ਤੁਹਾਡਾ ਆਪਣਾ ਪੰਨਾ (This is your own page)

Comments (1015)

Topic: Tuhada Apna

Sort

First < 15 16 17 18 19 > Last

Gursharn Singh Dhillon (Ajax, Canada)

ਜਿਵੇਂ ਕੁਝ ਗੁਰਦੁਆਰਿਆਂ ਜਾਂ ਡੇਰਿਆਂ ਦੀਆਂ ਸਟੇਜ਼ਾਂ ਤੋਂ ਗੁਰਬਾਣੀ ਬਾਰੇ ਜੋ ਮਰਜੀ ਕਥਾ ਕਹਾਣੀਆਂ ਕਈ ਪ੍ਰਚਾਰਕ ਸੁਣਾ ਕੇ ਉਹ ਗਏ ਉਹ ਗਏ ਹੋ ਜਾਂਦੇ ਹਨ, ਉਹਨਾਂ ਨੂੰ ਕੋਈ ਸਿੱਖ ਸਵਾਲ ਜੁਵਾਬ ਨਹੀਂ ਕਰ ਸਕਦਾ ਹੁੰਦਾ । ਇਵੇਂ ਹੀ ਕਈ ਲੇਖਕ ਸਿੱਖ ਮਾਰਗ ਸਾਈਟ 'ਤੇ ਵੀ ਆਪਣੇ ਲੇਖ ਲਾਉਣ ਦਾ ਸ਼ੋਂਕ ਤਾਂ ਰੱਖਦੇ ਹਨ ਪਰ ਉਹਨਾਂ ਦੇ ਲੇਖਾਂ ਵਿਚੋਂ ਜੇ ਕਿਸੇ ਨੇ ਆਪਣੇ ਸ਼ੰਕੇ ਦੂਰ ਕਰਨੇ ਜਾਂ ਉਸ ਲੇਖ ਬਾਰੇ ਹੋਰ ਜਾਣਕਾਰੀ ਲੈਣੀ ਹੋਵੇ ਤਾਂ ਉਹ ਲੇਖ ਲਿਖਣ ਵਾਲੇ ਕੋਈ ਜਵਾਬ ਨਹੀਂ ਦੇਂਦੇ । ਕੀ ਫਰਕ ਹੈ ਉਹਨਾਂ ਪੇਸ਼ੇਵਰ ਪ੍ਰਚਾਰਕਾਂ ਜਾਂ ਸਾਧ ਬਾਬਿਆਂ ਦੇ ਚੇਲਿਆਂ ਅਤੇ ਸਿੱਖ ਮਾਰਗ ਸਾਈਟ ਦੇ ਉਹਨਾਂ ਲੇਖਕਾਂ ਵਿਚ ਜਿਹੜੇ ਆਪਣੇ ਲੇਖ ਬਾਰੇ ਪਏ ਪਾਠਕਾਂ ਦੇ ਸ਼ੰਕਿਆਂ ਨੂੰ ਸਵਾਲ ਜੁਵਾਬ ਰਾਹੀ ਦੂਰ ਕਰਨ ਨੂੰ ਪਸੰਦ ਨਹੀਂ ਕਰਦੇ ? ਵਿਚਾਰ ਪੜ੍ਹਨ ਲਈ ਧੰਨਵਾਦ ।

8th August 2017 9:06am

Eng Darshan Singh Khalsa (Sydney, Australia)

** ਵੀਰ ਗੁਰਸ਼ਰਨ ਸਿੰਘ ਜੀ, ਤੁਸੀਂ ਠੀਕ ਲਿਖਿਆ ਹੈ ਕਿ ਅਗਰ ਕੋਈ ਲੇਖਕ ਵੀਰ-ਭੈਣ ਆਪਣੇ ਵਿਚਾਰਾਂ ਨੂੰ ਲਿਖਤ ਵਿਚ ਲਿਆ ਕੇ ਸੰਗਤਾਂ ਨਾਲ ਸਾਂਝੇ ਕਰਦਾ ਹੈ, ਤਾਂ ਦੂਸਰੇ ਵੀਰਾਂ ਭੈਣਾਂ ਦੇ ਮਨਾਂ ਵਿਚ ਆਏ/ਉਠੇ ਸਵਾਲਾਂ ਦਾ ਜਵਾਬ ਦੇਣ ਦਾ ਫਰਜ਼ ਵੀ ਬਣਦਾ ਹੈ।
ਇਹ ਸਾਡਾ ਸਾਰਿਆਂ (ਲੇਖਕ ਅਤੇ ਪੜ੍ਹਨ ਵਾਲੇ ਵੀਰਾਂ ਭੈਣਾਂ) ਦਾ ਫਰਜ਼ ਬਣਦਾ ਹੈ,
ਕਿ ਅਸੀਂ ਸਵਾਲ-ਜਵਾਬ ਕਰਨ ਵੇਲੇ/ਵਕਤ ਆਪਸੀ ਆਦਰ/ਮਾਣ/ਸਤਿਕਾਰ ਦੀ ਮਰਿਆਦਾ ਨੂੰ ਕਾਇਮ ਰੱਖੀਏ।
ਆਪੇ ਤੋਂ ਬਾਹਰ ਨਾ ਜਾਕੇ ਹੋਏ, ਸਤਿਕਾਰਤ ਭਾਸ਼ਾ ਵਿਚ ਸਵਾਲ ਪੁੱਛੇ ਜਾਣ।
ਬਣਦੇ ਸਵਾਲ ਦਾ ਯੋਗ ਬਣਦਾ ਜਵਾਬ ਦੇਈਏ।
ਹਰ ਇਨਸਾਨ ਦੀ ਮੱਤ ਆਪੋ ਆਪਣੀ ਹੈ।
ਹਰ ਇੱਕ ਇਨਸਾਨ ਦਾ ਆਪੋ-ਆਪਣਾ ਕਿਸੇ ਸਥਿੱਤੀ ਨੂੰ ਸਮਝਣ-ਸਮਝਾਉਣ ਤਰੀਕਾ-ਸਲੀਕਾ ਹੈ।
ਆਪਾਂ ਇਨਸਾਨਾਂ ਕੋਲ ਗਿਆਨ ਲੈਣ ਦੇ ਪੰਜ ਵਸੀਲੇ/ਸਾਧਨ ਹਨ।
1. ਅੱਖਾਂ ਰਾਹੀਂ।
2. ਕੰਨਾਂ ਰਾਹੀਂ।
3. ਨੱਕ ਰਾਹੀਂ।
4. ਜੀਭ ਰਾਹੀਂ।
5. ਚੱਮੜੀ ਰਾਹੀਂ।
ਕਈ ਵਾਰ ਇਹਨਾਂ ਵਸੀਲਿਆਂ ਰਾਹੀਂ ਲਿਆ ਗਿਆਨ ਵੀ ਸਾਡੀ ਸਮਝ ਵਿਚ ਨਹੀਂ ਅਉਂਦਾ, ਸੋ ਇਸ ਲਈ ਯੋਗ ਸਮਝਦਾਰ ਸਜਣ, ਲਿਖਾਰੀ ਵੀਰ-ਭੈਣ ਨਾਲ ਵਿਚਾਰ ਕਰ ਲੈਣਾ ਹੀ ਲਾਹੇਵੰਦ ਸਾਬਿਤ ਹੁੰਦਾ ਹੈ।
ਸਾਇਦ ਆਪ ਜੀ ਦਾ ਵੀ ਇਹੀ ਮਸਲਾ ਹੈ ਕਿ ਅੱਖਾਂ ਰਾਹੀਂ ਪੜ੍ਹਕੇ ਲਿਆ ਗਿਆਨ ਸਹੀ ਤਰੀਕੇ ਨਾਲ ਆਪਦੀ ਮੱਤ-ਬੁੱਧ ਵਿਚ ਫਿੱਟ ਨਹੀਂ ਹੋ ਰਿਹਾ ਹੈ। ਸੋ ਆਪ ਵਿਚਾਰ ਵਿਟਾਂਦਰਾ ਕਰਨਾ ਚਹੁੰਦੇ ਹੋ।

ਸੋ ਮੇਰਾ ਆਪਣਾ ਵੀ ਇਹੀ ਖਿਆਲ ਹੈ।
ਆਪਾਂ ਇਸ ‘ਸਿੱਖ ਮਾਰਗ’ ਪਲੇਟਫਾਰਮ ਦੇ ਰਾਹੀਂ ਆਪਣੇ ਵਿਚਾਰਾਂ ਦੀ ਸਾਂਝ ਨਾਲ ਗਿਆਨ ਹਾਸਿਲ ਕਰਨ ਦੀ ਲਾਲਸਾ ਨਾਲ ਇਕ ਦੂਜੇ ਨਾਲ ਸੰਬੰਧ ਬਣਾਏ ਹੋਏ ਹਨ ਅਤੇ ਗਿਆਨ ਹਾਸਿਲ ਕਰਦੇ ਵੀ ਹਾਂ। ਇਸ ਵਿਚ ਕੋਈ ਦੋ ਰਾਵਾਂ ਨਹੀਂ ਹਨ।
‘ਸਿੱਖ ਮਾਰਗ’ ਸਾਈਟ ਦੇ ਉਪਰ ਬਹੁਤ ਹੀ ਸੁਲਝੇ ਹੋਏ ਲੇਖਕ ਵੀਰਾਂ-ਭੈਣਾਂ ਦੇ ਵੀਚਾਰ ਲਿਖਤ ਰੂਪ ਵਿਚ ਵਸੀਅਤ ਦੇ ਤਰਜ਼/ਤੌਰ ਉਪਰ ਦਰਜ਼ ਹੋਏ ਹੋਏ ਹਨ।
ਆਪਾਂ ਸਾਰੇ ਲਾਹਾ ਲੈ ਰਹੇ ਹਾਂ।

ਬੇਨਤੀ ਹੈ ਲੇਖਕ ਵੀਰਾਂ-ਭੈਣਾਂ ਨੂੰ, ਕਿ ਤੁਹਾਡੀ ਲਿਖੀ ਲਿਖਤ ਪੜ੍ਹਕੇ ਅਗਰ ਕਿਸੇ ਵੀਰ-ਭੈਣ ਦਾ ਸਵਾਲ ਆਉਂਦਾ ਹੈ ਤਾਂ ਜਵਾਬ ਸਹਿਜ ਠਰੰਮੇ ਨਾਲ ਜਰੂਰ ਦੇਣਾ ਬਣਦਾ ਹੈ।
ਲੇਖਕ ਵੀਰਾਂ ਭੈਣਾ ਨੂੰ ਆਪਣੀ ਪਾਈ/ਲਿਖੀ ਲਿਖਤ ਬਾਰੇ ਨਜ਼ਰਸਾਨੀ ਕਰਦੇ ਰਹਿਣਾ ਚਾਹੀਦਾ ਹੈ ਕਿ ਕਿਸੇ ਵੀਰ-ਭੈਣ ਦਾ ਕੋਈ ਸਲਾਹ ਜਾਂ ਕੁਮਿੰਟ ਤਾਂ ਨਹੀਂ ਆਈ/ਆਇਆ।

ਵੀਰ ਗੁਰਸ਼ਰਨ ਸਿੰਘ ਜੀਉ, ਤੁਸੀਂ ਆਪਣੇ ਸਵਾਲ ਸਤਿਕਾਰਤ ਭਾਸ਼ਾ ਵਿਚ ਜਰੂਰ ਪੁਛਣਾ ਕਰਨਾ ਕਰੋ ਜੀ।
ਆਸ ਕਰਦੇ ਹਾਂ ਉਸ ਲਿਖਤ ਦੇ ਲੇਖਕ ਵੀਰ-ਭੈਣ ਜਰੂਰ ਹੀ ਆਪ ਵਲੋਂ ਪੁਛੇ ਸਵਾਲਾਂ ਦੇ ਬਣਦੇ ਜਵਾਬ ਜਰੂਰ ਦੇਣਗੇ।

ਇੰਜ ਦਰਸ਼ਨ ਸਿੰਘ ਖਾਲਸਾ

9th August 2017 1:54am

Gursharn Singh Dhillon (Ajax, Canada)

ਸਤਿਕਾਰ ਯੋਗ ਇੰਜ ਦਰਸ਼ਨ ਸਿੰਘ ਖਾਲਸਾ ਜੀਓ, ਸਤਿ ਸ੍ਰੀ ਅਕਾਲ ।
ਖਾਲਸਾ ਜੀਓ, ਆਪ ਜੀ ਨੇ ਠੀਕ ਲਿਖਿਆ ਹੈ,ਮੈਨੂੰ ਘੱਟ ਬੁੱਧੀ ਹੋਣ ਕਰਕੇ ਕਈ ਲੇਖਾਂ ਦੀ ਅੱਖਾਂ ਰਾਹੀਂ, ਕੰਨਾਂ ਰਾਹੀਂ, ਨੱਕ ਰਾਹੀਂ, ਜੀਭ ਰਾਹੀਂ ਚੱਮੜੀ ਰਾਹੀਂ ਸਮਝ ਨਹੀਂ ਆਉਂਦੀ । ਇਸ ਕਰਕੇ ਲੇਖਕ ਨੂੰ ਬੇਨਤੀ ਕਰਨੀ ਪੈਂਦੀ ਹੈ । ਆਪ ਜੀ ਵਾਂਗੂ ਸਿੱਧੀ ਸਾਫ, ਨਿਰਮਤਾ ਅਨੁਸਾਰ ਅੱਗੇ ਤੋਂ ਲਿਖਣ ਦੀ ਕੋਸ਼ਿਸ਼ ਵੀ ਕਰਾਂਗਾ । ਕਿਉਂਕਿ ਆਪ ਖਾਲਸਾ ਹੋ ਤੇ ਖਾਲਸਾ ਦਾ ਤਾਂ ਮਤਲਬ ਹੀ ‘ਖਾਲਸ’ ਹੁੰਦਾ ਹੈ । ਜਾਨੀਕਿ ਜੋ ਮਨੁੱਖ ਦੇ ਅੰਦਰ ਹੁੰਦਾ ਹੈ ਉਹ ਹੀ ਉਸਦੀ ਜ਼ਬਾਨ ਤੇ ਹੁੰਦਾ ਹੈ, ਉਹ ਸਿਧੀ ਸਾਧੀ ਸਾਫ਼ ਗੱਲ ਕਰਦਾ ਹੈ ।
ਸੋ, ਖਾਲਸਾ ਜੀ, ਸਿਖਿਆ ਦੇਣ ਅਤੇ ਆਪਣੇ ਵਿਚਾਰ ਸਾਂਝੇ ਕਰਨ ਲਈ ਧੰਨਵਾਦ । ਆਸ ਹੈ ਕਿ ਅੱਗੇ ਤੋਂ ਵੀ ਆਪਣੀ ਸੱਚੀ-ਸੁੱਚੀ ਸੋਚ ਰਾਹੀਂ ਸਿਖਿਆ ਦੇਂਦੇ ਰਹੋਗੇ ।
ਆਦਰ ਸਹਿਤ, ਗੁਰਸ਼ਰਨ ਸਿੰਘ ਢਿੱਲੋਂ

9th August 2017 12:43pm

Gurindar Singh Paul (Aurora, US)

“ਝੂਠੇ ਤੇ ਗੰਦੇ ਲੋਕ”: ਤੱਥਾਂ ਤੇ ਦਲੀਲਾਂ ਨਾਲ ਲਿਖਿਆ ਗਿਆ ਇਹ ਕੌੜਾ ਸੱਚ “ਝੂਠੇ ਤੇ ਗੰਦੇ” ਲੋਕਾਂ ਨੂੰ ਹਜ਼ਮ ਨਹੀਂ ਹੋਇਆ ਤੇ ਉਨ੍ਹਾਂ ਨੇ ਗੁੱਸੇ ਵਿੱਚ ਭੜਕ ਕੇ ਮਨ ਦਾ ਉਬਾਲ ਕੱਢਣ ਲਈ, ਮੂੰਹ ’ਚੋਂ ਝੱਗ ਛੱਡਦਿਆਂ, ਕਈ ਹੋਰ ਕੁਫ਼ਰ ਤੋਲ ਦਿੱਤੇ। ਭਿੰਡਰਾਂਵਾਲੇ ਨੂੰ ਸੰਤ ਸਾਬਤ ਕਰਨ ਲਈ ਉਹ ਕਹਿੰਦੇ ਹਨ ਕਿ ਉਹ (ਭਿੰਡਰਾਂਵਾਲਾ),
“ਹਰ ਰੋਜ਼ ਜਪੁਜੀ ਸਾਹਿਬ ਦੇ ੧੦੧ ਪਾਠ ਕਰਦਾ ਸੀ; ਇਕ ਹਫ਼ਤੇ ਵਿੱਚ ੧੦ ਬਾਣੀਆਂ ਵਾਲੀ ਪੰਜ ਗ੍ਰੰਥੀ ਦਾ ਪਾਠ ਕੰਠ ਕਰ ਲਿਆ; ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਕੰਠ ਸੀ; ਇਕ ਦਿਨ ਵਿੱਚ ੫੦੦੦ ਲੋਕਾਂ ਨੂੰ ਅੰਮ੍ਰਿਤ ਛਕਾਇਆ; ਮੁੱਖ ਮੰਤਰੀ ਦੀ ਕੁਰਸੀ ਤਿਆਗੀ; ਹਿੰਦੂਆਂ ਦੇ ਮੰਦਰ ਬਣਾਏ; ੯੨% ਤਕ ਪਹੁੰਚੀ ਕੈਂਸਰ ਦੀ ਬਿਮਾਰੀ ਵਾਲੇ ਹਿੰਦੂ ਬੱਚੇ ਨੂੰ ਠੀਕ ਕੀਤਾ……”। (ਨੋਟ:-ਇਹ ਬੇਤੁਕੇ ਤੇ ਬੇਹੂਦਾ ਬਿਆਨ ਨਿਰੋਲ ਗੁਰਮਤਿ ਨੂੰ ਸਮਰਪਿਤ “ਸਿੱਖ ਮਾਰਗ” ਦੇ ਮਿਆਰ ਦੇ ਨਾ ਹੋਣ ਕਾਰਣ ਸੰਪਾਦਕ ਨੇ ਉਸੇ ਦਿਨ ਹਟਾ ਦਿੱਤੇ ਸਨ।)
ਉਪਰੋਕਤ ਕੂੜ-ਕਹਾਣੀਆਂ ਵਿੱਚ ਨਾ ਤਾਂ ਸੱਚੇ ਸੰਤ ਵਾਲਾ ਕੋਈ ਲੱਛਣ ਦਿਖਾਈ ਦਿੰਦਾ ਹੈ ਅਤੇ ਨਾ ਹੀ ਇਨ੍ਹਾਂ ਵਿੱਚ ਗੁਰਮਤਿ ਦਾ ਕੋਈ ਅੰਸ਼ ਨਜ਼ਰ ਆਉਂਦਾ ਹੈ!! ਇਸ ਦੇ ਬਾਵਜੂਦ ਵੀ ਉਕਤ ਗਪੌੜ ਛੱਡਣ ਵਾਲਾ ਕੁਫ਼ਰਗੋ ਗਪੌੜੀ ਝੂਠਾ ਦਾਅਵਾ ਕਰ ਰਿਹਾ ਹੈ ਕਿ ਉਸ ਦਾ, “ਟਕਸਾਲ ਜਾਂ ਧੜੇ ਨਾਲ ਕੋਈ ਸੰਬੰਧ ਨਹੀਂ…”। ਅਤੇ, “ਮੈਂ ਸਿਰਫ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਗੁਰੂ ਮੰਨਦਾ ਹਾਂ”!!!
ਜੈਨਰਲ ਬਰਾੜ ਦੇ ਨਾਮ ਹੇਠ ਲਿਖੀ ਤੇ ਛਪਵਾਈ ਗਈ ਜਾਅਲੀ ਕਿਤਾਬ ਨੂੰ ਪ੍ਰਕਾਸ਼ਤ ਕਰਨ ਤੇ ਪਰਸਾਰਨ ਦਾ ਪਹਾੜ ਜਿੱਡਾ ਵੱਡਾ ਝੂਠ ਤੇ ਬਜਰ ਪਾਪ “ਗੰਦੇ ਤੇ ਝੂਠੇ” ਲੋਕ ਹੀ ਕਰ ਸਕਦੇ ਹਨ। ਇਹ ਜਾਅਲੀ ਕਿਤਾਬ ਬਾਅਦ ਵਿੱਚ ਕਾਨੂੰਨਨ ਬੈਨ ਕਰ ਦਿੱਤੀ ਗਈ ਸੀ।

2nd August 2017 5:28pm

Gursharn Singh Dhillon (Ajax, Canada)

“ਪੁਤੀ ਗੰਢ ਪਵੈ ਸੰਸਾਰ”--- ਜਸਬੀਰ ਸਿੰਘ ਵੈਨਕੂਵਰ

http://www.sikhmarg.com/2009/0125-putteen-gandh.html

2nd August 2017 4:13pm

Harjit Singh (kapurthala, India)

ਕਿਰਪਾ ਕਰਕੇ ਇਸ ਸਲੋਕ ਦੇ ਅਰਥ ਕਰਕੇ ਦੱਸਣਾ ਜੀ

ਮੇਹਰਬਾਨੀ --- ਇਸ ਵਿੱਚ ਅਰਥ ਕੁਝ ਇਸ ਤਰ੍ਹਾ ਕੀਤੇ ਹਨ ਕਿ

ਜੋਰਾ ਦਾ ਆਖਿਆ ਪੁਰਖ ਕਮਾਵਦੇ ਸੇ ਅਪਵਿਤ ਅਮੇਧ ਖਲਾ ॥ (ਜੋ) ਪੁਰਸ਼ ਰੰਨਾਂ ਦਾ ਆਖਿਆ (ਹੁਕਮ) ਮੰਨਦੇ ਹਨ, ਉਹ ਅਪਵਿਤਰ ਗੰਦੇ ਤੇ ਮੂਰਖ (ਹੁੰਦੇ ਹਨ)।

ਪੂਰਾ ਸ਼ਬਦ ਇਸ ਤਰ੍ਹਾ ਹੈ
ਮਃ ੪ ॥
ਸਾਰਾ ਦਿਨੁ ਲਾਲਚਿ ਅਟਿਆ ਮਨਮੁਖਿ ਹੋਰੇ ਗਲਾ ॥
ਰਾਤੀ ਊਘੈ ਦਬਿਆ ਨਵੇ ਸੋਤ ਸਭਿ ਢਿਲਾ ॥
ਮਨਮੁਖਾ ਦੈ ਸਿਰਿ ਜੋਰਾ ਅਮਰੁ ਹੈ ਨਿਤ ਦੇਵਹਿ ਭਲਾ ॥
ਜੋਰਾ ਦਾ ਆਖਿਆ ਪੁਰਖ ਕਮਾਵਦੇ ਸੇ ਅਪਵਿਤ ਅਮੇਧ ਖਲਾ ॥
ਕਾਮਿ ਵਿਆਪੇ ਕੁਸੁਧ ਨਰ ਸੇ ਜੋਰਾ ਪੁਛਿ ਚਲਾ ॥
ਸਤਿਗੁਰ ਕੈ ਆਖਿਐ ਜੋ ਚਲੈ ਸੋ ਸਤਿ ਪੁਰਖੁ ਭਲ ਭਲਾ ॥
ਜੋਰਾ ਪੁਰਖ ਸਭਿ ਆਪਿ ਉਪਾਇਅਨੁ ਹਰਿ ਖੇਲ ਸਭਿ ਖਿਲਾ ॥
ਸਭ ਤੇਰੀ ਬਣਤ ਬਣਾਵਣੀ ਨਾਨਕ ਭਲ ਭਲਾ ॥੨॥

ਕਿਰਪਾ ਕਰਕੇ ਇਸਦੇ ਸਹੀ ਅਰਥ ਕਰਕੇ ਦੱਸਣਾ ਗੁਰੂ ਪਿਆਰਿਓ, ਧੰਨਵਾਦ

2nd August 2017 4:39am

Gurdeep Singh Baaghi (Ambala, India)

ਵੀਰ ਜੀ ਜਵਾਬ ਸ਼ਬਦ ਵਿੱਚ ਹੀ ਹੈ
ਕਾਮਿ ਵਿਆਪੇ ਕੁਸੁਧ ਨਰ ਸੇ ਜੋਰਾ ਪੁਛਿ ਚਲਾ ॥

2nd August 2017 8:58am

Makhan Singh Purewal (Quesnel, Canada)

ਇਸ ਸ਼ਬਦ ਦੇ ਅਰਥ ਜੋ ਪ੍ਰੋ: ਸਾਹਿਬ ਸਿੰਘ ਜੀ ਨੇ ਕੀਤੇ ਹਨ ਉਹ ਹੇਠਾਂ ਦਿੱਤੇ ਜਾ ਰਹੇ ਹਨ। ਅਰਥਾਂ ਵਿਚਲੀ ਇੱਕ ਪੰਗਤੀ ਵੱਲ ਖਾਸ ਦਿਆਨ ਦੇਣ ਦੀ ਲੋੜ ਹੈ ਜੋ ਕਿ ਇਹ ਹੈ, “(ਭਾਵ, ਆਪਣਾ ਵਜ਼ੀਰ ਜਾਣ ਕੇ ਸਲਾਹ ਨਹੀ ਲੈਂਦੇ, ਸਗੋਂ ਨਿਰੋਲ ਜੋ ਇਸਤ੍ਰੀਆਂ ਆਖਣ ਉਹੀ ਕਰਦੇ ਹਨ)”। ਇਸ ਸ਼ਬਦ ਵਿੱਚ ਕਾਮੀ ਪੁਰਸ਼ ਦੀ ਗੱਲ ਕੀਤੀ ਗਈ ਹੈ। ਜੋ ਕਿ ਕਾਮ ਵਾਸ਼ਨਾ ਦੇ ਅਧੀਨ ਇਸਤਰੀ ਦੀ ਹਰ ਗੱਲ ਮੰਨਣ ਲਈ ਤਿਆਰ ਰਹਿੰਦੇ ਹਨ ਪਰ ਗੁਰੂ ਦੀ ਗੱਲ ਨਹੀਂ ਮੰਨਦੇ। ਗੁਰਬਾਣੀ ਵਿੱਚ ਕਿਤੇ ਵੀ ਵਿਰੋਧਾਭਾਸ ਨਹੀਂ ਹੋ ਸਕਦਾ ਕਿ ਗੁਰੂ ਨੇ ਕਿਤੇ ਇਸਤਰੀ ਦੀ ਸੋਭਾ ਕਰ ਦਿੱਤੀ ਅਤੇ ਕਿਤੇ ਨਿੰਦਿਆ, ਭਾਵ ਕਿ ਘਟੀਆ ਦਰਸਾ ਦਿੱਤਾ।
ਅਰਥ : —ਮਨ ਦੇ ਅਧੀਨ ਹੋਇਆ ਮਨੁੱਖ ਸਾਰਾ ਦਿਨ ਲਾਲਚ ਵਿੱਚ ਲਿੱਬੜਿਆ ਹੋਇਆ (ਨਾਮ ਤੋਂ ਛੁਟ) ਹੋਰ ਹੋਰ ਗੱਲਾਂ ਕਰਦਾ ਫਿਰਦਾ ਹੈ। (ਦਿਨ ਦੀ ਕਿਰਤ-ਕਾਰ ਕਰ ਕੇ ਥੱਕਿਆ ਹੋਇਆ) ਰਾਤ ਨੂੰ ਨੀਂਦਰ ਵਿੱਚ ਘੁੱਟਿਆ ਜਾਂਦਾ ਹੈ, ਉਸ ਦੇ ਸਾਰੇ ਨੌ ਹੀ ਇੰਦਰੇ ਢਿੱਲੇ ਹੋ ਜਾਂਦੇ ਹਨ। (ਇਹੋ ਜਿਹੇ) ਮਨਮੁਖਾਂ ਦੇ ਸਿਰ ਤੇ ਇਸਤ੍ਰੀਆਂ ਦਾ ਹੁਕਮ ਹੁੰਦਾ ਹੈ, ਤੇ ਉਹ ਉਹਨਾਂ ਨੂੰ (ਹੀ) ਸਦਾ ਚੰਗੇ ਚੰਗੇ ਪਦਾਰਥ ਲਿਆ ਕੇ ਦੇਂਦੇ ਹਨ। ਜੋ ਮਨੁੱਖ ਇਸਤ੍ਰੀਆਂ ਦੇ ਕਹੇ ਵਿੱਚ ਟੁਰਦੇ ਹਨ (ਭਾਵ, ਆਪਣਾ ਵਜ਼ੀਰ ਜਾਣ ਕੇ ਸਲਾਹ ਨਹੀ ਲੈਂਦੇ, ਸਗੋਂ ਨਿਰੋਲ ਜੋ ਇਸਤ੍ਰੀਆਂ ਆਖਣ ਉਹੀ ਕਰਦੇ ਹਨ), ਉਹ (ਆਮ ਤੌਰ ਤੇ) ਮਲੀਨ-ਮਤਿ ਬੁਧ-ਹੀਨ ਤੇ ਮੂਰਖ ਹੁੰਦੇ ਹਨ, (ਕਿਉਂਕਿ) ਜੋ ਵਿਸ਼ੇ ਦੇ ਮਾਰੇ ਹੋਏ ਗੰਦੇ ਆਚਰਨ ਵਾਲੇ ਹੁੰਦੇ ਹਨ, ਉਹੋ ਹੀ ਇਸਤ੍ਰੀਆਂ ਦੇ ਕਹੇ ਵਿੱਚ ਹੀ ਤੁਰਦੇ ਹਨ। ਸੱਚਾ ਤੇ ਚੰਗੇ ਤੋਂ ਚੰਗਾ ਮਨੁੱਖ ਉਹ ਹੈ, ਜੋ ਸਤਿਗੁਰੁ ਦੇ ਹੁਕਮ ਵਿੱਚ ਚਲਦਾ ਹੈ। (ਪਰ, ਇਸਤ੍ਰੀ ਜਾਂ ਮਨਮੁਖ ਮਨੁੱਖ ਦੇ ਕੀਹ ਇਖ਼ਤਿਆਰ ? ਸਭ ਇਸਤ੍ਰੀਆਂ ਤੇ ਮਨੁੱਖ ਪ੍ਰਭੂ ਨੇ ਆਪ ਪੈਦਾ ਕੀਤੇ ਹਨ। ਹੇ ਨਾਨਕ ! (ਆਖ ਕਿ) ਹੇ ਪ੍ਰਭੂ ! (ਸੰਸਾਰ ਦੀ) ਇਹ ਸਾਰੀ ਬਣਤ ਤੇਰੀ ਬਣਾਈ ਹੋਈ ਹੈ, ਜੋ ਕੁੱਝ ਤੂੰ ਕੀਤਾ ਹੈ ਸਭ ਭਲਾ ਹੈ। 2.

2nd August 2017 3:26pm

Makhan Singh Purewal (Quesnel, Canada)

ਡਾ: ਦਿਲਗੀਰ ਵਲੋਂ ਪੁਜਾਰੀਆਂ ਨੂੰ ਵੰਗਾਰਨ ਦੀ ਵਧਾਈ
ਭਾਵੇਂ ਕਿ ਡਾ: ਦਿਲਗੀਰ ਨਾਲ ਸਾਡੇ ਕਈ ਗੱਲਾਂ ਬਾਰੇ ਮੱਤਭੇਦ ਹਨ ਅਤੇ ਉਸ ਦਾ ‘ਸਿੱਖ ਮਾਰਗ’ ਨਾਲ ਸੰਬੰਧ ਵੀ ਨਹੀਂ ਹੈ। ਕਿਉਂਕਿ ਹੁਣ ਪਿਛਲੇ 10 ਕੁ ਸਾਲਾਂ ਤੋਂ ਨਵੀਆਂ ਤਕਨੀਕਾਂ ਨੇ ਹਰ ਵਿਆਕਤੀ ਨੂੰ ਆਪਣੀ ਗੱਲ ਕਹਿਣ ਦੀ ਸੁਵਿਧਾ ਪ੍ਰਦਾਨ ਕੀਤੀ ਹੋਈ ਹੈ। ਇਸ ਲਈ ਕੋਈ ਬਹੁਤਾ ਦੂਸਰੇ ਤੇ ਨਿਰਭਰ ਨਹੀਂ ਕਰਦਾ। ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਅਮਰੀਕਾ ਦਾ ਪ੍ਰਧਾਨ ਟਵਿੱਟਰ ਦੇ ਆਸਰੇ ਨਾਲ ਹੀ ਜੋਣ ਜਿੱਤ ਕੇ ਆਪਣਾ ਕੰਮ ਕਰੀ ਜਾ ਰਿਹਾ ਹੈ ਭਾਵੇਂ ਕਿ ਉਸ ਦੀਆਂ ਕਈ ਟਿੱਪਣੀਆਂ ਉਸ ਦੇ ਆਪਣੇ ਹੀ ਵਿਰੁੱਧ ਭੁਗਤ ਸਕਦੀਆਂ ਹਨ। ਕਹਿਣ ਤੋਂ ਭਾਵ ਹੈ ਕਿ ਹੁਣ ਇੱਕ ਦੂਸਰੇ ਤੇ ਬਹੁਤੀ ਨਿਰਭਰਤਾ ਨਹੀਂ ਰਹੀ।
ਡਾ: ਦਿਲਗੀਰ ਨੇ ਮੇਰੇ ਦਿਲ ਦੀ ਗੱਲ ਕੀਤੀ ਹੈ। ਮੈਂ ਵੀ ਇਹੀ ਚਾਹੁੰਦਾ ਸੀ ਕਿ ਕੋਈ ਸ਼ਰੇਆਮ ਇਹਨਾ ਅਖੌਤੀ ਜਥੇਦਾਰਾਂ ਨੂੰ ਵੰਗਾਰੇ। ਜਦੋਂ ਕਾਲੇ ਅਫਗਾਨੇ ਨੂੰ ਛੇਕਿਆ ਗਿਆ ਸੀ ਤਾਂ ਮੈਂ ਉਸ ਨੂੰ ਵੀ ਬਹੁਤ ਸਖਤ ਲਫਜ਼ਾਂ ਵਿੱਚ ਕਿਹਾ ਸੀ ਕਿ ਦੇਖੀਂ ਕਿਤੇ ਵੇਦਾਂਤੀ ਵਰਗੇ ਪੁਜਾਰੀ ਦੇ ਤਰਲੇ ਕਰਨ ਨਾ ਤੁਰ ਪਈਂ। ਪੁਜਾਰੀਆਂ ਦਾ ਸਭ ਤੋਂ ਵੱਡਾ ਹਥਿਆਰ ਹੁੰਦਾ ਹੈ ਕਿ ਪੰਥਕ ਸਟੇਜਾਂ ਤੇ ਬੋਲਣ ਨਾ ਦਿਓ। ਮੈਂ ਉਸ ਨੂੰ ਬਾਰ-ਬਾਰ ਇਹ ਕਿਹਾ ਸੀ ਕਿ ਤੈਨੂੰ ਲੋੜ ਹੀ ਨਹੀਂ ਕਿਸੇ ਸਟੇਜ ਤੇ ਜਾਣ ਦੀ ਕਿਉਂਕਿ ਤੈਨੂੰ ਪੈਨਸ਼ਨ ਆਉਂਦੀ ਹੈ ਤੈ ਕੀ ਲੈਣਾ ਜਾਕੇ ਅਤੇ ਮੁਆਫੀ ਮੰਗ ਕੇ। ਕਿਤਾਬਾਂ ਤੇਰੀਆਂ ਵਿਕੀ ਜਾਣੀਆਂ ਹਨ। ਹੁਣ ਇਹੀ ਗੱਲ ਡਾ: ਦਿਲਗੀਰ ਤੇ ਵੀ ਢੁਕਦੀ ਹੈ। ਭਾਈਬੰਦਾਂ ਅਤੇ ਹੋਰ ਲੋਕਾਂ ਦੇ ਦਬਾ ਥੱਲੇ ਨਹੀਂ ਆਉਣਾ ਚਾਹੀਦਾ। ਉਮੀਦ ਹੈ ਕਿ ਡਾ: ਦਿਲਗੀਰ ਇਸ ਤੇ ਖਰੇ ਉਤਰਨਗੇ।

30th July 2017 5:25pm

Dr Harjinder Singh Dilgeer (Birmingham, UK)

ਮੈਂ ਪੁਜਾਰੀਆਂ ਅੱਗੇ ਪੇਸ਼ ਹੋਣ ਵਾਸਤੇ ਤਿਆਰ ਹਾਂ।

^{ਪਰ ਉਸ ਦਿਨ ਪੇਸ਼ ਹੋਵਾਂਗਾ ਜਿਸ ਦਿਨ ਸੂਰਜ ਜਪਾਨ (ਪੂਰਬ) ਦੀ ਥਾਂ ਅਮਰੀਕਾ (ਪੱਛਮ) ਵੱਲੋਂ ਚੜ੍ਹੇਗਾ।}
(ਡਾ ਹਰਜਿੰਦਰ ਸਿੰਘ ਦਿਲਗੀਰ)

12th August 2017 6:39am

Makhan Singh Purewal (Quesnel, Canada)

ਖਬਰਦਾਰ!

ਜੇ ਕਿਸੇ ਵਿਆਕਤੀ ਨੇ ਇੱਥੇ ਇਨਸਾਨੀਅਤ ਤੋਂ ਗਿਰੇ ਹੋਏ ਸਾਧ ਦੀ ਕੋਈ ਪੋਸਟ ਪਾਈ। ਉਸ ਪੋਸਟ ਨੂੰ ਹਟਾ ਕੇ ਉਸ ਨੂੰ ਬੈਨ ਕਰ ਦਿੱਤਾ ਜਾਵੇਗਾ। ਝੂਠੇ ਸਾਧ ਦੀਆਂ ਝੂਠੀਆਂ ਸਿਫਤਾਂ ਕਰਨ ਵਾਲੇ ਦੁਨੀਆਂ ਤੇ ਹੋਰ ਮਿਰਾਸੀ ਬਥੇਰੇ ਹਨ।

30th July 2017 7:10am

Gurindar Singh Paul (Aurora, US)

ਸ: ਮੱਖਣ ਸਿੰਘ ਜੀ, ਆਪਦੇ ਇਸ ਫ਼ੈਸਲੇ ਦਾ ਸਵਾਗਤ ਹੈ। ਨਿਰਮਾਣ ਸੁਝਾਅ ਹੈ ਕਿ ਗੁਰਮਤਿ ਦੇ ਦੋਖੀ ਸਾਧੜੇ ਦੀ ਫ਼ੈਲਾਈ ਗੰਦਗੀ ਉੱਤੇ ਭਿਣਕਨ ਵਾਲੀਆਂ ਮੱਖੀਆਂ ਨੂੰ ਅੱਗੇ ਤੋਂ ਨਿਰੋਲ ਗੁਰਮਤਿ ਨੂੰ ਸਮਰਪਿਤ “ਸਿੱਖ ਮਾਰਗ” ਦੇ ਨੇੜੇ ਨਾ ਭਿਣਕਨ ਦਿੱਤਾ ਜਾਵੇ! ਉਂਞ, ਆਪ ਨਾਲ ਹੋਈ ਅਸੱਭਿਅ ਤੇ ਅਣਸੁਖਾਂਵੀਂ ਬਹਿਸ ਨੇ ਆਪਦੇ ਲੇਖ ਦੇ ਸਿਰਲੇਖ ਵਿੱਚ ਵਰਤੇ ਵਿਸ਼ੇਸ਼ਣਾਂ, “ਝੂਠੇ ਤੇ ਗੰਦੇ”, ਨੂੰ ਸੱਚ ਸਾਬਤ ਕਰ ਦਿੱਤਾ ਹੈ। ਆਪ ਨਾਲ ਕੀਤੀ ਬੇਹੂਦਾ ਬਹਿਸ ਵਿੱਚ ਵਿਪੱਖੀ ਨੇ ਰੱਜ ਕੇ ਝੂਠ ਬੋਲ਼ਿਆ ਤੇ ਗੰਦ ਘੋਲਿਆ ਹੈ। ਇਹ ਝੂਠੇ ਤੇ ਗੰਦੇ ਲੋਕ ‘ਸਾਧ’ ਦੀ ਤਾਬੇਦਾਰੀ ਦੀ ਜਦੋਂ ਸਹੁੰ ਚੁੱਕਦੇ ਹਨ ਤਾਂ ਕਹਿੰਦੇ ਹਨ, “ਮੈਂ……ਕੋ ਹਾਜ਼ਿਰ-ਨਾਜ਼ਿਰ ਜਾਣ ਕਰ ਸ਼ਪਤ ਲੇਤਾ ਹੂੰ ਕਿ ਮੈਂ ਜੋ ਕੁੱਛ ਭੀ ਕਹੂੰਗਾ, ਝੂਟ ਕਹੂੰਗਾ ਔਰ ਝੂਟ ਕੇ ਸਿਵਾ ਕੁਛ ਨਹੀਂ ਕਹੂੰਗਾ!”

30th July 2017 9:47am

Sarbjit Singh (sacramrnto, US)

ਸ: ਮੱਖਣ ਸਿੰਘ ਜੀ, ਮੈਂ ਆਪ ਜੀ ਇਸ ਫ਼ੈਸਲੇ ਨਾਲ ਸਹਿਮਤ ਹਾਂ।

30th July 2017 11:25am

Gurdeep Singh Baaghi (Ambala, India)

https://www.youtube.com/watch?v=7YY953erLZA

29th July 2017 8:45pm

Makhan Singh Purewal (Quesnel, Canada)

‘ਸਿੱਖ ਮਾਰਗ’ ਦੇ ਪਾਠਕ ਸੱਜਣੋਂ ਇਹ ਤਾਂ ਤੁਸੀਂ ਜਾਣਦੇ ਹੀ ਹੋ ਕਿ ਮੱਖਣ ਸਿੰਘ ਪੁਰੇਵਾਲ ਕੌਣ ਹੈ ਅਤੇ ਇਸ ਦਾ ਇਸ ਸਾਈਟ ਨਾਲ ਕੀ ਸੰਬੰਧ ਹੈ। ਪਹਿਲਾਂ ਤੁਸੀਂ ਇਸ ਤੋਂ ਥੱਲੇ ਵਾਲੀ ਪੋਸਟ ਪੜ੍ਹ ਲਓ ਤਾਂ ਕਿ ਗੱਲ ਛੇਤੀਂ ਸਮਝ ਆ ਸਕੇ। ਮੇਰੇ ਵਿਚਾਰਾਂ ਬਾਰੇ ਵੀ ਤੁਸੀਂ ਸਾਰੇ ਚੰਗੀ ਤਰ੍ਹਾਂ ਜਾਣਦੇ ਹੋ ਜਿਹੜੇ ਕਿ ਮੈਂ ਆਪਣੀਆਂ ਲਿਖਤਾਂ ਰਾਹੀਂ ਸਪਸ਼ਟ ਕਰਦਾ ਰਹਿੰਦਾ ਹਾਂ। ਇਹ ਜਰੂਰੀ ਨਹੀਂ ਕਿ ਤੁਸੀਂ ਸਾਰੇ ਮੇਰੇ ਵਿਚਾਰਾਂ ਨਾਲ ਸਹਿਮਤ ਹੋਵੋਂ ਜਾਂ ਮੈਂ ਤੁਹਾਡੇ ਵਿਚਾਰਾਂ ਨਾਲ ਸਹਿਮਤ ਹੋਵਾਂ। ਪੰਜਾਬ ਦੇ ਧਾਰਮਿਕ ਅਤੇ ਖਾਸ ਤੌਰ ਤੇ ਬਹੁਤੇ ਸਿਆਸੀ ਮਸਲੇ ਜਿਹੜੇ ਵੀ ਹਨ ਉਹਨਾ ਬਾਰੇ ਵੀ ਹਰ ਇੱਕ ਦੇ ਵਿਚਾਰ ਵੱਖਰੇ ਹੋ ਸਕਦੇ ਹਨ। ਇਸ ਵੇਲੇ ਸਭ ਤੋਂ ਵੱਡਾ ਮੁੱਦਾ ਪਾਣੀਆਂ ਦਾ ਹੈ। ਹੁਣ ਜੇ ਕਰ ਇਕੱਲੇ ਪਾਣੀ ਦੀ ਗੱਲ ਹੀ ਕਰੀਏ ਤਾਂ ਇਕੋ ਧਰਮ ਨੂੰ ਮੰਨਣ ਵਾਲੇ ਸਿੱਖਾਂ ਦੇ ਵਿਚਾਰ ਵੀ ਇੱਕ ਨਹੀਂ ਹੋ ਸਕਦੇ। ਹਰਿਆਣਾ, ਦਿੱਲੀ ਅਤੇ ਰਾਜਸਥਾਨ ਦੇ ਸਿੱਖਾਂ ਦੇ ਵਿਚਾਰ ਪੰਜਾਬ ਦੇ ਸਿੱਖਾਂ ਨਾਲੋਂ ਵੱਖਰੇ ਹੋਣਗੇ। ਇਸੇ ਤਰ੍ਹਾਂ ਅਕਾਲੀਆਂ ਅਤੇ ਭਿੰਡਰਾਂ ਵਾਲੇ ਸਾਧ ਬਾਰੇ ਵੀ ਵੱਖਰੇ ਵੱਖਰੇ ਸਿੱਖਾਂ ਦੇ ਵੱਖਰੇ ਵਿਚਾਰ ਹਨ। ਆਮ ਬਹੁਤੇ ਸਿੱਖ ਭਿੰਡਰਾਂ ਵਾਲੇ ਸਾਧ ਨੂੰ ਠੀਕ ਕਹਿੰਦੇ ਹਨ ਅਤੇ ਬਾਕੀ ਸਾਰਿਆਂ ਨੂੰ ਗਲਤ, ਖਾਸ ਕਰਕੇ ਸਰਕਾਰਾਂ ਨੂੰ। ਪਹਿਲਾਂ ਮੈਂ ਵੀ ਇਸੇ ਤਰ੍ਹਾਂ ਦੇ ਵਿਚਾਰ ਰੱਖਦਾ ਸੀ ਪਰ ਜਦੋਂ ਗੁਰਬਾਣੀ ਅਤੇ ਹੋਰ ਸਾਰੇ ਪੱਖਾਂ ਦੀ ਵਿਚਾਰ ਕੀਤੀ ਤਾਂ ਮੇਰੇ ਵਿਚਾਰਾਂ ਵਿੱਚ ਤਬਦੀਲੀ ਆਈ। ਇਹ ਕੋਈ ਤਿੰਨ ਦਹਾਕੇ ਤੋਂ ਵੀ ਵੱਧ ਸਮੇਂ ਦੀ ਗੱਲ ਹੈ ਜਦੋਂ ਤੋਂ ਮੈਂ ਸਰਕਾਰ ਦੇ ਨਾਲ ਭਿੰਡਰਾਂ ਵਾਲੇ ਸਾਧ ਨੂੰ ਵੀ ਬਰਾਬਰ ਦਾ ਦੋਸ਼ੀ ਮੰਨਦਾ ਹਾਂ। ਅਨੁਪਾਤ ਭਾਵੇਂ ਥੋੜਾ ਵੱਧ ਘੱਟ ਕਰ ਲਓ। ਸਰਕਾਰਾਂ ਫਿਰਕਾ ਪ੍ਰਸਤੀ ਫੈਲਾ ਕੇ ਵੱਧ ਤੋਂ ਵੱਧ ਵੋਟਾਂ ਲੈਣੀਆਂ ਚਾਹੁੰਦੀਆਂ ਹੁੰਦੀਆਂ ਹਨ ਅਤੇ ਜੇ ਕਰ ਆਪਣੇ ਆਪ ਨੂੰ ਧਾਰਮਿਕ ਕਹਾਉਣ ਵਾਲੇ ਵੀ ਉਸੇ ਤਰਹਾਂ ਦੇ ਫਿਰਕਾ ਪ੍ਰਸਤ ਬਣ ਜਾਣ ਤਾਂ ਸਮਝ ਲਓ ਕਿ ਸਰਕਾਰਾਂ ਦਾ ਕੰਮ ਸੌਖਾ ਹੋ ਗਿਆ। ਸਿਆਣਾ ਲੀਡਰ ਤਾਂ ਉਹੀ ਗਿਣਿਆਂ ਜਾਂਦਾ ਹੈ ਜਿਹੜਾ ਕਿ ਘੱਟ ਤੋਂ ਘੱਟ ਨੁਕਸਾਨ ਕਰਵਾ ਕੇ ਵੱਧ ਤੋਂ ਵੱਧ ਪ੍ਰਾਪਤੀ ਕਰਕੇ ਦਿਖਾਵੇ। ਜੇ ਕਰ ਹਜ਼ਾਰਾਂ/ਲੱਖਾਂ ਲੋਕ ਮਰਵਾ ਕੇ ਵੀ ਪ੍ਰਾਪਤੀ ਕੁੱਝ ਵੀ ਨਾ ਹੋਵੇ ਤਾਂ ਸੋਚਣਾ ਬਣਦਾ ਹੈ ਕਿ ਤੁਹਾਡੀ ਆਪਣੀ ਵੀ ਕੋਈ ਗਲਤੀ ਤਾਂ ਨਹੀਂ ਹੈ। ਉਂਜ ਵੀ ਪੰਜਾਬ ਦੇ ਬਹੁਤੇ ਮੁੱਦੇ ਸਿਆਸੀ ਹਨ ਅਤੇ ਇਹ ਸਿਆਸੀ ਲੋਕਾਂ ਵਲੋਂ ਹੀ ਹੱਲ ਕੀਤੇ ਜਾ ਸਕਦੇ ਹਨ। ਪਾਣੀਆਂ ਦਾ ਕੇਸ ਭਾਵੇਂ ਹੁਣ ਸਪਰੀਮ ਕੋਰਟ ਵਿੱਚ ਹੈ ਪਰ ਇਸ ਬਾਰੇ ਅਵਾਜ਼ ਉਠਾਉਣ ਦਾ ਜਿਆਦਾ ਫਰਜ਼ ਤਾਂ ਰਾਜਸੀ ਲੋਕਾਂ ਦਾ ਬਣਦਾ ਹੈ ਅਤੇ ਕਈ ਇਸ ਫਰਜ਼ ਨੂੰ ਨਿਭਾਂਉਂਦੇ ਵੀ ਹਨ। ਆਮ ਪਾਰਟੀ ਵਲੋਂ ਚਣੇ ਗਏ ਧਰਮਵੀਰ ਗਾਂਧੀ ਵੀ ਪਾਣੀਆਂ ਦੇ ਮੁੱਦੇ ਤੇ ਪੰਜਾਬ ਦੇ ਹੱਕ ਵਿੱਚ ਮੀਡੀਏ ਵਿੱਚ ਆਪਣੀ ਅਵਾਜ਼ ਉਠਾ ਚੁੱਕੇ ਹਨ। ਮੈਨੂੰ ਨਹੀਂ ਪਤਾ ਕਿ ਉਹ ਕਿਸੇ ਧਰਮ ਨੂੰ ਮੰਨਦੇ ਵੀ ਹਨ ਜਾਂ ਨਹੀਂ ਪਰ ਪੰਜਾਬ ਦੇ ਹੱਕਾਂ ਲਈ ਅਵਾਜ਼ ਜਰੂਰ ਹਟਾਉਂਦੇ ਹਨ।
ਆਓ ਹੁਣ ਅਸਲੀ ਗੱਲ ਵੱਲ ਆਈਏ। ਜੂਨ 11, 2017 ਨੂੰ ਮੈਂ ਇੱਕ ਲੇਖ ਲਿਖਿਆ ਸੀ, ‘ਸਿੱਖੋ ਤੁਸੀਂ ਝੂਠੇ ਤੇ ਗੰਦੇ ਲੋਕ ਹੋ’। ਬਹੁਤੇ ਪਾਠਕਾਂ ਨੇ ਉਹ ਲੇਖ ਪੜ੍ਹਿਆ ਹੋਵੇਗਾ। ਜੇ ਕਰ ਕਿਸੇ ਨੇ ਹਾਲੀ ਤੱਕ ਨਹੀਂ ਪੜ੍ਹਿਆ ਤਾਂ ਉਹ ਮੇਰੇ ਲੇਖਾਂ ਵਿੱਚ ਪੜ੍ਹ ਸਕਦਾ ਹੈ, ਉਸ ਦਾ ਲਿੰਕ ਇਸ ਪੋਸਟ ਹੇਠਾਂ ਵੀ ਪਾ ਰਿਹਾ ਹਾਂ। ਬਹੁਤੇ ਪਾਠਕਾਂ ਨੇ ਉਸ ਲੇਖ ਨੂੰ ਸੱਚ ਕਿਹਾ ਸੀ ਅਤੇ ਕੁੱਝ ਇੱਕ ਨੇ ਸਵਾਲ ਵੀ ਪੁੱਛੇ ਸਨ ਅਤੇ ਮੈਂ ਜਵਾਬ ਵੀ ਦਿੱਤੇ ਸਨ। ਹੁਣ ਚਾਰ ਕੁ ਦਿਨ ਪਹਿਲਾਂ ਇੱਕ ਤਕਦੀਰ ਸਿੰਘ ਨਾਮ ਦੇ ਵਿਆਕਤੀ ਨੇ ਉਸ ਲੇਖ ਦੇ ਥੱਲੇ ਕੁਮਿੰਟਸ ਕਰਕੇ ਕੁੱਝ ਸਵਾਲ ਕੀਤੇ ਸਨ। ਮੈਂ ਉਸ ਦੀ ਮਨਸਾ ਤਾਂ ਸਮਝ ਗਿਆ ਸੀ ਪਰ ਫਿਰ ਵੀ ਮੈਂ ਸਲੀਕੇ ਨਾਲ ਜਵਾਬ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ। ਉਸ ਨੇ ਮੈਨੂੰ ਭਾਵੇਂ ਤੂੰ ਕਹਿ ਕੇ ਲਿਖਿਆ ਸੀ ਪਰ ਫਿਰ ਵੀ ਮੈਂ ਪਹਿਲੀ ਵਾਰ ਉਸ ਨੂੰ ਜੀ ਕਹਿ ਕੇ ਲਿਖਿਆ ਸੀ। ਪਰ ਛੇਤੀਂ ਹੀ ਉਹ ਆਪਣੀ ਆਈ ਤੇ ਆ ਗਿਆ ਤਾਂ ਫਿਰ ਮੈਨੂੰ ਵੀ ਉਸੇ ਤਰਹਾਂ ਦੀ ਭਾਸ਼ਾ ਵਰਤਣ ਲਈ ਮਜ਼ਬੂਰ ਹੋਣਾ ਪਿਆ।
‘ਸਿੱਖ ਮਾਰਗ’ ਦੇ ਸਾਰੇ ਰੈਗੂਲਰ ਪਾਠਕਾਂ/ਲੇਖਕਾਂ ਨੂੰ ਇਹ ਪਤਾ ਹੈ ਕਿ ਇੱਥੇ ਛਪਣ ਵਾਲੇ ਹਫਤਾਵਾਰੀ ਲੇਖ ਜੋ ਕਿ ਆਮ ਤੌਰ ਤੇ 5 ਤੋਂ 10 ਤੱਕ ਹੁੰਦੇ ਹਨ। ਕਈ ਵਾਰੀ ਕਿਸੇ ਕਾਰਨ ਕਰਕੇ 10 ਤੋਂ ਵੱਧ ਜਾਂ 5 ਤੋਂ ਘੱਟ ਵੀ ਹੋ ਸਕਦੇ ਹਨ। ਇਹਨਾ ਸਾਰੇ ਲੇਖਾਂ ਵਿਚੋਂ ਸਿਰਫ ਇੱਕ ਲੇਖ ਤੇ ਕੁਮਿੰਟਸ ਪਾਏ ਜਾਂਦੇ ਹਨ। ਕਈ ਵਾਰੀ ਦੋ ਵੀ ਹੋ ਸਕਦੇ ਹਨ ਜਾਂ ਕਿਤੇ ਕਿਤੇ ਕੋਈ ਵੀ ਨਹੀਂ ਹੁੰਦਾ। ਪਰ ਉਂਜ ਕੋਈ ਵੀ ਪਾਠਕ ਕਿਸੇ ਵੀ ਲੇਖ ਬਾਰੇ ਆਪਣੇ ਵਿਚਾਰ/ਕੁਮਿੰਟਸ ਤੁਹਾਡੇ ਆਪਣੇ ਪੰਨੇ ਤੇ ਦੇ ਸਕਦਾ ਹੈ। ਪਾਠਕ ਇਸ ਤਰ੍ਹਾਂ ਕਰਦੇ ਵੀ ਰਹਿੰਦੇ ਹਨ। ਜਿਵੇਂ ਕਿ ਇਸ ਹਫਤੇ ਵੀ ਗੁਰਸ਼ਰਨ ਸਿੰਘ ਨੇ ਕੀਤਾ ਹੈ ਅਤੇ ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ ਤੋਂ ਕੁੱਝ ਸਵਾਲ ਪੁੱਛੇ ਹਨ।
ਤਕਦੀਰ ਸਿੰਘ ਨਾਮ ਦੇ ਵਿਆਕਤੀ ਦਾ ਪਹਿਲਾ ਸਵਾਲ ਹੀ ਇਹੀ ਸੀ ਕਿ ਤੂੰ ਸਿੱਖਾਂ ਵਿਰੁੱਧ ਲਿਖਦਾ ਹੈਂ ਅਤੇ ਉਸ ਦੇ ਥੱਲੇ ਕੁਮਿੰਟਸ ਬੰਦਾ ਕਰਦਾ ਹੈਂ। ਉਸ ਨੂੰ ਮੈਂ ਇਹ ਗੱਲ ਦੋ ਵਾਰੀ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਫਿਰ ਵੀ ਕਹੀ ਜਾਵੇ ਕਿ ਤੂੰ ਆਪ ਮੰਨਦਾ ਹੈਂ ਕਿ ਕੁਮਿੰਟਸ ਬੰਦ ਕਰਦਾ ਹੈਂ। ਉਸ ਲੇਖ ਵਿੱਚ ਮੈਂ ਇੱਕ ਵੀਡੀਓ ਲਿੰਕ ਪਾਇਆ ਸੀ ਜਿਹੜਾ ਕਿ ਕੇ. ਐੱਸ. ਬਰਾੜ. ਦੇ ਨਾਮ ਤੇ ਛਪੀ ਨਕਲੀ ਪੁਸਤਕ ਬਾਰੇ ਸੀ। ਮੇਰਾ ਸੰਬੰਧ ਸਿਰਫ ਉਸ ਨਕਲੀ ਪੁਸਤਕ ਬਾਰੇ ਸੀ ਨਾ ਕਿ ਵੀਡੀਓ ਬਾਰੇ। ਕਿਉਂਕਿ ਵੀਡੀਓ ਨਾ ਤਾਂ ਮੈਂ ਬਣਾਈ ਸੀ ਅਤੇ ਨਾ ਹੀ ਪਾਈ ਸੀ। ਫਿਰ ਵੀ ਮੈਂਨੂੰ ਉਸ ਬਾਰੇ ਸਵਾਲ ਕੀਤਾ ਗਿਆ ਅਤੇ ਮੈਂ ਉਸ ਦਾ ਜਵਾਬ ਦਿੱਤਾ। ਹੁਣ ਇਸ ਪੋਸਟ ਦੇ ਥੱਲੇ ਜਿਹੜੇ ਵਿਆਕਤੀ ਨੇ ਪੋਸਟ ਪਾਈ ਹੈ ਅਤੇ ਲਿਖਿਆ ਹੈ ਕਿ ਮੈਂ ਜਵਾਬ ਨਹੀਂ ਦੇ ਸਕਿਆ। ਪਹਿਲਾਂ ਤਾਂ ਪਾਠਕ ਖੁਦ ਸੋਚਣ ਕਿ ਇਹ ਵਿਆਕਤੀ ਉਹੀ ਤਕਦੀਰ ਸਿੰਘ ਹੈ ਜਾਂ ਕੋਈ ਹੋਰ ਹੈ। ਚਲੋ ਕੋਈ ਨਹੀ, ਇਹ ਵੀ ਕੋਈ ਖਾਸ ਗੱਲ ਨਹੀਂ ਹੈ। ਹੁਣ ਖਾਸ ਗੱਲ ਇਹ ਹੈ ਕਿ ਸਾਰੇ ਪਾਠਕ ਉਹ ਲੇਖ ਪੜ੍ਹਨ ਅਤੇ ਨਾਲ ਹੀ ਸਾਰੇ ਕੁਮਿੰਟਸ ਪੜ੍ਹਨ ਖਾਸ ਕਰਕੇ ਤਕਦੀਰ ਸਿੰਘ ਨਾਲ ਸੰਬੰਧਿਤ। ਫਿਰ ਮੈਂਨੂੰ ਦੱਸਣ ਕਿ ਮੈਂ ਉਸ ਦੇ ਕਿਹੜੇ ਸਵਾਲ ਦਾ ਜਵਾਬ ਨਹੀਂ ਦਿੱਤਾ। ਮੈਂ ਤਾਂ ਆਪਣੇ ਵਲੋਂ ਸਾਰੇ ਜਵਾਬ ਦੇ ਦਿੱਤੇ ਹਨ ਪਰ ਫਿਰ ਵੀ ਜੇ ਕਰ ਕੋਈ ਰਹਿ ਗਿਆ ਹੋਵੇ ਤਾਂ ਜਰੂਰ ਦੇਵਾਂਗਾ। ਹਜਾਰਾਂ ਪਾਠਕਾਂ ਵਿਚੋਂ ਘੱਟੋ ਘੱਟ ਦੋ ਚਾਰ ਪਾਠਕ/ਲੇਖਕ ਜਿਹੜੇ ਇੱਥੇ ਲਿਖਦੇ ਰਹਿੰਦੇ ਹਨ ਅਤੇ ਸਾਰੇ ਉਹਨਾ ਨੂੰ ਜਾਣਦੇ ਹਨ, ਜਰੂਰ ਦੱਸਣ ਕਿ ਕਿਹੜੇ ਸਵਾਲ ਦਾ ਜਵਾਬ ਦੇਣਾ ਰਹਿੰਦਾ ਹੈ, ਮੈਂ ਜਰੂਰ ਦੇਵਾਂਗਾ। ਇਸ ਪੱਖੋਂ ਮੇਰੇ ਨਾਲ ਕੋਈ ਲਿਹਾਜ ਨਾ ਕਰਨ ਪਰ ਉਹ ਰੈਗੂਲਰ ਪਾਠਕ ਹੋਣੇ ਚਾਹੀਦੇ ਹਨ। ਸ਼ਬਦਾਵਲੀ ਉਸੇ ਤਰ੍ਹਾਂ ਦੀ ਵਰਤਣ ਲਈ ਮਜ਼ਬੂਰ ਸੀ। ਉਸ ਲੇਖ ਦਾ ਲਿੰਕ ਹੇਠਾਂ ਦਿੱਤਾ ਜਾ ਰਿਹਾ ਹੈ।
ਧੰਨਵਾਦ।
ਮੱਖਣ ਸਿੰਘ ਪੁਰੇਵਾਲ।
http://www.sikhmarg.com/2017/0611-ganday-lok.html

29th July 2017 4:29pm

ਤਕਦਰ ਸਘ (moga, India)

ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫ਼ਤਹਿ ਆਪ ਸਭ ਨੂੰ ਬੇਹੱਦ ਦੁੱਖੀ ਹਿਰਦੇ ਨਾਲ ਇਸ ਗੱਲ ਪ੍ਰਤੀ ਜਾਣਕਾਰੀ ਦੇ ਹਾਂ ਕਿ ਇਸ website ਦੇ ਇਕ ਲੇਖਕ ਮੱਖਣ ਸਿੰਘ ਪੁਰੇਵਾਲ ਜਿਸ ਦੁਆਰਾ ਲਿਖੇ ਗਏ ਕਈ ਲੇਖਾਂ ਵਿਚ ਉਸ ਨੇ ਭਿੰਡਰਾਂਵਾਲੇ ਤੇ ਉਸ ਦਾ ਸਤਿਕਾਰ ਕਰਨ ਵਾਲੇ ਸਿੱਖਾਂ ਵਿਰੁੱਧ ਕੁੜ ਪਰਚਾਰ ਕਰ ਰਿਹਾ ਹੈ ਮੈਂ ਇਹ ਵੀ ਕਹਾਂਗਾ ਕਿ ਹਰ ਇਕ ਨੂੰ ਆਪਣੇ ਵਿਚਾਰ ਰੱਖਣ ਦਾ ਪੂਰਾ ਹੱਕ ਹੈ ਪਰ ਜੇਕਰ ਦਲੀਲ ਹੀ ਨਹੀਂ ਤੇ ਅਸੀਂ ਨਾ ਸਮਝਾ ਵਾਂਗ ਵਿਵਾਦ ਖੜ੍ਹੇ ਕਰਿਏ ਇਸ ਦਾ ਕੋਈ ਮਤਲਬ ਹੀ ਨਹੀਂ ਨਿਕਲ ਦਾ ਜੇਕਰ ਮੈਂ ਕੁਝ ਗਲਤ ਜਾਂ ਕਿਸੇ ਦਾ ਵਿਰੋਧ ਕਰਾ ਤੇ ਕੋਈ ਮੈਥੋਂ ਜਵਾਬ ਮੰਗੇ ਤੇ ਨਾ ਦੇ ਸਕਾ ਤੇ ਜਵਾਬ ਮੰਗਣ ਵਾਲੇ ਨੂੰ ਗੱਲਤ ਕਹੀ ਜਾਵਾ ਤੇ ਦਲੀਲ ਕੋਈ ਹੋਵੇ ਨਾ ਤੇ ਫਿਰ ਇਹ ਸਿੱਖ ਧਰਮ ਨਹੀਂ ਬ੍ਰਾਹਮਣ ਵਾਦ ਬਣ ਕੇ ਰਹਿ ਜਾਵੇਗਾ ਜਿਸ ਵਿਰੁੱਧ ਗੁਰੂ ਨਾਨਕ ਦੇਵ ਜੀ ਨੇ ਅਵਾਜ ਉਠਾਈ ਸੀ ਜੇਕਰ ਮੈਂ ਗਲਤ ਹਾ ਤਾਂ ਦਲੀਲ ਦੇ ਕੇ ਗੱਲ ਸਿੱਧ ਕਰ ਦੇਵੇ ਜੇਕਰ ਨਹੀਂ ਤਾਂ ਆਪਣੀ ਗਲਤੀ ਮੰਨੇ ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫ਼ਤਹਿ

28th July 2017 6:48pm

Gursharn Singh Dhillon (Ajax, Canada)

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ ਜੀ,
ਸਤਿ ਸ੍ਰੀ ਅਕਾਲ ।
ਆਪ ਜੀ ਦਾ ਲਿਖਿਆ ਲੇਖ “ਨਾਮ ਜਪੀਏ ਕਿਵੇਂ” ਪੜ੍ਹ ਕੇ ਆਪ ਪਾਸੋਂ ਇਹ ਜਾਣਕਾਰੀ ਲੈਣਾ ਚਾਹੁੰਦਾ ਹਾਂ ਕਿ ਜਿਵੇਂ ਆਪਨੇ ਲਿਖਿਆ ਹੈ “ ਅਪਣੇ ਵਾਹਿਗੁਰੂ ਨੂੰ ਸਿਮਰੀ ਜਾਉ ਤਾਂ ਯਮ ਕਦੇ ਨੇੜੇ ਨਹੀਂ ਆਉਂਦਾ। ਰਬ ਦੇ ਸਚੇ ਭਗਤਾਂ ਦੀ ਸੰਗਤ ਵਿਚ ਮਨੁਖ ਹਰੀ ਦੇ ਵਾਸੇ ਪਹੁੰਚਦਾ ਹੈ। ਹਰੀ ਦੇ ਚਰਨ ਕਮਲ ਵਿਚ ਪਹੁੰਚਕੇ ਲੱਖਾਂ ਸੁੱਖ ਬਿਸ਼ਰਾਮ ਮਿਲਦੇ ਹਨ। ਉਸ ਵਾਹਿਗੁਰੂ ਨੂੰ ਜੋ ਦਿਨ ਰਾਤ ਸਿਮਰਦੇ ਹਨ ਗੁਰੂ ਜੀ ਉਸ ਤੋਂ ਕੁਰਬਾਨ ਜਾਂਦੇ ਹਨ। ਸਿਮਰਿ ਸਿਮਰਿ ਸੁਆਮੀ ਪ੍ਰਭੁ ਅਪੁਨਾ ਨਿਕਟਿ ਨ ਆਵੈ ਜਾਮ ॥ਮੁਕਤਿ ਬੈਕੁੰਠ ਸਾਧ ਕੀ ਸੰਗਤਿ ਜਨ ਪਾਇਓ ਹਰਿ ਕਾ ਧਾਮ ॥ ੧ ॥ ਚਰਨ ਕਮਲ ਹਰਿ ਜਨ ਕੀ ਥਾਤੀ ਕੋਟਿ ਸੂਖ ਬਿਸ੍ਰਾਮ ॥ ਗੋਬਿੰਦੁ ਦਮੋਦਰ ਸਿਮਰਉ ਦਿਨ ਰੈਨਿ ਨਾਨਕ ਸਦ ਕੁਰਬਾਨ ॥ ੨ ॥ ੧੭ ॥ ੪੮ ॥ (ਪੰਨਾ ੬੮੨)”
“ ਪ੍ਰੰਤੂ ਇਹ ਵੀ ਲਿਖਿਆ ਹੈ ਵਾਹਿਗੁਰੂ ਦਾ ਨਾਮ ਵਾਰ ਵਾਰ ਜਪਣਾ ਚਾਹੀਦਾ ਹੈ:
ਬਾਰੰ ਬਾਰ ਬਾਰ ਪ੍ਰਭੁ ਜਪੀਐ ॥ (ਪੰਨਾ ੨੮੬)”

ਆਪ ਜੀ ਨੇ ਇਹ ਲੇਖ ਲਿਖਣ ਲਈ “ਵਾਹਿਗੁਰੂ” ਸ਼ਬਦ ਬਾਰੇ ਤਾਂ ਜਾਣਕਾਰੀ ਪ੍ਰਾਪਤ ਕੀਤੀ ਹੋਵੇਗੀ। ਤੁਹਾਡੀ ਜਾਣਕਾਰੀ ਮੁਤਾਬਕ ਅਕਾਲ ਪੁਰਖ ਨੂੰ “ਵਾਹਿਗੁਰੂ” ਨਾਂਅ ਨਾਲ ਜਪਣ ਨੂੰ ਕਿਸੇ ਗੁਰੂ ਨੇ ਆਖਿਆ ਹੈ ? ਜਾਂ ਸਿੱਖ ਧਰਮ ਵਿੱਚ ਅਕਾਲ ਪੁਰਖ ਨੂੰ “ਵਾਹਿਗੁਰੂ” ਸ਼ਬਦ ਨਾਲ ਸੰਬੋਧਨ ਕਦੋਂ ਕਰਨਾ ਚਾਲੂ ਹੋਇਆ ਹੈ ? ਜੇਕਰ ਆਪ ਪਾਸ ਇਸ ਬਾਰੇ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕਰਨੀ ਜੀ; ਧੰਨਵਾਦੀ ਹੋਵਾਂਗਾ ।
------------------------------------------
ਸਤਿਕਾਰ ਯੋਗ ਪਾਠਕੋ, ਸਤਿ ਸ੍ਰੀ ਅਕਾਲ ।
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਚ ਲਿਖੇ ਲਾਵਾਂ ਦੇ ਪਾਠ ਪੰਨਾ 773 ਮਹਲਾ 4 ਬਾਰੇ ਕਿਸ ਲਿਖਤ ਵਿੱਚੋਂ ਜਾਣਕਾਰੀ ਮਿਲ ਸਕਦੀ ਹੈ ਕਿ ਇਹ ਸ਼ਬਦ ਲੜਕੀ ਲੜਕੇ ਦੇ ਵਿਆਹ ਦੀਆਂ ਲਾਵਾਂ ਕਰਨ ਸਮੇਂ ਸਿੱਖਾਂ ਨੇ ਪੜ੍ਹਨਾ ਹੈ ? ਜੇ ਕਿਸੇ ਕੋਲ ਇਸ ਬਾਰੇ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕਰਨ ਦੀ ਖੇਚਲ ਕਰਨੀ ਜੀ ।

26th July 2017 7:30am

Gurdeep Singh (Ambala, India)

ਨਿਰੰਕਾਰੀ ਦੇ ਕਤਲ ਕਾਂਡ ਵਿੱਚ ਦਿੱਲੀ ਹਾਈ ਕੋਰਟ ਦਾ ਫੈਸਲਾ
https://indiankanoon.org/doc/319244/

25th July 2017 8:03pm

Gurdeep Singh Baaghi (Ambala, India)

ਜਰਨੈਲ ਸਿੰਘ ਤੇ ਨਿਰੰਕਾਰੀ ਮੁੱਖੀ ਹਤਿਆਕਾਂਡ

ਵੱਡੇ ਗਿਆਨ ਸਿੰਘ ਦੇ ਕਤਲ ਦੇ ਬਾਦ ਭਾਈ ਰਨਜੀਤ ਸਿੰਘ ਨੇ ਆਤਮ ਸਮਰਪਨ ਕਰ ਦਿੱਤਾ। ਬਹੁਤ ਹੈਰਾਨੀ ਦੀ ਗੱਲ ਹੈ ਕਿ ਜਿਸ ਜਗਹ ਪੁਲਿਸ ਨਹੀ ਜਾਂਦੀ ਸੀ ਉਥੇ ਨਿਰੰਕਾਰੀ ਨੂੰ ਮਾਰਨ ਵਾਲੇ ਦਾ ਕਤਲ ਹੋ ਗਿਆ।

ਇਸ ਗਿਰਫਤਾਰੀ ਤੋਂ ਜਰਨੈਲ ਸਿੰਘ ਅਤੇ ਉਸ ਦੇ ਸਾਥੀ ਬਹੁਤ ਖਫਾ ਹੋ ਗਏ ਤੇ ਉਨ੍ਹਾਂ ਨੇ ਅਕਾਲੀਆਂ ਖਿਲਾਫ ਪਰਚੇ ਵੰਡ ਤੇ ਇਹ ਇਲਜਾਮ ਲਾਇਆ ਕਿ ਲੌਂਗੋਵਾਲ ਨੇ ਉਸ ਨੂੰ ਗਿਰਫਤਾਰ ਕਰਵਾਇਆ ਹੈ ਅਤੇ ੨੭ ਜਨਵਰੀ ੧੯੮੪ ਨੂੰ ਜਰਨੈਲ ਸਿੰਘ ਦੇ ਸਾਥੀਆਂ ਨੇ ਅਕਾਲੀਆਂ ਉਤੇ ਗੋਲੀ ਵੀ ਚਲਾਈ ਉਹ ਵੀ ਦਰਬਾਰ ਸਾਹਿਬ ਦੀ ਹਦ ਅੰਦਰ।

ਇਸ ਗਿਰਫਤਾਰੀ ਦੇ ਬਾਦ ਸਬ ਤੋਂ ਜਿਆਦਾ ਨੁਕਸਾਨ ਜਰਨੈਲ ਸਿੰਘ ਨੂੰ ਹੋਇਆ ਜਿਸ ਨੂੰ ਲੋਕ ਨਿਰੰਕਾਰੀ ਦੇ ਖਿਲਾਫ ਹੀਰੋ ਦੀ ਤਰਹਾਂ ਵੇਖਦੇ ਸਨ ਤੇ ਇਹ ਗੱਲ ਸਾਮ੍ਹਣੇ ਆ ਗਈ ਕਿ ਇਸ ਵਿੱਚ ਉਸ ਦਾ ਕੋਈ ਰੋਲ ਨਹੀ ਸੀ ਸਿਰਫ ਭਾਸ਼ਨ ਦੇਣ ਤੋਂ ਸਿਵਾ। ਭਾਸ਼ਨਾ ਵਿੱਚ ਜਰਨੈਲ ਸਿੰਘ ਨਿਰੰਕਾਰੀ ਨੂੰ ਮਾਰਨ ਵਾਲੇ ਨੂੰ ਸੋਨੇ ਨਾਲ ਤੋਲਣ ਦਾ ਦਾਵਾ ਕਰਦਾ ਸੀ ਤੇ ਭਾਈ ਰਨਜੀਤ ਸਿੰਘ ਨੇ ਉਸ ਨੂੰ ਤਾਨਾ ਵੀ ਮਾਰੀਆ ਸੀ 'ਸੋਨੇ ਨਾਲ ਨਹੀ ਸੀ ਗੰਡੀਆ ਨਾਲ ਹੀ ਤੋਲ ਦੇ'।

ਜਰਨੈਲ ਸਿੰਘ ਦੇ ਭਾਸ਼ਨ ਵੀ ਭਾਈ ਰਨਜੀਤ ਸਿੰਘ ਦੇ ਮੁੱਕਦਮੇ ਵਿੱਚ ਉਸ ਦੇ ਖਿਲਾਫ ਭੁਗਤੇ ਤੇ ਅਦਾਲਤ ਨੇ ਜਰਨੈਲ ਸਿੰਘ ਨੂੰ ਲੋਕਾਂ ਨੂੰ ਉਕਸਾਉਣ ਦਾ ਦੋਖੀ ਪਾਇਆ।

ਇਹ ਗਲਤ ਤੱਥ ਹੈ ਕਿ ਜਰਨੈਲ ਸਿੰਘ ਖਿਲਾਫ ਕੋਈ ਮੁੱਕਦਮਾ ਨਹੀ ਹੈ, ਹਾਈਕੋਰਟ ਨੇ ਜਰਨੈਲ ਸਿੰਘ ਨੂੰ ਦੋਖੀ ਪਾਇਆ ਹੈ।

ਗੁਰਦੀਪ ਸਿੰਘ ਬਾਗੀ

22nd July 2017 11:46pm

Makhan Singh Purewal (Quesnel, Canada)

ਸ: ਗੁਰਦੀਪ ਸਿੰਘ ਬਾਗੀ ਜੀ,
ਕਾਫੀ ਦੇਰ ਬਾਅਦ ਆਪ ਜੀ ਦੇ ਵਿਚਾਰ ਪੜ੍ਹਨ ਨੂੰ ਮਿਲੇ ਹਨ। ਇਸ ਲਿਖਤ ਦੀ ਪਹਿਲੀ ਲਾਈਨ, ਗਿਆਨ ਸਿੰਘ ਦੇ ਕਤਲ ਬਾਰੇ ਕੁੱਝ ਹੋਰ ਵਿਸਥਾਰ ਨਾਲ ਦੱਸਣ ਦੀ ਖੇਚਲ ਕਰੋਂਗੇ?
ਧੰਨਵਾਦ।

24th July 2017 1:45pm