.
ਤੁਹਾਡਾ ਆਪਣਾ ਪੰਨਾ

This is your own page

ਸਭਿਅਕ ਭਾਸ਼ਾ ਅਤੇ ਕਾਨੂੰਨੀ ਦਾਇਰੇ ਵਿੱਚ ਰਹਿੰਦੇ ਹੋਏ ਜਾਣਕਾਰੀ ਸਾਂਝੀ ਕਰੋ। ਨਿੱਜੀ/ਜਾਤੀ ਟਿੱਪਣੀਆਂ ਕਰਨ ਤੋਂ ਗੁਰੇਜ਼ ਕਰੋ ਇਹਨਾ ਹੱਦਾਂ ਨੂੰ ਪਾਰ ਕਰਨ ਵਾਲੇ ਤੇ ਬੈਨ/ਰੋਕ/ਬਲੌਕ ਕਰਨ ਵਾਲੀ ਕਾਰਵਾਈ ਹੋ ਸਕਦੀ ਹੈ। ਜੇ ਕਰ ਆਪਣੀ ਲਿਖਤ ਨੂੰ ਯੂਨੀਕੋਡ ਵਿੱਚ ਤਬਦੀਲ ਕਰਨਾ ਹੈ ਤਾਂ ਹੇਠ ਲਿਖੇ ਲਿੰਕ ਤੇ ਜਾਓ। ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ-ਸੰਪਾਦਕ)

Comments (1150)

Topic: Tuhada Apna
Sort
First < 4 5 6 7 8 > Last
Facebookdel.icio.usStumbleUponDiggGoogle+TwitterLinkedIn
Gravatar
Dr Dalvinder Singh Grewal (Ludhiana, India)
ਜਿਨ ਹਰਿ ਹਿਰਦੈ ਨਾਮੁ ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥ ਏਥੇ ਮਾਤ ਦਾ ਭਾਵ ਮਾਤਾ ਤੋਂ ਹੈ। ਤੇ ਹਰੀ ਨਾਮ ਬਿਨ ਮਾਤਾ ਦੀ ਕੁਖ ਬਾਂਝ ਹੋਣ ਦਾ ਭਾਵ ਹੈ।
28th December 2018 5:56pm
Gravatar
Amrik singh (Rajpura, India)
ਨਰਿੰਦਰਪਾਲ ਸਿੰਘ ਸਲੂਜਾ ਜੀ,
ਫਤਹਿ ਪ੍ਰਵਾਨ ਕਰਨੀ ਜੀ l ਵੀਰ ਜੀ ਧੰਨਵਾਦ ਆਪ ਜੀ ਨੇ ਸਵਾਲ ਦਾ ਉੱਤਰ ਦਿੱਤਾ , ਪਰ ਵੀਰ ਜੀ ਮੇਰਾ ਸ਼ੰਕਾ ਓਥੇ ਦਾ ਓਥੇ ਹੀ ਖੜਾ ਰਹਿ ਗਿਆ ਹੈ l ਇਥੇ ਮੈਂ ਜਾਣਨਾ ਚਾਹੁੰਦਾ ਹੈ ਕੇ “ ਮਾਤ “ ਸ਼ਬਦ ਇਥੇ mother ਵਾਸਤੇ ਆਇਆ ਜਾ ਕੇ “ਮੱਤ” ਵਾਸਤੇ...
24th December 2018 10:11pm
Gravatar
Narendra Pal Singh saluja (Raipur, India)
ਮਾਤ ਦਾ ਅਰਥ Mother ਹੀ ਹੈ ----ਹਰਿ (ਸੇਵਕੁ) ਕੇ ਹਿਰਦੈ ਮੇ ਨਾਮੁ (ਪ੍ਰੇਮ) ਨਹੀਂ ਹੈ ਉਸੇ ਹਰਿ (ਠਾਕੁਰੁ) ਨੇ ਮਾਤਿਰਤਵ ਸੁਖ ਨਹੀਂ ਦਿਯਾ ਹੈ ਮਾਤਿਰਤਵ ਮਤਲਬ ਮਾਂ ਬਨਨੇ ਕਾ ਸੁਖ ਨਹੀਂ ਦਿਯਾ ਹੈ
25th December 2018 4:27am
Gravatar
Narendra Pal Singh saluja (Raipur, India)
ਪੰਨਾ 697, ਸਤਰ 15
ਜਿਨ ਹਰਿ ਹਿਰਦੈ ਨਾਮੁ ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥
ਇਸ ਪੰਕਤੀ ਵਿਚ ਹਰਿ ਸਬਦ ਦੋ ਵਾਰ ਲਿਖਿਆ ਗਿਆ ਹੈ।ਦੋਨੋ ਹੀ ਜਗਹ ਵਿਚ ਹਰਿ ਸਬਦ ਦੇ ਅਰਥ ਅਲਗ ਅਲਗ ਹੈ ਪਹਿਲੀ ਵਾਰ ਸੇਵਕੁ ਵਾਸਤੇ ਪ੍ਰਯੋਗ ਹੋਇਆ ਹੈ ।ਦੁਸਰੀ ਵਾਰ ਠਾਕੁਰੁ ਵਾਸਤੇ ਪ੍ਰਯੋਗ ਹੋਇਆ ਹੈ। ਜਿਸ ਦੀ ਪੁਸਟੀ ਗੁਰਬਾਣੀ ਦੀ ਪੰਕਤੀ ਕਰ ਰਹੀ ਹੈ।
ਹਰਿ ਆਪੇ ਠਾਕੁਰੁ ਹਰਿ ਆਪੇ ਸੇਵਕੁ ਜੀ ਕਿਆ ਨਾਨਕ ਜੰਤ ਵਿਚਾਰਾ ॥੧
ਨਾਮੁ ਸਬਦ ਦੇ ਅਰਥ ਵਾਸਤੇ ਗੁਰਬਾਣੀ ਦੀ ਪੰਕਤੀ ------ਯਹਾਂ ਪਰ ਨਾਮੁ ਕਾ ਅਰਥ ਪ੍ਰੇਮ ਹੈ--------ਪੰਨਾ 640, ਸਤਰ 3
ਪ੍ਰੇਮ ਪਦਾਰਥੁ ਨਾਮੁ ਹੈ ਭਾਈ ਮਾਇਆ ਮੋਹ ਬਿਨਾਸੁ ॥--------
ਜਿਨ ਹਰਿ (ਸੇਵਕੁ)ਹਿਰਦੈ ਨਾਮੁ (ਪ੍ਰੇਮ) ਨ ਬਸਿਓ ਤਿਨ ਮਾਤ ਕੀਜੈ ਹਰਿ (ਠਾਕਰੁ)ਬਾਂਝਾ ॥-----'ਜਿਸ ਹਰਿ (ਸੇਵਕੁ) ਕੇ ਹਿਰਦੈ ਮੇ ਨਾਮੁ (ਪ੍ਰੇਮ) ਨਹੀਂ ਹੈ ਉਸੇ ਹਰਿ (ਠਾਕੁਰੁ) ਨੇ ਮਾਤਿਰਤਵ ਸੁਖ ਨਹੀਂ ਦਿਯਾ ਹੈ
24th December 2018 9:04am
Gravatar
Narendra Pal Singh saluja (Raipur, India)
ਬਿਨਾ ਪ੍ਰੇਮ ਕੇ ਮਾਂ ਬਣਨਾ ਅਸੰਭਵ ਹੈ ਮਾਂ ਪ੍ਰੇਮ ਕਾ ਹੀ ਦੁਸਰਾ ਨਾਮ ਹੈ
24th December 2018 9:17am
Gravatar
Narendra Pal Singh saluja (Raipur, India)
ਅਗਰ ਪਹਿਲੇ ਹਰਿ ਮੇ ਠਾਕੁਰੁ ਲਿਖੇਂਗੇ ਤੋ ਸਵਾਲ ਉਠੇਗਾ ਕਿ ਕਿਆ ਠਾਕੁਰੁ ਕੇ ਹਿਰਦੈ ਮੇ ਨਾਮੁ ਨਹੀਂ ਹੈ?
24th December 2018 8:30pm
Gravatar
Amrik singh (Rajpura, India)
ਸਿੱਖ ਮਾਰਗ ਦੇ ਪਾਠਕ ਵੀਰੋ
ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫਤਹਿ ll
ਕੋਈ ਵੀ ਮੇਰਾ ਵੀਰ ਇਸ ਸ਼ਬਦ ਦੀ ਪਹਿਲੀ ਤੁੱਕ ਦੇ ਅਰਥ ਜਰੂਰ ਕਿਸੇ ਸਬੂਤ ਦੇ ਅਧਾਰ ਤੇ ਕਰਕੇ ਲਿਖਣ ਦੀ ਕਿਰਪਾਲਤਾ ਕਰਨਾ ਜੀ ਕਿਓੰਕੇ ਆਪਸੀ ਵਿਚਾਰ ਵਿਚ ਮੈਂ ਮਾਤ ਨੂੰ ਮੱਤ ਕਹਿ ਰਿਹਾਂ ਤੇ ਦੂਸਰੇ ਮਾਂ ਕਹਿ ਰਹੇ ਹਨ —- ਸ਼ਬਦ ਹੈ
ਜਿਨ ਹਰਿ ਹਿਰਦੈ ਨਾਮ ਨਾ ਬਸਿਓ ਤਿਂਨ ਮਾਤ ਕੀਜੈ ਹਰਿ ਬਾਂਝਾ ll
ਧੰਨਵਾਦ ਸਹਿਤ , ਅਮਰੀਕ ਸਿੰਘ ਰਾਜਪੁਰਾ
Elbat
18th December 2018 10:35pm
Gravatar
Makhan Singh Purewal (Quesnel, Canada)
ਸ: ਅਮਰੀਕ ਸਿੰਘ ਰਾਜਪੁਰਾ ਜੀ,
ਇਸ ਪੰਨੇ ਤੇ ਪਾਠਕਾਂ ਦੇ ਬਹੁਤੇ ਜਵਾਬ ਇੰਜ: ਦਰਸ਼ਨ ਸਿੰਘ ਖ਼ਾਲਸਾ ਜੀ ਅਸਟ੍ਰੇਲੀਆ ਵਾਲੇ ਦਿੰਦੇ ਹਨ ਪਰ ਇਸ ਸਮੇ ਉਹ ਆਪਣੇ ਕਿਸੇ ਪ੍ਰਵਾਰਿਕ ਰੁਝੇਵੇਂ ਵਿੱਚ ਹਨ। ਜਿਨ੍ਹਾਂ ਪੰਗਤੀਆਂ ਬਾਰੇ ਤੁਸੀਂ ਸਵਾਲ ਪੁੱਛਿਆ ਹੈ ਉਹ ਸ਼ਬਦ ਪੰਨਾ 697 ਤੇ ਦਰਜ਼ ਹੈ। ਪ੍ਰੋ: ਸਾਹਿਬ ਸਿੰਘ ਨੇ ਇੱਥੇ ਮਾਤ ਦੇ ਅਰਥ ਮਾਂ ਹੀ ਕੀਤੇ ਹਨ ਜੋ ਕਿ ਪੂਰੇ ਠੀਕ ਨਹੀਂ ਜਾਪਦੇ। ਇੱਥੇ ਅਰਥ ਮੱਤ ਹੀ ਠੀਕ ਢੁਕਦੇ ਹਨ ਕਿਉਂਕਿ ਜੇ ਕਰ ਅਰਥ ਮਾਂ ਕਰਾਂਗੇ ਤਾਂ ਕੀ ਇਹ ਸਵਾਲ ਨਹੀਂ ਉਠੇਗਾ ਕਿ ਪ੍ਰਿਥੀ ਚੰਦ ਜਿਸ ਨੂੰ ਮੀਣਾ ਅਤੇ ਕਪਟੀ ਕਰਕੇ ਜਾਣਿਆਂ ਜਾਂਦਾ ਹੈ, ਕੀ ਉਸ ਦੇ ਹਿਰਦੇ ਵਿੱਚ ਨਾਮ ਵਸਿਆ ਹੋਇਆ ਸੀ? ਇਸੇ ਤਰ੍ਹਾਂ ਰਾਮ ਰਾਈਏ ਅਤੇ ਧੀਰ ਮੱਲੀਏ ਵੀ ਗੁਰੂ ਜੀ ਦੀ ਵੰਸ ਵਿਚੋਂ ਹੀ ਸਨ। ਕੀ ਉਨ੍ਹਾਂ ਸਾਰਿਆਂ ਦੇ ਹਿਰਦੇ ਵਿੱਚ ਨਾਮ ਵਸਿਆ ਹੋਇਆ ਸੀ? ਜੇ ਕਰ ਅਰਥ ਮਾਂ ਕਰਾਂਗੇ ਤਾਂ ਇਹ ਗੱਲ ਬੀਬੀ ਭਾਨੀ ਜੀ ਤੇ ਵੀ ਢੁਕ ਸਕਦੀ ਹੈ ਜਿਸ ਨੇ ਕੇ ਪ੍ਰਿਥੀ ਚੰਦ ਨੂੰ ਜਨਮ ਦਿੱਤਾ ਸੀ। ਇਹ ਫਿਰ ਗੁਰੂ ਰਾਮ ਜੀ ਤੇ ਵੀ ਢੁਕ ਸਕਦੀ ਹੈ ਕਿਉਂਕਿ ਬੀਬੀ ਭਾਨੀ ਦਾ ਪਤੀ ਗੁਰੂ ਰਾਮ ਦਾਸ ਸੀ। ਗੁਰੂ ਰਾਮ ਦਾਸ ਜੀ ਨੇ ਬੀਬੀ ਭਾਨੀ ਨਾਲ ਸਰੀਰਕ ਸੰਬੰਧ ਬਣਾਏ ਸਨ ਤਦ ਹੀ ਪ੍ਰਿਥੀ ਚੰਦ ਦਾ ਜਨਮ ਹੋਇਆ ਹੋਵੇਗਾ। ਮੇਰੇ ਤਾਂ ਇਹ ਖਿਆਲ ਹਨ ਬਾਕੀ ਕੋਈ ਹੋਰ ਵਧੇਰੇ ਜਾਣਕਾਰੀ ਰੱਖਣ ਵਾਲਾ ਵਿਆਕਤੀ ਵੀ ਇਸ ਤੇ ਹੋਰ ਚਾਨਣਾ ਪਾ ਸਕਦਾ ਹੈ।
22nd December 2018 4:03pm
Gravatar
Gursharn Singh Dhillon (Ajax, Canada)
ਸ: ਅਮਰੀਕ ਸਿੰਘ ਰਾਜਪੁਰਾ ਜੀ, ਸਤਿ ਸ੍ਰੀ ਅਕਾਲ ।
ਆਪ ਜੀ ਨੇ ਜੋ “ਜਿਨ ਹਰਿ ਹਿਰਦੈ ਨਾਮ ਨਾ ਬਸਿਓ ਤਿਂਨ ਮਾਤ ਕੀਜੈ ਹਰਿ ਬਾਂਝਾ “।। ਵਾਲੀ ਪੰਗਤੀ ਵਿਚ ਆਏ “ਮਾਤ” ਨੂੰ ਮੱਤ ਕਿਹਾ ਹੈ ਜਾਂ ਮਾਂ । ਇਸ ਬਾਰੇ ਤਾਂ ਪਹਿਲਾਂ ਹੀ ਸ: ਮੱਖਣ ਸਿੰਘ ਜੀ ਨੇ ਜਿਹੜੀ ਦਲੀਲ ਦਿਤੀ ਹੈ ਉਸ ਦੇ ਬਾਅਦ ਤਾਂ ਸਮਝਣ ਸਮਝਾਉਣ ਦੀ ਹੋਰ ਗੁੰਜਾਇਸ਼ ਨਹੀਂ ਰਹਿ ਜਾਂਦੀ ।
ਦੂਜੀ ਗੱਲ ਸਮਝਣ ਵਾਲੀ ਇਹ ਵੀ ਹੈ ਕਿ ਸਿੱਖ ਧਰਮ ਮਨੁੱਖ ਦੀ ਸੋਚ ਨੂੰ ਸੁਧਾਰਨ ਦਾ ਕੀ ਸਰੋਤ ਮੰਨਦਾ ਹੈ । ਕੀ ਕਿਸੇ ਉਮਰ ਦੀ ਹੱਦ ਨੂੰ ਜਾਂ ਸਿਰਫ ਮਾਂ ਬਾਪ ਦੀ ਸਿਖਿਆ ਨੂੰ । ਕੋਈ ਆਪਣੇ ਜੀਵਨ ਵਿੱਚ ਕਦੀ ਵੀ ਚੰਗਾ ਕੰਮ ਕਰ ਸਕਦਾ ਹੈ । ਜਿਵੇਂ ਸ਼ਬਦ ਹੈ: ਗੁਰਮੁਖਿ ਬੁਢੇ ਕਦੇ ਨਾਹੀ ਜਿਨ੍ਹ੍ਹਾ ਅੰਤਰਿ ਸੁਰਤਿ ਗਿਆਨੁ ॥ ਸਦਾ ਸਦਾ ਹਰਿ ਗੁਣ ਰਵਹਿ ਅੰਤਰਿ ਸਹਜ ਧਿਆਨੁ ॥ ਓਇ ਸਦਾ ਅਨੰਦਿ ਬਿਬੇਕ ਰਹਹਿ ਦੁਖਿ ਸੁਖਿ ਏਕ ਸਮਾਨਿ ॥ ਤਿਨਾ ਨਦਰੀ ਇਕੋ ਆਇਆ ਸਭੁ ਆਤਮ ਰਾਮੁ ਪਛਾਨੁ ॥(ਮ:3 ਪੰਨਾ 1418)
ਗੁਰਬਾਣੀ ਵਿੱਚ ਮਤ ਨੂੰ ‘ਮਾਤਾ’ ਅਤੇ ਪਿਤਾ ਨੂੰ ‘ਸੰਤੋਖ’ ਵੀ ਆਖਿਅ ਗਿਆ ਹੈ । ਕਈ ਥਾਂਈ ਅਕਾਲ ਪੁਰਖ ਨੂੰ ਵੀ ਮਾਤ ਪਿਤਾ ਆਖਿਆ ਹੈ । ਗਉੜੀ ਮਹਲਾ ੧ ॥ ਮਾਤਾ ਮਤਿ ਪਿਤਾ ਸੰਤੋਖੁ ॥ ਸਤੁ ਭਾਈ ਕਰਿ ਏਹੁ ਵਿਸੇਖੁ ॥੧॥ ਕਹਣਾ ਹੈ ਕਿਛੁ ਕਹਣੁ ਨ ਜਾਇ ॥ ਤਉ ਕੁਦਰਤਿ ਕੀਮਤਿ ਨਹੀ ਪਾਇ ॥੧॥ ਰਹਾਉ ॥ ਸਰਮ ਸੁਰਤਿ ਦੁਇ ਸਸੁਰ ਭਏ ॥ ਕਰਣੀ ਕਾਮਣਿ ਕਰਿ ਮਨ ਲਏ ॥੨॥ ਸਾਹਾ ਸੰਜੋਗੁ ਵੀਆਹੁ ਵਿਜੋਗੁ ॥ ਸਚੁ ਸੰਤਤਿ ਕਹੁ ਨਾਨਕ ਜੋਗੁ ॥੩॥੩॥ {ਪੰਨਾ 151-152}
ਇਥੇ ਵੀ ਮੇਰੀ ਤੁੱਛ ਬੁੱਧੀ ਅਨੁਸਾਰ ਤਾਂ ਇਹ ਹੀ ਠੀਕ ਲੱਗਦਾ ਹੈ ਕਿ ਮਤ ਨੂੰ ਹੀ ਮਾਤ ਕਿਹਾ ਹੈ । ਇਥੇ ਵੀ ਪੰਨਾ 696 ਤੋਂ ਜਦੋਂ ਇਹ ਸਰਲੇਖ ਮਹਲਾ 4 ਦੇ ਸ਼ਬਦ ਸ਼ੁਰੂ ਹੋਏ ਹਨ ਉਹ ਗੁਰੂ ਅਤੇ ਗਿਆਨ ਵਾਲੇ ਹੀ ਹਨ ।
ਬਾਕੀ ਜੋ ਕਿਸੇ ਨੂੰ ਚੰਗਾ ਲੱਗਦਾ ਹੈ ਠੀਕ ਹੈ ।
25th December 2018 11:24am
Gravatar
Narendra Pal Singh saluja (Raipur, India)
ਜਿਨ ਹਰਿ ਹਿਰਦੈ ਨਾਮ ਨਾ ਬਸਿਓ ਤਿਂਨ ਮਾਤ ਕੀਜੈ ਹਰਿ ਬਾਂਝਾ।। ਪੰਕਤੀ ਸਹੀ ਨਹੀਂ ਲਿਖੀ ਹੈ ਸਹੀ ਪੰਕਤੀ ਹੈ-------ਪੰਨਾ 697, ਸਤਰ 15
ਜਿਨ ਹਰਿ ਹਿਰਦੈ ਨਾਮੁ ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥------ਨਾਮ ਨਹੀਂ ਨਾਮੁ ਹੈ ਤਿਂਨ ਨਹੀਂ ਤਿਨ ਹੈ
26th December 2018 8:59am
Gravatar
Gursharn Singh Dhillon (Ajax, Canada)
Narendra Pal Singh saluja( Raipur, India,)
ਸਤਿ ਸ੍ਰੀ ਅਕਾਲ ।
ਜਿਵੇਂ ਤੁਸੀਂ ਵੀ ਪਹਿਲਾਂ ਤਾਂ ‘ਨਾਮੁ’ ਦੀ ਔਂਕੜ ਅਤੇ ‘ਤਿੰਨ’ ਉਤੇ ਟਿਪੀ ਵੱਲ ਖਿਆਲ ਨਹੀਂ ਕੀਤਾ, ਇੰਝ ਹੀ ਮੇਰੇ ਵੱਲੋਂ ਸ: ਰਾਜਪੁਰਾ ਹੁਰਾਂ ਦੀ ਲਿਖਤ ਤੋਂ ਗੁਰਬਾਣੀ ਦੀ ਕਾਪੀ ਪੇਸਟ ਕਰਦਿਆਂ ਖਿਆਲ ਨਹੀਂ ਗਿਆ । ਇਹਨਾਂ ਵੱਲ ਧਿਆਨ ਦਿਵਾਉਣ ਲਈ ਧੰਨਵਾਦ ।
27th December 2018 7:44am
Gravatar
Narendra Pal Singh saluja (Raipur, India)
ਪੰਨਾ 47, ਸਤਰ 10
ਮਾਤ ਪਿਤਾ ਸੁਤ ਬੰਧਪਾ ਕੂੜੇ ਸਭੇ ਸਾਕ ॥
ਪੰਨਾ 49, ਸਤਰ 7
ਮਾਤ ਪਿਤਾ ਸਾਕ ਅਗਲੇ ਤਿਸੁ ਬਿਨੁ ਅਵਰੁ ਨ ਕੋਇ ॥
ਪੰਨਾ 70, ਸਤਰ 19
ਮਾਤ ਪਿਤਾ ਸੁਤ ਭਾਈਆ ਸਾਜਨ ਸੰਗਿ ਪਰੀਤਿ ॥
ਪੰਨਾ 132, ਸਤਰ 2
ਮਾਤ ਗਰਭ ਮਹਿ ਤੁਮ ਹੀ ਪਾਲਾ ॥
ਪੰਨਾ 246, ਸਤਰ 1
ਮਾਤ ਪਿਤਾ ਸੁਤ ਭਾਈ ਖਰੇ ਪਿਆਰੇ ਜੀਉ ਡੂਬਿ ਮੁਏ ਬਿਨੁ ਪਾਣੀ ॥
ਪੰਨਾ 253, ਸਤਰ 6
ਕਾ ਕੋ ਮਾਤ ਪਿਤਾ ਸੁਤ ਧੀਆ ॥
ਪੰਨਾ 264, ਸਤਰ 1
ਜਹ ਮਾਤ ਪਿਤਾ ਸੁਤ ਮੀਤ ਨ ਭਾਈ ॥
ਪੰਨਾ 268, ਸਤਰ 2
ਤੁਮ ਮਾਤ ਪਿਤਾ ਹਮ ਬਾਰਿਕ ਤੇਰੇ ॥
478, ਸਤਰ 2
ਕਾ ਕੀ ਮਾਤ ਪਿਤਾ ਕਹੁ ਕਾ ਕੋ ਕਵਨ ਪੁਰਖ ਕੀ ਜੋਈ ॥
30th December 2018 9:17am
Gravatar
Narendra Pal Singh saluja (Raipur, India)
ਪੰਨਾ 759, ਸਤਰ 5
ਗੁਰ ਗਿਆਨੁ ਪਦਾਰਥੁ ਨਾਮੁ ਹੈ ਹਰਿ ਨਾਮੋ ਦੇਇ ਦ੍ਰਿੜਾਇ ॥
ਇਸ ਪੰਕਤੀ ਵਿਚ ਨਾਮੁ ਦਾ ਅਰਥ ਗੁਰ ਦਾ ਗਿਆਨੁ ਹੈ। -----ਜਿਨ ਹਰਿ ਹਿਰਦੈ ਨਾਮੁ (ਗੁਰ ਦਾ ਗਿਆਨੁ)ਨ ਬਸਿਓ ਤਿਨ ਮਾਤ ਕੀਜੈ ਹਰਿ ਬਾਂਝਾ ॥‌‌---------ਗੁਰ ਦੇ ਗਿਆਨ ਦੀ ਉਤਪਤੀ ਗੁਰ ਦੀ ਮਤ ਦੁਆਰਾ ਹੁੰਦੀ ਹੈ ਇਸ ਕਰਕੇ ਹੀ ਮਤ ਨੂੰ ਮਾਤਾ ਦਾ ਦਰਜਾ ਦਿਤਾ ਗਿਆ ਹੈ । ------ ਮਾਤਾ ਮਤਿ ਪਿਤਾ ਸੰਤੋਖੁ ॥ ------ਇਸ ਤਰਹ ਮਤ ਦਾ ਅਰਥ ਭੀ ਮਾਤਾ ਹੀ ਹੈ
3rd January 2019 9:10am
Gravatar
Narendra Pal Singh saluja (Raipur, India)
ਨਾਮੁ (ਗੁਰ ਕਾ ਗਿਆਨੁ) ਕੀ ਉਤਪਤੀ (ਜਨਮ) ਮਤਿ ਰੂਪੀ ਮਾਤਾ ਕੇ ਦੁਆਰਾ (ਗਰਭ ਸੇ)ਹੋਤੀ ਹੈ । ਮਤਿ ਕੋ ਮਾਤਾ ਜੈਸਾ ਕਹਾ ਜਾ ਸਕਤਾ ਹੈ।
4th January 2019 5:11pm
Gravatar
Makhan Singh Purewal (Quesnel, Canada)
ਸ: ਲਖਵਿੰਦਰ ਸਿੰਘ ਜੀ,
ਕਾਫੀ ਦੇਰ ਪਹਿਲਾਂ ਇਸ ਤਰ੍ਹਾਂ ਦਾ ਇੱਕ ਪੰਨਾ ਸ਼ੁਰੂ ਕੀਤਾ ਸੀ ਪਰ ਪਾਠਕਾਂ/ਲੇਖਕਾਂ ਵਲੋਂ ਕੋਈ ਖਾਸ ਹੁੰਘਾਰਾ ਨਹੀਂ ਮਿਲਿਆ ਸੀ ਅਤੇ ਫਿਰ ਬੰਦ ਕਰ ਦਿੱਤਾ ਸੀ। ਇਸ ਦੇ ਅਨੇਕਾਂ ਹੀ ਕਾਰਨ ਸਨ। ਸਭ ਤੋਂ ਵੱਡਾ ਕਾਰਨ ਇਹ ਸੀ ਕਿ ਅਸੀਂ ਪਹਿਲੇ ਦਿਨ ਤੋਂ ਹੀ ਬਿਨਾ ਕਿਸੇ ਖੌਫ ਦੇ ਸੱਚ ਦੱਸਣ ਦੀ ਕੋਸ਼ਿਸ਼ ਕਰਦੇ ਹਾਂ ਇਸ ਕਰਕੇ ਬਹੁਤੇ ਸ਼ਰਧਾਵਾਨ ਅਤੇ ਖਾਸ ਕਰਕੇ ਡੇਰਿਆਂ ਵਾਲੇ ਪਹਿਲਾਂ ਤੋਂ ਹੀ ‘ਸਿੱਖ ਮਾਰਗ’ ਦਾ ਵਿਰੋਧ ਕਰਦੇ ਆ ਰਹੇ ਹਨ। ਮਿਸਾਲ ਦੇ ਤੌਰ ਤੇ ਜਦੋਂ ਭਾਈ ਰਣਜੀਤ ਸਿੰਘ ਨੇ 1998 ਵਿੱਚ ਤੱਪੜਾਂ ਤੇ ਬੈਠ ਕੇ ਲੰਗਰ ਛਕਣ ਦਾ ਹੁਕਮਨਾਮਾ ਜ਼ਾਰੀ ਕੀਤਾ ਸੀ ਤਾਂ ਅਸੀਂ ਇਸ ਨੂੰ ਗਲਤ ਅਤੇ ਗੁਰਮਤਿ ਤੋਂ ਉਲਟ ਕਿਹਾ ਸੀ। ਉਸ ਵੇਲੇ ਬਹੁਤੇ ਸਿੱਖ ਇਸ ਮਸਲੇ ਨੂੰ ਲੈ ਕੇ ਮਰਨ-ਮਰਾਨ ਤੇ ਤੁਲੇ ਹੋਏ ਸਨ। ਉਸ ਤੋਂ ਬਾਅਦ ਕਾਲਾ ਅਫਗਾਨਾਂ ਦੀਆਂ ਕਿਤਾਬਾਂ ਦਾ ਮਸਲਾ ਅਤੇ ਉਸ ਨੂੰ ਕਥਿਤ ਤੌਰ ਤੇ ਛੇਕਣ ਦਾ ਗਿਆ। ਫਿਰ ਸਪੋਕਸਮੈਨ ਦੇ ਐਡੀਟਰ ਨੂੰ ਛੇਕਣ ਦਾ ਅਤੇ ਇਸ ਨੂੰ ਨਾ ਪੜ੍ਹਨ ਦਾ ਮਸਲਾ। ਦਸਮ ਗ੍ਰੰਥ ਅਤੇ ਰਾਗਮਾਲਾ ਦਾ ਮਸਲਾ। ਕਰਤਾਰ ਪੁਰੀ ਬੀੜ ਦਾ ਮਸਲਾ। ਇਸ ਤਰ੍ਹਾਂ ਦੇ ਹੋਰ ਵੀ ਕਈ ਮੁੱਦੇ ਸਨ ਜਿਨ੍ਹਾ ਬਾਰੇ ਸਿੱਖ ਮਾਰਗ ਦਾ ਸਟੈਂਡ ਸੱਚ ਦੇ ਅਧਾਰ ਤੇ ਬਾਕੀਆਂ ਨਾਲੋਂ ਵੱਖਰਾ ਸੀ। ਇਸ ਕਰਕੇ ਬਹੁਤੇ ਅੰਧਵਿਸ਼ਵਾਸ਼ੀ, ਕਰਮਕਾਂਡੀ ਅਤੇ ਡੇਰਿਆਂ ਨਾਲ ਸੰਬੰਧਿਤ ਸਿੱਖ ਸਾਡੇ ਵਿਰੋਧ ਵਿੱਚ ਹੀ ਖੜੇ ਰਹੇ ਹਨ।
ਸਮੇਂ ਅਨੁਸਾਰ ਸਮਾਜਿਕ ਰੀਤਾਂ ਰਸਮਾਂ ਬੜੀ ਤੇਜੀ ਨਾਲ ਬਦਲ ਰਹੀਆਂ ਹਨ। ਕਿਸੇ ਸਮੇ ਬਿਨਾ ਇੱਕ ਦੂਜੇ ਨੂੰ ਮਿਲੇ ਅਤੇ ਦੇਖੇ ਤੋਂ ਸਾਰਾ ਕੁੱਝ ਸਿਰਫ ਵਿਚੋਲਿਆਂ ਰਾਂਹੀ ਹੀ ਹੁੰਦਾ ਸੀ। ਫਿਰ ਮਿੱਤਰਾਂ, ਦੋਸਤਾਂ ਅਤੇ ਰਿਸ਼ਤੇਦਾਰੀਆਂ ਰਾਹੀਂ ਹੋਣ ਲੱਗ ਪਿਆ। ਪਰ ਹੁਣ ਦੇ ਜਮਾਨੇ ਵਿੱਚ ਬਹੁਤਾ ਕਰਕੇ ਬੱਚੇ ਬੱਚੀਆਂ ਆਪ ਹੀ ਆਪਣੇ ਜੀਵਨ ਸਾਥੀਆਂ ਦੀ ਚੋਣ ਕਰ ਰਹੇ ਹਨ। ਕੋਈ ਸ਼ੋਸ਼ਲ ਮੀਡੀਏ ਰਾਹੀਂ ਕਰ ਰਿਹਾ ਹੈ ਅਤੇ ਕੋਈ ਆਪਣੇ ਨਾਲ ਪੜ੍ਹਦੇ ਜਾਂ ਕੰਮ ਕਰਦੇ ਵਸੀਲਿਆਂ ਰਾਹੀਂ। ਕੋਈ ਸਮਾ ਐਸਾ ਸੀ ਕਿ ਪੰਜਾਬ ਦੇ ਲੋਕ ਆਪਣੀਆਂ ਲੜਕੀਆਂ ਨੂੰ ਆਪਣੇ ਪਿੰਡ ਦੇ ਸਕੂਲ ਤੱਕ ਹੀ ਪੜ੍ਹਾਉਂਦੇ ਸਨ। ਕੋਈ ਵਿਰਲਾ ਹੀ ਉਚ ਵਿਦਿਆ ਲਈ ਸ਼ਹਿਰ ਭੇਜਦਾ ਸੀ। ਪਰ ਹੁਣ ਤਾਂ ਸ਼ਹਿਰ ਛੱਡ ਕੇ ਵਿਦੇਸ਼ਾਂ ਵਿੱਚ ਵੀ ਹਜ਼ਾਂਰਾਂ ਦੀ ਗਿਣਤੀ ਵਿੱਚ ਲੜਕੀਆਂ ਪੜ੍ਹਨ ਜਾਂਦੀਆਂ ਹਨ ਅਤੇ ਹੋਰ ਵੀ ਬਹੁਤ ਕੁੱਝ ਹੁੰਦਾ ਹੈ। ਸਮਾਜਿਕ ਕਦਰਾਂ ਕੀਮਤਾਂ ਬੜੀ ਤੇਜੀ ਨਾਲ ਬਦਲ ਰਹੀਆਂ ਹਨ।
ਅਸੀਂ ਆਪਣੀ ਜਿੰਦਗੀ ਦਾ ਬਹੁਤ ਸਮਾ ਇੱਥੇ ਸਿੱਖ ਮਾਰਗ ਤੇ ਲਾਇਆ ਹੈ। ਹੁਣ ਇਸ ਸਮੇ ਨੂੰ ਹੋਰ ਵਧਾਉਣ ਦੀ ਬਿਜਾਏ ਕੁੱਝ ਘਟਾਉਣਾ ਚਾਹੁੰਦੇ ਹਾਂ। ਇਹ ਪੰਨਾ ਪਾਠਕਾਂ/ਲੇਖਕਾਂ ਲਈ 24 ਘੰਟੇ ਖੁੱਲਾ ਹੁੰਦਾ ਹੈ। ਇਸ ਲਈ ਤੁਸੀਂ ਆਪਣੇ ਬੱਚਿਆਂ ਦੀ ਵਿਦਿਆ ਬਾਰੇ, ਉਮਰ ਤੇ ਕੱਦ-ਕਾਠ ਬਾਰੇ ਜਾਣਕਾਰੀ ਜੇ ਕਰ ਚਾਹੋਂ ਤਾਂ ਇੱਥੇ ਹੀ ਸਾਂਝੀ ਕਰ ਸਕਦੇ ਹੋ। ਇੰਡੀਆ ਵਿੱਚ ਕਈ ਧਾਰਮਿਕ ਮੈਗਜ਼ੀਨ ਨਿਕਲਦੇ ਹਨ ਖਾਸ ਕਰਕੇ ਮਿਸ਼ਨਰੀ ਕਾਲਜ਼ਾਂ ਵਲੋਂ ਅਤੇ ਉਹਨਾ ਵਿੱਚ ਵੀ ਇਸ ਤਰ੍ਹਾਂ ਦੇ ਇਸ਼ਤਿਹਾਰ ਛਪਦੇ ਹਨ। ਤੁਸੀਂ ਉਥੇ ਵੀ ਛਪਵਾ ਸਕਦੇ ਹੋ। ਸਿੱਖ ਮਾਰਗ ਨੂੰ ਪੜ੍ਹਨ ਦਾ ਸ਼ੁਕਰੀਆ।
18th December 2018 3:10pm
Gravatar
Lakhvinder Singh (Raipur Chhattisgarh, India)
ਵਾਹ ਗੁਰੂ ਜੀ ਕਾ ਖ਼ਾਲਸਾ || ਵਾਹ ਗੁਰੂ ਜੀ ਕੀ ਫ਼ਤਹਿ ||
ਵੀਰ ਮੱਖਣ ਸਿੰਘ ਜੀ, ਸੁਝਾਅ ਦੇਣ ਲਈ ਬਹੁਤ-ਬਹੁਤ ਧੰਨਵਾਦ ਜੀ |

ਵੀਰ ਜੀ, ਵੈਸੇ ਤਾਂ ਆਲ ਓਵਰ ਇੰਡੀਆ ਵਿੱਚ ਮੇਰੇ 14 ਵਾਟਸੱਪ ਗਰੁੱਪ ਚੱਲਦੇ ਸਨ, ਜਿਸ ਵਿੱਚ ਇੰਡੀਆ ਤੋਂ 15 ਮੇਰੇ ਕੋ-ਐਡਮਿਨ ਸਨ/ਹਨ, ਇੱਕ ਐਨ. ਆਰ. ਆਈ. ਗਰੁੱਪ ਵੀ ਸੀ, ਪਰ ਮੈਂ ਵੀ ਬਹੁਤਾ ਸਮਾਂ ਦੇ ਸਕਣ ਤੋਂ ਅਸਮਰੱਥ ਸਾਂ, ਇਸ ਕਰਕੇ ਮੈਂ ਉਹਨਾਂ ਨੂੰ ਇੱਕ ਦੂਜੇ ਵਿੱਚ ਮਰਜ ਕਰਦਿਆਂ ਘਟਾ ਕੇ 8 ਗਰੁੱਪ ਕਰ ਦਿੱਤੇ ਹਨ | ਮੈਂ ਤਾਂ ਤੁਹਾਡੇ ਉਸ ਪੇਜ ਦੇ ਬਹਾਨੇ ਕਾਫ਼ੀ ਸੱਜਣਾਂ ਨੂੰ ਗੁਰਮਤਿ ਪ੍ਰਚਾਰ ਦੇ ਇਸ ਬਹੁਤ ਵੱਡੇ ਪਲੇਟਫ਼ਾਰਮ ਤੇ ਲਿਆਉਣਾ ਚਾਉਂਦਾ ਸਾਂ, ਪਰ ਵਿਆਹ ਸਬੰਧੀ ਉਹ ਪੇਜ ਕਿਉਂ ਕਾਮਯਾਬ ਨਹੀਂ ਹੋ ਸੱਕਿਆ, ਇਹ ਆਪ ਜੀ ਨੇ ਦੱਸ ਹੀ ਦਿੱਤਾ ਹੈ |

ਫ਼ਿਰ ਤੋਂ ਧੰਨਵਾਦ ਜੀ |
4th January 2019 10:19am
Gravatar
Lakhvinder Singh (Raipur, India)
ਵੀਰ ਮੱਖਣ ਸਿੰਘ ਜੀ, ਮੈਂ ਸਿੱਖ ਮਾਰਗ ਤੇ ਕਿਤੇ ਪੜ੍ਹਿਆ ਸੀ ਕਿ ਆਪ ਜੀ ਸਿੱਖ ਬੱਚੇ ਬੱਚੀਆਂ ਦੇ ਵਿਆਹ ਸ਼ਾਦੀ ਵਿੱਚ ਆ ਰਹੀ ਔਕੜਾਂ ਨੂੰ ਮੁੱਖ ਰੱਖਦੇ ਹੋਏ, ਇਸ ਸਬੰਧੀ ਇੱਕ ਨਵਾਂ ਪੇਜ ਆਰੰਭ ਕਰਨ ਜਾ ਰਹੇ ਹੋ| ਮੇਰਾ ਮਸਲਾ ਇਹ ਹੈ ਕਿ ਉਹ ਪੇਜ ਸ਼ੁਰੂ ਹੋਇਆ ਕਿ ਨਹੀਂ? ਜੇ ਹੋ ਗਿਆ ਹੈ ਤਾਂ ਉਸਦੀ ਕੋਈ ਸੂਚਨਾ ਉਸ ਪੇਜ ਤੇ ਉਪਲਬਧ ਨਹੀਂ ਹੈ| ਸੋ ਕਿਰਪਾ ਕਰ ਕੇ ਦਾਸ ਦਾ ਮਸਲਾ ਹੱਲ ਕਰੋ ਜੀ|
16th December 2018 8:37am
Gravatar
Lakhvinder Singh (Raipur, India)
ਵੀਰ ਮੱਖਣ ਸਿੰਘ ਜੀ, ਮੈਂ ਸਿੱਖ ਮਾਰਗ ਤੇ ਸਿੱਖ ਬੱਚੇ ਬੱਚੀਆਂ ਦੀ ਵਿਆਹ ਸੰਬੰਧੀ ਇੱਕ ਨਵਾਂ ਪੇਜ ਆਰੰਭ ਕਰਣ ਬਾਰੇ ਪੜ੍ਹਿਆ ਹੈ, ਪਰ ਵਿਆਹ ਸਬੰਧੀ ਸਮੱਗਰੀ ਕਿੱਥੇ ਸ਼ੇਅਰ ਕੀਤੀ ਜਾਵੇ, ਇਸ ਦਾ ਜ਼ਿਕਰ ਕਿਤੇ ਵੀ ਨਹੀਂ ਮਿਲਿਆ| ਸੋ ਆਪ ਜੀ ਨੂੰ ਨਿਮਰਤਾ ਸਹਿਤ ਬੇਨਤੀ ਹੈ ਕਿ ਦਾਸ ਦਾ ਮਸਲਾ ਹੱਲ ਕੀਤਾ ਜਾਵੇ| ਮੇਰੇ ਦੋ ਬੇਟੇ ਹਨ, ਦੋਨੋਂ ਹੀ ਪੰਜ ਕਕਾਰੀ ਤੇ ਗੁਰਮਤਿ ਵਿਚਾਰਧਾਰਾ ਨਾਲ ਜੁੜੇ ਹਨ| ਦਾਸ ਖ਼ੁਦ ਗੁਰਮਤਿ ਪ੍ਰਚਾਰਕ ਹੈ ਤੇ ਤੱਤ ਗੁਰਮਤਿ ਦੀ ਗੱਲ ਹਰ ਸਟੇਜ ਤੇ ਖੁੱਲ੍ਹ ਕੇ ਕਰਦਾ ਹੈ| ਮੈਂ ਸਿੱਖ ਮਾਰਗ ਨਾਲ ਤਕਰੀਬਨ 4 ਸਾਲਾਂ ਤੋਂ ਜੁੜਿਆ ਹੋਇਆ ਹਾਂ, ਤੇ ਇਸ ਸਾਈਟ ਤੋਂ ਮੈਨੂੰ ਬਹੁਤ ਕੁੱਝ ਹੋਰ ਸਿੱਖਣ ਨੂੰ ਮਿਲਿਆ ਹੈ, ਪਰ ਇਹ ਸ਼ਾਇਦ ਮੇਰੀ ਬਹੁਤ ਵੱਡੀ ਢਿੱਲ ਰਹੀ ਹੈ ਕਿ ਮੈਂ ਕਦੀ ਕੋਈ ਗੱਲ ਦੀ ਸਾਂਝ ਨਹੀਂ ਪਾ ਸੱਕਿਆ|
16th December 2018 8:32am
Gravatar
Dr Dalvinder Singh Grewal (Ludhiana, India)
ਜੋ ਕੰਮ ਤੈਨੂੰ ਭਾਉਂਦੇ ਰੱਬਾ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਜੋ ਕੰਮ ਤੈਨੂੰ ਭਾਉਂਦੇ ਰੱਬਾ।
ਉਹ ਹੀ ਰਹੀਂ ਕਰਾਉਂਦੇ ਰੱਬਾ।
ਕਾਰ ਕਰਦਿਆਂ, ਨਾਮ ਜਪਦਿਆਂ
ਰਹੀਏ ਵੰਡ ਛਕਾਉਂਦੇ ਰੱਬਾ।
ਅਸੀਂ ਹਾਂ ਤੇਰੇ ਹੁਕਮ ‘ਚ ਬਧੇ
ਦਿਤੀ ਕਾਰ ਕਮਾਉਂਦੇ ਰੱਬਾ।
ਤੇਰਾ ਹੁਕਮ ਸਦਾ ਸਿਰ ਮੱਥੇ,
ਡਟ ਕੇ ਹੁਕਮ ਪੁਗਾਉਂਦੇ ਰੱਬਾ।
ਦੇਖੀਂ ਕਿਧਰੇ ਰੁੱਸ ਨਾ ਜਾਵੀਂ,
ਮੁਕਣਾ ਪਊ ਮਨਾਉਂਦੇ ਰੱਬਾ।
ਹੋਰ ਸਹਾਰਾ ਕਿਥੋਂ ਮਿਲਣਾ,
ਤੇਰੀ ਓਟ ਗਵਾਉਂਦੇ ਰੱਬਾ।
ਆਪੇ ਕਰਤਾ, ਆਪੇ ਭੁਗਤਾ,
ਆਪੇ ਰਹੀਂ ਨਿਭਾਉਂਦੇ ਰੱਬਾ।
13th December 2018 5:43pm
Gravatar
Dr Dalvinder Singh Grewal (Ludhiana, India)
ਆ!ਜੇ ਤੂੰ ਰੱਬ ਨਾਲ ਲਾਉਣੀ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਲੱਭ ਗੁਰ ਪੂਰਨ, ਪੈ ਜਾ ਪੈਰੀਂ, ਸਿੱਖ ਲੈ ਸੇਵ ਕਮਾਉਣੀ।
ਸਮਝ ਲੈ ਆਪਾ, ਸਮਝ ਲੈ ਦੁਨੀਆਂ, ਸਮਝ ਲੈ ਰੱਬ ਦੀ ਭਾਉਣੀ।
ਤੂੰ ਤਾਂ ਕੁੱਝ ਨਾਂ, ਸਭ ਹੈ ਉਹ ਹੀ , ਸਮਝ ਜ਼ਰੂਰੀ ਆਉਣੀ॥
ਜੋ ਵੀ ਹੈ ਸੱਭ ਉਸ ਦਾ ਸਮਝੀਂ, ਜਾਣੀ ਜਿੰਦ ਪਰ੍ਹਾਉਣੀ।
ਸੱਭ ਨੂੰ ਉਸ ਦੇ ਜਾਣ, ਭਲਾ ਕਰ, ਦੂਈ ਦਵੈਤ ਭੁਲਾਉਣੀ।
ਕੂੜੇ ਜੱਗ ਦਾ ਨਿਹੁੰ ਛੱਡ ਦਿਲ ਵਿਚ ਸੱਚ ਦੀ ਪਾ ਲੈ ਛਾਉਣੀ।
ਉਹ ਸੱਚਾ ਸਾਰਾ ਜੱਗ ਝੂਠਾ, ਸਭ ਦੀ ਜਾਣੀ ਆਉਣੀ॥
ਹਰ ਸਾਹ ਨਾਮ ਉਸੇ ਦਾ ਜਪਣਾ, ਹਰ ਦਮ ਉਸਤਤ ਗਾਉਣੀ।
ਆਪ ਮਿਟੇਂ ਤਾਂ ਰੋਸ਼ਨ ਹੋ ਕੇ, ਰੂਹ ਉਸ ਜਿਹੀ ਬਣਾਉਣੀ।
ਨੂਰ ਨੂਰ ਹੋ ਨੂਰ ‘ਚ ਮਿਲਿਆਂ, ਮੰਜ਼ਿਲ ਅਪਣੀ ਪਾਉਣੀ।
ਬੰਦਿਆ!ਜੇ ਤੂੰ ਰੱਬ ਨਾਲ ਲਾਉਣੀ।
12th December 2018 3:53pm
First < 4 5 6 7 8 > Last
Page 6 of 58

Add Comment

* Required information
(never displayed)
 
Bold Italic Underline Strike Superscript Subscript Code PHP Quote Line Bullet Numeric Link Email Image Video
 
Smile Laugh Cool Shocked
 
5000
Enter the third word of this sentence.
 
Enter answer:
 
Remember my form inputs on this computer.
 
 
Powered by Commentics

.