਤ ਜਾਣ ਦਾ ਕਾਰਨ ਸੀ ਕਿ ਬੱਬਰਾਂ ਨੇ ਉਸ ਨੂੰ ਗੁਰੂ ਨਾਨਕ ਨਿਵਾਸ ਵਿੱਚੋ ਜਾਣ ਨੂੰ ਕਹਿਆ ਸੀ। ਬਾਦ ਵਿੱਚ ਜਰਨੈਲ ਸਿੰਘ ਦੇ ਸਾਥੀ ਇਹ ਕਹਿੰਦੇ ਰਹੇ ਕਿ ਜਰਨੈਲ ਸਿੰਘ ਪਹਿਲਾਂ ਵੀ ਅਕਾਲ ਤਖਤ ਤੇ ਰਹਿਆ ਹੈ ਤੇ ਇਸ ਬਾਰ ਕੋਈ ਨਵੀਂ ਗੱਲ ਨਹੀ।

ਜਰਨੈਲ ਸਿੰਘ ਖੁਦ ਇਕ ਵਿਡੀਉ ਵਿੱਚ ਕਬੂਲ ਕਰਦਾ ਹੈ ਕਿ ਬੱਬਰਾਂ ਨਾਲ ਵਿਵਾਦ ਕਰ ਕੇ ਉਸ ਨੇ ਗੁਰੂ ਨਾਨਕ ਨਿਵਾਸ ਛਡੀਆ ਸੀ, ਇਹ ਗੱਲ ਆਮ ਲੋਕਾਂ ਨੂੰ ਪਤਾ ਨਹੀ ਹੈ ਇਸ ਲਈ ਇਹ ਕਹਿਆ ਜਾਂਦਾ ਹੈ ਕਿ ਜਰਨੈਲ ਸਿੰਘ ਨੂੰ ਅਭਾਸ ਹੋ ਗਿਆ ਸੀ ਕਿ ਅਕਾਲ ਤਖਤ ਤੇ ਹਮਲਾ ਹੋਵੇਗਾ।
23rd June 2016 9:10am
Gravatar
sarbjit singh (kharar, India)
ਸ ਇਕਬਾਲ ਸਿੰਘ ਢਿਲੋ ਜੀ,,,ਤੁਸੀ 1984 ਨੂੰ ਅਕਾਲ ਤਖਤ ਨਾਮ ਦੀ ਬਿਲਡਿੰਗ ਉਤੇ ਹਮਲਾ ਮਂਨਦੇ ਹੋ,ਭਿੰਡਰਾਵਾਲੇ ਨੂੰ ਰਾਜਨੀਤੀ ਵਿਚ ਫੋਲ ਹੋ ਕੇ ਧਰਮ ਵਿਚ ਆਉਣ ਵਾਲਾ ਦਸਦੇ ਹੋ,,ਜਿਹੜਾ ਆਪਣੀ ਗਰਿਫਤਾਰੀ ਤੋ ਬਚਣ ਲਇ ਅਕਾਲ ਤਖਤ ਤੇ ਲੁਕ ਗਿਆ ਸੀ,,,ਪਰ ਇਸ ਗੱਲ ਦੀ ਕੋਇ ਵਿ੍ਹ੍ਹਾਖਿਆ ਨਹੀ ਕਰਦੇ ਕਿ ਜਦਿ ਭਿੰਡਰਾਵਾਲਾ ਭਾਰਤੀ ਫੌਜਾਂ ਤੋ ਘਿਰ ਗਿਆ ਸੀ ਤਾਂ ਉਹ ਕਇ ਦੁਜਿਆ ਵਾਗੂ ਨਸ ਕਿਉ ਨਹੀ ਗਿਆ ਤੇ ਆਪਣੀ ਜਾਨ ਤੋ ਹੱਥ ਕਿਉ ਧੋ ਬੈਠਾ????????
23rd June 2016 8:48pm
Gravatar
gurdeep singh baaghi (ambala, India)
ਡਾ. ਹਰਭਜਨ ਪੰਨਾ ੨੩੯ ਉਤੇ ਸ: ਗੁਰਬਖਸ਼ ਸਿੰਘ ਕਾਲਾ ਅਫਗਾਨਾ ਬਾਰੇ ਲਿਖਦਾ ਹੈ “ਗੁਰਬਖਸ਼ ਸਿੰਘ ਕਾਲਾ ਅਫਗਾਨਾ ਵਰਗੇ ਲੋਕ ਇਸ ਗ੍ਰੰਥ(ਦਸਮ ਗ੍ਰੰਥ) ਨੂੰ ‘ਬਿਪਰਨ ਦੀ ਰੀਤ’ ਦਾ ਸਮਰਥਕ ਗ੍ਰੰਥ ਮੰਨਦਿਆਂ, ਇਹ ਝੂਠਾ ਹਉਆ ਖੜਾ ਕਰਦੇ ਹਨ ਕਿ ਇਹ ਰਚਨਾਵਾਂ ਕਿਸੇ ਬ੍ਰਹਾਮਣ ਨੇ ਸਿੱਖ ਧਰਮ ਵਿਚ ਮਿਲਾਵਟ ਕਰਨ ਲਈ ਰਚੀਆਂ ਹਨ” ਅੱਗੇ ਡਾ. ਹਰਭਜਨ ਸਿੰਘ ਬ੍ਰਹਾਮਣਾਂ ਦੇ ਬਾਰੇ ਰਾਯ ਦੇਂਦਾ ਹੈ “ਜਦੋਂ ਕਿ ਮੈ ਸਮਝਦਾ ਹਾਂ ਕਿ ਬ੍ਰਾਹਮਣ ਇਨ੍ਹਾਂ ਕੰਮਾਂ ਵਿੱਚ ਸਮਾਂ ਨਸ਼ਟ ਕਰਨ ਵਾਲੀ ਜਮਾਤ ਨਹੀ ਹੈ” ਅੱਗੇ ਡਾ. ਹਰਭਜਨ ਸਿੰਘ ਦਲੀਲ ਪੇਸ਼ ਕਰਦਾ ਹੈ ਪੁਜਾਰੀ ਆਪਣੇ ਧਰਮ ਨੂੰ ਬਰਬਾਦ ਕਰਨ ਵਿੱਚ ਲਗਿਆ ਰਹਿੰਦਾ ਹੈ ਦੂਜੇ ਧਰਮਾਂ ਵਾਸਤੇ ਉਸ ਕੋਲ ਵਕਤ ਕਢਣ ਦੀ ਉਸ ਕੋਲ ਗੰਜਾਇਸ਼ ਨਹੀ। ਅਪਣੀ ਇਸ ਦਲੀਲ ਦੀ ਪੁਸ਼ਟੀ ਵਾਸਤੇ ਡਾ. ਹਰਭਜਨ ਸਿੰਘ ਨੇ ਪੌਰਾਣਿਕ ਸਾਹਿਤ ਦੀ ਗਵਾਹੀ ਦਿੱਤੀ ਅਤੇ ਉਸ ਨੇ ਸਵਾਲ ਖੜਾ ਕੀਤਾ ਕਿ ਬਹਾਰੋਂ ਆਏ ਹਮਲਾਵਰ ਧਰਮਾਂ ਵਿਰੁੱਧ ਬ੍ਰਹਾਮਣਾਂ ਨੇ ਕਿਤਨੇ ਗ੍ਰੰਥ ਲਿਖੇ? ਕਿਤਨਾ ਕੁ ਉਸ ਨੇ ਬੁਧ ਧਰਮ ਅਤੇ ਜੈਨ ਧਰਮ ਬਾਰੇ ਲਿਖੀਆ?

ਡਾ. ਹਰਭਜਨ ਸਿੰਘ ਬਿਚਿਤਰ ਨਾਟਕ ਦੇ ਬਹੁਤ ਵੱਡੇ ਵਿਦਵਾਨ ਮੰਨੇ ਜਾਂਦੇ ਹਨ ਪਰ ਪਤਾ ਨਹੀ ਕਉਂ ਮੈਨੂੰ ਇੰਞ ਲਗਦਾ ਹੈ ਕਿ ਬਿਚਿਤਰ ਨਾਟਕ ਵੀ ਉਸ ਨੇ ਠੀਕ ਢੰਗ ਨਾਲ ਪੜ੍ਹੀਆ ਨਹੀ। ਡਾ. ਸਾਹਿਬ ਕਾਸ਼ ਅਰਿਹੰਤ ਅਵਤਾਰ ਦੀ ਕਹਾਣੀ ਪੜ੍ਹ ਲੈਂਦੇ ਜਿਸ ਵਿੱਚ ਜੈਨ ਧਰਮ ਬਾਰੇ ਲਿਖੀਆ ਹੈ, ਜੇ ਕਦੇ ਤੂੰਸੀ ਪੁਰਾਣਾਂ ਨੂੰ ਪੜ੍ਹ ਲੈਂਦੇ ਤੇ ਪਤਾ ਚਲ ਜਾਂਦਾ ਕਿ ਬਿਚਿਤਰ ਨਾਟਕ ਵਿੱਚ ਕਹਾਣੀ ਦਾ ਆਧਾਰ ਮਹਾਤਮਾ ਬੁਧ ਦੇ ਚਲਾਏ ਮਾਰਗ ਨੂੰ ਨਿੰਦਨ ਵਾਲੀ ਕਹਾਣੀ ਹੈ ਅਤੇ ਬਿਚਿਤਰ ਨਾਟਕ ਦੇ ਲਿਖਾਰੀ ਨੇ ਗਲਤੀ ਨਾਲ ਅਰਿਹੰਤ ਅਵਤਾਰ ਵਿੱਚ ਇਹ ਕਹਾਣੀ ਲਿਖ ਦਿੱਤੀ। ਅਰਿਹੰਤ ਅਵਤਾਰ ਦੀ ਕਹਾਣੀ ਤੇ ਤ੍ਰਿਪੁਰਾ ਦੈਤਾਂ ਨਾਲ ਜੁੜੀ ਹੋਈ ਹੈ ਜੋ ਸ਼ਿਵ ਪੁਰਾਣ ਵਿੱਚ ਦਰਜ ਹੈ ਅਤੇ ਉਸ ਵਿੱਚ ਵੀ ਦਰਜ ਹੈ ਕਿ ਦੈਤਾਂ ਨੇ ਜੈਨ ਧਰਮ ਅਪਣਾ ਲਿਆ ਤੇ ਉਹ ਦੈਤ ਅਧਰਮੀ ਹੋ ਗਏ ਜਿਸ ਕਾਰਨ ਸ਼ਿਵ ਨੇ ਉਨ੍ਹਾਂ ਨੂੰ ਨਾਲ ਮਾਰ ਦਿੱਤਾ।

ਡਾ. ਹਰਭਜਨ ਸਿੰਘ ਪੌਰਾਣਿਕ ਸਾਹਿਤ ਪੜ੍ਹ ਲੈਂਦੇ ਤੇ ਉਨ੍ਹਾਂ ਪਤਾ ਚਲ ਜਾਂਦਾ ਕਿ ਬੁਧ ਅਤੇ ਜੈਨ ਧਰਮ ਦੇ ਬਾਰੇ ਬਹੁਤ ਕੁਛ ਲਿਖੀਆ ਬ੍ਰਹਾਮਣਾਂ ਨੇ ਅਤੇ ਬ੍ਰਹਾਮਣਾਂ ਨੇ ਇਨ੍ਹਾਂ ਨੂੰ ਮੰਨਣ ਵਾਲਿਆ ਨੂੰ ਧਰਮ ਵਿਹੀਣ ਤਕ ਲਿਖੀਆ ਹੈ। ਅਗਨੀ ਪੁਰਾਣ ਵਿੱਚ ਤੇ ਬੁਧ ਦੇ ਅਵਤਾਰ ਬਾਦ ਕਲਕੀ ਅਵਤਾਰ ਦੀ ਕਹਾਣੀ ਹੈ ਜੋ ਇਹ ਦਰਸਾਉਂਦੀ ਹੈ ਕਿ ਜੋ ਲੋਕ ਵੈਦਿਕ ਧਰਮ ਨਹੀ ਮਨੰਦੇ ਉਨ੍ਹਾਂ ਨੂੰ ਖਤਮ ਕਰਨ ਵਾਸਤੇ ਕਲਕੀ ਦਾ ਅਵਤਾਰ ਹੋਵੇਗਾ।

ਡਾ. ਹਰਭਜਨ ਸਿੰਘ ਲਿਖਦਾ ਹੈ “ਕਿਤਨਾ ਕੁ ਉਸ ਨੇ ਬੁਧ ਧਰਮ ਅਤੇ ਜੈਨ ਧਰਮ ਬਾਰੇ ਲਿਖੀਆ?” ਅਤੇ ਬ੍ਰਹਾਮਣਾਂ ਦੀ ਵਕਾਲਤ ਕਰਦੇ ਹੋਏ ਡਾ. ਹਰਭਜਨ ਸਿੰਘ ਲਿਖਦਾ ਹੈ “ਬ੍ਰਹਾਮਣ ਕੋਲ ਦੁਜੇ ਧਰਮਾਂ ਦੇ ਮਾਮਲੇ ਵਿੱਚ ਸਮਾਂ ਕੱਢਣ ਦੀ ਗੁੰਜਾਇਸ਼ ਨਹੀ।” ਅਗਣੀ ਪੁਰਾਣ ਵਿੱਚ ਤੇ ਬ੍ਰਹਾਮਣ ਲਿਖ ਰਹਿਆ ਹੈ ਕਿ ਮਲੇਸ਼ਾ ਨੂੰ ਮਾਰਨ ਵਾਸਤੇ ਕਲਕੀ ਅਵਤਾਰ ਹੋਵੇਗਾ ਅਤੇ ਫਿਰ ਸ਼ਾਸਤ੍ਰਾਂ ਦੇ ਧਰਮ ਦਾ ਪ੍ਰਚਾਰ ਕਰੇਗਾ। ਬ੍ਰਹਾਮਣ ਅਪਣੇ ਧਰਮ ਨੂੰ ਛੱਡ ਕੇ ਦੁਸਰੇ ਧਰਮਾਂ ਨੂੰ ਮੰਨਣ ਵਾਲਿਆਂ ਨੂੰ ਮਲੇਛ ਲਿਖ ਰਹਿਆ ਹੈ, ਡਾ. ਹਰਭਜਨ ਸਿੰਘ ਬ੍ਰਹਾਮਣ ਦੀ ਹਿਮਾਇਤ ਵਿੱਚ ਲਿਖ ਕੇ ਸਾਫ ਕਰਦੇ ਹਨ ਕਿ ਉਹ ਬ੍ਰਹਾਮਣਾਂ ਦੇ ਵਕੀਲ ਹਨ ਅਤੇ ਦੂਜੀ ਗੱਲ ਜੋ ਬ੍ਰਹਾਮਣਾਂ ਦੇ ਵਕੀਲ ਡਾ. ਹਰਭਜਨ ਸਿੰਘ ਸਿੱਧ ਕਰਦੇ ਹਨ ਕਿ ਇਨ੍ਹਾਂ ਬਿਚਿਤਰੀਆਂ ਦੀ ਰਗਾਂ ਵਿੱਚ ਖੂਨ ਨਹੀ ਝੂਠ ਦੌੜਦਾ ਹੈ ਜੋ ਉਨ੍ਹਾਂ ਦੀ ਕਲਮ ਰਾਹੀਂ ਪੰਨੇ ਕਾਲੇ ਕਰ ਕੇ ਸਿੱਖਾਂ ਨੂੰ ਗੁਮਰਾਹ ਕਰਨ ਵਿੱਚ ਲਗਿਆ ਹੈ।

ਗੁਰਦੀਪ ਸਿੰਘ ਬਾਗੀ
22nd June 2016 11:09pm
Gravatar
Iqbal Singh Dhillon (Chandigarh, India)
ਸ. ਸਰਬਜੀਤ ਸਿੰਘ ਖਰੜ ਜੀ,
ਆਪ ਜੀ ਨੇ ਮੇਰੇ ਲੇਖ ਵਿੱਚੋਂ ਅਧੂਰਾ ਵਾਕ ਪੇਸ਼ ਕੀਤਾ ਹੈ ਅਤੇ ਪਹਿਲੇ ਹਿੱਸੇ ਤੇ ਕੱਟ ਮਾਰ ਦਿੱਤਾ ਹੈ। ਉਹ ਪਹਿਲਾ ਹਿੱਸਾ ਹੈ: “ ਇਸ ਗੱਲ-ਬਾਤ ਦਾ ਦੂਸਰਾ ਪੱਖ ਇਸ ਨੁਕਤੇ ਤੇ ਵਿਚਾਰ ਕਰਨ ਦਾ ਹੈ....................”। ਮੈਂ ਆਪਣੇ ਲੇਖ ਵਿਚ ਸੋਵੀਅਤ ਰੂਸ ਦੀ ਭੂਮਿਕਾ ਦੀ ਸੰਭਾਵਨਾ ਪੇਸ਼ ਕੀਤੀ ਹੈ ਪਰੰਤੂ ਇਸ ਪ੍ਰਤੀ ਕੋਈ ਦਾਵਾ ਪੇਸ਼ ਨਹੀਂ ਕੀਤਾ ਸਗੋਂ ਮੈਂ ‘ਵਿਚਾਰ ਕਰਨ’ ਦਾ ਰਸਤਾ ਖੁਲ੍ਹਾ ਰੱਖਿਆ ਹੈ। ਅੱਗੇ ਜਾ ਕੇ ਮੈਂ ਇਹ ਵੀ ਲਿਖਿਆ ਹੈ ਕਿ “ਸੋਵੀਅਤ ਰੂਸ (ਵੱਲੋਂ) ਸ੍ਰੀਮਤੀ ਇੰਦਰਾ ਗਾਂਧੀ ਉੱਤੇ ਅਟੱਲ ਦਬਾ ਪਾ ਸਕਣ ਦੇ ਸਮਰੱਥ ਸੀ ਇਸ ਦੇ ਕੁਝ ਸਪਸ਼ਟ ਅਤੇ ਠੋਸ ਕਾਰਨ ਮੌਜੂਦ ਹਨ ਜਿਹਨਾ ਦਾ ਵੇਰਵਾ ਇੱਥੇ ਨਹੀਂ ਦਿੱਤਾ ਜਾ ਸਕਦਾ।” ਇਸ ਸਥਿਤੀ ਵਿਚ ਆਪ ਜੀ ਮੇਰੇ ਕੋਲੋਂ ਸਬੂਤ ਕਿਵੇਂ ਮੰਗ ਸਕਦੇ ਹੋ। ਹਾਂ ਆਪ ਜੀ ਨੂੰ ਮੇਰੇ ਵਿਚਾਰਾਂ ਨਾਲ ਅਸਹਿਮਤੀ ਪ੍ਰਗਟਾਉਣ ਦਾ ਪੂਰਾ-ਪੂਰਾ ਹੱਕ ਹੈ, ਮੈਨੂੰ ਇਸਦਾ ਕੋਈ ਗੁੱਸਾ ਨਹੀਂ। ਮੈਂ ਉਹਨਾਂ ਟਕਸਾਲੀਆਂ ਵਰਗਾ ਨਹੀਂ ਜੋ ਝੱਟ ਹੀ ਗਾਲੀ-ਗਲੋਚ ਉੱਤੇ ਆ ਜਾਂਦੇ ਹਨ ਅਤੇ ਆਪਣੇ ਨਾਲ ਅਸਹਿਮਤ ਹੋਣ ਵਾਲਿਆਂ ਉੱਤੇ ਤਲਵਾਰਾਂ ਅਤੇ ਪਿਸਤੌਲ/ਬੰਦੂਕਾਂ ਤਾਣ ਲੈਂਦੇ ਹਨ। ਮੈਂ ਖੁਦ ਹੀ ਇਸ ਗੱਲ ਦਾ ਧਿਆਨ ਰੱਖਿਆ ਹੈ ਕਿ ਕੁਝ ਲੋਕ ਮੇਰੇ ਵਿਚਾਰਾਂ ਨਾਲ ਅਸਹਿਮਤੀ ਪ੍ਰਗਟਾ ਸਕਦੇ ਹਨ। ਇੱਸੇ ਕਰਕੇ ਮੈਂ ਅੱਗੇ ਜਾਕੇ ਇਹ ਸ਼ਬਦ ਲਿਖੇ ਹਂਨ “ ਅਜੋਕੇ ਸਮੇਂ ਵਿਚ ਸਿਖ ਭਾਈਚਾਰੇ ਲਈ ਅਸਲੀ ਮੁੱਦਾ ਇਹ ਨਹੀਂ ਰਹਿ ਜਾਂਦਾ ਕਿ ‘ਉਪਰੇਸ਼ਨ ਬਲੂ-ਸਟਾਰ’ ਦੀ ਕਾਰਵਾਈ ਸੋਵੀਅਤ ਰੂਸ ਨੇ ਕਰਵਾਈ ਸੀ ਜਾਂ ਕਿਸੇ ਹੋਰ ਨੇ। ਅਸਲੀ ਮੁੱਦਾ ਤਾਂ ਇਹ ਹੈ ਕਿ ਇਸ ਸਥਿਤੀ ਦੀ ਕੇਂਦਰੀ ਧਿਰ ਅਤੇ ਸਬੰਧਤ ਘਟਨਾਕ੍ਰਮ ਦੇ ਮੁੱਖ ਪਾਤਰ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੀ ਭੂਮਿਕਾ ਦਾ ਸੱਚ ਕੀ ਹੈ।“ ਮੇਰੀ ਤੁੱਛ ਬੁੱਧੀ ਦੇ ਸਾਹਮਣੇ ਜੋ ਸੱਚ ਆਇਆ ਹੈ ਮੈਂ ਉਹ ਪੇਸ਼ ਕਰ ਦਿੱਤਾ ਹੈ। ਉਸ ਤੋਂ ਸਿਖਿਆ ਲੈਣੀ ਜਾਂ ਨਾ ਲੈਣੀ ਸਬੰਧਿਤ ਧਿਰਾਂ ਦੀ ਮਰਜ਼ੀ ਤੇ ਨਿਰਭਰ ਕਰਦਾ ਹੈ। ਸ.ਸਰਬਜੀਤ ਸਿੰਘ ਜੀ, ਬੇਨਤੀ ਹੈ ਕਿ ਪੋਸਟਾਂ ਵਿਚ ਸ਼ਬਦਾਵਲੀ ਠੀਕ ਵਰਤੀ ਜਾਣੀ ਚਾਹੀਦੀ ਹੈ। .................. ਇਕਬਾਲ ਸਿੰਘ ਢਿੱਲੋਂ
22nd June 2016 7:07am
Page 29 of 50

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
Which is darker: black or white?
 
Enter answer:
 
Remember my form inputs on this computer.
 
 
Powered by Commentics

.